板神鉄板燒日本料理 (信和廣場)

营业中

休息中

🥚🥚🐷席前鐵板燒體驗✨性價比：7.5/10🍳食物：9/10🌏環境：8.5/10🕺🏻服務：8.5/10💰是次消費：人均 $ 1584#蛋蛋豬 🏝地點分類: #蛋蛋豬在銅鑼灣🍰食物分類: #蛋蛋豬吃日本菜 #蛋蛋豬吃鐵板燒————————慶生豪吃鐵板燒，一直都很想試試這間日本鐵板燒專門店，他們除了提供鐵板燒，亦有omakase/串燒/刺身類可以食，但我們就當然來吃招牌項目吧。極上．席前鐵板燒套餐 (2位) – 併澳洲和牛厚燒 ($2880)沙律 - 菠菜蘋果沙律前菜三點 - 西柚蟹肉(酸酸甜甜)、柚子醋浸饅魚苗 (超滑溜)、三文魚籽豆腐 (很濃味的魚籽)刺身三款 - 深海池魚、鰤魚、吞拿魚(新鮮)鰤魚為深海魚，本季當造，肉質呈粉紅色，味道較腥；三款最好味是深海池魚。贈送澳洲鮑魚一隻，別小看只有一隻，實際比我的手掌還要巨型。分成2部分，鮑邊軟身，中央彈牙。帶子 -師傅把大大粒帆立貝切成4份，上碟時再把他還原，上面還加上魚子醬，裝飾在貝殼上，連碟子也是貝殼形狀。法國鵝肝 - 以漢堡夾心呈上，漢堡吸走多餘油脂，鵝肝厚身香濃美味。是日海鮮 併季節野菜 - 鱈魚，燒過後好好味，肉質嫰滑。厚燒澳洲和牛

好耐冇食過鐵板燒Bookmark 咗板神好耐，趁朋友生日就去試吓佢哋嘅商務午市鐵板套餐，週末去，如果你有四個人以上食反而幾抵食.. 😋「席前商務鐵板燒套餐2人前」原價兩位用＄1,480 美國牛肉厚燒/ $1380 美國牛肉薄燒 半價：週末或公眾假期，4人預約兩set二人前套餐，第二個套餐半價 （weekday 去反而只得八折，仲要係1:45後入座）套餐包括美國牛肉燒、沙律，刺身三款，鐵板燒活龍蝦，本日海鮮（我哋嗰日係鱈魚），南非鮑魚，蔬菜，炒飯，龍蝦頭麵豉湯，焦糖燒麵包，甜品/咖啡 等等… 用咗優惠之後每人大概$500至$600左右，都算抵食。服務好好，環境好寬躺，好靚好舒服，食物大致上都唔錯。唔會話超級驚為天人但係同預期嘅差唔多，龍蝦同埋鮑魚都好新鮮，牛肉方面我自己比較鍾意薄燒，鍾意佢入邊包住好多蔥同埋炸蒜，比較香口，我自己最鍾意炒飯環節，其實食teppanyaki 我最期待係個炒飯😆師傅仲送咗個焦糖燒麵包俾我哋食，超級邪惡但係好好味！（最後我發現其實所有人都有送😂）同師傅講話有人生日佢仲會寫個字送過你，所以過嚟慶祝生日都幾開心😆

之前來試過晚餐，這次來吃午餐！中午來餐廳 望出去的海景 風景更舒服，更開陽！感覺在鬧市之中當中的一片安靜小房間。比起大VIP房 還要舒服！大VIP房的環境風格是黑暗風，比較有個性的feel，可是我個人感覺有點壓抑，還是更喜歡這種，可以看到外面的房間，晚上跟中午的景色還是差別蠻大！這次的師傅還是上次的師傅很好 yeah！！！午餐的套餐分量也非常足，然後有沙拉  有生魚刺身，然後可以選擇自己喜歡的肉類！最後 不得不說 （糖食愛好者）超級喜歡他們的甜品 焦糖方包！！！另外 雪芭甜品 都簡直是個亮點！

其實係11月時去左試板神鐵板燒午餐，最近先寫番個食評。早兩星期打電話去訂座，中間都有改過日期同時間，每次職員都好好禮貌地幫我跟進，印象唔錯。餐廳位置都方便易搵，一入到去已經見到餐廳裝修好靚又大地方，分好唔同區域。職員都好細心，會講解吓唔同餐牌既分別，換碟同加茶都快手主動。鐵板燒一啲都冇令人失望，師傅水準好高，每樣食材都處理得好好。又細心留意客人的反應，會不停同你溝通👍🏻再講下啲食物，質素好高，啲海鮮好新鮮，另外牛肉都好好味。呢間服務同餐點都唔錯，不過同一個鐵板燒場內會有好多人，如果鍾意安靜啲傾偈既人可能會唔太合適。另外同區有更抵，水準又不錯既鐵板燒午餐，不過都值得一試。

午餐時段去，一早訂左位，試左個海鮮餐，送埋龍蝦，叫住佢燒真係好正，師傅係日本人，服務都好好，仲同我地講解俾我地影相再煮，樣樣既擺碟都幾精緻，唯獨龍蝦燒得耐左小小，如果肉質再淋反小小就perfect，但佢個龍蝦膏同汁做醬淋係上個係無得輸。其他海鮮，鮑魚和貝類既都好食，質感岩岩好唔會”un”, 而牛肉既肉味都可以既，但嚴未夠重，同埋若可以落多少少蔥就再好啲。麵豉湯好有驚喜，有埋龍蝦肉，成個湯蝦味極濃，好正！炒飯都好香，飯粒粒分明加埋小小肉同蛋香，唔會好滯。最邪惡是煎香麵包再落糖，但真係好脆好好食，而甜品選擇了紫薯蛋糕，蛋糕很綿滑，入面亦有真的紫薯茸，成餐飯好滿足。

本身鍾意食鐵板燒、今次約埋朋友一齊黎試、環境唔錯、做得好舒服、重點係食物很高質、幫我地燒既呢個廚師都很專業👍🏻叫左兩個lunch set 、一個薄切牛，一個厚切牛，都各有風味。龍蝦用左芝士加龍蝦汁調配，非常之邪惡。鮑魚用胡椒粉簡單調味，好食到本身既鮮甜，銀鱈魚煎得非常好味，外脆內滑，食到大家都讚不絕口🤩🤩除左食物本身高質，廚師都好專業，會一直問你口味既喜好幫你調味👍🏻絕對係一間值得回頭再食既鐵板燒！

親愛的生日，諗住中午食鐵板燒慶祝一下點知發現原來星期六日，做緊特價即刻叫埋屋企人一齊食，因為二人餐第二份半價 環境好好👍🏻 師傅都好有禮貌，一行5人，叫左個二人龍蝦餐，唔記得配咩牛黎，有三隻牛比您簡，簡左最貴 加厚切，未記加一 好似1800到，所以食材都好新鮮，不過話明係慶祝生日，但竟然無整個生日快樂黎比我地影下相，所以呢到會扣d分，另外套餐只可以簡甜品或者飲品，有d失望。雖然食材👌，但無咩特別，所以要再回頭既機會真係比較低。

放假去吃間超有水準的鐵板燒，嘩。。。。 一到步，我好似去了日本吃飯一樣，非常開心，可能疫情啦，冇辦法去日本旅行，便想去吃吃日本食物。餐廳分咗好多區域，例如：鐵板燒，壽司區，串燒區，sake area。今次吃鐵板燒，去了間4人房，可以睇到海景，非常開揚，好正呀。廚師開始煮之前，會細心地問客人，喜愛的味道，正常啦，淡味，還是濃味，非常細心。食材又非常新鮮，基本上，都可以唔駛點醬汁😀原來牛肉薄燒，用麵包可以吸咗牛肉嘅油脂，食落口令你會覺得牛肉沒有這麼油脂，非常正。

❤️今日我哋叫咗個商務鐵板燒套餐（二人前），分量剛剛好，食完唔會話太飽🤣，可能樣樣嘢都細細份，但可以品嚐咁正嘅鐵板燒真係要好好享受幸福的感覺❤️📍前菜、沙律（清新宜人，令成個人立即好開胃）📍刺身厚切三款：深海池魚，吞拿，平靜魚（三款魚都好食，入口香濃）📍南非活鮑魚（鮑魚掂呀，唔需要點任何醬汁已經好彈牙）📍白鱈魚（魚質真係好味，好香魚味又唔腥）📍活龍蝦（撈埋啲汁真係好正，又係新鮮又彈牙）📍美國厚燒牛（美國厚牛唔夠牛味，叫咗五成熟，算夠林，但要略為點醬汁才可以吊到啲牛肉味出嚟）📍龍蝦湯（用返頭先隻龍蝦殼煲湯）📍牛肉炒飯（炒飯好香口，每粒飯色澤均勻）📍季節野菜（中間間吓蔬菜減低油膩感）📍廚師贈送焦糖吐司（見佢整嘅時候落勁多糖，但真係好香脆香口）📍甜品紫薯卷（甜品冇特別而且孤寒咗啲好細份）食物：9/10抵食：8/10環境：9/10

上次去咗灣仔嗰間板神鐵板燒，試咗佢$380午市套餐，覺得好抵食！今次試吓銅鑼灣呢間旗艦店，原來佢已經冇咗$380嘅優惠，不過佢入邊食物好似都升級左，所以照去試下。一入到去個環境黑黑地，比起灣仔嗰度真係大好多，一個大廳入邊有大概四個鐵板燒枱，而且當日個廚師仲係日本人！我哋今次個套餐有龍蝦，鮑魚，美國簿切牛 。食材非常新鮮，鮑魚拎出嚟嗰時仲非常生猛。龍蝦配個醬汁一點都不馬虎，係有特別調製過。食物質素同上次一樣高質，而且唔知係咪日本人嘅關係，佢哋連擺盤都好有心機，相比起上次喺灣仔食嗰時更有誠意！(雖然灣仔都唔錯的)去到最後嗰焦糖多士，邪惡得來超級好食！好想再encore

平時行過信和廣場，見到有間板神好似好正，最近仲有教主炒飯效應後，😍決定咗就係呢到同朋友慶祝生日。入去裝潢好舒服，一個個不同大小既箱房房與房之間私隱度高👍入到去坐咗陣，師傅就介紹推介，朋友唔食鮑魚下，就揀咗象拔蚌個set.先黎前菜，沙律加刺身，成日諗點解啲擺盤可以成幅畫咁😀之後先黎個煎吞拿魚，估唔到刺身級原來煎一煎會咁好味再黎煎超大大大隻蝦，🦐🦐成隻手掌咁大隻，師傅手勢好，刀叉剝埋殼仲去埋腸（貼心程度比男朋友仲高）😄😄杯野飲黎啦，茶加酒加芝士，估唔到咁夾之後師傅可能心情好，或者其他情侶要求下，師傅用飯炒咗個心出黎，除咗睇得，仲食得咖，超好味🍚甜品環節，超驚喜既牛油焦糖多士，唔太甜又脆卜卜👍👍（掛住食唔記得影相啊😭）驚喜一個個黎，好彩book位個時講咗係慶祝生日，師傅手起「筆」落就係塊鐵板到寫咗「生日快樂」仲要係倒字，勁啊😲👏餐飯食得好開心，師傅都好細心，有問我地有無咩葱蒜薑唔食。值得加分。。。

👨‍🍳🔪🥩 很喜歡《鐵板燒》Teppanyaki 🎏，一邊看著師父既功架，同時，又可品嚐即煮即食的美食。 我哋被安排入座大房，一進入房，有點像中華廚藝大挑戰咁既氣派🤩，有2張流線型的大枱，大約有24個坐位，廚師👨‍🍳們站在中間，一顯功架。 客人們一人一語，充斥整個空間，氣氛十分熱鬧。我們點了2份特選套餐，包括：前菜、沙律🥗、南非🇿🇦鮑魚、帶子、薄燒牛肉🥩、炒野菜🥬🥕附炒飯、漬物、湯🥣、甜品🍰/咖啡☕️/檸茶🍋☕️餐具🍴幾靚，隻碟啲色好sharp。 鮑魚唔靭，有𡁻口。 帶子上放有少許魚子醬，即刻高級咗😆薄燒牛肉🥩好大件，不能一啖放入口👄，切細🔪一點會好啲最後，師父👨‍🍳會將麵包 🍞煎成多士，有點像西多，將糖舖在上面，幾得意😎又幾香口。 師父放碟時不慎堆跌一塊，跟著，立即煎多一條給我們😆整體上，無論環境，食物質素、服務員💁🏻‍♂️的態度，都很好，只是，若鐵板燒上餐的速度可以減慢一點，那就更好了😌

之前見好多人都推介難得放假，同朋友黎試下先同朋友嗌左個午市商務鐵板燒套餐佢可以揀唔同既牛 會係唔同價錢最後我地揀啲左厚切A5和牛順帶一提揀呢個餐的話星期一至星期五13:45後入座有8折優惠好抵食呢個係無花果沙律好少食到無花果好fresh 呢個係剌身好新鮮呢三樣分別係南非鮑魚，當日海鮮以及送嘅龍蝦先講鮑魚其實我自己係不太喜歡食鮑魚因為總覺得好韌但呢個唔同，燒得好香又唔會好韌點埋佢個海鮮醬 好正呢個係佢嘅是日海鮮係唔知邊種魚既魚鮫個人覺得有啲腥唔係我杯茶再嚟就係佢送嘅鐵板燒活龍蝦龍蝦固然好食但重點係佢個醬好濃好香蝦膏味A5和牛果然不同凡響唔會overcook牛嘅油脂出晒嚟燒緊嘅時候已經覺得好香炒飯望住佢加咗好多蛋落去炒每粒飯都有蛋香不過稍為娣個味淡咗少少漬物同麵豉湯其實食到呢個位已經非常之飽呢兩樣就不過不失啦最後佢哋送咗個邪惡嘅焦糖多士睇落好靚不過望住佢燒嘅時候落咗好多糖食完好有罪惡咁整體來講，呢餐飯非常滿意

之前見教主係板神鉄板燒日本料理炒飯炒得咁開心都心思思想試下佢個『Anson Lo炒飯』嘅🤣⁡於是決定約埋鏡粉友人黎試吓佢咩料啦點知果日黎嘅時候佢竟然同我講係門口真係見到Anson Lo同花姐喎😳OMG！點解我唔遲少少到呢。。。與教主無緣真可惜><“⁡不過⋯雖然見唔到教主但貪吃嘅我有美食已經滿足😋起初以為板神只係得宣傳gimmik野食應該都係普普通通唔會特別好食點知佢地嘅食物質素同服務水準都比我預期嘅高👍🏻若果要比較其他近來吃過嘅香港鐵板燒餐廳我覺得板神算係✨性價比較高✨的推介！⁡當日因為唔想食得太飽於是點了兩份Special Lunch Set，內容包括：前菜、沙律🥗、南非鮑魚、季節野菜及甜烤多士、肉類則可選來自美國/澳洲/日本的我哋分別點了💛一份要澳洲和牛薄燒$480💙一份要A5和牛厚燒$600另外每份午餐可選 帶子/大蝦/法國鵝肝 其中之一於是點了帶子& ❤️我至愛嘅法國鵝肝❤️ 全部都Share食（若果大家三個朋友仔一齊食就可以三款都試晒喇😝）⁡餐廳無論地理位置、店內環境、食物味道及賣相、員工服務、價格各方面都恰到好處真心值得一讚！💯老實講我好少對一間餐廳讚不絕口但係

🌹連續三天假期，預早兩星期訂了鐵板餐，今次選了銅鑼灣店《阪神鐵板燒日本料理》，位於信和廣場一樓，雖然不是高樓層，但它有望海景景色。🌹12點準時到達，訂位時食店詢問我們是想吃什麼，我們選了鐵板串燒餐，相信是要將客人分開不同地方用餐。我們進餐座位就在入口位置，坐在一張長鐵板燒枱前，可以望住廚師烹調食物。🌹餐廳照明運用窗外自然光，以黑色作主調，給人神秘高雅的感覺。服務員穿上整齊西服，態度友善。鐵板串燒餐牌有兩款，我們叫來兩款一齊share 吃。🥢炭燒六味御膳前菜⭐️⭐️⭐️茶碗蒸旦⭐️⭐️⭐️⭐️蛋香嫩滑串燒⭐️⭐️⭐️⭐️雞翼串香口黑豚腩惹味雞腎爽口番薯鮮甜芝士年糕⭐️⭐️⭐️⭐️軟棉麵豉湯⭐️⭐️⭐️甜品⭐️⭐️⭐️🥢炭燒三味御膳前菜⭐️⭐️⭐️茶碗蒸旦⭐️⭐️⭐️⭐️蛋香嫩滑串燒⭐️⭐️⭐️⭐️雞翼串香口黑豚腩惹味味噌雞胸入味刺身三款⭐️⭐️⭐️⭐️新鮮到庭冷烏冬⭐️⭐️⭐️⭐️烏冬彈牙咖啡⭐️⭐️⭐️⭐️咖啡香濃個人評分食物味道飲品服務環境衛生抵食回頭率