影片
营业时间
今日营业
12:00 - 15:00
17:00 - 23:00
星期一至日
12:00 - 15:00
17:00 - 23:00
以上资料只供参考，请与餐厅确认详情
咁多国家菜系中，日本菜算喺较多食嘅之一，然而，日本菜中，就以日式放题比较少食，大抵无以前咁食得，就好似自助餐都食少咗。最近，有朋友就极力推介呢一间新开嘅放题店「极．大瀛喜」，所以，就趁机同朋友嚟聚一聚狂野哋食番餐。成日话香港饮食业生意唔好，但嚟到真喺好大反差。先讲个环境，地方好大，楼底又高，最欣赏喺间开唔同区域，分为A、B、C、D……朋友嚟到都易揾啲。虽然以金色为主调，有种金碧辉煌之感，但一啲都唔俗气，通道、座位都好阔落，令用餐体验更好。我哋拣食中午，平啲吖嘛，12:00pm开始陆续入座，一区一区坐满，最后，近乎全院满座。星期六、日、假期午市做到5:30pm，我哋食完离开时一样见有人入座。而且，可以食足3小时，够晒时间慢慢叹。餐环境讲咗咁多，顺便介绍埋自助食物区，就晌入门口左边，地方都好大，通道同样阔落，唔怕人撞人。扫视一番，绝对令人花多眼乱，非常多元化，睇相你都见，照顾到唔同年纪层嘅人，包括有30多款冷盘小食、沙律，以及自助餐常见嘅冻海鲜，仲有烧味、炸物、热汤、点心、生果、甜品、雪糕雪条、软雪糕搭多种配料、自助茶啡、果汁、自家制健康饮品，同埋一大柜多到数唔晒嘅饮品。净喺呢个自助区都可以食饱人啦！除咗出面自助食物区之外，呢一款「放题A」可以点嘅食物分类有刺身、创作刺身、串烧、烧物、卷物、军舰、寿司、创作寿司、火炙寿司、炸物、天妇罗、一品料理、煮物、蒸焗铁板烧系列……等等，相信计计埋埋晒有超过百款食物。价钱就分日子、分时段，自行研究研究。如果贪心少少想食多啲贵价菜式，可以选「放题B」，等同「放题A」加多$80，就有近10款特别嘅菜式任点任食，例如：拖罗、北海道带子吞拿鱼蓉鱼籽杯、上汤芝士焗龙虾伊面底、油盐焗奄仔蟹……等等，等阵再分享！扫二维码落单成为趋势，一来减省人手，亦减少人为出错，二来点咗乜可以睇番，一清二楚少咗啲争拗，好老实，今日成餐饭都无漏单，至多有一、两款食物上得较迟。更值得一赞嘅喺，有咩要注意晌单度都温馨提示埋，所以，头2.5小时主要食二维码落单嘢，剩番30分钟，就主攻自助区嘅甜品！饮品喺自助食物推影完相，第一件事就喺顺手攞埋嘢饮，小弟一起手就先试柑桔青柠汁同洛神花柠檬茶，两者都喺自家制，喂！有诚意㖞，前者酸香清新，后者酸爽清香！放题B精选既然选咗「放题B」，第一转就梗喺试晒所有菜式啦，包括：鳕鱼干海胆吞拿鱼蓉Taco、拖罗、火炙A5和牛伴海胆、海胆三文鱼籽亲子杯、北海道带子吞拿鱼蓉鱼籽杯、鲷鱼薄切、鱼籽酱配饼干、上汤芝士焗龙虾伊面底、油盐焗奄仔蟹、皇子糯米乳猪。款款都卖相精致，一啲都睇唔出喺放题出品，同晌日式餐厅食嘅无分别，而且，用料新鲜，食材嘅配搭亦有心思，个人推荐鳕鱼干海胆吞拿鱼蓉Taco、北海道带子吞拿鱼蓉鱼籽杯、火炙A5和牛伴海胆，当然其他都好食，但呢3款晌食材配搭上好有惊喜，味道丰富。刺身、创作刺身食放题，唔易饱肚又较回本，唔使多讲都喺刺身啦，10多款就拣啲少食、又贵价啲，包括松叶蟹脚、大赤虾、蓝鳍吞拿鱼、北海道鲜带子、北寄贝、象拔蚌，师傅更摆得好靓仔，更以冰镇住，绝不马虎。整体食落质素唔错，蟹脚有海水嘅咸鲜味，鱼生鲜味十足，贝类又具咬口，值回票价。另一分类嘅创作刺身，都试咗4款：酒醉鲍鱼、酱油乳山蚝、泰式虎虾及樱桃鹅肝，款款都做得的的骰骰，而且食得出食材高质，味道、口感都上佳。串烧、烧物、炸物再落嚟呢一转就试啲热气嘢，一口气点咗6款大家都最想食嘅：盐烧牛舌、香草烧羊鞍、烧温室甜菠萝、极品金枕头榴梿烧、榴梿炸弹及3.6牛乳脆皮鲜奶。牛舌、羊鞍真喺无得弹，烧得恰到好处，浓浓嘅独有味道，而两款榴梿嘢食，真喺满足到我哋好榴梿之人。冻海鲜食完几轮嘢，又加一堆热气嘢，喺时候回回气，所以，出去自助区拎咗少少冻海鲜𫍲返嚟过过场，估唔到又几唔错㖞，虾肉、螺肉都好爽口鲜甜，而青口口感柔软，唔会好似擦纸胶咁韧。蒸、焗、铁板烧呢个系列其实都好吸引，不过，去到近尾声，真喺食唔落咁多，仲要留肚同甜品搏杀，故此，精选咗3款一试，包括：甘鲷立鳞烧伴黑松露忌廉汁、金银蒜蓉粉丝蒸蛏子皇、川式珍宝生蚝烧。以前食过立鳞烧，专登嗌嚟俾朋友一试，佢大赞好正，鱼鳞脆到不得了，而蛏子鲜甜惹味，生蚝辣而不呛，蚝味够浓。甜品大募集小弟向来都好钟意食甜品，所以，临尾点都要留番两乘空间俾甜品，先试咝二维码落单嘅海燕窝椰汁炖木瓜同法式面包开心果诱惑，前者炖得够火喉，木瓜又腍又甜，加埋椰汁，好润；而后者卖相极具打卡感，面包外脆内软，衬上云呢拿雪糕同开心果酱，绝对喺甜魔诱惑。终极一战喺晌自助区拎番嚟嘅「拼盘」，有Häagen-Dazs雪糕、Dreyer’s雪糕、榴梿雪条、榴梿大福、芒果糯米糍、芝士挞、芝士饼、焗榴梿布甸及蜜瓜软雪糕配Nutella榛子朱古力酱，原来呢部Nutella机暂时喺全港独有，加咗当然好食好多，至于其他甜品，都同样好味，实在大满足。今餐真喺食得称心满意，不单地方大，环境好，食物选择多，供应充满，而且，上菜快，又无漏单，招呼好好，啲店员好有礼。由头领放到尾，除咗我哋嘅食力有番咗上下，点菜策略亦得宜，自知无可能试晒所有嘢，重点出击啲心水菜式，先可以食得咁尽兴！
继续阅读
放题唔易做菜式真系要与时并进同居酒屋睇齐先可以吸引到人否则我去食返居酒屋好过～～荃湾广场新开放题吸引我系全因有 #蓝鳍吞拿鱼 刺身性价比满分寿司款式都叫紧相潮流可以揾到鳕鱼干海胆吞拿鱼蓉taco另外火炙A5和牛伴海胆同拖罗都推荐基本上我主力翻deal嘅都系刺身寿司熟食就深得朋友青睐个人认为有立鳞烧系几惊喜另外盐焗焗奄仔蟹、焗大头虾同花胶蟹黄翅都ok整体我认为放题系食菜式同CP值同埋旨在成餐饭中西日韩泰菜都可能有啱一大班人有唔同口味都可以坐埋一枱
继续阅读
呢间荃湾日式放题系全线首创AB餐制式 只系A餐既价钱加$80就可以升级 更多正野食👍🏻🐟 A餐必食推荐： ► 蓝鳍吞拿鱼刺身 - 油脂分布均匀 入口即化 ► 樱桃鹅肝 - 精致造型搭配冰凉细腻口感 ► 甘鲷立鳞烧 - 鳞片炸得酥脆 黑松露忌廉汁好惹味► 金银蒜蓉粉丝蒸蛏子皇 - 劲大只 蒜香扑鼻🦀 B餐至尊享受： ► 油盐焗奄仔蟹 - 蟹膏爆满 咸香惹味 回本首选► 火炙A5和牛伴鱼子酱 - 鱼子酱同和牛好夹► 鳕鱼干海胆吞拿鱼蓉taco - 脆脆鳕鱼干同鲜甜海胆、吞拿鱼蓉 口感极丰富 大推系自助区除左前菜、点心、甜品、生果之外重点仲有全港独家Nutella酱机‼️热辣流动嘅朱古力酱任唧配雪糕水果都一流 甜品控绝对会沦陷环境比其他分店宽敞 座位舒适 系聚餐嘅好选择 建议提前订位，周末经常爆满❣️
继续阅读
大瀛喜最近喺荃湾开咗新分店，荃湾店系全线第一间有分A/B餐，我哋拣咗B餐，平日午市$348/位，估唔到平日中午都爆场🔥！用手机扫code落单超方便，上菜速度又快。自助区有各式前菜、冷盘海鲜、点心、饮品同甜品，仲有全港独家嘅Nutella酱机任你唧，甜品控必冲！✨必食推介✨💟刺身｜新鲜厚切，松叶蟹脚鲜甜又容易拆肉💟波士顿龙虾🦞｜啖啖肉！虾肉弹牙💟油盐焗奄仔蟹｜爆膏咸香💟鳕鱼干海胆吞拿鱼蓉taco｜超惊喜！脆鳕鱼干配海胆同吞拿鱼蓉，口感丰富又鲜味💟火炙A5和牛｜入口即溶，油脂香💟吉品鲍汁珍宝鲍鱼/ 醉鲍鱼｜鲍鱼爽弹入味💟樱桃鹅肝｜好精致，口感似慕丝好似食紧甜品💟鹅肝多士💟金银蒜蓉粉丝蒸蛏子皇｜蒜香爆棚！蛏子大只💟金汤花胶蟹黄翅｜个汤超浓郁，花胶厚身💟金枕头榴梿烧｜榴梿控天堂！好香甜
继续阅读
最近听朋友讲，荃湾「极」放题有啲唔同，做咗全线第一间分开A餐同B餐嘅分店，话B餐多咗好多独家菜式，就决定去睇下有咩咁特别。我哋拣咗 B餐 ($408/位)，整体食物种类同质素都比平时食开嘅放题有提升今次试咗好多款嘢食，有几样印象比较深🐟 刺身拼盘 & 拖罗寿司刺身系放题嘅灵魂。呢度嘅刺身拼盘都几新鲜，三文鱼切得够厚身，食落有鱼油香；吞拿鱼赤身鱼味浓郁；甜虾亦都爽口鲜甜。特别要赞嘅系 拖罗寿司，鱼肉上嘅油花分布得几靓，放入口唔需要点样用力咬，鱼油嘅甘香就慢慢喺口入面化开，口感好软滑🌮 鳕鱼干海胆吞拿鱼蓉taco呢个系全晚嘅惊喜之一。佢用咗块好香脆嘅鳕鱼干做底，上面装满咗打到好幼滑嘅吞拿鱼蓉、鲜甜嘅海胆同埋咸鲜嘅三文鱼籽。一啖咬落去，鳕鱼干「咔嚓」一声，跟住就系吞拿鱼蓉同海胆嘅软滑口感，味道层次好丰富，非常有创意🍣 海胆军舰 & 精致前菜杯海胆军舰嘅海胆份量足，味道甘甜，冇苦涩或者腥味，食得出系新鲜货。另外几款前菜杯都做得几用心，其中一杯系带子、吞拿鱼蓉配飞鱼子，带子嘅鲜甜、鱼蓉嘅软滑加埋飞鱼子톡톡声嘅口感，几开胃；另一杯三文鱼粒配青瓜亦都好清新🐚 汁煮鲍鱼 & 甘鲷立鳞烧伴黑松露忌廉汁除咗刺身寿司，熟食都唔错。汁煮鲍鱼煮得好腍，但依然保持到弹牙嘅口感，酱汁嘅咸甜味渗晒入鲍鱼入面，好入味。甘鲷立鳞烧个外层炸到好松脆，入面嘅鱼肉仲好滑，配埋面头 creamy 嘅酱汁，味道好夹🌟 B餐独家主打菜式 🌟当然，B餐亦都有 上汤芝士焗龙虾、油盐焗奄仔蟹 同 火炙A5和牛 呢啲重量级选择，用料都几有诚意，钟意食海鲜同和牛嘅朋友应该会好满足🍫 甜品亮点：Nutella朱古力酱机 🍫最后要提一提，自助区有部全港独家嘅Nutella酱机，可以任唧Nutella酱，无论系配雪糕定窝夫都一流，为成餐饭画上一个完美句号。
继续阅读