東海堂 (港鐵葵芳站)

营业中

休息中

一間可以堂食嘅西餅店，我覺得非常之出色，因為有好多唔同種類嘅西餅同蛋糕，仲有甜品，仲有煮食，仲有飲品，給大家選擇。我最喜歡食嘅係蛋白撻，葡撻，仲有佢嘅榛子蛋糕，亦都會配上一杯綠茶鮮奶，或者係特色飲品，間中我都會喺度食煮食，好似係全日早餐咁樣，全部我都覺得好欣賞好鍾意，所以推薦俾大家。交通非常之方便，附近就有地鐵站，而且有好多巴士到達，仲有的士站。環境同裝修都非常簡潔，定期仲會有唔同主題嘅裝修，可以打卡影相，衛生乾淨。服務態度非常之好，我好欣賞，而且好有禮貌

31-1-2020 (Fri)大年初七人日,點都要食吓蛋糕當慶生,我同爸爸嘅朋友喺喥咁就買4個啦,佢揀咗$20.00嘅藍莓吉士撻,我幫爸爸同老公揀咗$21.00嘅鮮芒果切餅同$22.00嘅蜜瓜切餅,我要$22.00嘅海鹽焦糖朱古力切餅.加埋係$85.00,由於我有劵,於是要多個$24.00嘅日式梳乎厘芝士蛋糕,大家share食.返到屋企,臨食晚飯前有啲餓,咁就將日式梳乎厘芝士蛋糕切成4份食先.呢個口感好鬆軟,味道唔太甜,好味.味道: 5分其餘4件呢?爸爸同佢朋友食咗自己嗰件後,我同老公就share食海鹽焦糖朱古力切餅同蜜瓜切餅.海鹽焦糖朱古力切餅味道好夾, 海鹽令焦糖鹹鹹地冇咁甜,朱古力味道又唔太甜,好食.味道: 5分蜜瓜切餅,呢個就相對地顯得平平無奇,不過佢口感亦係鬆軟,味道亦唔太甜,顏色又靚.味道: 4.5分抵食係2.7分上次幫趁呢間係17年嘅事,嗰個食評: https://www.openrice.com/zh/hongkong/review/%E8%85%8D-e2807390

翻屋企經過地鐵站，見到東海堂今日起開始搞緊promotion 。🥳🥳凡買任何產品，加$12即可換取一件切餅！邊款切餅都得嫁！😍見到甘抵，小編都抵受吾住，要買翻兩件翻屋企做飯後甜品先得！😆😆1. 鮮果撻有6款生果既果撻，餅底有啲cream同朱古力，餅底鬆化。中意食東海堂既撻就係貪佢個cream吾會太多，太膩。2. 士多啤梨慕絲蛋糕口味清淡，慕絲酸溜溜的。蛋糕柔軟。👍👍不過，佢粒士多啤梨真係太酸。😂

一早要到學校做體能訓練，唔敢空肚，但又唔食得太飽，經過巴士總站轉車前，先在地鐵站麵包店買麵包做早餐，舖面細，簡約裝修，麵包款式都係大路嘅，已獨立包透明膠袋，揀好去收銀比錢，可以八達通比錢方便！吞拿魚包（$8.5）細細個，要飽肚有點難度，麵包鬆軟，吞拿魚餡打得滑，沙律醬唔會落得太多，仲食到魚味，味道幾好橙汁（$14）呢個價錢來講太細樽，有點貴，膠樽簡單，橙汁幾濃，有橙肉，味道酸酸甜甜，幾好麵包味道正常，店員有禮斯文，不過唔知係唔係環保問題，要我開聲先印單（環保♻️都係好事）輕宜早餐

😋 白雪雪❄️軟滑芝士蛋糕🍰入口即溶🤤✅ 二重•軟芝士蛋糕 $128：好睇好吃！外層芝士忌廉非常滑，內層好軟，入口即溶😋 相比一般硬身既芝士切餅無咁容易吃濟👍🏻

尋日(17-6-2017 Sat)同老公o係葵芳食完晏,o係東海堂買爸爸最鍾意食o既芒果做o既甜品俾佢先,由於佢怕有糖尿病,所以都唔買成個蛋糕,決定買$20.00件o既芒果酥兩件,一件俾佢,一件我同老公食,而由於用餅劵,所以買多樣$10.00o既o野,睇見啲麵包唔係$7.00就係$13.00/$14.00,望望吓,雪芳蛋糕,佢o既雪芳蛋糕係唔錯o既,於是買條$12.50o既雪芳蛋糕啦.o係屋企食完晚飯後,就攞芒果酥出o黎食,面上o既芒果粒甜,千層酥腍晒,中間有層蛋糕,除o左芒果粒外,其他o野都唔太甜,千層酥亦唔覺太油,不過我同老公食半件都已經夠飽肚,爸爸食o左半件就留返半件o係雪櫃,等到今朝至食.而雪芳蛋糕o係尋日晏晝時, 相對較甜.呢個食評o既味道分唔計雪芳蛋糕.對上一次幫襯呢間o既食評: https://www.openrice.com/zh/hongkong/review/%E5%91%B3%E9%81%93%E5%94%94o%E5%B2%A9%E5%96%8E-e2399833

東海堂不嬲都好唔錯，今次就買左3件泡芙、兩件cake同一件朱古力卷。泡芙既夾心係cream，唔會好甜，又軟又滑，不過無咩特別既味道，泡芙外層都幾脆，咬落去幾鬆化芝士cake有濃郁既芝士香味，好實在既口感。朱古力蛋糕偏甜，食完有點漏

雖然我鍾意食麵包，但我宜家知道好多市面上出售嘅麵包都唔健康，所以食少咗好多喇～不過，紫薯迷嘅我，見到呢袋厚切紫薯包，又點忍得手丫？其實呢袋包上年已經出咗，但當時就係「期間限定」，我當時想買，每次經過都話「遲啲先」，遲下遲下，就遲到今日先試喇！一包有4大片，每次我都食2片架！係咪好大食？XDDD每塊方包上面都夾住紫薯蓉，好正呀！我哋呢啲紫薯控就最鍾意架喇！呢種方包每一塊都好厚身，好有份量！唔係空氣麵包個種口感。麵包食落軟熟，微甜。包上嘅紫薯蓉都算多，唔好以為只係表面有，其實中間都有，食2塊都可以填飽個肚，頂得下肚餓。紫薯蓉應該係加咗糖嘅，不過唔係好多，所以都唔會過甜。之前生病嗰時，唔想食白麵包，就買咗佢嚟食喇！大家可以試下呀！如果一包多一塊，或者每塊紫薯蓉可以多一啲，咁就好喇！

東海堂又出左幾款紫薯甜品，望落好高級咁，有杯裝，有紫薯撻，仲有卷蛋添，今次試試片裝卷蛋先外面係黑色既竹炭，卷住紫薯和紫薯既奶油，深紫色的紫薯卷住淺紫色的奶油，不多不少，連埋竹炭一同放進口，口感十分好，因為竹炭既質地有點粗糙，咀嚼時有點顆粒，好得意，紫薯亦好香甜，打成茸，變得好幼滑，淺紫色的奶油亦冇太膩既感覺，總之好夾！而且兩種材料都好健康，食完都好似冇咁多罪惡感

鋪頭細細 有成三4個店員 不過都好忙咁 自助式 都係買完即刻走 個麵包其實大好個 不過比我食左一半先影😂😂😂$17蚊咁大個 好低食 綠茶味唔太濃 但食兩三塊都唔會覺得膩 本身唔會好甜 亦冇苦味 紅豆好大粒 好好味 好香紅豆味 因為佢大粒 所以都好好咬口 佢呢隻係軟林林 唔會好硬身個隻 都好飽肚 唔錯

去開葵芳地鐵站，諗住買兩件蛋糕做下午茶見佢新出左草莓系列就買咗個草莓慕絲杯同栗子撻唔知外表好吸引味道確實亦唔錯！草莓慕絲杯的顏色好美！上面有新鮮嘅士多啤梨加上碎碎嘅啫哩，中間有慕絲，底層有海綿蛋糕在配上士多啤梨醬，甜度適中帶清新的感覺～栗子撻真材實料超多超多栗子蓉！栗子撻底有朱古力同朱古力粉栗子迷一定唔可以錯過！東海堂嘅蛋糕不嬲都保持好高水平食咗咁多次都未令我失望過

今次推介的是''蜜瓜白朱古力慕絲蛋糕''，每逢東海堂推出新產品，我都急不及待要去買一個回家品嚐。外觀方面，蛋糕是個半圓形的球體形狀，唧上一條條的花紋，模仿著蜜瓜本身應有的紋路，蛋糕頂上更有一個''蜜瓜丁''，整個造型栩栩如生，相像度十足。而且迷你版可以自己一個人品嚐，也足夠與1~2個朋友分享。造型評分:7.5/10味道方面，蛋糕最外層是蜜瓜白朱古力慕絲，這個配搭不得不讚，蜜瓜味濃郁，一口吃下去，淡淡芳香的蜜瓜香味在口腔裡瀰漫著，而且與朱古力配合也不錯，能夠品嚐到淡淡的白朱古力味，慕絲除左滑漏之外，更有一種'實在'的口感，在口中慢慢地溶化。蛋糕的內部更有些蜜瓜果肉和蜜瓜啫喱，蜜瓜果肉也十分香甜新鮮，份量也不算少，配合著蜜瓜啫喱，更可以豐富口感，而且中和到吃太多慕絲時的''漏喉''感覺，而且海綿蛋糕十分鬆軟，也有彈性，配合著慕絲、蜜瓜果肉和蜜瓜啫喱進食，真是一絕。味道評分:7/10整體分數:7/10這個蛋糕除了造型好看之外，味道也有水準，大家不仿試試。

友人很喜歡MIFFY這個卡通人物，所以決定買了一個試試，東海堂的蛋糕一向都有水準，造型的蛋糕不但栩栩如生，而且味道更有保証外形方面，這個蛋糕與卡通人物有95%相似，有些蛋糕店會用糖皮作卡通造型，除了有大量人造色素外，味道更是不值一提。東海堂的就是用了慕絲作外層，能夠做出逼真的造型之外，也可以提升味道的享受。味道方面，蛋糕最外層是雲呢拿慕絲，雲呢拿的味道濃郁，而且配合慕絲的輕盈幼滑，在口腔中慢慢溶化直至消失，仍然留下淡淡雲呢拿的香味，喜歡雲呢的朋友可以一試，值得推介。蛋糕的中心是荔枝果凍，果凍的質感'煙韌'，富有彈牙的口感，而且有淡淡淸甜的荔枝味，慕絲蛋糕原本是幼滑軟綿綿的，與荔枝果凍形成一個對比，雙重口感的二重奏，十分新穎。 不足之處是海綿蛋糕薄了少許，若果能夠厚身一點，可以令到蛋糕整體提升，海綿蛋糕雖然是配角，可是卻能夠加強口感的層次，配合荔枝果凍和雲呢拿慕絲，令這個產品更為突出。整體評分:6.5/10

miffy物語蛋糕有黑白兩款的，白色的是'雲呢拿慕絲蛋糕'，而黑色的是'朱古力慕絲蛋糕'。雖然白色的造形比較好看，但是友人卻喜歡朱古力味的多一些，最後選擇了朱古力味的。造形方面，蛋糕模仿卡通人物miffy都栩栩如生，而且配合正方形的底板，也有一種簡單的美。最表面的一層是慕絲蛋糕，口感細膩，幼滑，一口過後充滿淡淡朱古力味，而且覺得這種甜度的朱古力剛剛好，不會偏甜，也不會偏苦。蛋糕的內層是有些水果果凍，口感都算不俗，略為清甜可口。其次最底有海綿蛋糕，都是朱古力味的，這是唯一可有批評的地方，因為略嫌朱古力味偏淡，與原味的海綿蛋糕無異。整體評分:6/10補充:卡通造形的蛋糕普遍的賣點都是造形，用作慶祝，味道固然不及其他蛋糕，所以一些喜歡以味道為主的朋友就需要考慮考慮。

飯後點都想找甜點塞住個胃，東海堂既蛋糕確實幾得我歡心，款式多又靚，味道亦冇令我失望。今天經過，見到咁多蛋糕，又真的好難抗拒，朋友仔上次食過木糠芝士蛋糕，見佢食得津津有味，一於外帶呢件！反正未試過，回家後，放入冰格雪凍d再食終於開動啦～上面及側邊舖滿木糠，木糠幼滑，入口即溶，芝士亦不會像new york cheesecake硬掘掘，質感係軟滑個種，芝味十足好滿足！