板前壽司 (已結業)

等左成個鐘頭，終於入得!第一次黎銅鑼灣呢間，唔知尖沙咀好食d定呢間好食d呢?三文魚壽司幾新鮮----(覺得新鮮過壽司)加州卷(好似係呢個名)--有塊三文魚舖係上面，幾大塊彩虹卷---上面舖左牛油果，都幾好味海膽---算幾新鮮三文魚子----普通，覺得壽司的新鮮d奶油薯餅-----呢個唔係好得，無乜奶油味，壽司個奶油芝士球好食d炸蠔----ok啦炸墨魚軟骨----普通帶好-----幾好燉蛋----食過唔會再試蟹柳----同壽司差唔多炸軟殻蟹----如果再脆少少會好食d

Get ticket at 7:00pm and have seats at 9:00pm.but Salmon Sashimi is good.

仲未食過呢間壽司鋪,不過見佢甘多人,都會搵日去試下. 不過就手套問題,據我所知全日本整壽司既師傳都唔會帶手套,因為佢地係要類似用手既熱力去握個舊飯再整出壽司既形狀,所以無可能帶手套... 至於口罩... 我去過甘多次日本食壽司都唔覺佢地會帶口罩...

尋晚經過呢間食肆，見咁多人等緊，張飛再行多半個鐘後至再睇有無位，門口位職員唱飛都唱得好快喎~~話咁快就唱幾廿個號碼，我大約等多十五分鐘就有位了~~坐既位係迴轉位，可以好清楚見到D壽司師父整壽司既過程！不過佢地全部都無載口罩同手套既，好似唔係咁衛生喎~~見住佢D手指捽捽D 飯，唔多開胃喎！！！壽司既種類唔算多，除有馬肉食比較新奇D之外，其他都係一般菜式！味道方面好似亦唔夠峰壽司果D鮮甜喎~~試過一次都足夠了！

我八點去到擰飛係NO.209，但佢叫緊NO. 60，結果九點九入座，後段真係飛得好快，可能太多人走左。坐迴轉，今次叫左d之前未食過的，有和牛$25一舊，同埋櫻肉，即係馬肉喎，這個要$35一舊，第一次食，後者味道多d。今次再叫多舊極上吞拿魚腩$35，不過有少少筋。另外都係兩碟三文魚，魚背，蟹棒，板前蝦，魷魚，三文魚子，海膽。我地見佢咁多料，所以叫多兩個海膽手卷，佢係用四份一板海膽黎做一個，所以我地果度都佔左半板o家啦。全部都好鮮甜，我地仲係咁直接問前面果師傅仔落單佢都都好樂意，見到佢整緊乜都即刻擰一碟。總共食左十五六碟，今次冇叫炸野，全部壽司。TOTAL $360~

4月20日, 4:30pm今日放假，係附近經過，就入去試下。見迴轉帶唔多選擇、就係餐揀左4款sushi, 再同侍應落order. 講左2樣、佢問我仲有無、我話有、佢好唔滿意就行開左，但之後再返轉頭同我落單。落完單、我先發現有order紙，原來落order係用order紙。但無侍應同我講過唔想個客口頭落order law。未食已經一肚氣.. 可能個段時間唔多客，d侍應都玩得好開心，似乎忘記左有客人食緊野，佢地d口水呀，到埋單70元(我未試過食sushi唔過$150)我俾$100 找番一張$20、一個5蚊、二個2蚊、一個1蚊，我羅左張$20蚊，佢已經想收番d散紙... 有無攪錯?!?!? 不知所謂，無下次。

等左好耐位，但叫到差五六十個之內就唔好走開，因為佢地去得好快，好多人都走左，或走開左，佢地叫超過三個號碼就要再排過，見到唔少人都係咁。佢地係用綠茶包的，亦係侍應加水的，所以迴轉枱就唔駛伸高隻手拿壽司咁辛苦，而且可以清楚睇到師傅點整，同埋點教徒弟仔，自然叫到叫多幾碟。叫左好多款壽司，有些重覆，分別有吞帶魚腩，帶子，吞拿魚，油甘魚，三文魚，蛋，紫菜蝦卷，蔥吞拿魚，貝，極上海蟃，仲有枝豆，炸墨魚軟骨，軟殼蟹手卷。基本上，全部都好好，首先係飯唔會散同太硬，佢地人手握的，有水準。唔同壽司亦會配唔同調味，見到日本師傅眼甘甘望住個徒弟仔，睇佢有冇加錯，加多或少，一見到加多左，即刻叫佢自己試食，令佢知道錯乜，而且亦會叫個識日文既中國師傅黎話俾佢知錯乜。而且壽司上的魚生好新鮮，亦夠長，但唔算好厚。佢地亦會事先將芥辣加入壽司中，同傳統做法一樣，感覺點都正宗些。炸墨魚軟骨，口感好好，雖外層唔夠脆，但食落真係好煙ｕｎ，但太大舊成日都黐住，如果可以分開一點會更好。軟殼蟹手卷，都唔錯，加左青瓜絲入去，增加口感，亦減低油膩感，但唔知點解，我一口咬落去，竟然會有汁油流出黎。

上星期晚上因為早了收工,便和男友一同"搵食"~因為由板前開張以黎,一直都冇機會試試,今次咪試下囉。可能因為當時都已經十一點,店內職員全部服務欠奉...茶冇晒都要嗌3次先有人加。呢方面都問題不大~最嚴重係壽司吧入面d哥哥仔...冇戴手套就算啦,仲不時將手抹到制服之上!!d軍艦紫菜又反轉左黎圈...!整出黎既手卷係完全唔尖架...(即係好似超市買到圓柱形個種)呢度唯一可取之處就係----個位日本人(我諗佢應該係壽司總廚)佢真係好有禮貌&好客氣呢~~我地係最遲走既一客人,佢依然好好笑容咁同我地講arigado gojaimasu~食物價格偏高,款式較少...如果要我再黎排隊食,咪喇~!

13/6星期一晚不是好多人，等左三十分鐘左右，坐迴轉位，叫左好多碟，其中魚背真係好食好香，類似和民的鰈魚鯺刺身，另外叫左三文魚，海膽，蟹捧，魷魚，蝦，等，仲有個三文魚卷都幾好食。最正當然係吞拿魚腩極上壽司，一舊三十五蚊，雖然同男朋友一舊兩份，但一人一啖真係好鬼正，入口即溶，下次要叫刺身試試先得。另外再叫左炸物，係炸墨魚仔，都唔錯。服務唔差，有個waiter係日本人，叫佢埋單佢講唔正的中文比我笑佢仲一齊笑添!

四點幾, 街上下著傾盆大雨, 最衰今日著新鞋, 對鞋濕到彷彿就爛, 好心痛! 於是是日一切活動都係就住對新鞋而設, 先搭二百蚊的士去中環上cooking class, 飽嘗一杯chocolate mousse作"早餐"之後, 就去銅鑼灣世貿搵阿"連生"(朴恩惠). 最後終於四點幾至有飯落肚, 就係近近地世貿對面的"板前".之前食過尖沙咀店, 印象麻麻, 但係大雨之下, 唯有就腳求其食飽就算. 十步之內, 雨傘已全濕, waitress好有禮貌咁幫我"包"好雨傘, 是驚喜一. 落單快手冇甩拖, 是驚喜二.Order 火灸和牛($25一件, 好掂!), 火灸三文魚($9二件, 又平又好味, 是日best choice), 火灸鰻魚(麻麻地), 醋鯖魚壽司(其實唔知係唔係, 從迥轉帶上取, 合格之上).服務方面, 此店師傅起碼冇勁傾計, waitress就不夠笑容不過都唔算無禮, 加茶都加得好密. 原來是因為此店經理是日本人! 要求之高...連壽司師遞出的order, 都可以被佢因為覺得d蟹子走哂出來而打回頭, 要佢整過! 話就話可以因而keep到好o既standard (尤其如此非繁忙時間

之前試過銅鑼灣新開果間, 格局同尖咀果間差唔多, 都係中間果條工作間好鬼窄, 成8,9個師傅逼住0係果度, 見到d師傅好手忙腳亂, 全部都好似好生手.食物方便都係一般, 飯好易散晒, 手卷塊紫菜淋的(因為師傅隻手濕住來做手卷><), 去元氣食$15一碟軟殼蟹手卷好味過佢多多聲, 我見到有生赤貝壽司以為好正啦, 因為有埋個裙邊, 但只得爽脆而沒有鮮味, 仲要$35一碟, 冇下次! 炸蠔d蠔好瘦又沒蠔味... 咁多樣野係得蟹棒壽司同秋刀魚壽司比較好d.服務方面有好有壞, 好係加茶加得密, 壞係竟然比錯左d顏色壽司碟我, 計貴左我$5! 但已經食左冇得理論!2個人食左$200 雖然唔係好貴, 但咁既質素唔多值.

我同friend 諗住試下新野啦, 都預左多人架喇. 但佢又唔好似峰sushi 咁有得比人打電話, 要人唔走得企響度等, 我同friend 去左行街, 1個鐘先過得10 幾個, 之後再返來, 就竟然半個鐘就過左60 幾個, 過哂我地......灰爆. 睇來中間有好多人走左.我覺得一間餐廳除左好食. 抵食之外應該要顧下的客方唔方便. 除非你好食到串爆都有人去啦. 不過呢間又唔係wo.

其實我唔好生野, 叫左個玉子, $9一碟有4大舊!口感好好, 淋淋地又滑口, 不過好似甜左少少,手卷都ok, 起碼d紫菜唔係淋呀麻,仲叫左個板壽司, 第一次食, 都ok呀, 面頭d醬油好好味

朋友介紹有間舗頭食手握sushi幾掂(係TST branch 那間). 見有日CWB都有, 咪去試下. 仲以為哩間野可以同峰sushi有得揮…食物方面我覺得比不上峰, D紫菜唔脆(已經唔係迴轉line 個D). 火燄帶子跟足峰, 但係面頭就用蒜蓉,帶子少少熱都無,證明係咁"易"用支火搶掂下就算. D海膽尚算新鮮,but D紫菜都係唔脆. D service 真係差到不得了, 叫左個什麼牛乳湯,等左好耐都無, 咪問下佢囉, 點知答你"買哂囉喎!". 咁佢又無話我地知. 今時今日咁既服務態度點得嫁!!! 我話過唔會再去...但係朋友話TST個間得. 閣下諗諗啦…

今日屋企得番我一個人食飯, 費事煮, 又搵唔到人陪我, 所以黎左呢間勁多人排隊既板前. 一個人, 即刻有位.我食左個油金魚, 上面加左D葸, 好好食, 我覺得唔駛再加鼓油添.其他冇乜特別, 聽到隔離果個人話魚背好食, 不過太飽, 食唔落. 一個人去都有唔好處, 冇得同人SHARE, 食少幾款.