松記糖水店

营业中

休息中

o個日特登走去食,第一口感覺好滑,好味!!但唔夠甜!!芒果布甸,好多芒果,唔錯!!

阿姐介紹，什果琉璃($20)，琉璃，不爽不香，完全無味。加了什果，仍然是一碗淡而無味。

samothy,太杰太濃只會影響自然的味道,近來馬蹄露, 正如你說,是不錯有水準入口自然清甜多謝讚賞.minnamcmug我都有同感因近來的杏仁來貨品質有問題(無杏仁味) 已經令本人很頭痛四出尋找靓貨源,希望最近的杏仁露會有你的要求.正如1/6billionth講有兩間松記都唔知道邊間,咁我就簡單形容本店鋪(商標---椰子樹內有松記兩字..另外本店只賣糖水&甜點,沒有賣其他什食eg粉,麵,飯和公仔麵等等.).松記糖水店是糖水專門店唔好再混淆不清.九龍巴士,好多謝意見,真正做到那種feel是不容易,我會好好檢討.蛇頭你循環再用都幾環保,我會keep住D品質,但有時都會失手,記得講比我聽,我會做.御花園,你是沙田友你都幾長情.柴兒本店出名快..因為人客多要等位所以快,有些熟客仔見咁多人都好識做,可以令本店回快就在這裡多謝咁多位.仲有Fawi,Ailly鐘意食明珠多謝.bb因為之前大西米來貨品質劣,入口即霉所以有一段時間,暫停出售...仲有好多想講時間到,下次再交流............

今日收工約o左做Facial未夠鐘.就o係度食碗糖水.叫o左個芒果馬蹄露.個賣相OK.不過好似烯o左小小.食一啖...芒果好新鮮.有三大舊.都好甜.馬蹄都OK多~係片薄o既~好食!唔錯唔錯~~

had a bowl of almond sweet soup last night. quite large. cheap only $9. but tastes so so. don't have strong taste of almond

唔知會唔會係同名唔同鋪?呢間係長沙灣營盤街附近今晚亂搭車岩岩經過個度就買左碗凍椰汁西米露番屋企食因為太多人lu......呢間野我之前都聽過,不過個裝修好靚,完全估唔到間糖水鋪係咁番到去食, 入面有好多西米,係其他地方食都未必有咁多,不過椰汁好似冇乜味,可能我岩岩食完糖掛......碗野9蚊,算抵食事後想來呢度寫食評個度先發現原來真係有2間鋪....唔知呢間係邊間?

推介: 幻彩明珠,什果黑珍珠and 雲石豆腐花!!好抵食。我有時當lunch食tim!

差唔多每次去親琛水埗我都會去松記買返碗糖水食架~食親都係\"什果琉離\"or\"幻彩明珠\"~超好味lor!連門口個阿姐都認得我喇!不過我通常買走食,因為實在太多人喇~~~~上次我食左個雪山都唔錯wo!又有得choose食咩味o既雪糕~yummy!!!PS.佢\地叫order o既速度勁快!讚!!

每一次出長沙灣我都會去細松記食番碗幻彩明珠，平之餘又好大碗兼有我最鍾意食的大珍珠，每次食完都會打包一碗俾媽咪．．．但係要車返沙田個下就．．＞＜

住係長沙灣0既我, 又鍾意食糖水,當然一定會經常幫襯下松記....好多時去完街返屋企,都會心思思行多幾個街口幫襯下,就算飯餐已經食得好飽都好,糖水都一定食得落,我覺得兩間松記0既糖水都係大碗夾抵食,而且都好好食,天熱我就鍾意食「翡翠明珠」(有齊鮮雜果、涼粉、黑珍珠、西米....等),天冷我就鍾意食熱騰騰0既紫米露、合桃糊等,重有佢地加落糖水0的奶一0的都唔覺羶,平時唔鍾意飲奶0既我都覺得加左落去好味....

上兩星期一個無乜特別的晚上，家人由松記買外賣糖水，經大半個小時到達慈雲山寒舍，水準依然係度! 我order既係芝麻湯圓，價錢比滿記便宜，湯水比滿記濃d，湯圓的糖水要有d未先吊倒d湯圓味，唔通"水煮"咩! 主角湯圓都唔錯，仍然"煙煙韌"，又無話"發"到超大粒。麵粉同餡料比例剛好。雖然d湯已無咁熱，但都好好味。外賣盛器仲好"試正"添! 已在洗乾淨在廚房翻用緊喇!

There are so many different kinds of dessert here, traditional ones and those fruity ones as well. You can actually combine ANYTHING together and make your own favourite dessert~It's not expensive either, the most expensive one is just over $20. Recently I went there and found out that they now serve noodles. Although it's just instant noodles with 2 other ingredients, it's only $10!The only slightly negative thing is that it can get very crowded at night. So you might have to wait for a while

見咁多人話好野，早前特登去，價錢唔係貴，不過味道我覺得只係一般。整左個唔知開心世界定開心乜鬼，成碗好多唔同生果，有香蕉、西瓜、芒果、哈密瓜等，尚算新鮮，但冇咩特別。哈囉，好多豆同配料大雜會，百鳥歸巢咁，不過我就唔多岩喇。食甜品好唔好食，有時講feel，不過呢度ｄ甜品冇個種feel喇！有一樣野，就係呢度好似到碗野來到先寫價錢落張單度，唔係落單個陣寫，不過個日撞見到有個人拗：「你頭先明明話十五蚊我至要，而家你又寫十九蚊，攪錯呀！」點解佢唔落柯打時寫，到碗野擺低左，再tick番張單就知碗野出左，咪唔會咁拗數囉！

我經常夜晚都會揎揸架車去買糖水,試過好多不同既糖水,發覺最正都係熱豆腐花,又香又滑又唔太甜,真係好好味!小妹心水推介係熱紫米露豆腐花,不過要食豆腐花就唔好太夜去啦,尤其是weekend,有時9點幾都已經賣晒.

今日去諗住食我至愛summer, 但發覺好細碗，珍珠細粒，又唔好食，唔知點解生果都好似少了。個waitress話因為近排西米唔好，所以轉了，但我想講今日呢隻我亦唔見好。好彩我今日經開長沙灣，如果我係特登入黎食，真係唔值lor!!! 我下次再黎仍係咁，我諗我唔會再黎，same as the who post the last posting .