影片
营业时间
今日营业
12:00 - 23:00
星期一至日
12:00 - 23:00
以上资料只供参考，请与餐厅确认详情
相关文章
千海水产已经bookmark左好耐，今次终于抽到时间同朋友去食。午市3小时任食，时间充裕。店内有养殖池，环境光猛卫生，全部可以任选任捞，职员即场帮你洗干净后，就可以烹煮。活海鲜款式超多，全部都非常生猛。蓝蟹，三点蟹都够大只，食落的肉都好扎实，超鲜美。鲍鱼半只手掌咁大，厚肉弹牙，好鲜甜。花螺亦都好出色，另外仲有大头虾、九节虾，新鲜蚝及多款的蚬，花多眼乱，基本上好易回本。店内亦有澳洲M5和牛， 象拔蚌，花胶等多款火锅配料，而饮品和甜品都有Häagen- Dazs雪糕、生啤等。今日真系好满足，海鲜控一定要黎试下。
继续阅读
喺荃湾食咗个即捞海鲜火锅放题店，火锅店位于荃湾广场B1楼，地方非常大，餐厅主打即捞海鲜任饮任食火锅。自捞海鲜区有多个鱼缸， 有海虾、大头虾，蟹都有3-4种，多款贝类、鲍鱼、东风螺、翡翠螺，仲有白鳝件，而且所有游水海鲜任捞任煮任食，不停补货保持最新鲜状态，拣选海鲜后可交店员清洗处理再煮食。除海鲜外自助区有多款火锅配料选择，亦有即食熟食、点心、甜品、饮品、 häagen-dazs雪糕、 Mövenpick雪糕全部任食。肉类有澳洲M5和牛、美国牛肩胛、澳洲羊肉片、美国猪梅片，M5和牛脂肪唔多肉味浓且有质感。川味烧鲜蚝、蒲烧鳗鱼、烧羊鞍、芝麻鸡翼、鹅肝多士、乳鸽皇、西京烧比目鱼，全部都系必食项目。火锅海鲜食材新鲜，食物选择超级多，一个价钱有海量食物选择，而且味道非常之好，钟意食海鲜系好选择，的确系食得非常满分。
继续阅读
成日听朋友话去千海水产放题新鲜又好味今次卡卡同钟意食海鲜的朋友去大擦一餐最赞的是这里自助捞海鲜区会不停补货‼️实行无限量任捞任煮的海鲜任食自由呀！估唔到的是我眼见有好多桶海鲜等紧刷身当我取完熟食、火锅配料及饮品回座位后拿著号码牌的我到海鲜区已经可以取得到洗海鲜区的哥哥姐姐洗得又干净又快手‼️ 我们班妈妈们拣中午去中午比晚餐长多一小时慢慢食，时间刚好接仔汤底有 9 款之多供选择我们选了清甜椰子鸡锅下次选超吸引龙虾头锅先讲海鲜区有大量新鲜游水海鲜真系好新鲜‼️好新鲜‼️好新鲜‼️虾、蟹、鲍鱼、蚬、翡翠螺、花螺等任君选择每款虾蟹蚬都有不同种类可以选择真系梗有一款有自己喜爱的种类最爱九节虾及大头虾最鲜甜多膏蟹肉鲜嫩细致，朋友大赞好鲜甜鲍鱼新鲜嫩甜，肉质柔软又爽口 另外自助区有不同火锅配料选择必食有花胶、新鲜蚝、帆立贝等必食澳洲M5和牛及美国牛肩胛片更有澳洲羊肉片及美国猪梅肉片拣 就连菜都有超过15款，相中有几款好少见必试炸物必点香脆乳鸽王及芝麻鸡翼爽口盐烧牛舌、大大只川味烧鲜蚝、鹅肝多士、烧香草羊鞍及蒲烧鳗鱼必点‼️甜品除了有一柜甜品、成柜雪糕兼软雪糕仲有海燕窝椰汁炖木瓜及烤榴‼️💁♀️卡卡有个小贴士分享👍就是大家不用一坐低便去取海鲜因为海鲜区员工是会不停补货的所以可先do QR code点下食物先等一下人潮过后才慢慢选取海鲜 今次中午3小时任食海鲜放题大家又食又倾极之大满足呀！下次要带卡佬回访先得🤭不然他又会说我自私食不预他
继续阅读
想试好耐😍 呢度玩「活水海鲜池」，自己拎网捞，仲要全部生猛到跳跳扎！ 蟹：多肉！蟹盖一揭有黄，肉质鲜甜唔霉 大头虾：手掌咁长，头位多膏，渌完仲识弯腰（即系新鲜！） 白蚬+沙白：冇沙！一开始就抢，蚬有好多款鲍鱼：爽口弹牙，唔系橡胶级别 捞完仲有人帮洗，好方便👍🏻🍲 其他必食位1️⃣ 烤榴梿：一上枱成班人尖叫！流心肉，超正2️⃣ 原个木瓜炖雪燕：女士恩物，木瓜好淋又好甜 3️⃣ 火锅料：和牛切得够大块又淋，仲有火锅生蚝 👍 加分位- 海鲜补充快，唔会俾你捞空池 - 环境够阔落，唔会逼到倒泻嘢 - 员工主动换碟，冇黑面
继续阅读
呢间人气爆灯既火锅店，终于有时间过黎食 而且早去吾洗排队。呢间有好多海鲜食，而且啲海鲜系鱼缸内，仲识郁几生猛，可以自己任拣任夹，拣完之后拎比姐姐，会帮忙即时清洗！我见啲海鲜有refill，个量都几多！海鲜食得出真系新鲜！钟意食海鲜又食量大既朋友就岩哂！啲虾都有几种款式，例如大头虾、九节虾、基围虾等等。啲虾食落好爽口弹牙！不过要小心，因为太生猛，放落锅时好易弹哂啲汤出黎，建议放落去时固定一阵，等佢煮熟一半先好放手。汤底拣左椰子鸡汤同麻辣汤，味道好浓郁，麻辣汤拣左小辣都好辣！除左海鲜新鲜好食之外 牛肉都好食，都质素，最爱食M5和牛！另外熟食款式都都好多，我地叫左川味烧蚝，只蚝好大只，后劲有啲辣。出面自助区都有好多野食，多到食吾哂，2个钟好似吾太够，下次再黎要食2个钟45分！
继续阅读
您可能会有兴趣的...