松記糖水店

营业中

休息中

比預期中得到更多!!抵食、足料、有效率又服務好。金枝玉露--楊枝金露變化出來的甜品，勁好味!入面有楊枝金露及馬蹄露仲有大西米!必食!!馬蹄露--唔甜，蛋花好有蛋味!吳松街那間的水準也很好!!

呢間試過幾次次次都有水準~~幻彩明珠好食~~ 去兩三次都食一次芒果西米露好味抵食最緊要多款式同好多都係14蚊咋同速度都係好快約30秒食物已係你面前真係快~~一個字正~~

第一次來這裡吃, 感覺很好,叫了summer和芝麻撈雪米糍.summer($16) - 貌相吸引, 兩個雪糕球下面一些生果及透明的珠,雪糕球(選了奇妙脆和芝麻味雪糕),不是太甜,較喜歡芝麻味雪糕, 生果不是很多, 但很清甜, 明珠很彈牙.當然如果多點生果會更吸引.另點了芝麻撈雪米糍($8)兩粒芝麻味雪米糍+兩粒芒果味雪米糍 芒果味的芒果味很濃, 小妹較喜歡芝麻味的.生果新鮮, 甜品款式多, 環境也不錯這個價錢合理, 但不可以算作抵食.

我最愛既甜品店～～今次食什果清涼爽，＄１８，有好多大大粒既什果、香蕉大菜糕(好似係)、大西米同一條條類似果凍既野，再鋪上芒果汁及花奶，一貫水準～～但我還是較喜歡幻彩明珠和琉璃！！！朋友仔吃幻彩明珠走芒果，十億個無奈．．．．．．

松記一直都是到訪深水步其中一個驛站，加上現在天時暑熱，從黃金走過來的十數分鐘，體內所儲的暑熱將成為想幫襯這裡的添加濟。情況跟源記一樣，因不是時常來松記，固試新花樣甜品的心理鬥爭總是輸掉，還是開心世界或哈囉之類的大路甜品穩陣點。哈囉仍是水準之作，上臺的碗碟都是先涷後盛，但唯一的敗筆是芋頭不夠粉綿，其實是不當造的問題，但總是有點不是味兒，但始終都是盡興而回。今次外賣帶回家給小朋友一試，看見開開心心地慢慢品嘗，心願足矣。

之前聽好多人講....話松記D野好好食**SO就決定去試下喇....搵左好耐先搵到!!!!(哈...唔識路丫MA~~)嘩!!!!果陣已經11點幾.....仲好多人等位~~等左幾個字之後,,,就有位喇!!!哈.....好興趣....叫左個 ....其實都唔知好唔好味架?!?!BUT....等位果陣~~見到勁多人買外賣都係叫呢個..咁就試試啦XD開頭都幾好味.....不過後來又覺得1般~~~但係~~LEE道D環境都OK丫...唔算差!!!!食飽之後....睇到個MENU....原來仲有好多正野食~~~唔得....下次要再去試先得!!!嘻.....

好鐘意松記！而家一個禮拜起拜食一次！如果唔係周身唔聚財！杯杯冰好正, 夏天熱辣辣, 食完個人爽晒！個人鐘意椰汁糕,所以幾好哈囉杯杯冰。荔蜜都好正！幻彩明珠最好就加埋雪糕一次食！都係加$4 變成$19姐！曲奇妙趣好正, 每次一定食的！另外紅豆味都好紅豆, 呢兩種味道值得推介！呢幾次食完凍甜品都會試一個熱糖水,eg 雲石豆花。不過呢個so-called 自創的雲石豆花一般咁囉, 似食熱的芝麻,雪糕咁...去過深水步總店, 個冷氣凍到死, 食完凍品更加係凍到痴筋。油麻地呢間冷氣不錯, 坐得幾舒服！！

價錢真係抵到爛~普通糖水(芝麻糊,合桃糊,花生糊etc)一碗都係十蚊左右~~加埋湯圓都只係廿蚊有找...比起滿記平好多!!<br />價錢平,但係質素亦比滿記高~~所以住將軍澳ge我都寧願出長沙灣而唔入西貢食糖水~^^\"<br />最好味ge就係松記ge湯圓,口味多而且又好味~~我最鍾意就係綠茶奶皇湯圓/奶皇湯圓~~~其他都唔錯~~第一次去可以叫個五寶湯圓~~<br />不過我覺得環境都幾迫o下...而且有時又有顧客食煙...o係咁ge環境之下都幾難頂~希望松記全面禁煙la~

夏天口乾乾，特別掛住松記糖水！松記呢個名好多人用，試過荃灣有間叫”新松記”的，Ｄ款式名同呢間松記好似，都唔知係唔係舊人跑出來自立門戶，”新松記”價錢貴一成，但品質味道差九成呢！講返呢間正宗松記，昨晚２人叫左SUMMER, HELLO, 奶黃湯圓, 味道依舊正呀! HELLO 就好似"咋咋" 的現代版, 好清新!其實好想食"幻彩明珠", 不過我個人太想食SUMMER上面果D 椰子糕粒粒喇!SUMMER 就冇乜特別, 自己係家中用雪糕, 西瓜,蜜瓜, 西米加花奶, 再加"黑白配"就係啦! 最最最好味就係奶黃湯圓, 皮薄之餘唔太甜, 個薑湯好濃味, 如果食完太甜野, 飲幾啖薑湯先, 都可以清清個口先, 咁就食到最完美/原味的湯圓喇! 不得不提D呀姐, 大大聲其實好玩得! 如果渣車的話, 可以單聲佢知, 如果有人抄牌佢會大大聲講GA!!

好誇張, 三個人食飽飯仲黎叫左5碗糖水, 好似餓左好耐咁. 我地叫左幻彩明珠, 開心世界加曲奇妙脆雪糕, 三色涼粉, 可樂啫喱, 同埋一個唔記得左個名, 好似楊枝甘露咁, 但係有啲粉圓同馬蹄爽係個底到

有D糖水舖不求款式花巧，但求烹調既精純，好似上環既源記；有D就講求款式既創新，務求令食客耳目一新，就如長沙灣松記糖水。同阿K去完食雲南米線，行過一條街順便食埋糖水。我地嗌左“雜果琉璃”同埋鎮店之寶“幻彩明珠”。“雜果琉璃”琉璃的質感怪怪地又唔夠凍，結果食剩d琉璃，唔合格！好彩鎮店之寶“幻彩明珠”為佢挽回些少聲譽。一來夠哂凍（因為加左冰）；二來d大粒西米好煙韌，甜甜地，好好味；另外，涼粉一d都唔馬虎，好爽。不過要記住唔好落淡奶食，如果唔係，都幾膩。其實，你話好出色又唔算得，唔明點解d人話要特登去食，但係整體黎講，都係水準以上。

如果對「松記」期望很高的，就不必了。但我就特別鍾情於它的「涼粉」，伙計話係自己整既，所以同外面的罐頭及街邊貨色好唔同。另外，我食咁多次，都覺得松記的「大西米」水準保持得好好﹗好彈牙﹗佢既特別之處係，街坊價，質素掂過「許留山」!不過，座位好窄，好嘈，坐唔得耐。你地又知唔知「松記」都有兩間？而佢地既食品都有些少分別？

每次去都係叫幻彩明珠,今日有d變~叫雪山配芝麻雪糕ok啦~只係ok~但食完真係幾full但松記而家真係唔太吸引啦除左抵食之外諗唔到留下理由

我係常客，因為(1)好味;(2)近屋企;(3)平。我通常都係食幻彩明珠，另外d湯圓同刨冰都好味。當然唔可以同酒店比較la，尤其係d呀姐真係好嘈。但以十元二十塊的街坊價，絕對食得過。

食完飯如果冇得食甜品，總會覺得是欠缺了什麼似的。所以今次同個banker食完飯之後，我都主動提議去食糖水。唔知係咪因為世界盃既關係，約九點鐘去到都仲有位，認真少見。不過，其實都有好多人買外賣，証明佢既水準不是差了。有新餐牌，立即看看，多了幾款新產品，有些價錢還幾貴。朋友要最common既幻彩明珠，我要什果疏離。之前未食過什果疏離，不知是否新產品。看見侍應落單．要$20，嚇了一跳，心想唔係咁搵笨呀。朋友的幻彩明珠先到，食慣食熟，不覺得有什麼特別。到我的什果疏離，見佢既賣相和份量，即時順番條氣。好大碗，芒果漿和花奶自便，我既習慣係一次過落晒，感覺好正！"疏離"好爽口好有口感，加埋ｄ芒果漿，勁好味。而且什果又多，新鮮美味的西瓜粒、芒果肉、哈蜜瓜等一應俱全，唯獨是奇異果好酸，不過整體而言都係值得一讚。知佢仲有其他新登場的產品，有些似乎都幾吸引，下次一定要試。