影片
营业时间
今日营业
12:00 - 15:00
17:00 - 23:00
星期一至日
12:00 - 15:00
17:00 - 23:00
以上资料只供参考，请与餐厅确认详情
咁多国家菜系中，日本菜算喺较多食嘅之一，然而，日本菜中，就以日式放题比较少食，大抵无以前咁食得，就好似自助餐都食少咗。最近，有朋友就极力推介呢一间新开嘅放题店「极．大瀛喜」，所以，就趁机同朋友嚟聚一聚狂野哋食番餐。成日话香港饮食业生意唔好，但嚟到真喺好大反差。先讲个环境，地方好大，楼底又高，最欣赏喺间开唔同区域，分为A、B、C、D……朋友嚟到都易揾啲。虽然以金色为主调，有种金碧辉煌之感，但一啲都唔俗气，通道、座位都好阔落，令用餐体验更好。我哋拣食中午，平啲吖嘛，12:00pm开始陆续入座，一区一区坐满，最后，近乎全院满座。星期六、日、假期午市做到5:30pm，我哋食完离开时一样见有人入座。而且，可以食足3小时，够晒时间慢慢叹。餐环境讲咗咁多，顺便介绍埋自助食物区，就晌入门口左边，地方都好大，通道同样阔落，唔怕人撞人。扫视一番，绝对令人花多眼乱，非常多元化，睇相你都见，照顾到唔同年纪层嘅人，包括有30多款冷盘小食、沙律，以及自助餐常见嘅冻海鲜，仲有烧味、炸物、热汤、点心、生果、甜品、雪糕雪条、软雪糕搭多种配料、自助茶啡、果汁、自家制健康饮品，同埋一大柜多到数唔晒嘅饮品。净喺呢个自助区都可以食饱人啦！除咗出面自助食物区之外，呢一款「放题A」可以点嘅食物分类有刺身、创作刺身、串烧、烧物、卷物、军舰、寿司、创作寿司、火炙寿司、炸物、天妇罗、一品料理、煮物、蒸焗铁板烧系列……等等，相信计计埋埋晒有超过百款食物。价钱就分日子、分时段，自行研究研究。如果贪心少少想食多啲贵价菜式，可以选「放题B」，等同「放题A」加多$80，就有近10款特别嘅菜式任点任食，例如：拖罗、北海道带子吞拿鱼蓉鱼籽杯、上汤芝士焗龙虾伊面底、油盐焗奄仔蟹……等等，等阵再分享！扫二维码落单成为趋势，一来减省人手，亦减少人为出错，二来点咗乜可以睇番，一清二楚少咗啲争拗，好老实，今日成餐饭都无漏单，至多有一、两款食物上得较迟。更值得一赞嘅喺，有咩要注意晌单度都温馨提示埋，所以，头2.5小时主要食二维码落单嘢，剩番30分钟，就主攻自助区嘅甜品！饮品喺自助食物推影完相，第一件事就喺顺手攞埋嘢饮，小弟一起手就先试柑桔青柠汁同洛神花柠檬茶，两者都喺自家制，喂！有诚意㖞，前者酸香清新，后者酸爽清香！放题B精选既然选咗「放题B」，第一转就梗喺试晒所有菜式啦，包括：鳕鱼干海胆吞拿鱼蓉Taco、拖罗、火炙A5和牛伴海胆、海胆三文鱼籽亲子杯、北海道带子吞拿鱼蓉鱼籽杯、鲷鱼薄切、鱼籽酱配饼干、上汤芝士焗龙虾伊面底、油盐焗奄仔蟹、皇子糯米乳猪。款款都卖相精致，一啲都睇唔出喺放题出品，同晌日式餐厅食嘅无分别，而且，用料新鲜，食材嘅配搭亦有心思，个人推荐鳕鱼干海胆吞拿鱼蓉Taco、北海道带子吞拿鱼蓉鱼籽杯、火炙A5和牛伴海胆，当然其他都好食，但呢3款晌食材配搭上好有惊喜，味道丰富。刺身、创作刺身食放题，唔易饱肚又较回本，唔使多讲都喺刺身啦，10多款就拣啲少食、又贵价啲，包括松叶蟹脚、大赤虾、蓝鳍吞拿鱼、北海道鲜带子、北寄贝、象拔蚌，师傅更摆得好靓仔，更以冰镇住，绝不马虎。整体食落质素唔错，蟹脚有海水嘅咸鲜味，鱼生鲜味十足，贝类又具咬口，值回票价。另一分类嘅创作刺身，都试咗4款：酒醉鲍鱼、酱油乳山蚝、泰式虎虾及樱桃鹅肝，款款都做得的的骰骰，而且食得出食材高质，味道、口感都上佳。串烧、烧物、炸物再落嚟呢一转就试啲热气嘢，一口气点咗6款大家都最想食嘅：盐烧牛舌、香草烧羊鞍、烧温室甜菠萝、极品金枕头榴梿烧、榴梿炸弹及3.6牛乳脆皮鲜奶。牛舌、羊鞍真喺无得弹，烧得恰到好处，浓浓嘅独有味道，而两款榴梿嘢食，真喺满足到我哋好榴梿之人。冻海鲜食完几轮嘢，又加一堆热气嘢，喺时候回回气，所以，出去自助区拎咗少少冻海鲜𫍲返嚟过过场，估唔到又几唔错㖞，虾肉、螺肉都好爽口鲜甜，而青口口感柔软，唔会好似擦纸胶咁韧。蒸、焗、铁板烧呢个系列其实都好吸引，不过，去到近尾声，真喺食唔落咁多，仲要留肚同甜品搏杀，故此，精选咗3款一试，包括：甘鲷立鳞烧伴黑松露忌廉汁、金银蒜蓉粉丝蒸蛏子皇、川式珍宝生蚝烧。以前食过立鳞烧，专登嗌嚟俾朋友一试，佢大赞好正，鱼鳞脆到不得了，而蛏子鲜甜惹味，生蚝辣而不呛，蚝味够浓。甜品大募集小弟向来都好钟意食甜品，所以，临尾点都要留番两乘空间俾甜品，先试咝二维码落单嘅海燕窝椰汁炖木瓜同法式面包开心果诱惑，前者炖得够火喉，木瓜又腍又甜，加埋椰汁，好润；而后者卖相极具打卡感，面包外脆内软，衬上云呢拿雪糕同开心果酱，绝对喺甜魔诱惑。终极一战喺晌自助区拎番嚟嘅「拼盘」，有Häagen-Dazs雪糕、Dreyer’s雪糕、榴梿雪条、榴梿大福、芒果糯米糍、芝士挞、芝士饼、焗榴梿布甸及蜜瓜软雪糕配Nutella榛子朱古力酱，原来呢部Nutella机暂时喺全港独有，加咗当然好食好多，至于其他甜品，都同样好味，实在大满足。今餐真喺食得称心满意，不单地方大，环境好，食物选择多，供应充满，而且，上菜快，又无漏单，招呼好好，啲店员好有礼。由头领放到尾，除咗我哋嘅食力有番咗上下，点菜策略亦得宜，自知无可能试晒所有嘢，重点出击啲心水菜式，先可以食得咁尽兴！
继续阅读
大瀛喜开到嚟荃湾店。全线第一间有分a，b餐嘅分别！假如𠮶日有庆祝活动，更可以升级食b餐，奖励一下自己！只有荃湾店独有的菜式，要视乎当天餐厅的qr code, 有机会增减。 A餐蓝鳍吞拿鱼刺身吞拿鱼色泽鲜艳，肉眼可见精致嘅鱼油花纹，食落油香四溢。樱桃鹅肝细细粒，外面系Cherry啫喱皮，内里系鹅肝，入口即溶又不腻。油盐焗大头虾我食咗一打🤣大头虾特别多虾膏，虾肉爽口弹牙，油盐焗的方法，只用盐轻轻调味，最能食到虾的原味。草莓恋人咕噜肉酸甜好吃，又开胃。金汤花胶蟹黄翅女士恩物，估唔到放题都有补品食，花胶都算大块，唔系煲到溶晒，饮多几碗好过饮汽水。甘鲷立鳞烧伴黑松露忌廉汁独特嘅烧鱼技巧，令鱼鳞加热后呈现竖立的效果，食落好香脆，鱼肉嫩滑多汁。金银蒜蓉粉丝蒸蛏子皇蛏子新鲜，肥美又鲜甜，捞埋啲蒜蓉粉丝一齐食系最夹。法式面包开心果诱惑甜品方面，除咗有任食雪糕、雪条，呢款岩晒开心果控，每一口都系浓醇的开心果风味。全港独家嘅nutella酱机在自助区，可以唧落面包/雪糕到～小朋友会兴奋的部分🥰除咗以上重点食物，其他食物五花八门，刺身、寿司、天妇罗、一品料理、串烧、炸物、铁板烧依旧有得食，食到大满足啊
继续阅读
刚开张不久，位于L6楼，环境宽敞过万呎，装修日式简约，坐得舒服，唔似啲细店咁挤迫。呢度系全线第一间有分A、B餐嘅分别，300几蚊一个价，已经可以任食到好多，性价比真系爆灯！一入座，哇，刺身区新鲜到不得了！先嚟咗蓝鳍吞拿鱼刺身，鱼肉厚实弹牙，入口即化，带住淡淡嘅鲜甜，绝对系必点！跟住试咗鳕鱼干蟹肉蟹粉taco，呢个创作菜好特别，鳕鱼干脆口，蟹肉蟹粉鲜香浓郁，夹住taco嘅脆皮，食落去层次分明，感觉好high end，但价钱又平，超值！海鲜部分都劲正，油盐焗大头虾，虾肉弹牙多汁，油盐调味刚好，唔会太咸，焗得香脆；金银蒜蓉粉丝蒸蛏子皇，蛏子皇大只新鲜，蒜蓉粉丝吸咗满满鲜味，蒸得软嫩，食到停唔到口；油盐焗奄仔蟹，小小只但蟹膏蟹黄超丰富，焗法简单但味道浓郁，香港人最爱嘅家常feel。300几蚊食到龙虾，真系好过好多酒店自助餐，酒店𠮶啲往往贵过$500，质素又唔一定咁新鲜，呢度完全胜出！肉类都唔输蚀，火炙A5和牛伴海胆，A5和牛油花丰富，火炙后外脆内嫩，海胆奶油般滑顺，两样配埋简直系天堂组合；拖罗肥美入口溶，油脂香浓，食完一碟即刻想再嚟！另外，自助区有全港独家嘅Nutella酱机，哇，呢个真系亮点！可以自己挤Nutella酱落甜品度，夹住雪糕或水果，甜到心坎里，感觉好玩又创新，唔似传统日式放题咁单调。整体嚟讲，呢间店170款菜式加30款饮品任饮任食，适合家庭或朋友聚餐。300几蚊食到咁多高质日式料理，性价比高到爆，强烈推荐大家去试下，尤其荃湾居民，近在咫尺👍🏻
继续阅读
最近新开的一间日式放题餐厅，本身已经有好几间分店了，这次开新的更将餐牌升级了，比普通的更丰富，更推出了再贵一级的菜单，真的非常极了！而且现上８点半时段，场外都排满了客人，可见人气非常高晚市放题B（３７８元／８：３０后入座）这个套餐比本来的多了５款食物，虽然不多，但对于爱吃这几款的人来说，性价比还是不错的！波士顿龙虾质素不错，肉质弹牙，带点肉汁，而且连虾钳也帮你脱壳了，直接吃就好。油盐焗奄仔蟹味道咸香，蟹黄非常多，味道甘香，蟹肉嫩滑。鱼子酱伴Ａ５和牛薄烧，能吃出真的用上日本和牛，那种油香和嫩滑口感真的假不了，份量还非常足！如果单叫Ａ餐的性价比也是非常高的，重点一定是这个是已经包括了蓝鳍吞拿鱼拖罗可以任吃了，刺身和寿司都有，油脂感十足，不过也看情况，有部分的比较接近中拖罗的，有部分是大拖罗的，所以看运气了，但质素还是挺高的。而且也有很多人喜欢的海胆寿司可以吃，味道鲜甜。另一个必食的，我觉得一定是这里的金银蒜蓉粉丝蒸蛏子皇，外面酒楼逐只收费，这里可以任食就已经完胜了，而且味道还挺不错，能突出蛏子皇的鲜甜味，配上吸饱汤汁的粉丝，真的吃不停！我吃了超过１０只了！当然其他熟食类的质素也不错，很多人喜欢的乳鸽也有提供，油香十足的鹅肝多士，铁板烧常见的立鳞烧也有，超大只的炸桶蚝，镬气十足的炒蟹，爆膏的奶油大头虾等等，感觉变成了中菜放题的感觉了！而外面也有水果，冷盘，熟食，甜品，雪糕可以任拿，最想不到的是连石班也有，而且味道还真不错呢！雪糕更搭配了超邪恶的Nutella酱给你任加，真的是要肥了，但也要继续吃！
继续阅读
荃湾新开张就约埋成班同事一齐去试下我地book左12点呢个时段，去到都见到好多人排队，等左一阵就可以入座。入面环境好大，可以坐到好多人，所以去人流都几快😆✨✨✨✨✨✨✨✨✨✨✨呢间野主要系以刺身同寿司为主，所以烧物就冇咁多选择，同埋佢地有个创作寿司物都几特别。✨✨✨✨✨✨✨✨✨✨✨🍣三文鱼刺身虽然唔系三文鱼腩，但都新鲜好食而呢间放题如果相比起其他放题平时叫第三四轮刺身就会开始唔新鲜但呢间冇呢个情况出现，我地叫左四轮都系好新鲜，所以我觉得几好。✨✨✨✨✨✨✨✨✨✨✨出面都有啲熟食可以自己拎🥣特别推介个虫草鸡汤，个汤好浓味啲同事都refill左几碗。😃呢间野都值得再去 价钱都系$382/位
继续阅读