板長壽司 (沙田中心) (已結業)

今日OT左半日，放工梗係要食餐好補償一下喇！😁之前行過，睇到啲poster已經同男朋友仔講，下次要試，終於得償所願呀！😁我地一人叫左一款海鮮丼飯😁呢個係我既😁咁色彩繽紛，見到即時開心晒，好多粒粒刺身，每啖都充滿刺身，加上三文魚子，最鐘意三文魚子在口中爆開，魚油充滿成個口腔既感覺🥰好幸福呀！男朋友仔既海魚丼，佢呢個有蟹肉，同一片片既刺身，不過最後佢話我嗰個正啲🤣🤣🤣其實我地仲叫左個鹽燒牛舌，不過心急得滯，食晒先醒起唔記得影相🤣🤣不過個牛舌都唔錯，都幾彈牙😁👍🏼

雖然之前板長話星期一至五先有下午茶餐， 但我嗰日去係星期六都一樣有依個優惠， 算係好益街坊， 當日下午喺沙田搵食真係唔容易， 間間餐廳都排哂隊， 得板長冇人排隊唯有揀佢啦（ 當然你一定會諗係咪有伏？） 不過咁平唔好要求咁多啦雖然係平價下午茶但可唔可以擺靚小小，話哂我都係單叫建議依個要食先，因為食完其他野之後再食依個，係會食唔到味！牛肉烏冬從來都係低調而不失水準奶油薯餅既意思其實係咪指表面個兩條白色醬？咁就叫左做奶油薯餅， 好似有D牽強

今日去到沙田行街睇戲，睇完出嚟六點幾見有附近有板長寿司，咁熱嘅天氣簡直係啱晒！唔知點解我好鍾意食板長嘅油甘魚壽司，特別係有一款加咗柚子醬喺面，有柚子嘅清香及帶點微辣，能夠調起魚嘅鮮味，每次都會點完又點！另外今日見到有一個好抵嘅貝類三味壽司，有齊馬刀貝、赤貝、北寄貝壽司都只係$29咋，相當抵食！仲有一款好推介嘅就係火炙鰻魚壽司，甜甜嘅鰻魚汁加上燒得香口嘅鰻魚，實在係oishii!食得日本野梗係想食佢嘅鮮味，呢度嘅宮崎岩蠔就真係夠晒新鮮，上邊有一小塊啫喱，放入口變成酸酸地嘅汁，連埋岩蠔嘅海水同鮮味一齊衝擊你嘅口腔，$38一隻真係物有所值！ 另外呢度嘅火炙魚背壽司我都好鍾意，經過火炙之後，傳出陣陣香烤嘅味道，而且魚油開始滲出，一上枱要即刻食，如果凍左就冇咁好味㗎啦！其餘仲有叫三文魚壽司，三文魚子軍艦，三文魚甘口醬油漬壽司，帆立貝，吞拿魚腩， 赤蝦壽司🍣牛油果蟹肉軍艦，仲有吉列蠔同燒玉子，用埋會員積分之後埋單都係三百幾，兩個人又好滿足咁離開！！

其實我平時係幫襯另一間大型連續店元X，因為嗰邊太多人排隊，而我收工收夜左，呢度唔洗排隊而我又好肚餓，所以第一次入黎試下。板長係用茶包，嗰邊係用抹茶粉，都係另備熱水壺。Order左個三文魚魚生飯同兩碟壽司，可能當時都九點幾十點，好多想試嘅壽司都売り切れ（賣晒），有啲失望。魚身帶點亮澤，食落偏爽身不油膩，但略薄切。壽司飯量大但硬實，有少少醋味，食唔晒。食材係OK，不過今次好多款魚貝類都賣晒，無機會試。

每次一諗唔到食乜，就會去板長壽司，因為本身有會員，可兌換折扣，又可以再平多少少。今日排隊唔算多人，等左30分鐘左右就到我地。今次叫左九州產三昧（池魚王，梅真鯛，平目魚）-梅真鯛好香，口感柔軟細滑，好新鮮，其他無特別。油甘魚-肥而不膩，入口即溶，滿口魚油香氣。劍魚腩-可以唔再叫，唔新鮮，口感一般。精選三昧（三文魚腩，一口帆立貝，赤蝦）壽司-無特別三文魚-平，無特別赤貝-新鮮，有海水味馬刀貝-爽口，夠脆口電話無電，問待應借叉電器，待應都好樂意。加分

心血來潮突然間想食日本野結果就同左老公食呢間板長我以前會喺黃埔度食嘅，記得佢啲魚生都好新鮮，所以經過見到沙田呢度有，即刻攞飛仔先都等左差唔多三個字就入去啦不過今次嘅感覺係麻麻地首先冇諗過件鵝肝壽司個面燶到咁樣，完全係好似多士烘到近付燶咁同我印象中喺黃埔食真係完全唔同雖然之後咬一啖入邊都好Juicy 但係我真係唔鍾意呢個脆面囉仲要收我$30一件咁貴，我係有啲背脊骨落另外就係將油漬壽司又係同黃埔差九里，佢好似淨係比塊皮我唔知做乜，枉我每次都係叫兩碟，今次真係中伏，不過咁其他壽司都好新鮮嘅係呢兩碟我真係非常不滿

好耐無寫食評，今日晏晝難得班friend約出黎食野，我就要把握好機會寫食評呢間板長壽司係沙田都算係有咁上下水準，因為沙田附近D壽司舖/日本野餐廳都唔多，自從有左呢間之後，沙田有多一個吃壽司既好選擇啦😎😎我地同行3人，比左講方台我地坐，D位都唔算逼，坐得既舒服下D服務員都要禮貌，服務周到，再加上D野食都黎得好快，基本上無meh叫佢哋吹單先叫左呢個三文魚籽軍艦，非常新鮮，粒粒都好 juicy，不過唔鍾意食既人可能會覺得好腥特別推介：呢碟油甘魚x劍魚，真係無得彈，油甘魚腩同劍魚腩都肥美鮮嫩，基本上點小小豉油就可以，唔係會食唔出佢原本個個鮮味所在，食過翻尋味👍🏼👍🏼😋😋其他個D就唔特別講啦，不過我覺得佢哋比其他餐廳好既就係佢哋D壽司飯難得係暖暖地，而唔係整定係到，乾爭爭唔新鮮凍冰冰既飯，呢點值得一讚👏🏼👏🏼呢間野真係非一般壽司舖，下次都要同屋企人一齊試下先得😊😊

其實螢光魷魚唔係好適合做軍艦紫菜又唔脆佢嘅拖羅 切到三尖八角我明白佢係唔想嘥嘢不過都算唔錯咁嘅價錢係咁上下唯有接受但係油甘魚個色澤就麻麻地啦火炙魚背 有時燒得唔夠 有時燒得太耐 燒得太耐燒魚背會熔哂 燒得唔够耐就外熱内冷... 佢今次ok la但係老老實實呢度真係好難搵喺沙田地鐵站出搞咗一輪搵咗好耐服務都算唔錯咁嘅價錢 啲嘢比放題好 都食得飽就算數啦但係比起好食啲嘅板前佢真係爭少少但係點都好過銅鑼灣嗰間

食日式野真係好難逐樣逐樣評，因為好多都係普普通通。今次只係揀覺得有驚喜既黎講下。😂—三文魚腩，出奇地肥美，好味。—油甘魚味道甘甜，值得一試。—軟殼蟹有啲林，不過都算大隻。🤔—中間果舊好似係牛，唔太好食，似係gimmick野。—三文魚刺身，睇相都知唔錯，厚身，適當既油脂分佈。—海膽蟹肉（左），呢個出乎意料地好味，海膽唔腥。

板長壽司（沙田中心分店）清魚定食價錢平味道差就緊。🤮鰻魚定食鰻魚好多骨。🤕叫左櫻花丼送左3次先岩，佢地好似隨便傳菜咁。😤油甘魚完全冇味道😡麵豉湯點解會有冬瓜粒嘅😱😱😱服務態度愛理不理🤬那裡有一間壽司店比這家差？？？希望該公司落力跟進！

板長就好多人都去過嫁喇，今日經過沙田中心，都唔知原來開左一間。環境地方整潔，座位寬敞。先点例牌菜，三文魚壽司、玉子壽司、帶子壽司、赤貝壽司，之後再加，帆立貝壽司、芥末八爪魚、油甘魚壽司、 劍魚腩壽司、象拔蚌壽司、豚肉壽司，板長其實一路都算水準穩定，但沙田哩間真係太多人，個個都攞住個gip，未行到去已經逼到唔想行…壽司麻麻啦，飯有啲乾，應該係放出黎太耐，魚生就正常。但我都係會建議唔好去沙田嗰間，人多就難控制水準。

出job 午餐自私食，來了沙田中心食壽司一人前。手機可以點餐，邊行已經邊睇定食乜好，啱曬繁忙的香港人。心水選擇有呢個，特上海鰻壽司lunch set, $95 。有九件壽司、兩件玉子、沙律、蒸蛋同埋味噌湯。當中最 eye catching 的就莫過於件特上海鰻，但其實比較淡身，唔使點芥辣呀！如果點左真係會蓋過曬鰻魚味。其他壽司都新鮮，有樣你睇。唯獨三文魚子就紅到有點驚驚地，而右上的一件紫菜包物體，食完都唔太知道係什麼，估計是吞拿魚蓉D朋友。蒸蛋唔夠熱，扣分。但味噌湯又熱喎。沙律正常野。 平日 lunch 唔算多客人, 但service 都幾 hea 。

講到食壽司，板長一向都係我首選! 因為唔會好似元氣咁多人要大排長龍之外，食物質素都好好!! 如果係會員嘅話，仲可以儲分，啲分可以當現金用，下次個餐又抵左今次叫左三文魚壽司，火炙三文魚腩壽司，一口凡立貝壽司，玉子壽司，火炙魚背壽司... 不得不讚板長嘅火炙三文魚腩壽司，因為好香魚油味呀，仲要係入口即溶，正呀!!! 另外，火炙魚背壽司都係必點嘅壽司，燒過嘅魚背比起無燒的更香!! 其他壽司都keep到水準! 所以每次諗唔到食咩，都會第一時間諗起板長。

今次來到沙田既板長，當時係晚上既8點15分，門口都有條小人龍，大約排左20分鐘就入到去。板長會員，可以用手機落單，然後儲積分，下次可以當番現金扣數，這個很好，讚講番野食，我們點了龍蝦沙律，芝士蟹子，吞拿魚沙律，蠔壽司，鰻魚壽司，花之卷，火灸三文魚壽司，燒玉子，4個麵豉湯同一個甜番薯個麵豉湯好好飲，裏面仲有d冬瓜粒，由於太好味既關係，所以同男友每人飲左2碗壽司都好足料，特別係龍蝦沙律好好食 燒玉子，夠晒熱，新鮮熱辣總結，食物唔錯，會再去

上星期食過返尋味， 但發現餐牌壽司有些微改動， 不過唔緊要，55蚊真係好抵食。壽司上魚生大大件， 新鮮甜美。 碗湯麵比上次多咗塊白蘿蔔。不過今次要特別提一提，就係點餐之後等咗三十分鐘食物先送上枱，不達標。 不過性價比仍高。