板長壽司 (沙田中心) (已結業)

雖然天氣寒冷，但今日陽光好好，minipapa又想食日式嘢。四點半門口仲擺放緊個特價午餐，原來個餐特價到五點，三文魚親子丼都好耐無食過，於是就決定食哩個飯。等咗唔夠十分鐘，個三文魚親子丼就送上。附配麵鼓湯同小沙律。個飯好足份量，個飯有八成滿，夾起一塊三文魚刺身，好長，厚薄適中，紋理分明，口感都幾肥美。minipapa唔記得去數，但最少有8塊三文魚刺身，份量咁多都只係$68，仲有湯有茶，日式嘢，又位於沙田，可謂抵食。啲三文魚子好彈牙，而且完全唔覺得腥，感覺好新鮮，佢酸mimi嘅味道拌飯特別開胃。啲米飯唔會特別「冧」，同時吸收咗啲芥辣鼓油同三文魚子嘅爆汁，配合得非常和諧又醒胃。值得再試。