林洪記水產

营业中

休息中

今日黎到新蒲崗人生路不熟，想搵食無頭緒但俾我見到林洪記原來係新蒲崗有新店開張仲有招牌九重鮮海鮮火鍋放題即刻俾佢吸引左入去試下！除左海鮮火鍋，亦有雞煲可以選擇好抵食海鮮火鍋放題有大量食材選擇雞，牛，豬，蔬菜，麵，烏冬等等同埋只要加$20就可升級任飲汽水，啤酒超級抵飲！另外凡Like林洪記水產FB/IG即免費升級至十重鮮 即like即食！一開始有一盤海鮮用蒸既方式，咁樣可以食海鮮會最原汁原味有龍蝦，鮑魚，蜆，大蝦，扇貝全部好新鮮彈牙多汁火鍋配料安格斯肥牛- 油花好靚，肉味重，高質牛肉無誤文昌雞件- 好滑，肉質軟淋墨魚滑-好鮮味，彈牙爽口其他配料都好食食得好滿足！最後店員俾左個booking link我以後都可以book定枱唔驚無位！

今次慶祝屋企人生日，我哋就去左呢間新開嘅海鮮火鍋店，佢地主打有雞煲任食火鍋同蒸海鮮火鍋。我地簡左蒸海鮮火鍋，店員告知當日琵琶蝦冇晒，問我地加唔加人頭費用20元變做龍蝦🦞經討論後，我地決定要。（不好意思，我冇問到唔加錢會點）之後最令人傷心嘅事件出現了🥲。 店員冇撳實水壺，所以係加湯落煲其間倒瀉到周圍都係，兩個屋企人的褲都整濕晒，而我部手機因為係個煲旁都100%命中，好彩抹乾之後仲用到🙂老闆見到立即講唔好意思同幫手清潔，仲俾咗包紙巾我哋。而費用方面就豁免加龍蝦的$20元。真的很有心思🙂..食物方面如圖片中，上咗兩份海鮮盤，有龍蝦，扇貝，蜆肉，鮑魚，蝦，牛肉，雞肉等質素普遍都新鮮，但係要提一提 蜆肉啲肉好瘦，口感不充實。可能餐飯俾個嘅意外影響左心情，大家睇完笑吓就好😂

次次打邊爐冇咩新意，今晚一於食海鮮蒸氣火鍋！朋友之前食過呢間既分店，見開左新鋪向新蒲崗就去試下！不過記得一定要提前預約，因為鋪頭唔算大，得好少位.▪️海鮮火鍋 $258任飲啤酒汽水既話+$20一坐低，姐姐介紹當日餐牌，部分海鮮按時節供應～ 簡好海鮮就會上鍋，食曬之後就可以換火鍋湯底有3款： 蕃茄薯仔湯、四川麻辣湯、花膠雞湯今次叫左雞湯～海鮮就交俾廚房安排～大肉蟹、扇貝、白鱔、番薯蜆、海蝦、鮑魚、雞同牛肉份量十足，扇貝配蒜蓉粉絲，正！.食完海鮮之前就同平時打邊爐一樣，寫紙仔落單～ 食物選擇相比專食火鍋既黎講唔算多，但呢個價錢都值回票價！

網上見倒＄258任食九重鮮蒸海鮮火鍋(後來發現不包括飲品，但可另外加錢任飲)覺得好抵，就黎試下。門口裝修幾日式，算係區內少數裝修企理既餐廳。建議時間安排上要改善，因為上一批遲入，要等左45分鐘才可入座。因為山長水遠來食，就係附近行下等下。店鋪細細間，位置不多，可能人手不多，店員做到踢曬腳，都幾辛苦。頭9款指定食物可火鍋可蒸，本身可選擇龍蝦/蟹/琵琶蝦，可能因為時間太夜，蟹同琵琶蝦已售罄，只得翻龍蝦。另外炒蟹同另外幾款食物亦賣曬，所以想食就要早d到! 值得一讚係海鮮都幾大隻同埋好新鮮，鮑魚上枱仲係郁郁下，龍蝦肉質好有彈性，海鮮整體都好鮮味！不過可能因為海鮮要新鮮即整，所以等候上菜時間比較長，2小時食野時間完畢剛好夠飽，滿足地啟程回家。

行埋個坐一睇，嘩，仲窄過茶餐廳的枱，但係我地係打邊爐，仲要食海鮮，坐左落去起唔到身的那一種窄。 即時想走，但朋友訂了位，一場黎到，比個機會佢。所謂的海鮮可4選1或2選1是沒有的，差不多完全店舖決定，只有加錢升級🙄。 如果你一早話 omakase，我會覺得無問題，但是又話4選1，2選1。個牌明明寫有一人有兩隻藩薯蜆，但只來了一人一隻。 向職員查詢，就話個牌寫得差，你眼望我眼，跟住就走開左。 完！ 🤣 入單 order 打邊爐，第一張單無左影。 原來張紙又無位置寫枱號，我地又唔知枱號，又唔同我地講要寫枱號。 叫左的打邊爐料沒有黎，黎左些無叫，職員唔會同你講原來無貨，就黎其他料頂上 🙄。 咁的服務唔算好囉。職員經常唔戴口罩。 仲見到職員試過唔戴口罩對住個食緊野的客人講野，嘩！ 個心離一離！ 唔會有下次囉。

丫妹係新蒲崗返工, 得知附近新開咗間任食放題, 有雞煲同蒸汽海鮮火鍋選擇, 對於新蒲崗黎講, 比較少有呢類型任食, 近近地今晚食返餐。餐廳新開關係, 地方都很整潔光鮮, 不過二人檯又加個蒸汽鍋, 放食物就迫左d。入座起計2小時任食, +$20/位可升級任飲, 如果唔加, 餐廳都會提供熱開水。我地揀左蒸汽海鮮火鍋, 再加咗$40升級轉龍蝦。店員隨即加入清雞湯於火鍋中, 面層有格for蒸海鮮。店員事前已清楚表明, 用餐時間只有2小時, 如超時會自動每位多附加$80/位先送上海鮮併盤, 龍蝦仔(每位半邊)、鮑魚、蜆肉、貴妃蚌、扇貝、鱔, 伴有文昌雞件、安格斯小牛排。龍蝦仔肉質彈牙, 細味有淡淡鮮味; 鮑魚相對最鮮甜, 蜆肉冇沙, 鱔有鮮味, 不過太過迷你。雞件很嫩。差不多食完海鮮併盤, 就click order 品嚐任食款式, 店員指每次限點8款, 差不多食完可以再入單, 而食物都黎得幾快, 呢個安排都合理, 可接受。拎開層格就開始打邊爐, 湯底味道好清, 少量海鮮款式都有任食, 其中海螺、蝦, 最值得無限encore! 田雞有鮮味, 牛柏葉爽口, 芝士腸咬開有少少芝士爆出, 肥牛很嫩,蟹籽

主打香港仔新鮮直送海鮮🦞🦐當然要黎支持下啦👍🏻個價錢仲相當實惠，環境舒適，用木做主題🪵呢個任食海鮮火鍋🍲$258，平時無3百都唔好旨意有海鮮🤣-招牌九重鮮（澳洲龍蝦🦞、蟶子皇、貴妃蚝、白鱔、番薯蜆🐚、文昌雞件🐔、六頭鮑魚、游水海蝦同安格斯牛小排🐂）-呢個爐頭係電磁爐，食落好安全，雖然係蒸汽鍋但就唔會太熱🔥樓底都高，食得好舒服👍🏻 紙都未填就已經送上呢個無敵新鮮仲札札跳既海鮮拼盤👍🏻以下蒸6️⃣分鐘好停⏰-澳洲龍蝦🦞：肉質彈牙新鮮仲有好多黃色膏😍六頭鮑魚：蒸完之後完全唔會縮水有番咁大隻size，咬落彈牙，去左啲內臟原隻食勁有口感，啖啖肉！以下蒸4️⃣分鐘好停⏰-大扇貝：已經伴有蒜蓉粉絲係底部，蒸完後好鮮甜，可口彈牙🦷蟶子皇：已經貼心地預先𠝹開左，我蒸完完全無縮水！好鮮甜👍🏻番薯蜆🐚：好少可有得食！煮完完全無縮水！好鮮甜😋以下蒸3️⃣分鐘好停⏰-白鱔：⭕️⭕️超級推薦⭕️⭕️已經預先醃好左，食落已經鹹鹹地，好有鮮味👍🏻薄切食落彈牙爽口好正😍游水海蝦🦐：好彈牙一啲都唔會霉，食落肉質夠曬實，督左係竹籤上剝殼好容易🦐以下蒸隨心蒸⏰-文昌雞件🐔：食落似三黃雞，肥美厚厚黃油🧈安格斯牛小排🐂：無試過蒸牛，估唔到牛味咁香濃

早前喺街市食過一間轉係做平靚正海鮮嘅餐廳林洪記終於喺長沙灣搬到黎新蒲崗開分店多咗人認識 越來越多人知道佢好食😋天氣呢排咁熱都冇減退大家食火鍋嘅熱情仲迫爆場 人山人海佢嘅招牌菜就係九重鮮海鮮火鍋（4項自選主食+5項指定海鮮）可以自由選擇唔同嘅湯底 湯底：3㨂1分別有：四川麻辣湯、蕃茄薯仔湯同花膠雞湯 亦都有4項主食，每項各㨂11⃣️琵琶蝦 2⃣️大扇貝 3⃣️貴妃蚌 4⃣️白鱔指定項目有5⃣️款由5⃣️至9⃣️ 分別有番薯蜆、游水海蝦、六頭鮑魚、文昌雞卷同安格斯牛小排 每樣都有指定一份全部上枱嘅海鮮都整得唔錯賣相都吸引 乾淨企理 唔似之前喺街市食到咁有啲濕爹爹嘅感覺用料優質 最重要係夠新鮮！啲龍蝦擺入去花膠雞湯湯底之後都仲郁緊 非常厲害仲有烏冬同埋新鮮蔬菜🥬樣樣有 魚皮、蟹柳同田雞都有得食 同三五知己一齊啤啤佢係最快樂的事！

If you love seafood and hotpot, then you've got to try @lamhungkee_aquaticdevelopmentA fresh seafood platter followed by an all you can eat hotpot menu ( which includes hand cut local beef slices )It's a bit of a local joint, but the quality of ingredients were amazing and honestly very affordable $258.

之前喺長沙灣嗰個街市市政局大廈食過林洪記， 由於食過返尋味一直都好想再去最近得知新蒲崗都開咗~所以一定要去再啦♪ \(^ω^\ )新蒲崗嘅地址喺仁愛街，佢哋嘅門面 好有日式感覺******************************今次揀咗個九重鮮海鮮火鍋，有:大扇貝，帶子， 白鱔， 蕃薯蜆， 游水海蝦， 六頭鮑魚， 文昌雞件， 安格斯小牛扒， 同埋打邊爐梗係要飲汽水㗎喇， 我哋加咗廿蚊任飲汽水┌(★ｏ☆)┘湯底揀咗清湯咁就可以食到海鮮最好嘅味******************************個人認為 帶子同埋大扇貝食落去最新鮮，清甜， 鮑魚 同蕃薯蜆 食落去有咬口煙煙韌韌有口感⁽⁽ଘ( ˊᵕˋ )ଓ⁾⁾值得一提嘅就係佢哋嘅蝦， 上枱嘅時候已經抹好曬切一半畀你， 熟咗輕輕刮開就可以食~講完主菜係時候講下其他配料啦文昌雞件: 喺長沙灣食嘅時候已經要encore幾次， 雖然係多骨但係真係好 滑嫩， 安格斯肥牛更加冇得輸ƪ(˘⌣˘)ʃ入口即溶~ 又唔會覺得肥佢哋喺你坐低嘅時候已經畀定啲醬料你去調， 然後店員會解釋下呢度嘅主打係食乜其他火鍋基本嘅配料佢哋多數都有， 同埋佢哋唔會話

寫住花膠雞湯，但係就無花膠。。。。仆枱話7：00,覆我話ok最後要我等到8：30先入坐食物質素無問題既。服務質素就得一個姐姐走全場。。。眼見到都三張大枱2張四人枱，再加2人枱二張。純粹食食物既海鮮味係唔錯既，因為入既貨真心唔差。希望小店比心機做，處理問題時，麻煩你平心靜氣多d。其實一入去個氣氛已經好差，枱與枱之間己經窄。。。一開始又叫我白等20分鐘。。。因為我扑7：00架麻，無啦啦要我等到8：30條氣超級唔順

好想食海鮮，又想打邊爐，朋友之前食過林洪記水產話唔錯，知道佢地既新蒲崗新店最近開幕，特登去試下佢地既招牌九重鮮海鮮火鍋食完蒸海鮮仲有任食火鍋，好似幾正揀左$258招牌九重鮮2小時任食海鮮火鍋大部份海鮮都係指定項目，例如係鮑魚啊、海蝦啊果d火鍋既任食配料都唔少，仲有少量海鮮例如白貝、脆鯇片加$20可以任飲啤酒汽水，好抵指定項目一大盆，望落去都幾新鮮，海鮮、魚、雞肉、牛肉樣樣齊，不過呢盤係用黎蒸既蒸完既海鮮好鮮味，不過記得睇時間，蒸太耐就老架喇，同埋每次唔好蒸太多款同太多件，因為唔同食物用既時都唔同一邊蒸下食下飲下啤酒好嘆蒸完就到火鍋啦，任點配料張紙有個黃金炒蟹，就諗住點黎試下用炒蟹黎打邊爐點知原來呢個係小食黎，黃金唔係咸蛋黃，係少少辣辣地，好香口最岩送酒另外都點左d配料打邊爐，有白貝、脆鯇片、魷魚、蟹柳、粟米、菜、魚皮等等，食到飽飽

做了媽媽要識得偷時間休息下😌，總於阿B大小小，我可以約下朋友出來啦，傾下計食下嘢.近近地去新蒲崗，轉車回家都方便！我哋今晚食咗開咗無耐嘅 林洪記水產 打邊爐，海鮮邊爐幾平wor, $258/位.「林洪記水產」是林洪記的第2️⃣分店，除咗雞煲，依家更有海鮮火鍋食👍🏻海鮮由香港仔直送.2小時海鮮火鍋任食 晚市供應，叫「招牌九重鮮」.$258/位 會包咗一盤「一次性」海鮮大拼盤👉🏻新鮮澳洲龍蝦/蟹/琵琶蝦👉🏻4款海鮮（6頭鮑魚、海蝦、大扇貝、貴妃蚌）👉🏻外加番薯蜆、文昌雞件、安格斯牛小排、白鱔.拼盤都幾大份，海鮮睇到新鮮，坐低都好快上拼盤，無話要等好耐！.另外有張任食紙可以每次點8款食品，款式都多，紙上仲有其他海鮮可點（不過貴價海鮮想再encore就要加錢啦）、蔬菜、麵、丸、魚滑、蝦滑、餃子都有。係飲品就要另外加錢，可以單支叫或者加$20/位任飲汽水或啤酒打邊爐點可以唔叫嘢飲😂.我同朋友邊食邊傾，都好快2個鐘，食完都幾飽嘅！龍蝦、鮑魚、海蝦唔點醬汁都ok, 好鮮味，食得新出唔係冰鮮貨.蒸完海鮮，我哋就攞走上面蒸盤變打邊爐推介要食墨魚滑，好彈牙！ 鮮蝦雲吞包佳嘅蝦都幾大隻👍🏻..坐位上如果可以鬆動

今次呢嚟到呢一間喺新蒲崗嘅林洪記食佢嘅任食海鮮火鍋！之前呢已經試過佢嘅分店㗎啦，覺得質素唔錯，今次喺新蒲崗呢間新店裝修靚咗，唔再喺熟食市場入面啦。呢間舖頭非常之好生意啊，入到去係滿座㗎。所以一定要提早預約。我哋叫咗招牌九重鮮任食海鮮火鍋。仲可以Like 佢地FB/IG 會免費升級至十重鮮 (送花蚌/大獅蚶）。 叫咗花膠湯底，想清淡啲可以叫呢個重點推介澳洲龍蝦，好大隻啖啖肉。扇貝又大隻又甜。鮑魚都好彈牙。呢幾樣值得encore! 雞件嫩同牛肉無渣。仲有推介佢嘅黃金炒蟹，炒到好出色，蟹殼好脆，夠香口。book咗再打去confirm就唔怕無位啦 懶人傳送門 — https://bit.ly/3inNkmC

話說新蒲崗越來越多不同特色的小店進駐，除了䇄立多年的陳儀興打冷及之前提到的七喜外，最近發現了新開了一間蒸海鮮打邊爐$258兩小時任食放題！蒸海鮮其實同粥底火鍋有異曲同工之妙，都係預先default左數種海鮮給你，分別在於一個係蒸，另一個就用滾水淥。相比下，當然蒸更能食到海鮮的鮮甜！海鮮根據廚師當日最新鮮入貨，當晚我就有1⃣️六頭鮑魚 2⃣️番薯蜆3⃣️白鱔4⃣️貴妃蚌5⃣️六扇貝6⃣️琵琶蝦7⃣️游水海蝦海鮮全部都好新鮮，肉質爽脆鮮甜！而且鮑魚扇貝都好粒，蒸完都冇咩縮水！除左海鮮外，亦有雞件（肉質鮮嫩；媽媽食得出係新鮮雞）及安格斯牛小排當你食完到中途，侍應就會幫你加雞湯，為你之後的打邊爐放題埋下種子。湯底除左雞湯外，亦糅合了剛才蒸海鮮的精華，非常夠味！醬料也不需要用。放題選擇也不少，有雲吞、安格斯肥牛、牛柏葉、雞腸、蝦滑、脆脘片、鮮魷魚都洗得乾淨，沒有雪藏味，證明來貨新鮮。當中有一個熟食，黃金炒蟹，都好惹味！但略嫌有點鹹。如果每位加$20，就可以免費任飲汽水啤酒，都適合三五成群來gathering！但留意餐廳座位有限，記得要訂位喔！💡💡💡💡💡💡💡💡💡💡💡💡💡💡💡💡粥底火鍋就成日試同食，蒸海鮮，仲要只需$258，就