楓子珈琲

营业中

休息中

巳多次光顧的深水埗昭和風咖啡店近來推出了70%黑朱古力布朗尼巴斯克蛋糕第一層淡忌廉中和了朱古力的甜味第二層巴斯克朱古力味香濃，與芝士味很搭第三層布朗尼朱古力味極醇厚真是一件口感層次豐富，誠意滿滿，很出色的蛋糕！由於餐廳不定期更換蛋糕款式，想吃的話要盡快過去呢！

假日兩個女仔外出走走，黎到氣氛感滿滿嘅楓子咖啡。店舖外觀同內在裝潢風格很一致，很喜歡木質調，令人感覺很舒適今次嘗試左明太子意粉，意粉本身有煙韌感好好食，明太子醬很濃郁但不過咸，整理都是水準以上。甜品方面焦糖巴斯克蛋糕，外層焦脆，內裡creamy，令人一試難忘。而斑蘭椰子戚風也做得很出色，香味令人食慾大增，味道偏向椰子風，蛋糕體很鬆軟，下次到訪再想試埋其他口味。店舖飲品亦有梳打或咖啡選擇，滿足到唔同朋友嘅需要。

成個環境擺設都好復古，碗碗碟碟都好靚，真係好啱同閨蜜一齊打卡！👯‍♀️虎蝦喇沙意粉（$158），虎蝦大大隻好彈牙，喇沙醬汁又好濃郁，同意粉意外地夾💕明太子蟹肉意粉（$138），醬汁好Creamy都幾掛汁，可以食到啖啖蟹肉🥰，不過明太子味唔算好出～白桃檸檬梳打（$55），白桃肉滿滿，唔係好甜，好清新的感覺～😎焦糖布蕾巴斯克蛋糕（$68），呢個真係大推，好高質！芝士好濃郁，配上焦糖布蕾多重口感，甜而不膩～😋但價錢真係有啲貴～

🍝明太子蟹肉意粉 $138入邊有蟹籽少少明太子，同埋好少嘅蟹肉，食落去係Creamy嘅，但係忌廉奶香味唔算好重，整體係比較鹹少少，普通。🍝虎蝦喇沙意粉 $158喇沙反而好食啲，比較鹹辣恰到好處 唔會太辣 蝦都有三隻都係爽口彈牙。🍰焦糖布蕾巴斯克芝士蛋糕 $70芝士蛋糕燒到好香脆焦糖係甜甜地，入邊係好Creamy好軟滑，芝士味都夠濃郁，有少少流心！☕️Latte $40咖啡味好濃，幾香滑，唔會太苦澀！推薦指數: 7/10意粉還好，甜品好食，限時90分鐘！

呢間餐廳睇落唔太顯眼，入到去，空間比較細，如果撞正高峰時期可能要等位，今次撞正啱啱好有位😆櫻花蝦豆乳擔擔讚岐湯烏冬（$88）就咁睇賣相已經好滿足，因為表面係鋪滿超級多嘅櫻花蝦🦐擔擔麵醬汁再配埋豆乳非常香濃，食落有少少辣，但配埋一齊非常惹味，係異想唔到咁夾除咗櫻花蝦，烏冬裏面仲有肉碎同埋豆腐，口感豐富😍明太子蟹肉意粉（$138）賣相正正常常，但食落非常creamy，忌廉味超級出！仲要每一啖都有滿滿嘅蟹肉，真係好食到連啲汁都要食埋😚開心果忌廉戚風蛋糕（$68）超鍾意食開心果嘅我覺得呢個蛋糕開心果味唔算好出，不過勝在唔係好甜，同埋蛋糕部份比較多，算係甜而不膩😊📍楓子珈琲 (太子)太子楓樹街5號南楓樓地舖#cafe #九龍美食 #太子美食 #油麻地美食 #alwaysgugu #gugu #hungry #意粉 #美食 #香港美食 #food #hkfood #foodhk #foodie #foodiehk #hkfoodie #bbq #打卡美食 #打卡餐廳 #打卡好去處 #香港打卡 #香港好去處 #coffee #假期好去處 #情侶好去處 #打卡美食 #開心果 #開心果蛋糕 #食好

位於太子 以復古裝修＆楓葉為名嘅Cafe🍁 已經係我第三次幫襯😳 環境雖然唔大 但係裝修設計好復古 窗邊位&梳化位&門外嘅木凳都係打卡嘅好地方🥰食物質素都好好 好適合Weekday同朋友嚟呢度影相&傾計 不過要注意餐廳有人均最低$100消費❕<牛油果蟹肉生吐司>🥑🦀🍞 $108Tea Time食呢種小食就最啱 擺盤又靚 但味道方面就冇咩特別 想打卡影相嘅朋友叫呢個就最啱😳但着重味道嘅朋友 我比較推介 烤雞生吐司🙈<煉乳草莓忌廉戚風蛋糕>🍓🥛🍰 $78香甜嘅士多啤梨+煉奶味忌廉+好鬆軟嘅嘅戚風蛋糕=完美🩷Cake Menu唔係每日都一樣 冬天季節嘅時間 要留意吓有冇士多啤梨味 (⁎⁍̴̛ᴗ⁍̴̛⁎)<開心果忌廉戚風蛋糕>💚🍰 $68開心果味都幾出 又唔會好甜 所有戚風蛋糕都好鬆軟 <Hot Rose Latte >🌹 $45平時Cafe都好少有玫瑰味嘅latte 淡淡嘅玫瑰花香味 同牛奶咖啡都好夾🥰

今次介紹黎間cafe 位於太子楓樹街，餐廳裝修同埋擺設都充滿復古懷舊氣息，雖然位置唔多，但係都幾好坐，打卡一流！✨ 櫻花蝦豆乳擔擔讚岐湯烏冬 $88擔擔麵就食得多擔擔烏冬真係未試過😂 面頭有好多櫻花蝦，佢嘅湯底加入豆乳味道都幾香濃，對於我黎d唔係好食到辣嘅人黎講都應付到！烏冬彈牙又掛湯，幾特別🫶🏻✨ 明太子蟹肉意粉 $138明太子忌廉醬味道香口，非常creamy，每一啖意粉都食到有蟹肉🦀✨ 開心果忌廉戚風蛋糕 $68戚風蛋糕口感鬆軟，加上陣陣開心果嘅香味幾好食，味道唔會太甜💚飲品方面試左杯matcha latte，友人要左杯latte ，味道不過不失👌🏻

Bookmark 咗好耐嘅cafe, 最近見佢新出左個意粉好吸引，即刻同朋友嚟店內環境非常復古，坐位唔會太逼，幾好坐平日不用等位，專登嚟食新出嘅廣島蠔三文籽忌廉意粉！果然無令我失望，好好食！😋三隻大大隻廣島蠔，煎得好香 唔會腥👍🏻另外意粉都好掛汁，成個意粉好開胃5分鐘清碟，係近年來食過最高質嘅意粉！舖頭面積不大，相信佢星期六日一定多人，大家都最好上網book定位！下次會再嚟試佢地嘅蛋糕，聽講都好高質

到達時店員比我地即刻入坐，坐低左就話張枱有人留左，叫我地出去等。等位期間即使有人走都冇比我地入去。之後仲比後來到先嘅人入去。等到唔耐煩問佢出面照坐得唔得， 一句十分鐘之後有人book左，就行開去。白白等左成個鐘，最後嗌杯外賣咖啡繼續照係出面飲算，所謂訂左位嘅客人跟本冇出現。最神奇係期間有四位到左，佢嘅員工竟然會提一枱客用餐時間夠，然後即刻執枱比新到個四位客人…只可以話間鋪跟本唔會理出面等緊嘅人，安唔安排到座位都係睇接待你嘅員工想點就點😮‍💨

我與朋友本來想一起開心去用食，取票時前面已經有3位，於是我們便等，怎知半小時後我們見窗前有一張四人枱，但只坐了二人，於是我們便問為何有2個位不叫票，於是店員解釋，因客人要求不搭枱，ok 我們明白便繼續等！ 怎知過半小時後，我們又問為何有另一張枱又不叫我們，於是店員解釋因有客人已電話預約了，於是各種5分鐘後，我朋友便問佢，咁我們仲要等幾耐，佢在告訴我們還有三張枱是電話預約的，你們仍要繼續等！於是我們便去搵別的餐廳，一間沒有誠意招呼的餐廳，根本一點都不值得去食，完全係浪費人時間的，佢應該係有責任去話俾別人聽前面係有幾張枱係預約的，等人哋自己決定去唔去繼續等唔係要人哋問先話俾人聽！

中秋假期，唔知去邊好，決定帶媽咪嚟體驗一下我平時既快樂，就系去Cafe Chill 住歎咖啡同打卡影靚相！去到大概1點半，重有2張枱，可以直接 Walk in 入座，結果我地後面都即刻有人入座最後一桌，瞬間full左，重要陸續好有人嚟排隊，今次即興無 book 枱，不用等位真系運氣加持！一開始媽媽覺得呢度系後生仔女拍拖既地方，好不解點解我要帶佢嚟，結果好快佢就明白(哈哈)~ 第一碟上既系虎蝦叻沙意粉， 媽媽食左第一啖，就開始讚佢好食，個汁又香濃，啲虎蝦好鮮味，夾埋個汁好好食，啲意粉軟硬度適中… … 睇嚟佢真系好滿意呢個意粉！ 個意粉差不多食左8成，終於上另一個 Main，櫻花蝦豆乳擔擔讚岐烏冬，但因為虎蝦叻沙意粉太好食，媽媽既標準瞬間拉高左好多，對比下烏冬佢話普通啦，我就覺得如果先後順序調轉，可能評價就唔會系普通~ 因為意粉既叻沙汁太濃，食完濃既再食，就會食唔出個豆乳擔擔湯既味道，所以建議食左淡味既 Main 再食濃味既 食完飯再食埋 Cake 做飯後甜品~ 完美既 Ending~ Laksa Pasta with Prawn虎蝦叻沙意粉HK$158  (另收加一服務費)Sakura

開業2年多，難得仍然可以喺呢個市道生存嘅有heart cafe，特別喜歡其懷舊而不失典雅既裝潢，休閑舒適，非常打卡able ᵎᵎᵎ 今次試吓其他菜式，甜品質素比主食更驚喜ᐢ.ˬ.ᐢ✥牛油果蟹肉生吐司 $108賣相及分量精緻，擺盤有心思，淡淡蟹肉，加埋少少Parma Ham鹹香味，有層次，不過蟹肉有殼，扣少少分𖤐ˊ˗ 班蘭咖央椰子戚風蛋糕 $68原本想試開心果，但售罄=·=呢款係另一個signature，斑蘭味夠香，中間忌廉係椰子香味，整體清新唔會膩✥ Rose Latte $45正常發揮，反而咖啡杯較特別，好懷舊、剔透。明白香港物價都係比較貴，不過希望大家有時間都支持下本地小店。

建議假日一定要預約，因為可能要等候30分鐘以上，環境好chill，有黑膠唱片機，好有氛圍感，有最低消費每人$100，建議午餐配蛋糕挺不錯的！💗超推薦這個焦糖布蕾巴斯克芝士蛋糕，脆脆的焦糖配合超creamy 的芝士，一秒置身日本的感覺！超適合打卡的！😋😋其他飲品和主菜也不錯✨✨

在深水埗與太子之間有很多咖啡店這一家舒服小品咖啡店，食物質素唔錯，咖啡味道都幾好這裏有一點英式懷舊的風味，從他們的咖啡杯，以及蛋糕碟和差都可以感受到喜歡打卡的朋友可以到這裏

已到訪第二次，食物仍然保持水準 環境舒服 好適合同朋友過一個下午櫻花蝦豆乳擔擔讚岐湯烏冬 $88面頭好多櫻花蝦！豆乳湯係甜甜辣辣咁，入面有豆腐同肉碎，幾開胃班蘭珈央椰子戚風蛋糕 $68 呢個真係好好味，蛋糕體好鬆軟，忌廉滑同好香班蘭椰子味 ！👍🏻👍🏻Hojicha latte 丸久小山園 $55 用日本丸久小山園焙茶粉，好香濃！👍🏻整體很好，聽住舒服嘅音樂員工有禮 服務也很好，下次會想再嚟試其他食物同蛋糕 ！