板長壽司 (沙田中心) (已結業)

第一次到板長壽司食下午茶， 價錢非常吸引， 50蚊加一，埋單都只係55蚊。 環境就如大家所知道坐得舒服， 餐枱 夠曬大。第一次食，試下個b餐， 雖然係下午茶， 但係嗰五件壽司 同平時一樣冇縮水， 餸係大大舊飯細細粒，正， 味道保持水準。 所有餐都有麵同薯餅， 都係新鮮整。 性價比高。

是日昕昕爸爸返沙田某小學的家長日工作，我和昕昕就決定去沙田會合佢午餐，昕昕本身好想去元氣，但因為太多人排，所以決定到板長午餐~~~本身有板長電話APP會員的我就用電話點餐，因為每消費$10就有$1回贈，而且不用以往那種用餐紙點餐咁唔環保，個人都幾喜歡，唯一擔心係電話冇電而已一開始充上腐皮稻庭湯鳥冬，每次點呢個都係為咗浸熟三文魚肉俾個女食昕昕爸爸突然要求食海膽軍艦，而我就叫了我至愛的芝士飛魚子軍艦~~~軟殼蟹手卷，感覺幾脆，唔覺有沙律咁~~~吞拿魚沙律軍艦和粟米沙律軍艦~~~蝦天婦羅軍艦，個人喜歡炸物，所以不論元氣定板長都會點呢個食~~~三文魚壽司，昕昕和爸爸的至愛~~~油甘魚壽司（海鹽），我個人覺得幾好食，最重要唔覺得鯹~~~上次在元朗食咗二百幾有二十蚊回贈可以今次用，由於上次食醋鯖魚有唔好的回憶，所以暫時唔敢點來食~~~

入座後會送上一個平板電腦點餐用選好所需餐點按送出便可，十分方便豚拖羅、天婦羅蝦、海鰻、火炙三文魚、玉子壽司辣味軍艦、三文魚、赤蝦、油甘魚、槍魷壽司壽司用料大方，刺身都很大片，很新鮮沾少量醬油便能吃出食物的鮮味，吃得很滿足下午茶套餐都附有冷烏冬及薯餅滑滑的幼身烏冬加上涼涼的冷麵汁，很開胃薯餅內餡是軟薯泥，外層鬆脆，但略嫌不夠熱下午茶套餐供應時間：星期一至五14:30-17:00這個價錢(需+10%服務費)很超值

假日下午茶，來左呢間。雖然位於繁忙嘅沙田，但係遠離新城市食飯兵家必爭之地，都要排隊，但係快好多囉⋯⋯環境幾好，大部分都係卡位，尤其下午茶時段，都幾休閒架。提供的綠茶幾好味，好過果D綠茶粉。由於無食午餐，所以下午茶都叫得幾豐富。鹽燒三文魚頭鮫 （$45）明顯唔係即燒，食得出係翻熱的，一般啦。而且比較細份，唔多抵食。牛肉稻庭湯烏冬 （$72）牛肉偏韌，肥膏邊好難先咬得斷。但烏冬都算滑漏既，但呢個質素，貴貴地。特選海鰻壽司盛 （$128）第一次食呢個 set , 128 十件算係咁。味道呢⋯⋯好難判斷。因為上菜的次序好錯，食完個燒魚頭，再隊半個牛烏冬，都已經飽左大半。最後先出壽司，好唔好味都食唔出了 🤷‍♂️🤷‍♀️希望可以注意吓啦⋯⋯

原本想吃元氣，但因為太多人排隊，改食板長壽司，因為廣告特價油金魚壽司＄10點了柚子油甘魚壽司和海鹽油甘魚壽司。厚度很好，味道鮮甜。另外意外發現有丼飯，價錢都吸引。海膽北海赤酢丼 海膽很多，有6件，2件厚切鮮帶子，2件厚切油甘金，2件厚切三文魚，松葉蟹肉，子薑適量。餐配有一個麵豉湯。 wasabi 比較嗆，不小心攻到了松葉蟹三文赤酢丼厚切三文魚3件，魚籽，松葉蟹肉。配麵豉湯有點不特別，失色感覺，蟹肉沒有蟹味。另外鎗尤魚壽司，新鮮爽口最欣賞是，醬油漬三文魚比較特別，有咬口煙韌feel.魚味很濃,醬油甜甜的。整體感覺板長不及元氣，特別它ipad點菜，ipad跟本又舊又壞的又慢，要服務員幫手落order。 這個價錢我真心覺得麻麻地。

一入到去，環境舒適燈光柔和。 咦，個電子menu 同以前唔同，resolution極低，wifi又差，有時連圖都load唔到，仲要經常出現error。攪左起碼15mins都用唔到，一個碟野都未叫已經好恼，要求waitress幫我地換過部，佢即刻極悔氣話：有咩問題呀，部機係咁，呢到wifi係咁差嫁啦，一係你地down個app！Down左又要registration，我勁係唔會啦，又要攪一大輪野！最後佢先死死氣換過部！咁大間公司，wifi唔掂，technical support唔夠就咪扮高檔用tablet落啦，還原基本用紙落單仲好。 終於有野食，魚子色澤啞沈，食落唔夠鮮味，但好彩都未有臭味。 個刺身拼盤還可以啦，甜蝦爽口，海膽質量屬於正常，但個帶子就唔係太新鮮。 各式壽司不過不失，但亦唔稱得上鮮味。 同價位既有好多好味選擇，呢間仲要受氣添！絕對唔會有下次！

今日經開沙田中心 發覺原來沙田中心開了幾間新食肆 呢排咁熱 當然要搵D涼快野食一見到板長就仆左入去食物質素保持到一貫水準 價錢當然同原先係呢度既元氣壽司無得比 但係係沙田既居民想食壽司又多一個選擇啦💁🏻‍♀️💁🏻‍♀️💁🏻‍♀️

今日同屋企人決定出街食飯我哋每一個人都好鍾意食日本野所以就決定今日嘅晚餐要食壽司本身諗住要食沙田嘅元氣但係見到好多人排隊所以就放棄咗去咗隔離商場嘅板長壽司唔知係咪因為地理位置關係佢而家比較隱蔽少少人流都少咗去到食飯時間嘅時候都冇人排隊所以我哋好快就入咗去坐今次食完板長壽司之後令我刮目相看一直都覺得佢啲嘢食麻麻哋而且前排仲要轉咗做用手機落單仲要加埋價但今次食完之後決定以後都唔要再食元氣食返板長今次叫咗三文魚壽司，北寄貝壽司，芝士鰻魚卷，左口魚邊醬油漬壽司，茶碗蒸，海鰻拼盤呢度嘅壽司高質左好多 壽司上面嘅刺身都非常新鮮而且壽司飯都粒粒分明飯唔會太大 而刺身又可以cover到成舊飯所以覺得今次食板長好滿意！

前幾日去左食板長，第一次，晚上食飯時間都唔洗等位，落單好似元氣咁落，但係部機比較慢，而且張枱比較細，放左啲野食，就冇位放部平板，比員工收起左，要用又要問員工拎，員工有啲嫌人麻煩既感覺。啲食物一般，得個玉子係比較好食，三文魚得個厚字，啲甜蝦完全冇味，赤貝都唔夠新鮮。更加重要係!好多野食都售罄，本身已經唔多壽司款式仲要有好多都冇，而且又唔平，所以食左少少就走。試一次都夠。

今日老闆請食午餐由於舖頭唔可以吉左係度既關係我地幾位同事就分批過去。作為第二輪既我得知上一輪點餐到上菜要十五分鐘以上所以已提早十分鐘點餐見到舖頭係full哂既而且都有唔少人係出面等位..但魚生既野基本切好就可以上必要等咁耐嘛？唔緊要。有質素既食物唔介意等耐少少既..好啦又等多十分鐘終於到左了。首先黎既係單點限量品吞拿魚腩壽司吞拿魚充滿魚脂入口即溶的。非常美味然後是午餐吞拿魚刺食定食。賣相係唔錯既。同餐牌既一樣。刺身既話都幾新鮮但係d飯就唔掂，一夾就散哂的心諗爭x仲整得好過你。真係有d失望。不過最令人失望既係當第一輪同事走左正在等待第二輪同事黎既時候叫左三次職員收走舊杯都係應完就走左去...到最後叫左一個女supervisor黎換新杯。佢拎走完舊杯將新杯用力放係枱面上啪一聲咁即時係俾佢嚇親囉。唔明點解組長係可以呢個態度。跟住留意佢原來佢係全程黑面的。唔理佢係心情唔好定本身係面黑之人。不過大集團如些就幾難令人接受啦。除左食材之外。食物等候時間。員工服務態度。員工製作技術都係唔令人滿意的。下次一定唔會再黎

好耐都冇食過板長，聽朋友話質素好似正常返少少，一於就去試吓啦。果然睇相真係不能盡信😓，見ipad入面張張相到好靚仔，但一上枱…首先軍艦外層紫菜已經淋晒🤢，可能因為司傅整好又會pass返入去而唔係上枱（我坐bar枱），交接嗰度浪費咗啲時間；刺身方面色澤上都唔算新鮮，唯一較為符合期望嘅係鰻魚同油金魚；個蒸蛋呢，搵到成半條咁長嘅蟹柳（點解唔切細粒啲）！有菇兩大塊，但唔係好入味🤧；而碗湯係ok ge，但冇我想要嘅豆腐啊…如果食壽司／刺身，就一定唔會再嚟，但熟食都可以考慮嘅。又一餐。

雖則自己住沙田，但好少話會喺返自己住果區食野，可能係隔離飯香既關係掛haha。所以要諗沙田有咩好野食，其實都真係幾難，好彩今次板長無令我失望呢個親子丼真心幾抵，三文魚同飯既份量相當多，又有麵豉湯，食完已經飽左7成。而味道方面，魚生食落新鮮彈牙又肥美，魚子無腥味，拌飯一流。麵豉湯就不過不失啦，係咸左少少咁至於吞拿魚同樣新鮮，見到師傅係即叫即製既，可確保食物水準，而入口即溶既感覺真心無得彈另外要讚板長係用平板電腦落單的，十分方便，下次要再黎食過😎

因為大學冇咩好野食 結果就同男朋友一齊去左沙田搵好西正當我地諗住行去牛摩打邊爐既時候見到新開左間板長壽司 啲午市定食都只係60-120蚊左右 諗都唔諗就入左去今次我試左鰻魚飯定食個餐有一碗鰻魚飯 一個細沙律 同一個味噌湯 68蚊都唔算貴鰻魚飯質素唔錯 本身已經落左好多鰻魚汁 好惹味 但略微有啲細碗沙律同個湯既質素就比較普通沙律既料唔多 啲汁都好少味噌湯係白味噌 唔係好濃味除左定食 我仲叫左黑松露醬油甘魚壽司8蚊一件但真係好好味 估唔到黑松露原來同壽司咁夾 極度推薦

而加沙田中心喺舊元氣果個位開番間板長之後，真係想食就有得食！今日咁岩想食日本野，望見元氣6點都未夠就已經有好多人排隊，嚇死人咩完全打消左攞飛嘅念頭。去到板長，因為都時間尚早，我同朋友去到都仲有好多位。一坐低就叫左2件三文魚壽司先，三文魚大大件，保持到水準。見佢啲三文魚咁新鮮，就直情叫左個親子丼黎食，好多塊三文魚，魚子都算飽滿，2個人食得好滿足呀。再黎就叫左個清爽啲嘅芒果蟹子沙律，芒果真係好甜好多汁呀！好好食！而且價錢都算幾平幾抵食。最後，我地實在太念念不忘上次食到嘅油甘魚壽司吐，所以今次一口氣叫左原味同黑松露醬各2件，都仍然係咁肥美同好食呀！而且都唔算好貴，所以好推薦！

今日幫襯左板長壽司既午餐，食完之後我決定好快會再幫襯。因為午市真係唔錯，而且價錢合理之剩，食材都係十分新鮮同出色，抵讚。今次叫了三文魚壽司、芒果軟殼蟹卷同海膽丼定食。三文魚壽司同芒果軟殼蟹卷，食得出用料好新鮮，而且三文魚重要係厚切果隻。海膽丼定食跟餐就配日式燉蛋、沙律、味噌湯同漬物。海膽丼的三文魚份量比我想像中多，而海膽就有四片、重配有魚子，吞拿魚等等，十分豐富。