松記糖水店

营业中

休息中

自從我個friend介紹左松記比我之後~ 之前有一排差唔多日日去食松記~ 因為佢地有好大粒既西米~ 最初都會叫Summer~ 後來淨係要明珠+雪糕~ 隔左一排冇食~尋晚飯後同個friend走去~ 果時大約8pm左右~ 唔駛等位~ 入面亦仲有好多吉(木台)淨~ 我地2個人住4人(木台)都冇人走來(木台)添~我個friend就叫左佢既最愛-- Summer~ 本來我都打算叫番明珠+雪糕~ 但見佢menu轉左~ 加左新雪糕口味(加左紅豆同芝麻)~ 所以我都叫埋Summer~來左之後~ 見到碗野比以前細左~ 墮晒落去~ 以前係滿到流出來的~ 食左啖「西米」覺得口感好怪~ 因為不是煙煙韌韌~ 而是爽口~ 我以為自己耐冇食所以唔記得左啦~ 但係冇理由的~ 因為大粒西米係我既至愛~ 我冇理由會唔記得佢既口感~叫個員工埋來問啦~ 佢同我拗左一輪~ 堅稱Summer入面既係西米~ 仲話唔會係琉璃~ 因為琉璃係細粒既~ 之後佢去問廚房~ 就再走來同我地講~ 因為大粒西米加左價~ 貴左好多~ 所以我地冇訂貨~ 而Summer入面就換左大粒既琉璃~之後我再問單叫大粒西米可以嗎~ (因為menu入面冇貼住"暫不

我成日到松記食糖水有時中午有時晚上我今次上來不是要投訴的是要說一個習慣態度幾好的女孩子也有投訴有一次我中午去到門口岩岩見到這個女孩子上班個女孩子笑容很甜好的同事不知是叫她做阿家定是阿架但是有一次我看到好夜上哭起上來但我又不好意思走去同她說話好像很怪一樣一個男仔走去跟她說話人家會怎看我呢有一次夜晚有一個阿姐中等頭髮著住件馬騮公仔頭的衣這個就真是十分無禮貌了態度十分差不知她是不是老闆娘呢常常看到她都是在大叫企在門口傾計又不工作都不知她有什麼做

星期二晚去開松記附近上堂就先去松記隔離的一間京滬菜館吃碗麵正題啦...晚上8 點左右入松記唔駛等位睇完本menu後,最終選了哈囉等左唔駛一陣就有啦有西米、黑珍珠、椰汁糕、麥米、涼粉...(唔記得仲有無其他),再加上芒果汁芒果汁太少了其他材料都幾好味,涼粉我就唔鍾意食啦食到一半左右, 就開始唔夠凍, 所以無咁好食啦

睇過好多食評，而自己亦曾經响門口經過真係見到好多人等位(之前係去紅色招牌嗰間，確實係冇咁有人氣)，今日o黎都係好多人差唔多等咗10分鐘先有位。叫咗哈o羅﹑麻蓉湯圓﹑仲有一個唔記得個名，三樣o野都係一般凍嗰d就唔係幾夠凍，熱嗰d就唔係幾夠熱，總之就係差dd。反而之前去紅色招牌嗰間有個錦上添花幾好食，我諗下次都係去番紅色嗰間好d。

上次食o左個幻彩明珠, 幾抵食, $14 only, 以li 個價錢來說, 算幾多生果^^, 所以今次再幫襯, 今次叫了個SUMMER, 因為見隔離d 人食得幾滋味咁, o個賣相唔錯, 仲有兩大球雪糕, 可以揀味道, 我揀o左紅豆同曲奇味, 紅豆d 味好淡, 普通, 但係曲奇味就好好食^^。如果好似我咁唔太like涼粉, 我就鐘意食SUMMER 多過幻彩明珠, d 生果都差唔多, $16, 價錢都合埋o既!!

叫咗楊枝金露and黑珍珠馬蹄露。生果都幾多，而且新鮮，總之就係食到透心涼，值得食。另外，黑珍珠馬蹄露就從未係其它地方食過，黑珍珠幾有口感，而且味道適中，非常抵食。

同MUM 食完米線就想買碗糖水返HOME嘆下啦，所以買0左碗花生糊...呢度D野食都好經濟呀(9蚊ONLY)，不過水準不俗，雖然我只係買一碗糖水，個亞姐都好好招呼喎...好過山長水遠去九龍城大XX記度睇個D亞姐面色MA...個外賣碗可以放入微波爐，真係細心喇...但係大家要記住食緊D先放入去叮呀，因為佢地真係好慷慨比得滿滿的，仲有就係唔好放埋個蓋呀...唔係就爆瀉哂喇...嘻嘻~ (真實個案...因為本人試過^^)

今次食左個蘆會珍珠，蘆會有少少酸，同甜既花奶混合，好味！不過朋友叫既楊枝甘露豆腐花，賣相唔得，將豆腐花打爛混楊枝甘露，朋友話雖然都幾好食，但係個樣真係「成劇野」咁！朱古力湯丸賣哂，希望下次試到

食完壽司便來試下出的幻彩明珠（$１４）：水果有西瓜,哈蜜瓜,芒果,奇異果.涼粉,西米, 加了少少奶.我覺得一般啦!又唔係話真係超級好食,生果又唔覺特別新鮮.只是好大碗,14元超值的了朋友的海底椰豆腐花:她話好味,海底椰加豆腐花口感特別啊!服務都幾好,最少都會講句多謝.

終於嘟試左依間出名糖水店!!由於佢最近裝修過，so 唔係預期中既老店感覺，相反環境係幾新同youthful，都幾舒適~ 　　糖水種類幾多，味道的確係好，我對「哈佬」(mixture of 杏仁豆腐、涼粉、西米露、珍珠、芒果etc) 中既杏仁豆腐愛不釋手！另外什果冰燕又係一碗好得意既招牌糖水，當中冰燕原來係海藻，幾盞鬼！^^ 難怪咁多人排隊嚟食啦！！

果度Ｄ"哈囉"好正架！最啱鍾意食豆的人~!唔鍾意用花奶，可以叫阿姐轉忌廉奶~!

凌晨三點，駕車經過望見燈火通明，於是入去食碗糠水。朋友叫左個名為「summer」的甜品，是兩個雪糕球加雜果的甜品，賣相不錯。我要了個內有黑芝麻的西米露，名叫黑珍珠，另加兩個雪糕球，d 黑芝麻完全無味，要和雪糕混在一起吃。擂沙湯丸幾好味，好咬口。不過樓面幾個阿姐講野大聲到全場食客望住佢地，甚至有人用手掩耳（包括我），佢地依然肆無忌憚咁大大聲響度嘻嘻哈哈，完全忘記自己係開緊工！

每次來都一定要食楊枝金露ar, d料好足,d奶好香tim ar!! 其他都唔錯,我朋友就鍾意食0 樂jelly;佢d湯圓都好味道, 尤其擂沙湯圓,d皮好薄!!

平日來依度都係食最basic果0的糖水,芝麻糊,豆腐花,杏仁糊咁,都好有水準,唔似其他糖水店好似溝出來咁,今日見熱熱地,叫了兩個新糖水,哈囉同埋雪山,哈囉係一個雜荳凍糖水,最鐘意入面個大珍珠,都幾好味,但好飽,至於個雪山,可以choose一舊ice-cream,每日都有四至五個味道,我選左曲奇,個雪山底就用了西米露,成個撈埋來食,好味,又夠凍,正

20050614 10pm老闆請食松記糖水慰勞. 正中下懷 因為我想試佢好耐的了! 既然係老闆請就老闆渣主意, 要了個幻彩明珠, 據說好出名. 不過個賣相都幾......說實話, 好醜樣. 味道則是芒果蓋過一齊, 料很多, 果肉也大大件, 又西米又有粉圓(但略嫌不夠香Q), 卻就是沒有主題, 唔......難聽o的講, 好似個糖水舖有咩就"畢"落去咁.我諗出名, 就只純因為佢大件夾抵食咁lor.唔知幾錢. 不過都多謝老細一番美意.