松記糖水店

营业中

休息中

好味! 我叫了以下甜品: 綠茶奶黃湯丸, 見呢個幾特別, 咪叫下囉! 這個湯丸唔係太甜, 綠茶或奶黃的味道都無蓋過對方的味道, 反而兩隻味道很夾。好好味!試了朋友的芒果琉璃, 口感好得意。

五寶丸甘枝玉露幻彩明珠一個字: 正!

不得不評論, "松記" 既甘枝玉露.每次都唔使諗,實食. 介紹給朋友,每次都話好掂!!

一連兩個星期在這條街”搵食”。哈．．．平日很少跟朋友仔吃糖水，可能朋友仔不喜歡甜的東西，今日難得朋友仔提出這主意。時間較早，不用排隊等位。我要老薑番薯糖水，朋友仔要紅豆沙，再要糖不甩！在落單時，侍應哥哥問我，係咪好鍾意食番薯，太突然啦！咁問有些尷尬，不知如何應對，只有傻笑！他還教我們，糖不甩一定要拌好花生粒才好吃，很細心！原來老薑番薯糖水真是很“薑”，很辣！辣！相反紅豆沙很清甜，很美味！

What a shame. My gweilo friend brought me here, and it was great. We stood on the street and waited for about 5 mins for a table. The restaurant was packed, very local noisy and small restaurnat where people eating shoulder to shoulder. But the dessert... wow! one word: GREAT!

男朋友陪我去佐敦,食完晚飯見仲有時間,就去左呢度食糖水.其實一路想食,因為見到個個食評講到咁好,我真係好想試下.我男朋友叫左幻彩明珠,而我就叫左雪山..幻彩明珠好食,估唔到咁好味,佢真係落d 靚mango 家,其實係咪靚料&足料一試就試得出啦.而我果個"雪山"仲好味,入面有椰子汁/椰汁糕/西米/雪糕(雪糕有好多種味揀)...加埋一起太夾啦!!!真係好鐘意呢個呀.男朋友都話我果碗好食d 呀! ^^

去完劉森記食飯就轉戰食糖水~真係平靚正bor, 個幻彩明珠的確好味道, 我朋友叫o既雜果琉璃口感都好得意~抵食, 無咩服務, 不過收碟收碗收得好快~

喂! 各位..我食左個雪糕刨刨冰, 好好味喎.. 我揀左朱古力, 朱古力雪糕入面有朱古力粒粒, 好味喎.. 一定要再去已經第二次落呢間糖水鋪既comment

昨晚試了三樣甜品一: 奇異果琉璃 第一次食呢樣叫"琉璃"既甜品, 睇張相以為只係同西米相似既野. 點知佢個樣真係好透明, 食落去爽爽地, 咬開之後仲好似有d 汁爆出黎咁. 奇異果酸左d .二: 紅毛丹明珠 明珠係大西米, 有"煙煙un un"幾有口感. 紅毛丹中間仲有粒菠蘿, 紅毛丹都有5-6 粒. 唔錯三: 芒果黑珍珠 由於外賣關係, 佢張芒果蓉分開裝. 幾細心, 可惜食果個唔係我, 所以不能給予評語. sorry

我就食了幻影明珠加雪糕,太甜了..好一般($16+$4)另外我bf 叫了一個芒果琉璃....$28...但又係好好好一般....唔知咩味咁....

岩岩去完"大家食"到食完麵,就去食返d甜品,本想去"綠XX糖水"到幫親,但上星期先食過湯圓,想轉下口味,就去左松記到買甜品芒果豆腐花,可能芒果吾係當做關係有少少酸,豆腐花都幾滑,下次去到叫"幻彩乜乜乜"好似好正咁

試三樣糖水紫糯米加豆腐花: 幾好味...豆腐花好滑, 但越食越甜...所以建議撈一撈先食糖不甩:不俗六寶丸:六款唔同料湯圓, 賣相特別, 但味道只是一般...就算係最普通芝麻湯圓, 都無特別可能因為名氣太大, 所以期望太高,變有點失望...

每次必食都係哈佬,就算我唔好耶汁糕都覺得佢果d好香好滑. 芒果汁又酸酸地,好開胃!最鍾意佢地既撈埋一齊既豆豆,粉圓, 西米,and黑珍珠,食落口感好豐富~ 每次食完都唔會覺得好飽,但係就已經好滿足=)我個friend就試左楊枝甘路+黑芝麻雪糕,楊枝甘路好足料,唔太甜(可能予左你會加雪糕..),奶味重. 最正就係果個黑芝麻雪糕!! 超農芝麻香,密度高既雪糕, 正~~

食了芝麻薑汁撞奶。夠薑汁味, 但沒芝麻味。其他甜品也只是一般, 環境也很迫, 坐得不舒服。

講真, 可能係咁岩我叫果樣唔好味啦.....我叫個芝麻薑汁撞奶,D薑味怪怪地=.=,同埋好鬼快變左水.個FD叫左個雪山GE野,佢話唔得囉,我淨係知果件野係有D西米,有舊類似雪糕GE野......賣相認真唔掂,同圖片唔係咁相同.......D最大路GE楊支金露果D就幾OK,講真,如果佢連E D都唔得就真係=.="..........