東莞佬粥店

营业中

休息中

Went there for breakfast with family to try out the famous 竹蔗粥. Turned out it's the least favourite dish out of all other dishes (congee / 腸粉, etc.). It's too sweet for my liking. Everything else is OK.. As I live in kowloon, don't think I'll be driving all the way to Sheung Shui for that congee again.

今早六點半去食早餐，天氣涼涼哋諗住食碗粥暖謂就去咗哩間野食點知。。。。靜腸粉唔夠軟滑碎牛粥，粥底又唔夠綿油炸鬼食落去一口油試過就算，我不會回頭再食，唯一好處係比較平囉，食物質素對我來說差。。。

今早在圖書館自修室與書本博殺，到中午時肚子發出巨響，於是與戰友一同到樓下街市的熟食中心尋食。逛了一圈，我決定到聞名已久的東莞佬粥店解決肚子的呼吸。我當然是點了在它最出名的、在香港獨一無二的竹蔗粥，這是我第一次吃甜的粥，感到特別興奮。竹蔗粥外表是深啡色的，材料有紅蘿蔔、還有不知什麼豆，有點像吃喳咋糖水，不過真的十分美味，怪不得人人吃過都在讚。我點的粥餐，配了腸粉和熱豆漿。腸粉好似有六條，也是中上之作，不會蒸得過腍。熱豆漿的豆味是存在的，可是偏甜，如果可是減糖就更佳。這個套餐只收我$15，卻又飽肚又好味，實在是超值。找個機會我要帶媽咪來試試。

天氣轉涼, 同老公走去街市食lunch, 第一時間諗起食粥, 今次係第一次幫襯東莞佬粥店, 睇下餐牌都係$15一個餐, 我叫左艇仔粥配油炸鬼,跟一杯凍豆漿, 老公叫左一碗菜乾粥$9豆漿有少許豆味, 飲落仲有粒粒豆渣o係口入面, 不過老公話唔算係好飲, 我都有同感艇仔粥就賣相幾靚, 有d炸過既米粉碎o係面, 入面就有水尢魚鬚, 豬皮絲同豬肚絲, 當中水尢魚鬚份量比較多, 粥就唔係太綿油炸鬼剪開一件件上碟, 黎到雖然唔熱, 但算係幾好味唔硬, 放入d粥入面好食菜乾粥內裹有肉, 以為只係得菜乾一樣, 食落個味好似飲緊菜乾湯, 個人覺得呢個最好食埋單都係$24 好抵食, 下次都會再試下其他~~

呢間野,真係要晨咁早去先得.因為,越晏越多人......果日去深圳,又聽上水朋友介紹,所以就去試下推介果度:1.白腸粉.......滑!正,兩個人食一碟都可以.2.艇仔粥.......老實講,一般.果日就十點左右到,已經要等位,平日都要等,假期就更唔洗講......

同家人行完街市,上嚟搵食,見人多就坐低．點了菜乾粥+炒麵, 竹庶粥+腸粉,另送2杯五花茶粥同腸粉都ok但等了一陣至有, 炒麵就更出色又大碟,飽到頂住,抵食好味!!

是咁的, 被派往上水出差一天, 正所謂三軍未動, 糧草先行, 來到一個新的地方, 最緊要睇下有咩食。是日選定了兩個目標, 就是 OR 上水區排名頭兩位的廣成冰室和東莞佬粥店。晨早流流, 山長水遠跨越整個香港入到來, 當然先去吃碗粥。由港鐵站行過去石湖墟街市, 說遠不遠說近不近, 但我人生路不熟, 外面還下著雨, 都要多花一點時間。總算來到了, 原來「食早粥」的人都不算少, 大部分是長者, 我算是最後生之一 。粥品有散叫的, 只是套餐有腸粉或麵再加飲品, 賣 $15 而已, 自然是點套餐抵啦。於是要了竹蔗粥 + 齋腸 + 五花茶。其實我是專程為了竹蔗粥而來的, 因為有甜粥吃的地方, 除了此處就真是未聽過其他。一碗啡色的粥, 綴以少許紅蘿蔔的橙紅色, 可以用「其貌不揚」來形容。入口有點似曾相識: 什麼來的呢? 搜索枯腸之下, 方醒起是竹蔗茅根糖水! 綿滑粥底有著竹蔗的濃甜 (倒有三分像蔗汁!), 也有陳皮的香氣 配料有眉豆、紅蘿蔔、圓肉等。似乎又有點吃花生麥米糖水的風味。吃一碗粥當埋吃糖水, 果真是一石二鳥。只是吃到一粒粒豆狀的東西, 咬不開的, 不知是什麼, 有點掃興。腸粉一卷卷的非常工

艇仔粥,炒面,加豆漿都係15蚊!!今時今日!!!係香港仲有邊到可以做得到!!!艇仔粥::勝在多料!!其實粥底同d料都係麻麻!!炒面::;都係普通野!!!豆漿::我就覺得無無咩豆味~~同甜左!!!另外有醬汁同芝麻可以隨意加!!!之前試過一次買外賣!!要收多2蚊!!!不過個炒面會多到兩個人都夠食!!!

而家响香港十元可以做D咩?????就係去呢度食碗超好味超足料嘅皮蛋艇仔粥-粥料包括(皮蛋, 魷魚, 豬皮, 花生....), 仲有只係6元的滑滑腸粉。

基於我唔鐘意食甜野。所以無試過"竹蔗茅根粥"亦都唔見有燒鴨粥。如果有我都想試下係價錢唻講，十三蚊可以食到咁既野真係好好。特別係無錢既情況之下。真係救我一命但係街市有另一間叫上水粥店，佢其實仲平小小起碼佢個餐可以簡炸兩，講返味道。差唔多全部粥都食晒。炸兩係林(呢個價錢，如果仲有炸兩脆既，食左都會唔好意思啦。所以都好正常)整體比海皇粥店難食。粥底真係唔係咁好。白粥都食過，但係唔好食不過印象最深刻有一日，想食炒麵，呀姐話炒麵賣晒。叫我食炒米粉，話岩岩炒起。算啦。佢話岩岩炒起就試下。真係我成世仔食過最難食既炒米粉。白雪雪，一d炒過既跡象都無，亦都唔熱，仲有幾條生生地加左醬都唔好食。食完真係唔開心。係幾個選擇中簡左個好難食。加上過住窮人既生活，食食下發自內心覺得好唏噓。覺得自已好慘。結果之後我就再無係佢道食。過左上水粥店食P.S.我唔係話邊間好過邊間，其實兩間都差唔多不過只不過我有個bad memory所以我走左去上水粥店總結：十幾蚊咁既味道好合理。可能我無食過「竹蔗茅根粥」所以我唔覺得有樓下咁多位講得咁傳奇。

講明要掃一次石湖墟街市,今次就光顧一間我廿年前已經幫趁既老店.話說當年仲係鐡皮屋時代,已經成日幫趁,反而上左街市之後就少好多.除左出面少見既竹蔗茅根粥之外,一般粥都唔駛十蚊,而且仲有套餐,十款唔同既粥配炒麵/油條/腸粉,再加一杯豆漿都係十五蚊,咁既價錢,去海皇都只係食到一碗粥咋.艇仔粥 : 配料有豬皮,水魷魚絲同豬肚絲,反而常見既碎牛肉就無,粥而灑上一層炸過既粉絲碎,粥是開花粥,師傅少許,不太嚴重,豬皮,魷魚是有咬口野,不過都係屬於無味道,但豬肚絲嫩滑,比前兩者討好得多了.炒麵 : 唔太油,夠乾身,非常對辦,有少許芽菜,加點甜辣醬食,簡簡單單,無須什麼巧立名目的配料,畢竟呢 d 都係由細個食開,志在飽肚野,講真,當年有包熱辣辣炒麵同家人一齊食,已經好warm,唔係下下大魚大肉既.豆漿 : 一飲就知係開水野,完全唔得,不過當係送既都無乜所謂.十五蚊,真係平到無朋友,要飽肚一定得,不過下次唔要豆漿p.s : 舖仔細細,數數下,樓面都有七個,仲未計煮粥同入面,厲害

一早睡醒突然想吃 一粥一面腦海即淨現由細吃到大的 東莞佬行到上去因為很早關係還是很少人咪講笑..即時叫個 菜乾粥+炒面 行街唔洗 1分鐘就完成交易返到屋企一打開個炒面嘩..洗唔洗咁大份..成盒外賣飯盒咁大 滿哂好味..但一個人點食得哂-.-?菜乾粥 超足料好多菜乾唯一彈既係..粥入面既豬肉好鬼肥要扣返d 分整體真係好鬼平

早上長途跋涉由東區到上水當然非試不可 與姨媽 婆婆 姨丈 點了肉片粥 齋腸粉 鮮蝦腸粉粥很綿 很滑 材料絕不吝惜 大大的肉片在內腸粉頗滑 爽爽的蝦可惜缺失了應有的熱度 要求太大吧?哈

同mummy黎食lunch~一人一set:豬雜粥, 炒麵, 豆漿 ($15)豬雜粥:有豬肚, 豬皮, 花生(脆卜卜放係面), 豬潤(好滑), 個粥底好綿ar, 其實個味好似艇仔粥炒麵: 有芽菜, 蔥作配料, 炒得乾身但都幾油下, 好大碟豆漿: so so la, 豆味唔濃, 又唔太甜ge, 純粹當涷飲lo 竹庶茅根粥, 蝦米腸, 豆漿 ($15)竹庶茅根粥: 甜甜地, 有紅蘿蔔, 果皮, 馬碲....好似好健康蝦米腸: 好滑oh, 蝦米亦唔少, 份量比起海x粥x多好多(加d芝麻會仲好食)$30兩個人捧住個肚行落去買送

來石湖墟熟食市場"搵食"見 d 粥及炸兩好吸引豬什粥 $9 白粥+硬豬皮+豬肚絲, 成碗冇樣有味道 炸兩 $9 賣相好得, 點知... 油條好硬, 又凍 腸粉就較好味, 夠滑~總之食碗$6白粥及$6腸粉好過~