板長壽司 (沙田中心) (已結業)

8點九行過見入邊無咩人咪坐低，坐低後睇完本menu後，店員先話要用PAD落單，訂單簡面load得唔係好順，想簡簡單單落order都要啲耐性。落完又要等佢樓面print張barcode先落到單，都未爆場樓面都唔夠應付高科技落單手續。。食物質素一如既往啦。。。𣎴過要搞完一大輪再等先有得吃有點掃慶。。。。搞到冇胃口。。。

還記得幾個月前，好朋友話想去沙田板長食，但點知去到沙田先知執左，失望而回！估唔到事隔幾個月，竟然偶然發現板長再來！眼見附近既元氣要等超過100個籌，但黎到板長，竟然5分鐘內有位，心裏都不禁有點憂心，但係自己揀既，就無得返轉頭！一行到入去，環境係舒服，仲十分先進，如果本身係會員，可以透過手機下載佢個app就可以即時點單，店員仲提醒我可以減30蚊tim，唔錯唔錯。由於我地都唔太肚餓，所以主要都係叫左啲壽司，但食完係幾開心同滿足，下次一定要再黎會一會板長既刺身丼！

雖然天氣寒冷，但今日陽光好好，minipapa又想食日式嘢。四點半門口仲擺放緊個特價午餐，原來個餐特價到五點，三文魚親子丼都好耐無食過，於是就決定食哩個飯。等咗唔夠十分鐘，個三文魚親子丼就送上。附配麵鼓湯同小沙律。個飯好足份量，個飯有八成滿，夾起一塊三文魚刺身，好長，厚薄適中，紋理分明，口感都幾肥美。minipapa唔記得去數，但最少有8塊三文魚刺身，份量咁多都只係$68，仲有湯有茶，日式嘢，又位於沙田，可謂抵食。啲三文魚子好彈牙，而且完全唔覺得腥，感覺好新鮮，佢酸mimi嘅味道拌飯特別開胃。啲米飯唔會特別「冧」，同時吸收咗啲芥辣鼓油同三文魚子嘅爆汁，配合得非常和諧又醒胃。值得再試。

去過沙田呢間分店3次，頭2次各方面都5差既！點知今次去就完全5知搞咩！不嬲去食都會叫鵝肝壽司，頭2次去食都好好味，今次去食又乾又燶，叫個員工黎睇，佢都即刻話整到甘樣絕對5可以比客人食，要幫我換過，點知換完出黎，都系甘，真心燥！😡仲要叫左4件，望到都冇曬胃口！😞炸雞第1次食既時候份量系6件左右，點知今次去食即刻縮左1半！唉！仲有入面D女員工黑口黑面，我黎食飯姐，好似爭您錢甘！今次既水準絕對系垃圾😡

板長終於回歸沙田 新裝修用平板電腦/板長app(自己電話)內落單 冇一本本的menu,有少少吾方便🤔加拿大海膽$38 麻麻地 吾夠鮮 蒸蛋亦吾滑 skip得！清酒煮硯一定食過返尋味！好厚肉肥美！忍吾住飲多兩啖😝一碗大約有10-12隻至於和牛壽司 有口感 不過冇入口即溶既感覺👌🏻吞拿魚三色壽司盛$60一定要嗌!!!!呢個真係有溶入口既感覺 最好吾點wasabi 食原汁原味🤓...仲試左其他壽司/燒魚鮫 太多不能盡錄 😆總括黎講板長真係俾我想像中好食過元氣兩個人:$514 (已計加一服務費