東來樓

营业中

休息中

味道：實而不華。恰到好處。細膩。看似簡單，直接，但魔鬼在骨子裏。燒鱔嘅肉質。脆皮雞嘅脂肪比例，到跟脆皮雞嘅叉燒包皮和蛋黃香嘅配合。燉冬瓜盅嘅青甜，鴨皮，肉粒嘅大細。脂肪，清甜，肉香，微微鮮味配合，到位，簡潔。蘿蔔糕炒蟹味道，剛剛好嘅有鹹香，野味，鮮味嘅配合。濃而不鹹。炒飯嘅乾身程度，剛好做到一個平衡整頓晚飯嘅油膩感覺。合桃酥，懷舊嘅感覺，遺忘嘅味道， 鬆脆質感，香味，都被引領回來。賣相： 中菜嘅溫度對佢嘅味道比西歺還要影響大，所以當日嘅菜式嘅擺設已經相當恰當。炒班球條魚個口擘到好大好吸引好搞笑。蘿蔔糕炒蟹嗰種重疊嘅感覺係喺中菜好少見，加分。 因為中菜師傅通常都好怕麻煩……😅其實從成個餐單嘅配合，到味道嘅整理調合， 仔細度。就知道餐單設計者，廚師或者菜館嘅主理人嘅性格同埋執著嘅位置去到邊度。反而呢樣嘢我係更加欣賞。🙏🙏🙏

柴灣東來樓老闆熱愛粵菜的精粹，不甘被淘汰和遺忘，勇於努力嘗試，改良和創新，將一般人認為平凡的粵菜提昇，讓人品嚐粵菜的口感和味覺層次，不單只為果腹，而是令人領悟到每樣食材的獨特之處，只要配合的煮調方法和技巧，儘管只是單單一味的蔬菜也不放過，而是要取食材的優勢發揮至淋漓盡至。昨晚有幸幾乎可以用不同感官去體驗整個菜單，每一味菜上枱，雙眼「視覺」已享受每一味上菜的鋪排，「嗅覺」巳聞到食材散發出來的香氣，巳急不及待動手「觸覺」把食物送入口中「觸覺」咀嚼，舌頭「味覺」感受食物味道刺激味蕾產生味道，啖啖精華散發在嘴裡，傳送大腦神經指令作出禁不住的歡欣愉快的反應，這個體驗由頭盆，每一個主菜以至甜品，老闆都不苟且，而且經過認真和細心選材，以客人的基本背景資料為據，包括生活文化和飲食習慣去選材和調味，所以每一味菜都不會令人失望！首先出場是三小味，燒鱔、义燒和海哲，用意在啟動各人的食慾，頭盆是安排逐位上，視覺巳十分吸引，其中兩位一向不太喜歡食「鱔」的都沒有嫌棄，反而大讚肉質脆口，全送入肚𥚃。傳統冬瓜盎沒有偷工減料，用足應有的材料，冬瓜盎用意除了感受冬瓜和所以材料的原味，也刻意洗滌味覺，準備迎接下一味的鼓油皇

團年飯同家人一齊食飯，每個菜都很好水準！食物很棒而且服務很好。城裡最好的傳統粵菜。 價格對於食物的品質來說非常實惠，這是一個驚喜！The food was amazing and the service was good. Best traditional Cantonese food in town.Pricing was very affordable for the quality of food and it was a pleasant surprise ！Came for a group family dinner, but left with a grateful stomach and heart ❤️😄

昨晚大班人14人在東來樓團年，老闆特別寫菜單，完全有團年feel,先來乳豬，再上花了不少時間和功夫蒸燉鷄湯，未飲而聞到一陣香噴噴的冬菇鷄味道，火喉和材料非常夠！跟住再來「與蟹共融」功夫菜，足料和香脆口蘿蔔糕在肉質肥美的肉蟹融合下，完全feel到肉蟹的鮮甜。另一味油浸沙巴，不油膩，反而香脆。跟住安排一味「白玉葡葡」，用冬瓜粒砌成一串葡萄，清甜解滯，然後上「招牌菜」蘿蔔崩沙腩，然後用湯灼粗麵！今次這崩沙腩更加昇華，原來老闆再鑽硏過，加入牛脂，令肉入口有化的感覺！果然認真製作，絕不馬虎，各人已經心滿意足！最後還有炒飯，鬆化馬拉糕，和芋頭椰汁西米露！大家都滿載而歸！好開心的一頓美味團年晚飯💕💕💕💕💕💕💕

雖然在港𡷊東區長大,但甚少會去柴灣晚飯,直至六月份,同事們拉大隊去試菜,老闆親自設計菜單,在廂房招待我們,第一次的飯局巳大有驚喜！自此幾乎每個月都會與不同組別朋友和家人去品嚐老闆親自設計菜單。老闆會根據季節時令取材，還會因客人口味和喜好取捨，而每一個餸菜的起菜次序都有考究，包括味覺和口感。自此有幸品嚐了不少老闆花心思考究的「功夫」菜式。所謂「功夫」不是打功夫，而是用心構思，再與團隊和廚房師傅商量可行性，然後自己試食，直至滿意才出街。首先東來樓的招牌菜「蘿蔔腩粗麵」，先食巳冧的蘿蔔，完全入味，再食牛腩，最後加入粗麵，好有滿足感。另外一個老闆溝思「乳豬二食」，先吃乳豬皮配一片麵粉皮，然後將隻乳豬斬件，配 海蜇鷄絲粉皮！第三個係「魚蓉羮」名字聽似十分普通，做這個非常費時和花心機，但食落去非常有口感，非常足料，而且似蛇羮，但完全係另一品味。另外一個係「白玉葡萄」這個是夏令時菜，用冬瓜挖成一粒粒圓形，在碟上鋪成一大束葡萄，落有金華火腿芡汁，非常清甜。在十二月份品嚐了「鮮」的菜式，原來是「魚」加「羊」就係鮮，先上「羊腩煲」，然後將一片片新鮮斑塊逐一逐一放在羊腩湯上灼熟，可隨心意要爽口或冧身，斑片完

做節book檯book8 點等差唔多45分鐘都未入得，門口嗰位阿姐又亂咁入人，前面幾檯8點都未入，8點3 、8點半嗰d一問就比人入。仲要話佢兩句完全唔覺得自己有問題叫d客你鍾意鬧就鬧，我平時成日都係咁食物普通都算，你待客之道差到咁想趕客就早d出聲啦

第一次去東來樓下午茶，$12.8三粒即蒸蝦餃，新鮮又足料，應該係柴灣最抵食，我哋叫左兩籠🤪燒鵝米粉湯底唔錯，而且仲有燒鵝髀，有驚喜🫶🏻燒鵝味道正常。魚肉尖椒好惹味，尖椒爽脆，可以一試。另外如果鍾意食芋頭糕嘅朋友必叫香煎芋頭糕，芋味濃，煎得脆口👍🏻煎蝦腸如果蝦米可以加多d 同埋再煎香少少就更加好。最後魚翅餃味道較清淡，要點辣椒油調調味。食到大約3:30東來樓職員都好快手咁執其他空枱準備晚市。下次再試試其他點心。

這新酒樓趕在農曆年前開張但一直未有時間，今天趁有親友來探訪去試下新酒樓的下午茶。裝修過後感覺潔淨舒服光亮，下午茶有一些優惠，鮮蝦餃衹$12.8有三粒，但沒有將貨就價，好抵吃。另有特色的順德名菜上湯炸粉果，口感不錯只是略嫌未炸得夠脆皮，鮮蝦鳳眼餃好看但皮有點厚，春風得意腸裡面除了油炸鬼仲有碎肉，口感好豐富，反而豬腳薑略嫌細份醋很酸，有點失色; 整體食物不錯有別一般酒樓的選擇。可能新開的關係人手好充裕，服務殷勤有禮，希望能保持這種服務態度，使香港的飲食業帶來新榜樣，賺回人流消費

周末跨區走走，路過見到這間新開的茶樓，名字幾特別叫「東來樓」，感覺在屋邨和居屋林立的地區內比較高檔小小的茶樓。記得有一間酒店的餐廳也很類似，叫「東來順」，應該同此茶樓沒有關係的。由於是星期日接近中午的時間，很多街坊也來飲茶，故要等位及搭枱，等位期間見到這間茶樓 有姐姐推車仔，但不是點心車，而是一些特色食品，如豬手、炸魷魚鬚等。大約等了十零分鐘便有枱了。酒店樓底不高，但勝在裝修新淨企理，不過枱與枱之間的安排比較迫，可能想用盡空間，賺多幾枱客錢。由於人多，坐低後都要等一會先有人執枱換枱布等， 我們點左以下的食物:香煎芋絲餅 ($31.8) – 賣相不錯，好像好脆口，但其實煎得不夠乾身脆口，中間的部份比較軟身 ，但味道OK的。懷舊魚翅餃 ($31.8) – 無乜特別，感覺都係以前細個的好味。春風得意腸 ($31.8) – 是用腸粉皮包著春卷，人多叫一人一口好些，無咁膩。薑汁雞包仔 ($27.8) – 包仔不算細個，味道OK。柴魚花生粥 ($27.8) – 味道比較淡但是有柴魚味道的，適合老人家和追求健康的人。海皇翅 ($28) – 這個是推車仔叫的，很足料，味道不錯，唯一不好是推車仔沒有爐火

同一個地址已經轉左好多手，今次改名東來樓好似叫人唔好黎拱，不過試下新野！逢星期日及公眾假期下午茶2pm開始，唔知係咪因為三月多人拜山，都多人，每年柴灣最旺的時間！洒樓經過裝修，十分光猛不過坐位就稍為迫夾！台與台之間的距離極近，肥少少都怕過唔到，由於星期日又係下午茶時段，要拿飛等位同撘台，雖然係下午茶時段但價錢也不見得特別平，特點$35.8,大點$31.8，味道還可以，值得一提蝦餃$12.8三粒，蝦餃的size 適中，蝦有🦐蝦味，只係皮真係比較厚，要求唔高的話係平靚正之選，至於另一款飲茶必食的燒賣就認真麻麻，豬肉食到雪藏味，蟹子不新鮮！另外叫了現在不是太多洒樓有的太極鴛鴦飯$128，我每次見到洒樓有，我都有想叫的衝動，今次又令我後悔，個茄汁飯係茶餐廳的質素，白汁的蝦好細隻，$128真心唔值，不過佢的春風得意腸的春卷竟然𠕇芋頭絲，芋頭做春卷的函現在應該唔多，芋頭切絲都十分考功夫，可能用幾切，但芋絲春卷真係久違了的味道，另外炸雲吞同讓茄子都熱的，唔會因為下午茶整定，都係正常發揮，兩個人食左6樣埋單要三百幾，打包左個飯，因為真係叫太多！結論係洒樓新裝修，在柴灣洒能不多的情況下，大家都不況一試😄