板前壽司 (已結業)

係呢間食過三次, 三次都覺得唔錯, keep 到水準~今次食既包括:加拿大象拔蚌x2--好有海水味, 入口煙韌, 正!日本象拔蚌--冇加拿大既咁夠味, 但入口竟然很爽脆,很意外!板前蝦x2--幾甜赤貝--ok蝦膏甜膏軍艦--點少少蝦膏食, 不過爾爾, 但成舊放入口, 蝦膏上的wasabe 同蝦膏有化學作用, 很特別!軟殼蟹卷--幾脆同香口, 不過有d油.帶子--有光澤, 入口好甜特級帶子--成張棉胎咁, 大舊得好誇張, 夠曬虛榮三文魚x3--不夠肥, 不過算幾大件,不過不失火灸三文魚--燒得幾香口, 另一種體會鮑魚仔軍艦--汁煮鮑魚仔, 味道濃郁, 不過d汁太凍喇, 好似岩岩係雪櫃攞出黎咁, 扣少少分 以呢個價錢食到咁既質素既壽司, 滿意!

成日都聽人講話板前D嘢幾好食又唔係好貴,不過係要等等等,星期三同女朋友去咗又一城睇戲,睇完就搵下有咩好食,先知道原來又一城開咗一間,去到都差唔多十點幾,已經無咩人等緊,好快就可以入去,我地坐咗係迴轉位,便馬上叫嘢食,叫咗三文魚,板前蝦,蟹棒,海膽,帆立貝,吞拿魚腩,鵝肝,燒玉子等等...真係唔錯,所有嘢都好新鮮,好好味!最覺得驚喜既係服務,我同我女朋友都覺得呢D咁既迴轉壽司服務一定唔會好好,點知原來唔係,因為我地係咁問同一個侍應kenny板前有咩好食呢!點解咁多人黎,佢都好細心咁答我地,可惜無意見書,如果係峰壽司就唔係咁喇,問多句就已經黑面,整體都真係唔錯,今次之後一定會去多D板前!^^

我很喜歡去板前….每個星期日下午我都會到加連威老道的板前食sushi…又新鮮又平…最近佢地周圍開店….星期六(3月10日)去又一城see movie….見到佢地開了新店，就入去試下啦….叫我最喜歡的牛乳白湯+5A和牛SUSHI….正呀….好滿足!!

同d同學去完site visit, 就去左呢間度食, 因為時間仲好早, 所以無人等, 我地都係等佢開門姐...我係未食過呢間既, 因為平時實在係太多人喇, 我又唔鍾意等, 所以趁住呢日唔洗等, 就黎左食, 如果唔係都唔知幾時至有得食....我地叫左好多野食, 有三文魚, 吞拿魚, 帆立貝, 象拔x, 板前蝦, 平目魚, 手卷, 炸墨魚等等....仲知大部分佢推介同人氣既都叫哂, 食到好飽好飽....佢d野食的確係幾新鮮, 我個人覺得最好食既係吞拿魚, 帆立貝同板前蝦, 最難食既係象拔蚌, 佢d咪好怪...價錢其實都只不過係俾一般既貴少少, 都算ok....而且佢又唔會趕人走, 雖然有好多人等緊...座位亦都好闊, 坐得好舒服...整體黎講都係一間唔錯既餐廳....

在觀賞完AMC的早場電影「莎樂的神奇網網」後，於十一時廿五分散場，由戲院出口轉左便剛好時此店的大門。由於還未到十一時半，故此店門外還是掛著「準備中」的告示牌。當時門外約有三組人客在等待，人數約有十二三人左右，時間一分一秒地過，但餐廳內的員工仍然在用餐。當大鐘已過了十一時半，玻璃門內的員工還在執拾及清潔檯面，差不多在十五分鐘後才正式開門營業，此行為已給我們一個十分壞的印象，證明此店的管理完全不合格。心想此店的定位應該和「瘋壽屍」同一級數，因為大家同時有一些貴價食品，而此店就連「日本原隻磯煮鮑魚」也有，成為五百大元一隻。而吞拿魚腩也分為「極肥、有根」及「肥美少根」，認真刁鑽。入坐後便馬上打開菜單，並點了以下食品及各食物的評價︰以下是對每種食品的評價︰01) 油甘魚腩- 不夠鮮味，相信魚生上的薑蓉搶了魚味- $25.00。02) 吞拿魚腩-肥美少根- 算是入口溶化，味道鮮甜- $35.00 (一本)。03) 5A和牛- 牛味不太濃，亦不夠鬆化- $30.00 (一本)。04) 牡丹蝦- 有漿口感覺，味道還可以- $20 (一本)。05) 海膽- 夠新鮮，而紫菜亦夠脆，滿意之作- $25.00

上星期六下午去了又一城, 同男朋友從未試過板前, 決定一試. 一1去到, 都要等下位, 等左十幾分鐘到啦. 入到去就攞左碟唔知咩黎試下, 都ok新鮮, 之後就叫左2碟三文魚, 1碟海鹽帶子(新鮮), 1碟特級海鰻(ok), 1碟三文魚子(新鮮), 一碟鵝肝, 1碟海膽(新鮮), 1碟芥辣墨魚, 1碟燒玉子, 1個三文魚子杯飯, 共15碟, 仲有其他就唔記得喇, 今次係我有史以來食三文魚壽司最少的一次, 因為今次我覺得其他的食物介好食.

有事要去cityu，晚飯當然在又一城解決。難得板前開了分店，一於去捧場。不過這間分店水準就比較遜色了。一向都覺得板前的鰻魚是好好味的，即燒即食，熱騰騰。可惜今天的就只是曖，甚至是凍的，很失望呀。還好其他都保持一貫水準，油甘魚亦不錯，和風沙拉一樣是很抵食。不得不提門口帶位的男服務員態度不錯，因為當時到我的時候，男友在樓下還未到達，我說他只需一分鐘就能到達，那個服務員都給我就座，不會不近人情，死板的做事。當然男友最後都有準時到達啦!雖然食物水準參差，但可幸有服務搭救!早前試了好幾間迴轉壽司店，始終覺得板前略勝一籌。

星期五，六點左右到達，壽司枱有位唔使等，因為趕時間所以拿拿聲坐低落單，有啲就由迴轉枱出，有啲就由壽司枱嘅師傅即場整俾你。啲料都叫新鮮，至於大細同多少問題我就覺得純屬呢間公司食水要幾深！最大問題喺啲師傅未夠班，喺你面前即做壽司嗰位師傅，件件壽司都散到甩頭甩骨，最可笑喺切三文魚時切斷咗，將斷開兩件三文魚照撻喺舊飯上面扮無嘢，我朋友大大聲話「佢俾舊爛嘅我哋」，當然呢位師傅即時「時運高」，而企喺佢身邊一位穿黑色制服，貌以更高級嘅師傅，目睹整件事後，更不發一言，飄然行開！這些連鎖性壽司店，擴張快又要標榜手握壽司，試問一個合資格嘅師傅的手藝同品格需要多少時間成長，就會明白哂上述發生嘅事情喺必然，最重要喺老板見到大排長龍，即喺成功喇！呢間店嘅經理好好禮貌，解釋各種食物好詳細，而侍應亦好好，店內擺位都幾舒服，唯一是冷氣不足。

之前去過一次, 食0左八碟壽司. 其中珍寶帶子同象拔蚌覺得有D腥腥地. 住係我隔離兩個女人就不停complain話D壽司唔好食, 火炙壽司又未炙熟.本來未有太留意, 點知果晚半夜腸胃炎.總之唔會再去.

好耐之前去過銅鑼灣嗰間，都覺得ok，諗住喺又一城呢間都唔差掛，點知真係非常失望。小弟五時多去到，d人未放晒工，所以唔駛排隊。例牌叫d蟹棒、海膽、帶子、鯖魚、秋刀魚、蛋......等候期間，見隔離位有個日本人，食左十碟八碟，碟碟都食剩d，心諗有d奇怪，好少日本人食壽司會咁架喎！跟住又見佢拎本簿仔出黎寫野，唔通佢係高層，今次突擊去試食？之後我地d壽司黎到，我終於明白點解個日本人會食剩咁多。塊帶子好細，舊飯又大又有d散，d魚又唔夠新鮮，舊舊都差唔多味，海膽又細舊又唔夠鮮甜，唯一合格係舊蛋。冇野好講，絕對唔會再去！！！

今星期後龍將會很忙，難得他上午還有空便一起到又一城逛逛。　龍很喜歡吃壽司，之前見到板前壽司開幕，一直都想來試，於是當日我們12點左右就來了等位。人龍未算太長，約等15分鐘就有吃。　是次由龍拍板點菜，我只坐著溜狗及等食。基本上每款壽司都好食，事先又不知情，每一碟都是驚喜：　蟹捧-鮮紅色的蟹捧，味道介乎蟹肉與蟹柳之間，加上少量沙律醬，相當鮮甜美味又開胃，是很好的第一炮。後來龍還再點多碟encore!墨魚鬚-小小的原隻墨魚切頭，就成賣相趣緻的墨魚鬚壽司。夠新鮮關係，味道都不錯的~軟殼蟹之卷-份量比較細，特色是上面放有黑魚子，但不注意是吃不出來的，是當日所吃中較普通的一味。秋刀魚-忘了讚板前的飯不多，魚生卻足料，甚具日本地道風味。如這款秋刀魚，魚本身切得較厚，味道濃郁，輕易一口ko也不會飽滯!三文魚-我們共點了兩碟三文魚壽司，其中龍負責清了三件；其實三文魚是普通水準，主要因為龍是其「粉絲」而已!帆立貝-帆立貝非常肥大鮮美，與壽司飯的比例達到了三比二，吃下去非常滿足!　八碟壽司過後，再來了綠茶冷麵及蒸蛋。兩者都是我想吃的，龍好醒目! 　綠茶冷麵-賣相很好吃的樣子，不過老實說味道麻麻，主要是冷麵口

一向都鍾意幫襯板前，第一次係幫襯佢o係東角o個一日之後keep 住有去佢o係旺角既分店食過將軍澳，見到又一城咁就腳又開左一間，就決定來試下第一次來係坐迴轉位，睇住個日本人師傅切三文魚腩刺身，覺得好正好好食...第二次再去，點知安排左住bar 台。可能o個日係年三十晚既關係，o係bar 台的香港人師傅一來冇來精神，又冇咩禮貌，d 野整好聲都唔聲就一野隊埋來..... 仲要一路整野一路留口水。真係比佢笑死。整整下又幾個圍埋一齊講下點解下星期既更表會咁編架.... 支支左左.... 幾個男人圍埋一齊講呢d 野都真係幾搞笑奉勸大家一句，唔好坐bar 台