板長壽司 (已結業)

上星期六下午茶時段，咁岩經過板長，難得冇人排隊仲大把吉位，一於入去試下。海膽、三文魚子難得新鮮，完全冇腥味，即時加碼蔥粒吞拿魚腩係我既至愛，都冇令我失望蝦膏甜蝦的蝦膏退步左，冇乜蝦膏味油甘魚色水麻麻地，食落唔夠新鮮海螺刺身唔夠爽脆，部份邊位好硬，唔抵食當日總結: 好耐冇食過咁新鮮既海膽，好滿足!今天感想: 過兩日睇新聞知道佢出左事，灣仔店亦有份。記起當日聽到隔離位埋單時投訴甜蝦極唔新鮮，唔知係咪佢出左事?

板長壽司在灣仔的人龍好似無咁多，前晚經過得2檯人等，所以見又未食過就入去試下。試左好多壽司，當中我覺得海膽飯好食但超細(話係海膽壽司好過)，劍魚腩好食，其他一般在外面可食到的，如帶子、火炙三文魚就不夠一壽司好食啦。

前幾日去板長食野,今次無咩人排隊,又入去食多次壽司依然不俗,時間已經差不多9:30 ,人開始少喇.比對上一次少!壽司,sashimi 好好食.我地座sushi bar ....可以睇住師傅make sushi.好開心,d 師傅好比心機.十時多,突然有個走出黎,着便服@@有冇搞錯!??呢個人好似係係度做野,好似係著黑色3,不過啱啱好似都係出出入入咁,無咩出手make sushi??師傅??店長??總管??咁都得?着便衣入sushi bar .........大殺風景,突然覺得無曬氣氛唉...........

純八卦，有日夜放工同落雨無咁多人去試其他壽司都ok…三文魚個d都係無乜特別不過軍艦用紫菜包著個d好香紫菜味，尤其是係墨魚好鮮味但最令人感動是連南瓜皮的南瓜雪糕…充滿南瓜味…好正，好食過以前係集成附近賣廿幾蚊個間雪糕店（基本上那間店太貴，又不是特別好吃，市場不夠已經執了），不過就好貴…愛上了…南瓜雪糕

早兩日約家姐起公司附近食晏, 中午一點半左右經過平時離譜地排長龍嘅 "板長壽司", 今次又撞啱唔使等即刻有位, 噤就諗住試吓.第一次嚟 "板長壽司" 入到去我本以為係有運輸帶嘅壽司店, 原來冇, 不過叫嘢食都係就噤用 order 紙.我同家姐一人叫咗個麵豉湯壽司叫咗三文魚腩、吞拿魚、池魚、玉子因為我家姐食齋, 所以佢叫咗蕃茄沙律、粟米手卷、納豆手卷之後再加冷烏冬, 薯仔球(轆傑)等咗唔太耐, 麵豉湯先到, 一嚟就有驚喜, 麵豉湯"多舊魚"嘅?我家姐就話可能佢食齋, 所以覺得有啲腥 但我又唔覺, 所以佢比晒啲魚我(都有兩、三塊)跟住其他嘢差不多一齊到(成枱都係, 嗰度啲位都幾窄)所有嘢賣相唔差, 壽司色澤正常(有時好驚啲螢光噤濟嘅刺身)壽司可能飯細細, 所以顯得魚大大食落談不上有鮮味但冇筋, 如果凍少少會好啲, 反而玉子壽司唔錯手卷完全唔掂, 紫菜係韌嘅, 齒唔開冷烏冬係為叫而叫(因為我鐘意食), 麵身痴埋一齊都係意料中事其實呢類港式壽司店我不嬲唔會有太高祈望同要求整體上唔太差嘅, 但要排隊先有得食就咪搞我

星期六晚上十時黎到,好多魚生都沽清,想食活響螺刺身,三文魚腩,無晒,有d失望,但藍衫女士介紹我們食象拔蚌刺身,好鮮甜爽口,軟殼蚧手卷,好脆口,珍寶帆立貝好食,下次一定要早d黎,有美中不足,唔夠冷氣,希望下次唔會食到出晒汗.

第一次食真係好好味, 但今次第三次, 呢間嘢真係不斷退步, sushi不單要新鮮, 賣相同做寻司的功夫都好緊要, 做得好, 廿幾三十蚊一件都值, 但做唔好, 就好九流, 如果ricky仲係老闆的話, 請你諗吓計, 唔好做衰自己個名喇, 咁辛苦先打响個招牌, 好多人都係慕名而來呢! 仲有, 成間餐廳應該做吓大掃除, 因為有嘢咬, 越坐越痕呀!

I've been to Itacho Sushi for three times, and this is my third time (first two times were Itacho in TST). Anyway, I have just promised myself there wouldn't be a fourth time for the rest of my life.When I watch the TV shows every Sunday with Ricky Cheng recently, with the knowledge of Japanese's traditions and food I think that Itacho should be a serious restaurant managed by him. This was what I'm thinking of more then half years ago when I first tried Itacho.My first time with Itacho is OK, w

this week it is my second time eating Japanese food- one is great but this one is really really bad...no good service, sushi is not fresh, the rice is too cold...I dont know why there are so many people waiting... bad food + bad service.

之前曾經試過板前, 極唔掂. 諗住最近 Ricky 咁紅, 俾多次機會佢, 試吓呢間姊妹店.已經是 8 點料半有多, 諗住灣仔無咁多人, 豈料門口重有人排隊, 等咗9個字先有枱. 一向唔鐘意一件件order, 貴過一碟2件, 又唔抵! order 左三文魚, 帶子, 吞拿魚toro, A5和牛, 龍蝦沙拉軍艦.... 鮮味不足, d 飯size 太細又太鬆, 最好味是燒玉子,呢個好食,熱辣辣,好新鮮!以咁嘅價錢, 咁嘅食物質素黎計, 失望. 唔會再黎. 會叫人唔好去. 唔明點解重會有咁多人排隊? 還是去峰壽司 or 羽壽司好得多!!

6點幾經過見冇人等位, 又未食過, 就入去試下啦. 見佢唔係迴轉就揀左order, 費事吊住腳坐.其實我以鐘意一件件order呢個idea, 可以揀自己心水又唔駛顧住其他人仲唔仲意食. 但諗諗下散叫又貴過一碟2件, 又唔係咁抵喎.... 我發現d 魚生切法同一般又好似唔同, 窄身d但較厚, 雖然好似加強口感, 但本身佢舊飯size 細左又太鬆, 令到我要魚生同飯分開食...我都係prefer 薄既魚生多d.sushi味道就好參差, 大部份都冇驚喜..普普通通. 我認為差既有: 中toro (顏色黯淡..食落好腥...食最cheap個隻tuna仲好), 海膽(甜但有臭味), 蝦天婦羅(蝦夠爽但塊皮腍zi zi), 鰻魚生春卷 (幾樣配料味道好唔夾..怪怪), 帆立貝(冇味)好味d既就有: 鵝肝(夠香夠滑, 只嫌燒得唔夠耐), 筋子(幾特別), 鱸魚(肉質很爽), 綠茶冷麵(豉油味不錯, 配料夠, 都係$15, 抵)....其他野都係好一般....服務方面又好彩冇遇到咩衰野...但係有一單...話說叫左碟炸蝦卷同果碟鰻魚生春卷, 點知黎到2碟上面都吱滿沙律醬....我係唔食架

26/4/2008 午去地域買完野後, 見板長有位就試下啦~我地坐bar檯, 不過都ok闊落, 佢地d壽司逐件叫,叫左三文魚x 4件,魷魚鬚x 2件,甜蝦x 3件, 帶子x 1, 叫左兩個軟殼蟹手卷, 一客南瓜天婦羅, 一個鰻魚杯飯壽司~舊飯好細, 三文魚薄, 仲切得好肉酸; 魷魚鬚好一般; 帶子好大隻不過有陣tempo味, 怪怪地; 甜蝦幾好,夠大隻, 好肥美軟殼蟹手卷~ 軟殼蟹得好少, 不過紫菜夠脆, 一般啦南瓜天婦羅~ 不是一片片的, 係一舊舊, 幾甜, 食食下覺得伕蕃薯多d鰻魚杯飯~搵笨, 得果一啖飯多d~鰻魚細細塊,少得可憐, 鰻魚汁又無,叫鰻魚壽司都無咁嬲服務好唔得啦, 上野都唔識上, 係咁涉隻手放野, 又成日入錯機, 張人地落d野入左落我張單度~加茶又好慢, d壽司師傅好唔professional囉, 又唔攜口罩, 食食下又無咩咩徒手加件壽司落你食緊果隻碟到~呆左~野食已好令人失望, 服務可以用不知所謂去形容。排隊---無咁ga必要啦~唔會再黎!!!2人埋單$182

驚見唔駛排隊,咪去食下......食物普普通通正正常常,無乜驚喜亦無乜失望.service一如他人所言,有待改善既,我食個時就將鄰檯既食物俾晒我咁. 其他斟水,等位個d係我度就正常既,無出錯.有小昆蟲飛黎飛去,好煩

1. 第一下入去, 等左幾分鐘都無人沖茶. 雖然坐bar台, 但等如無人見到我地.2. 壽司師傅個樣好似發緊脾氣咁.3. 三文魚子好咸, 三文魚無味. 飯無vinegar味(係. 係無味, 食落口淨係覺得食緊D "stuff")4. 凡立貝都是無味的.5. 果個彩虹什麼卷, 發現有一條頭髮在內. 當一師傅(黑衫的, 應該是高級的一個)知道後, 佢就扔掉所有預先整好的(還好), 過程中又發脾氣, 個樣好悔氣.6. 諗住俾埋最後一個機會, 叫左個甜蕃薯甜品. 但比之前的所有都失望.....乾, 硬, 完全唔得咁o的價錢, 去食魚蛋粉無咁嬲.失望. 唔會再去. 會叫人唔好去.

我上次同朋友去食...諗住板前ok...板長應該會好掂...要等位就預左..不過入到去d位比我想像中細...而且又迫...間野好細...唯一好既係可以一件件壽司咁叫...唔使一客兩件...但以呢個價錢我就唔覺得特別好食...overall 都係一般啦