東莞佬粥店

营业中

休息中

因為夜晚工作所以我既晚餐係正常人既早餐多數朝早6點左右就去，所以所有野都新鮮咁我習慣一星期去一次呢間鋪頭咁都試左幾款粥粥底黎講，其實好少分到好壞除非真係好差呢間既粥底係正常既碗粥份量足之餘，料都好足早餐黎講係夠既如果唔夠佢都有套餐提供 27蚊其中有得配粽，油條，腸粉，炒面印象好似係呢4樣仲加埋豆漿或菊花茶我試過兩次套餐配腸粉同豆漿佢無問過我豆漿凍定熱但2次係分別凍同暖，所以我估係有得簡不得不提佢既腸粉係蝦米腸但係佢捲得麻麻，加上切3刀切得太細舊另外我好鐘意食佢既炸兩 15蚊都係用蝦米粉皮包住油炸鬼，味道好好今日心血來潮試左排骨飯加炸兩好飽，真係好飽排骨飯有得簡要唔要豉油同咸菜佢飯同排骨係分開上呢樣野真係接受唔到咸菜鋪係飯面，唔太咸但令個飯易入口左排骨份量都多，10小舊左右，偏咸排骨飯係21蚊，個人覺得係抵食但我都係中意蒸飯d肉汁滲入飯

今日約了好友番大陸， 我哋去咗東莞佬粥店食早餐， 食完就一同出發。地址：上水石湖墟市政大廈2樓9號舖位置非常方便， 於上火車站下車， A4 出囗， 步行五至十分鐘就到了。 我最愛是炸兩， 份量十足， 大大舊， 油炸鬼脆卜卜， 十分香囗。 油炸鬼被香滑腸粉包住， 仲有蝦米添！正！我沾了豉油同甜醬， 一齊食， 好好味！ 除了喜愛炸兩外， 牛脷酥都係唔錯嘅選擇， 其實香港已經唔係好多粥店有得賣了， 口感香脆， 味道帶甜， 幾有趣。 值得一提係好抵食， 我哋三人叫咗好多野，三碗粥、炸两、 牛脷酥、 香滑腸粉同炒麵， 人均消費都係大約四十元，抵啦！

細個時唔鍾意食粥，覺得佢淡而無味，但人越大，就越喜愛粥，尤其係天寒地凍嘅時候 ，食一碗真係暖入心。隨住連鎖粥店越開越多，街坊粥店已經買少見少，還好上水有東莞佬。套餐有一碗粥，一份腸粉，炒麵或油炸鬼 ，再包一杯豆漿或菊花茶，都只係27蚊，相當抵食。今日叫咗豬雜粥，唔好以為套餐就會偷工減料，份量都幾大碗，粥底煲得相當綿，吸收晒豬雜嘅甜味，非常好食。腸粉一碟有四條，可以揀蝦米腸或齋腸，每張枱上面都有甜醬，麻醬，辣醬及芝麻，鍾意加幾多就加幾多囉，腸粉相當滑身，混元醬後配粥食真係一流。菊花茶只有凍嘅揀，味道清甜 食完熱辣辣嘅粥後，飲番杯真係十分醒神。

今日諗住清清地食飯個陣買碗粥食.叫左個粟米粥.點知食第一啖咸到好似食緊鹽咁.從來都未試過可以食一碗粥第二啖都食唔落😡之後打返去同佢講仲嬲.開頭係個男人聽同佢講左件事佢話唔係佢落既單將個電話比左個女人聽未同佢講已經問我係邊度我話係xx地方佢就講左一句話個個地方唔送咖係咁啦下.就即刻cut線.我真係火都黎埋.我即刻再打返過去同佢講.我話我冇講咩事你就收左線有冇搞錯呀.之後傾傾下佢又cut左線.😡😡😡😡😡完全離哂譜知唔知道食飯時間有幾重要.我可以再落去換就唔駛打比你啦.再講我哩個地方距離佢間野只係十分鐘都唔駛就到.唔明點解可以咸到甘都可以賣比人食.仲要咁既態度真係不知所謂.以後絕對唔會再幫襯😡😡😡

#向阳从厦门吃到全世界##香港美食#【東莞佬粥店】📍上水石湖墟市政大廈2樓9號舖學習一週後迎來了難得的週末休息，午飯拉上室友一起去住所後面的菜場尋美食作午飯〈店铺〉從上水站E口出後沿著長廊一直 到一個菜場 攤舖們都在2樓 有許多的店舖 很多市民 是一個特別有街市感的一個地方了〈炸兩腸〉油條我是很少吃 可是看起來特別的誘人 就忍不住點了 上來的時候發現量真的是超足了 油條不會油膩 腸粉皮薄 搭配著油條十分合適 第一次吃這樣的腸粉 超滿意〈竹蔗粥〉聽說是用竹蔗水熬的粥 有黃豆等其他的料 紅糖味感覺十分的養身 甜甜的 不嗜甜 所以交給嗜甜的室友吃啦 〈炒麵〉略干 不是很推薦 但份量也很足〈艇仔粥〉有豬皮 豬肚 蝦很多的料 粥剛剛好的稠 入味 很讚〈腸粉〉齋腸 原以為會很無味 但醬料搭配得讓腸粉很入口 配粥挺好的〈豆漿〉沒什麼豆味 但挺濃稠的〈瘦肉腸粉〉份量很大了 飯量最大的室友也沒能吃完一份 味道也很好〈普洱茶〉很濃 還能加熱水 只要3hkd 用來解膩超好的人均25hkd左右 性價比很高了 幫我們點餐的阿姨特別的好 說看到我們彷彿看到了她的曾經 很貼心的送了我們油條和麻團 阿姨的話間感受到了

這裡的粥粉雖然說不上"天上有地上無"的那種，但它就勝在保留傳統的味道，令人回味無窮。美食除了是以味道來征服味蕾，傳統的古早味也同樣可以捕獲人心。從五年前的二十元一個套餐(一碗粥、一碟炒麵和一杯豆漿)，到現在的二十五元，老實講起價並不過分。我特別喜歡他們的菜幹粥，裡面還有淡菜(類似小蠔幹)呢！吃炒麵或炒米粉時撒上芝麻會有錦上添花的效果。我經常説美食在人間，這家粥鋪就應正了我這一點。

2017.05.21 😊又來到平民美食篇小妹住在北區已經不少年頭但在熟食中心搵食的次數卻不太多難得有九龍區的朋友相伴👭今轉就來到上水街市的熟食中心尋找地道口味竹蔗茅根粥炎熱的夏天又來到了這種天氣真的令人想發脾氣🤢小店就自創了竹蔗茅根粥 幫大家滋潤降火一下🤗小妹是竹蔗茅根水的忠實粉絲配上粥 還是第一次質感不算太濃綢 就有啲似麥米糖水配上紅蘿蔔 陳皮 竹蔗等材料🥕略帶甜口 應該就是來自片糖的甜度吧係炎熱的天氣下 不仿一試東莞佬粥店 💌上水石湖墟市政大廈2樓9號舖Mon-Sun:0600-1600

以前讀中學時lunch會黎呢度開餐個時好平，17蚊有個餐，好好味，學生首選雖然宜家貴咗少少，但質素依然不變最鐘意食既都係炸兩，食過咁多間都唔夠東莞佬好粥都好足料好大兜，次次都食唔晒，廿幾蚊真係好抵不過黎得街市大排檔就唔好期望有好既服務同衛生環境

呢到中學已經開始食記得第一次食 個套餐15就埋到單食到依家變左23蚊 但係係依家黎講 都平到無人信我就叫左豬什粥 炒米同豆漿但係平唔代表呢到會hea你 個粥底好綿好香重要好足料平時d 連鎖粥店23蚊都唔知食唔食到一碗粥 重要無料 水汪汪豬什粥好夠味 入面都有好多豬肚豆漿就麻麻 入到底有好多豆渣不過甘平 有d野又無得要求甘多既炒米好大碟炒得好乾身 都無炒到碎濕濕同埋我好中意將米粉浸粥食希望以後都可以食到東蓉佬又平又好味既粥

石湖墟街市熟食市場，每星期最少會來一次，今日心血來潮想食粥，即刻諗起東莞佬叫左碗粟米粥，好香甜，粟米打碎同啲粥一齊煲，好有粟米味！不過略嫌啲粥比較「水」，如果煮綿啲會仲正！依家似飲緊粟米湯。另外叫多碗皮蛋碎牛粥，咸左啲，可能有少少類似菜甫既野，整咸左，但佢啲碎牛唔錯唔油膩！

黎到街市食野又點知淨食麵過埋黎隔離依度叫多個炸両食 因為叫左個麵食所以食唔到依度出名個竹䉀茅根粥$14碟炸両比之前加左少少價油炸鬼炸得夠脆份量都大舊腸粉夠滑身配埋豉油蔥同甜醬食都幾好味

自從早前去林德記食野，遠眺東莞佬豉油皇炒麵居然熱騰騰上枱，一直令我念念不忘好想一試，今日終於都有機會喇。齋腸粉，見對家阿叔碟腸粉好吸引，忍唔住試試。白滑齋腸加混醬好味啊！甜辣麻醬鐵三角互相呼應，三英戰腸粉！味道香濃、濃郁，將每條腸粉沐浴於混醬之中，直至完全均勻地包住每吋肌膚方能罷休！掛著滿身醬汁濕濕潤潤跣入口中，溫度微暖，粉皮薄薄，質地幼滑有米香。最怕外購死實腸粉，仲要有紙皮味、毛巾味！如果熱一點就更開心，而且最衰無芝麻啦，會更加香口。皮蛋瘦肉粥走蔥，粥除左面炒粉麵外，配腸粉都係不錯選擇。混醬腸粉塗上熱騰騰粥水，效果神奇，別具一格！滾熱辣粥底肉味香濃帶鮮甜，不太杰有飯粒，不是全棉爛呢，不用豉油胡椒粉都好好味。皮蛋彈彈的，肉片醃過有味道又不乾不鞋。原來招牌係皮蛋雞絲粥，下次試試先。豉油皇炒麵，並非即炒架喎，可能上次因為剛剛賣晒，所以見到新鮮炒起冒晒煙啦。老抽生抽味濃烈得黎好 balance，豉油香而不濁帶清爽味道，炒功一流顏色均勻，麵條乾爽嚥韌彈牙，好好味！非常喜歡浸粥食，齋齋地既炒麵掛上香甜粥水，彷如食緊拉麵一樣，絕配！我叫炒麵走芽菜唔該，阿姐粒聲唔出就轉身走開。原來芽菜同蔥係一齊炒架

如果大家要尋回昔的風味，相信位於上水街市熟食中心的東莞佬，一定能滿足閣下。前身是石湖墟的大牌檔，但拆卸後遷至上址，想起來大概有20年，當中好幾味粥都是難以在外間找到，有時候心血來潮，都會跑過去吃一碗竹蔗粥，清甜好味。不過稍為遲到，就會一早賣完，唯有退而求其次，吃碗雞絲皮蛋粥。粥底是廣東開花粥，幾十年的功力，當然難不到煮粥的老板，加入材料後再煮一次夠認真，料又足，只嫌淡口了少許。囝囝無飯不歡，反而點了咸魚肉餅飯，飯跟肉是分開上，吃了少許肉餅，又真的很惹味，最啱用來伴飯。

東莞佬是我讀書時最愛的早餐選擇~腸粉皮薄薄的，未算很滑溜，但包住的油炸鬼超級香脆！香脆程度係「朝早買晏晝都咁脆」。淨食炸兩$12，加埋粥同豆漿套餐都只係$28，足夠2人share~但想食要趁早，因為下晝就會閂門㗎喇~

遠足後又未到下午茶時間, 於是友人建議到此, 因它午市仍是這樣便宜, 大碟夾抵食, 味道不差, 惟獨豆漿只有熱/暖, 沒有凍的, 味道可以. $22一有餸粥+腸粉/麵+豆漿. 沒想到蝦米腸也這樣大碟, 亦算滑, 所有醬自己混. 豬紅粥的餸也不少, 豬紅一般, 粥也是, 不算太稀. 我勉強吃完, 但友人吃不下此份量, 大概是他要炒麵而不是腸粉.