林洪記水產

营业中

休息中

老公成日都話好想食九重鮮，咁啱最近留意到林洪記水產新蒲崗新店開幕，就諗都唔諗就話要去了。去到門口，見到門口的易拉架，寫著「招牌九重鮮海鮮火鍋」，已經流緊口水。一入到去，雖然地方唔係好大，但係最吸引我的是隻隻游水海鮮，非常生猛。看看 menu，選擇不算少，但每次點最多可以點 8 款，所以我們點了多款海鮮和肉類。有澳洲龍蝦、大元貝、六頭鮮鮑魚、東風螺、安格斯肥牛…另外，我們還了些可即食的，如魚皮和炒蟹，我們一邊蒸一邊食，加埋消暑凍飲，真係好惹味。話咁快十到咁上下，我們開始食蒸架上的食物，覺得海鮮的肉質真係好嫩。我尤其喜歡龍蝦，因為肉地夠厚又彈牙，最緊要中間有膏的，食到啜哂手指呀~

見開張諗住去試下 第一次去冇book位 滿座冇得食 失望而回 第二次去之前梗係book位啦 終於有得食喇餐廳唔算大一眼望曬 主要分四人枱及二人枱 場內設有大魚缸 養活不同種類的海產 保證海產新鮮 即食即劏一個價錢保證吃到飽 首先點選火鍋湯底 有蕃茄，麻辣及雞湯 三選一 然後職員就會送上指定海鮮盤 食曬之後可以在點餐紙上點選火鍋配料 打完邊爐之後落米食粥揀咗雞湯底 雖然入面咩材料都冇 淨係得煲湯 但係湯底充滿濃濃嘅雞鮮味 配搭海鮮食材有助提升鮮味 餐廳預先安排嘅9種食材 包括海鮮亦有肉類 海鮮洗得好乾淨 見隻鮑魚刷到白雪雪就知咩事啦 龍蝦蝦頭爆膏 肉質爽彈 帶有點點海水味 整體海鮮夠新鮮 味道是鮮甜的其後就係自選火鍋配料時間 食材選擇多樣化 包括一般嘅丸，餃，麵... 亦有肉類，蔬菜類 還有海鮮類提供 喜歡吃海鮮的人 有口福了新鮮魚卜 勁正呀 我真係好鍾意食魚卜 充滿膠質又彈牙 女士必食 對皮膚好呀鮮雞腸 好少地方有得食 雖然唔係咩貴重嘅食材 但係又肥又大嘅雞腸入口即溶 味道又香 真係好吃到不行炸魚皮 味道鹹鮮 浸一浸個湯底即食 依然保留香脆口感東風螺，鯇魚片，安格斯牛...全部都係任點

這間位於新蒲崗的林洪記水產，新開了不久，主打海鮮火鍋，價錢都是廿百多元起，十分豐富。湯底要了花膠雞湯，純湯底沒有餸。海鮮有7款，全部都很新鮮。蜆肉完全無沙，貴妃蚌及扇貝鮮甜。海蝦爽彈，白鱔彈牙鮮甜。鮑魚夠腍。龍蝦非常新鮮，肉質彈牙且鮮甜。每人再有一份雞及牛小排，全部都是靚料，雞肉嫩滑且醃得入味。牛小排肉味濃郁且嫩腍。其他任食配料都有幾十款，蝦滑及黑魚滑是鮮打，比較腍身。雲吞水餃都是自家製，味道不錯。飲品方面，只要加$20就可以任飲啤酒汽水。

之前係長沙灣食過林洪記 知道佢哋嘅海鮮係由香港仔魚市場直送 所以好新鮮😋 最近佢哋搬咗去新蒲崗 主打九重鮮海鮮火鍋任食放題 咁近我 又咁吸引 點可以唔去試吓？😍只需要$258 就可以食到9款食材包括海鮮同指定項目+多款火鍋配料任食😍 如果Like林洪記水產FB/IG 仲可以免費升級至十重鮮🤤 指定海鮮會根據當日香港仔直送新鮮食材決定 我地今日就係澳洲龍蝦(+40) 🦞大扇貝 貴妃蚌同白鱔 再加番薯蜆 游水海蝦🦐 六頭鮑魚 文昌雞件同安格斯牛小排🤤 超級豐富 揀咗花膠雞湯作為湯底 更加可以食得出食材嘅鮮味😋 海鮮入邊我最鍾意一定係澳洲龍蝦 肉質彈牙鮮甜👅 文昌雞醃得好好入味 雞肉好滑👍🏻 安格斯牛小排質素亦都好高 肥瘦適中😍 任點嘅火鍋配料同樣高質 主要推介大家必食既有安格斯肥牛 炸魚皮同即包韭菜餃🥟 肥牛係牛切 好靚 入口即溶🤤 炸魚皮真係非常香脆 少有火鍋店咁出色👍🏻 即包韭菜餃皮薄餡靚 整體來講好抵 值得一試🌟

今次有機會去佢哋新蒲崗嘅新分店試吓佢哋嗰個招牌九重鮮海鮮火鍋———————————我哋揀嘅呢個九重鮮海鮮火鍋（$258）分別有澳洲龍蝦（+$40）、大扇貝、帶子、白鱔、番薯蜆、游水海蝦、六頭鮑魚、文昌雞件、安格斯牛小排同埋我哋都加咗$20任飲汽水（因為如果打邊爐冇得飲嘢飲嘅話，都真係幾辛苦）我哋揀咗要花膠雞湯咁樣就可以食到海鮮最鮮嘅味道😘😘我覺得帶子同埋大扇貝食落去都好新鮮、好清甜🌟🌟之後鮑魚同埋番薯蜆食落去都好有咬口、煙煙韌韌咁樣最後一定要讚嘅係佢哋嘅龍蝦🦞🦞完全係啖啖肉咁樣之後就講吓其他任嗌嘅打邊爐配料啦我自己比較驚喜嘅係佢哋嘅文昌雞件😱😱雖然呢個雞件都真係好多骨但係肉嘅部份食落去真係好滑嫩😋😋跟住嘅安格斯肥牛都真係好出色食落去好入口即溶🤩🤩而且唔會好肥膩Menu上面都有啲係可以任食嘅海鮮我哋就揀咗要白貝、魷魚同埋黃金炒蟹（不過其實我平時好少係打邊爐嘅時候食魷魚🦑🦑）白貝同埋魷魚食落去都好煙韌而黃金炒蟹已經係熟食嚟嘅🦀🦀好新鮮滾熱辣炒起之餘亦都好有鑊氣如果大家都有興趣去試吓嘅話只要Like林洪記水產FB或者IG就可以免費升級至十重鮮‼️‼️鍾意食海鮮嘅你哋不妨去試吓Booking li

响門口貼咗兩個分別（$78,98）午餐個麵有四款海鮮（龍蝦，琵琶蝦，膏蟹，肉蟹）可選一款＜半隻＞。👎入坐點餐後先被通知$78餐只有琵琶蝦，沒有蟹（唔知係咪無貨）。重要如果要揀龍蝦就一定要揀$98嗰個餐（$98餐另有鮑魚）👎麵有：米線，出前一丁，擔擔麵等等可供選擇（擔擔麵不是擔擔麵只是普通拉麵）👍湯底有：花膠雞湯，蕃茄薯仔湯，麻辣湯（湯底不錯）配上大蜆（沙白？🤔），螺，午餐肉，豆卜，芽菜韮菜。👎琵琶蝦，大蜆同螺都新鮮，但有沙同埋琵琶蝦肉質有啲韌總結：無下次