更多
2007-03-05
1 浏览
好耐之前去過銅鑼灣嗰間,都覺得ok,諗住喺又一城呢間都唔差掛,點知真係非常失望。小弟五時多去到,d人未放晒工,所以唔駛排隊。例牌叫d蟹棒、海膽、帶子、鯖魚、秋刀魚、蛋......等候期間,見隔離位有個日本人,食左十碟八碟,碟碟都食剩d,心諗有d奇怪,好少日本人食壽司會咁架喎!跟住又見佢拎本簿仔出黎寫野,唔通佢係高層,今次突擊去試食?之後我地d壽司黎到,我終於明白點解個日本人會食剩咁多。塊帶子好細,舊飯又大又有d散,d魚又唔夠新鮮,舊舊都差唔多味,海膽又細舊又唔夠鮮甜,唯一合格係舊蛋。冇野好講,絕對唔會再去!!!
张贴