松記糖水店

营业中

休息中

上星期日終於同朋友去試左啦~我們兩個人叫左"幻彩明珠"、"什果豆腐花"同埋"擂沙湯圓"..."幻彩明珠"、"什果豆腐花"都幾好味~至於"擂沙湯圓"真係好一般~整體來說都ok la~唔覺得太特別！

我都成日去松記買幻彩明珠架, 由早期買到依家, 好怕堂食, d 阿姐嘈生晒, 都係外賣多, 都係見佢生意好, 生果肯定新鮮, 同埋真係幾好食, 好過自己買生果黎切, 但近日越來越覺得d 幻彩明珠得幾舊西瓜密瓜粒, 加面頭一條咁多杧果啦, 墊底大部份係涼粉, 好無癮,再咁落去唔幫趁架啦

中午去左食，叫左碗黑珍珠馬蹄露，非常清新既口感，冰冰涼涼好消暑！11蚊算合理。夜晚去食，就叫左個五寶丸(如圖)，五種口味不同既湯丸頗為特別，單係賣相已勝普通湯丸一籌。13蚊叫做抵食！阿姐都算好人，中午人少少果陣去，我問佢邊d好食，佢都幾熱心咁推薦左幾款經濟既甜品，仲有笑容添，抵讚！環境乾乾淨淨，感覺平實，坐得舒服。

星期五臨收工前上網見到長沙灣有間松記糖火好似好好味咁,所以收工即刻同男友搭巴士落去搵喇,好彩男友仔識路,落左車行一陣就到,不過聽到有d人話有假既松記..所以我地搵個時都特別小心..因為驚去錯鋪頭,如果去錯既話我寧願唔食喇..周圍係咁望,我男友原來一早就見到,仲問我見唔見郅添,我話應該仲未到掛,佢話咁大個牌你都見唔到..呵呵..原來終於都到喇,我去個陣時得2-3個人係到食緊,原來2個人去食既話(佢好似唔多鐘意2個人坐4個人既枱架),不過我地都無諗住位4人枱..雖然知道有咩出名好味,但係都睇下個餐牌有d咩食先..睇完都係叫幻彩明珠同埋哈囉,佢仲會問要唔要奶添,由於唔知要定唔要好食..都係要啦,起碼會有d奶味(應該會好d既)..果真我覺得加左奶幾好味,哈囉有好多料,白色個d我唔敢肯定係唔係豆腐,有粟米..好多好多,我覺得好好味,男友個個幻彩明珠都唔錯,好多生果,d西米又好大粒,好有咬口,不過我都係覺得哈囉好味d,同埋唔算貴呀,10幾蚊黎講咁多料,又好味,份量都ok..對我黎講,簡直係滿足呀,不過唔可以成日落去..一個月1-2就夠喇

忽然有癮食生果糖水,所以食完米線黎左呢度叫左幻彩明珠..其實呢d糖水..都係食佢d生果....可以講得上冇乜特別夠凍夠甜夠多夠新鮮就ok不過今次唔係好夠凍囉..貪得意試下個coffee木糠布丁完住O咀囉上台既時候..加左d餅碎加係coffee布丁就叫木糠布丁?好無奈囉....味道...認真麻麻...始終都係食傳統糖水先食出功架始終都係支持我最愛既綠林要食生果糖水我唔識自己買黎整...?

我大住個肚, 等位等左30 分鐘, 我唔食得夜明珠, 只食燉蛋同芝麻糊, 好可惜, 燉蛋唔夠味, 芝麻糊好粉!

上個星期同朋友去食松記,我要熱紅豆沙,好味!朋友要summer,選曲奇妙脆同芝麻味雪糕,芝麻味好香,下次一定要食呢個!

呢年成日系深水步同長沙灣一頭覓食..成日刀會黎食松記..對於我呢d元朗人..覺得松記甜品/糖水好味過b仔多多聲!最好食既系哈囉..系好似喳咋咁..但+左粟米同椰汁糕..配搭新穎亦都好好味..系中2食喳咋既人又一新選擇!!真系好岩夏天食!上得好快手..其他甜品都好有特色..黎呢區必食!

同男朋友&朋友打完機~經過~食下呢度既糖水~真係好食到....比個gd佢呀~ha~落足哂料~同男朋友一齊食岩岩好~

有飯賣果間唔係堅野...有人話果間係分裂出泥嫁...而m記門口o個間係堅o既...佢地個哈囉好好咪,估唔到喳喳o既豆加上生果係咁好咪嫁...而佢地個summer都好正,而且松記排哂長龍,d價錢都係咁大眾化...的確十分好!

今晚我在此店嘗試了兩款甜品，但是此店的水準跟我在"甜源居"所吃過的甜品在創意及味道相差太遠，過甜又用料不佳，失望。

星期二,同細路行完西九龍中心及鴨寮街後,好鬼熱,所以去左松記食甜品!我都係第一次去,入到去,覺得入面環境唔錯,人唔算太多,可能得六點鍾,無禁多人!我們叫左雪糕刨冰及雪山,先講雪山,上面係雪糕,下面係有椰子汁西米露同豆腐花粒,雪糕好味又凍,但下面椰子汁西米露同豆腐花粒唔甜,一齊食有點怪!而雪糕刨冰,上面係雪糕,下面係有椰子同芒果汁,紅豆及珍珠刨冰,雖然個珍珠食落有d怪,但整體上,味道都幾好, 但冰好快溶,食到尾,整番好多水呀!

　　基本上我係松記既常客，其實真果間係係Ｍ記對面架，大家千祈唔好去錯！　　講到入面既糖水，起初最鍾意係幻彩明珠，又平又多又好食，但好似日子耐左，變得冇咁好食．．　　好似有隻叫水晶珠既野，口感幾好架，但就冇咩味既！不過食得多個口會好睏．．　　佢既雪米磁就肯定係維記出品啦，因為我見住佢\開個包裝既，唔係見佢平平地又多Ｄ芝麻，真係唔食都可以．．　　我覺得佢既湯圓同糖不甩都幾好食既，不過５色湯圓＄１２得５粒，話平又唔平，貴又唔算啦！　　近日就鍾意食涼粉豆腐花，好味道，加埋Ｄ奶，１流呀！涼粉好爽，豆腐花又滑喎～　　佢既芝麻豆腐花都唔錯架，芝麻味幾重，再加埋Ｄ黃糖水，配合得幾好！　　芒果ｐａｎｃａｋｅ唔錯，芒果大大舊，ｃｒｅａｍ又唔少，不過就費左少少囉．．其實有時約埋ｄ朋友黎坐下都幾好，但１２點ａｍ左右會好多人，所以早ｄ去會好ｄ～

深水涉那裡有兩間松記，我第一次去了一間所"出品"的真真可以以難食來形容。不過後來聽人講在那裡一、兩條街之隔，另外又有一間松記，他的出品又是另一回事。所以想問清楚你去了那一間？(一間門口有電視，鋪頭不大，對面有麥記，往尖沙咀方向行是寶血醫院，我覺得是正牌，味道跟佐敦那間相似)

5月5日同女友去深水執佢鍾意既精品平價，滿載之後就諗住黎附近先吃點東西，點知誤打誤撞黎左呢度附近，就食左d野再轉戰呢間糖水店。因為之前無預定話黎呢度，所以無睇食評，就揀左自己能夠測試糖水舖實力既湯圓糖水"六寶湯圓"。女友就揀左"海底椰黑珍珠"。我的"六寶湯圓"係由六種不同味道的湯圓組成，花生、芝麻、奶黃、紫糯米、綠茶、豆沙。六粒湯圓裡只有花生可取，芝麻味雖有，但很明顯不是自家製，咬開一半，裡面既芝麻餡一遇水只能浮面，不像花生味般有顆粒及香口。奶黃，紫糯米，綠茶、豆沙完全無味。至於糖水是薑糖水、薑味夠，但可惜是一點甜味也沒有，完全像薑水多過薑糖水，甚至覺得湯圓也比它甜.....女友的"海底椰黑珍珠"，女友亦彈多過讚，黑珍珠很多，海底椰份量亦多，但是其敗筆和我的"六寶湯圓"一樣，一點甜味也沒有，亦因為沒有甜味，令這個"海底椰黑珍珠"食落好似食緊洗衫水咁，令人無奈。女友同我都覺得只係平，好食? 還未夠班，天后的明記感覺也好像比它好，甚至我家附近的也比較好。女友又問會唔會因為食左辣野，所以感覺不好，我想食辣野未至於連一點甜味也感覺不到吧?新派甜品整得幾好又點呢，只不過係切粒生果+珍珠+芒果漿/