東京大眾酒場 (已結業)

如果無左Openrice, 我林我未必識得explore 好野食！依間又一好例子-坐底先黎一個餐前湯 - 雞湯。好多蔥花，好香濃雞味，有少少糊口，真係用雞煮先有依個效果架！燒飯團 - 明太子 及 三文魚我一向非常鐘意食飯團，佢仲要燒飯團，好香飯焦味！灑左少少鹽吊味更加好食！加上明太子既獨特香味，ichiban oishi!關東煮 配 黃芥末、白丁味噌 和 辣味噌：牛蒡卷原來係濃濃既魚蛋包住清清既牛蒡，外面既魚蛋好滑，而味道出奇地夾！日本豬肉串濃厚豬味，而且脂肪比例多既關係食落更香，加上辣味噌，更惹味！日本蒟蒻超級彈牙，配上白丁味噌，味道非常夾。師傅仲好細心幫你界格仔係蒟蒻表面，方便食，好細心呀👍🏻牛腸好滑、好軟，好入味😋竹輪吸收晒湯既精華，好入味！燒賣依款日式燒賣原來係外面既魚肉包住牛肉既餡，好得意呀！牛肉軟得黎又充滿牛肉味，外面既魚肉又係滿滿既魚香😋燒物：胡椒柚子雞肉串嘩，好重柚子胡椒香，真係超級香，食完個口都仲有個個柚子香迴盪，如果鐘意食辣既一定不能錯過！黑毛豬腩串外面燒得好香脆，內面好軟又香，加上微微辣，好惹味！牛舌串竟然係脆皮，燒到外脆內滑，功夫了得！好少厚切可以做到一邊脆面，

一天工作過後，晚上總會想去找個地方hea下飲返杯，居酒屋就成日去，去大眾酒場都係第一次，地點係海港城對面好方便。裝修空間感十足，枱子很大，坐得很舒適，仲可以睇日本電視，餐具都好日式，感覺有如置身日本。Menu有很多選擇，日本清酒、whisky，燒酎、梅酒和手工啤酒，應有盡有，可以慢慢歎返杯。注意: 每人最低消費一杯飲品和一份食物。送上餐前湯，係豬骨雞湯，乳白色的湯味道濃厚，葱花帶點生辣，可以先暖下胃。関東煮一人前($138)可以自選5件$35或以下，揀左日本蘿蔔、日本魷魚鬚魚蛋、日本牛筋、日本魚餅、日本牛蒡卷，用pot上，不過湯少左d。用上日本食材，味道好地道，日本蘿蔔又甜又多汁。牛筋韌了點。魷魚鬚魚蛋和日本牛蒡卷個樣好似，蘸辣味噌好惹味。附上四種醬料，芥辣、甜味噌、水果味噌、辣味噌，可以試多種口味。燒賣($30)用魚肉包住燒賣，幾有趣。視覺的享受。備長炭燒物，黑毛豬腩串($36)、牛舌串($42)和梅子紫蘇鷄肉串($38)，黑毛豬腩小小肥，肉味好香，口感唔錯。牛舌放了少許鹽調味已夠，燒到少少焦，令人好滿足。梅子紫蘇鷄肉串，鷄肉有梅子酸味，又有紫蘇香味，推薦！明太子雞肉串($38)，明

3 個女生想搵個地方傾吓計,去到尖沙咀呢一間樓上日式酒場 🥂! 上到去裝修非常日式居酒屋, 好有feel! 我哋叫咗好多唔同嘅🍡串燒、🍢關東煮、沙律🥗、仲有我最愛嘅燒飯糰🍙！日式三文魚子豆腐沙律🥗 清新新鮮，醬汁好好味！燒鰻魚、燒 雞軟骨、蘆筍豬肉串都燒得非常之好，尤其是燒鰻魚鰻魚又油又香！正正子！關東煮同我喺福岡食嘅味道一模一樣！呢個海膽香魚醬小食，非常之新奇有趣，送洒一流！燒飯團係我去每一間日式居酒屋必定會叫的！今次叫咗燒三文魚飯團同埋梅子飯團！梅子飯團酸酸地非常開胃，燒三文魚飯團外脆內軟，非常非常的好食！😍😍😍但係我哋三個都係飲汽水無飲酒 😂.. 下次可以試吓飲酒啤啤佢 🍻🍻🍻 ..

想個靜靜地的地方吹水飲洒！終於比我地搵到喺尖沙咀呢一間樓上日式酒場 🥂! 上到去裝修非常日式居酒屋, 好有feel! 餐牌嘅食物大多數都係左酒🍻小食，仲有好多款唔同嘅啤酒 、清酒，應有盡有，可以慢慢啤啤佢! 🍻🍻🍻 佐洒食物款式多，酒類選擇豐富，下次想再搵個地方吹水都會再嚟呢度！ 👍🏻燒鰻魚、燒 雞軟骨、蘆筍豬肉串都燒得非常之好，尤其是燒鰻魚鰻魚又油又香！👏🏻👏🏻👏🏻日式炸雞🍗炸得外脆內軟，雞味濃郁！讚👍🏻關東煮非常有日式風味！燒雞翼係必需要order 的！😂響螺新鮮肉脆爽嫩！😍

近日剛轉職約友人交流一下行業工作近況，於是相約在大家中間點吃個便飯。尖沙咀可為最方便的中間點，但能夠找一間舒適、服務又好、價廉物美的餐廳極不容易。適逢於海港城鄰街大廈的東京大眾酒場剛開張，因此便提議來一試。當日放工不夠便落着微微細雨，剛好店員第一頭炮便送上豬骨雞湯，香濃的雞湯淡淡滲着豬肉濃郁香味，是暖胃的首選！接着點了關東煮包括雞翼、竹輪、牛蒡卷、魚餅，並以水果味珍、甜味珍、辣味珍伴菜，十分之開胃。當中筆者認為驚喜之作是蟹肉蟹膏甲羅燒，蟹肉鮮甜，蒲送上桌上已散發著濃濃蟹肉香味，令人垂涎三尺，將蟹肉放上薯片，薯片中和蟹肉的油膩感。筆者認為是伴酒必點的開胃小吃！而筆者特別點了九重梅酒因為極度容易入口，並最後以明太子燒飯團作結。筆者認為當日最可惜的是不能在戶外地方享用晚餐，因為當晚落着微微細雨，只能到室內享用晚餐。如果在秋、冬時分，在餐廳室外的地方品嚐清酒或梅酒和用各款小吃就十分寫意了！

居酒屋一向係傾計嘅好地方，而呢間新間既居酒屋可以比到我日本既感覺🐥地方闊落，顧客可以坐得舒服主要係昏暗一啲嘅燈光，設計簡約為主擺滿左好多清酒，有日本主廚喺度打躉，另外播住日語電視📺令人感覺置身於日本居酒屋🏮呢度係其中兩張餐牌，嘢食選擇主要其實係關東煮，串燒同一啲定食💁🏻‍♀️一坐低左日本廚師就好友善咁放低左雞湯同茶(雖然言語不通但佢一直面帶微笑點頭😝都唔記得用日文同佢講番聲多謝添好掛住日本嘅關東煮，於是叫咗白蘿蔔$35，年糕福袋$40同野菜炸豆腐餅$40三樣都好好食，白蘿蔔清甜多汁，炸豆腐感覺好特別，年糕福袋外面吸收左關東煮汁，裏面就好咬口😋另外叫咗玉子燒$68 服務生話可以選擇關東煮或者直接上都得，我就選擇咗直接上夠滑夠層次感，蛋香十分重🐥來到居酒屋，串燒就梗係唔少得啦🤭分別叫左牛舌串$42,黑毛豬腩串$36,明太子雞肉串$38同梅子紫蘇雞肉串💁🏻‍♀️全部都燒得好香好惹味，黑毛豬果然同平時嘅普通豬唔同，脂肪比例適中，豬肉味香，外脆內軟，另外梅子紫蘇雞肉串都好特別，醬汁酸酸地，雞肉滑嫩👍🏻蔬菜方便就叫咗粟米$25同日本番薯$32，番薯外層脆得來裏面淋淋地，番薯味香👍🏻居酒屋當然要小酙返一

最近成日都出街食飯，周圍試新野，今次俾我地揾到間唔錯嘅居酒屋喇！依間新間嘅居酒屋地方都幾寬敞，掛牆電視一路播放日本電視綜藝，好似置身日本咁，放左工黎真係一流。依度嘅料理係由日本人主理，一落單，日本師傅就會係個好似bar枱嘅地方度即煮。我地叫左幾款燒物，鰻魚就不過不失，都幾好食。雞翼燒得好香，皮有少少脆邊，又幾香口喎，我連平日唔食嘅雞尖都食埋🤪我地仲叫左燒飯團，有三個口味可以選擇，三文魚、梅同明太子，我地揀左梅同明太子。燒飯團係配住一小杯雞湯咁食，不過我唔識日本人一般個食法係點樣，我就咩方法都識下啦！首物就食飯團，外面燒到好香脆呀，我就覺得好有飯焦嘅香氣 (朋友話我講到成件事力好大排檔喎)。之後我就試下食一啖飯團飲一啖湯，都唔錯。不過我就比較喜歡將飯團浸一浸再食，唔會太林，又食到飯嘅焦香。至於關東煮，我地揀左5款食物 (日本雞蛋，牛蒡卷，魷魚鬚魚蛋，魚餅，蘿蔔)。每款都不錯，蘿蔔又好入味，但係個湯底偏鹹，個湯飲唔到。最後依個真係推介！海膽木魚醬芝士真係好好食，送啤酒一流。梳打餅上有cream cheese，再放上木魚醬同海膽，食落好咸香，我覺得有少少似Parma ham嘅味道，又有海膽嘅

今日嚟到東京大眾酒場，餐廳喺正海港城對面，行完街過去食飯真係非常方便。同一幢大廈有好幾間食肆，最後選擇呢間居酒屋係因為見佢食物嘅賣相精緻，但又唔係貴到令人咋舌嘅價格，所以就上去試試。餐廳位於大廈4樓，打開𨋢門就見到大大個招牌，而餐廳門面設計亦有花心思，木色趟門加埋藍底白字嘅布簾，好有日式建築風格。入到去餐廳，枱櫈以深木色為主，牆上掛嘅布藝，甚至間隔用嘅板上，都係富有日本風格嘅圖畫。餐廳內電視播放嘅係日本電視節目，雖然我唔知佢講乜，不過亦因為咁，令我哋用餐時成個氣氛都好有喺日本居酒屋食嘢感覺。餐牌食物嘅選擇唔算好多，主打幾款食物，包括關東煮、燒物同壽司。我哋叫咗三款燒物、燒飯糰、關東煮一人前同埋芝士酒盗。Order完食物，嚟到居酒屋又點可以唔飲酒。我哋一人叫咗杯生啤，一邊等食物，一邊欣賞開放式廚房入面兩位師傅忙著製作食物。兩位師傅中，較年長嘅一位看似係日本人，外表認真得嚟帶點嚴肅。另一位後生d嘅似香港人，我見佢製作燒物嘅時候，都好專注。燒物類我哋叫咗燒鰻魚、梅紫蘇雞肉串同燒手羽先。燒鰻魚一串有兩件，鰻魚不算厚肉，但係肉質彈牙，醬汁甜度適中，而且唔會燒得太乾，咬落去都好軟滑。梅紫蘇雞肉串好

今日收工同好友嚟到呢間位於尖沙咀流尚坊, 一間新開嘅東京大眾酒場。店內座位闊落, 適合三五知己把酒談心。坐低冇幾耐, 侍應就送上兩小碗豬骨雞湯, 清湯味道自然, 調味不會過重。煙肉露筍卷串 $32外層煙肉燒至乾身, 入面嘅蘆筍卻鮮嫩多汁, 形成強烈對比。日本青椒仔$30青椒仔表皮微焦, 椒身非常軟熟, 四隻之中只有一隻微辣, 其餘三隻帶點自然清甜。大蔥雞肉串 $30 我最鐘意就係呢味大蔥雞串, 粗壯爽口嘅大蔥伴焦香雞肉, 惹味。壽司盛合9件 $278壽司件件新鮮水潤, 其中牡丹蝦, 又大又鮮甜, 特別出色。可惜餐牌上壽司選擇不多, 只有9款盛合或12款盛合可選, 不提供單點。關東煮同串燒嘅選擇就比較多。*另外留意返, 餐牌最底有小字註明每位最低消費: 一杯飲品 & 一份前菜 / 關東煮。

收工後想跟友人把酒言歡，暢談近況。友人提議到新開的東京大眾酒場。能夠於地段極貴的廣東道，海港城對面鄰近 Apple Shop 找到這間居酒屋實在非常就腳。每位客人光顧都會有一碗豬骨雞湯，暖暖的濃湯很開胃。 L 覺得作解酒湯亦都不錯。先來一客關東煮一人前，選了竹輪卷、日本牛蒡卷、日本魚餅、日本蘿蔔及日本雞翼。日本蘿蔔煮得很腍，而魚餅亦都不錯。關東煮本身都經已很入味，所以其實都無需再沽調味醬。但友人則覺得人生就應該嘗盡各味。水果醬、甜味噌、辣味噌及黃芥末。當中辣味噌 L 覺得可以令關東煮更惹味。友人點了九重梅酒，甜甜的女仕易入口。而 L 則點了一杯武州威士忌，不甜但都易入口。由於此威士忌不算太濃，建議不用加太多冰以免稀釋了酒味。至於蟹肉蟹膏甲羅燒 L 認為是必點的，蟹肉鮮甜，混著蟹膏再放於薯片上一口一口的吃，薯片將蟹肉及蟹膏中和了其膩感。配上威士忌，是一種放鬆的享受。明太子燒飯團則純粹想有點喝酒時有點澱粉質，明太子都算多、飯團內軟外脆。相信到秋涼時份於戶外露臺邊吃串燒邊 喝酒份外寫意呢！相處就有如飲威士忌配關東煮，看似不配實則都是同樣要慢慢地品嘗才領悟當中的優異之處。

今期除了流行跳本尊古天樂「拜神舞亅外， 跟 周奕瑋 去 「周遊東京亅繼續大熱。 可惜整個暑假我都要返工，不能東遊，唯有約朋友來這間新開張的東京居酒屋。。。「 東京大眾酒場亅 自我陶醉一番 ，望梅止渴！「嘩！呢間新開的居酒屋很熱鬧啊！」 一推開布縵，便見到一桌十多人的食客朋友們在高談闊論， 氣氛高漲。居酒屋的面積不是很大，但是感覺十分開揚。它擁有一個闊大的露台，食客可以選擇坐在戶外 ，但天氣那麼熱，我們當然很聰明地選了坐在室內，嘆嘆冷氣丶 飲飲酒丶食食串燒丶一樂也！來到居酒屋，我們首先來個「輕酒精飲料」過過口癮！！尾瀨之雪柚子檸檬酒 (120ml) $68這杯美酒又凍、又 fresh 、柚子 x 檸檬 感覺極清新，值得一試！有美酒丶冇佳餚，怎能說得通呢？？？好，去相。。。 一於來個美食大曬冷！牛舌串燒 $42(圖上)雞肉串燒 $38 (圖下)紫蘇雞肉串 $38 (圖上)露筍煙肉串 $32 (圖下)鰻魚串 $38豆腐福袋年糕 $40高湯烏冬 $40日式高湯(贈飲)，茶水及調味品食品的分量很精緻， 每碟都是小小的， 不過我們今天也不是很肚餓，所以還ok！但是，如果是大食的朋友來， 咁叫的東

openrice 一search發現有新店，食日式串燒同飲sake，好似好正，梗係要去啦。對住疊雙面menu，睇左好耐，唔知點揀好，因為款式好多，而且唔止sake同串燒，仲有壽司，關東煮。之後嗌左燒安格斯牛、雞翼、雞腎、牛脷既串燒，然後唔知點嗌，所以咪問店員有咩推介囉。店妹妹話其實關東煮都好出名架，$138揀五款，我叫朋友揀食乜，佢就叫左牛腸、福袋、魚餅、日式腸...點知佢選擇困難症突然發作，於是店妹就建議不如試下燒賣啦，幾特別架。聽到關東煮有燒賣咁搞笑，咪試下囉，推介得都應該係招牌菜啦。點完菜，未有野食，但原來有湯飲。一飲先知原來係鮮雞湯 🤩 食得出係鮮雞熬製，好飲到雙眼發光，而且仲有陣陣蔥香。出雞湯呢招好聰明，話明酒場嘛，送定雞湯比食客打底，飲酒無咁易醉，sake都可以飲多幾支。關東煮成煲上，有三個醬料可以沾，由左至右係淡麵豉醬、濃麵豉醬、黃芥辣。全部食材都吸收晒關東煮既湯汁，好入味，特別係福袋。因為福袋裏面唔係年糕，係雞蛋。而我都唔知師傅點將雞蛋入落福袋，咪好高技巧？🤣雞腎五小粒同牛脷串燒，夠晒肉味。調味自己搞，加鹽同七味粉就好香口。然後自己獨食鹽燒雞翼，自助加七味粉更惹味😋最後

一開始係打算幫襯同座大廈另一餐廳，但被包場，晚市暫停一天。天氣酷熱，所以選擇同座大廈其他餐廳。呢間新開，裝潢佈置十足日本居酒屋。提供多款日式地道料理小食、關東煮、備長炭串燒等料理。加上店長告知由30多年餐飲經驗嘅日籍師傅主理。崇尚東瀛風嘅我地，梗係去馬啦！串燒牛舌 $42牛舌厚切，口感結實彈牙，唔會過火乾身，只用上少許鹽和胡椒帶出牛舌的味道。一級棒！串燒雞皮 $22= 脆爆 + 雞油香串燒大蔥日本雞肉 $30雞肉表面燒得一點點焦香，內裏保持嫩滑。大蔥爽脆，甜甜的。玉子燒 $68雞蛋、味醂、醬油、糖。材料看似簡單，但好少人會喺屋企自己做，因為太難捲了。味道方面，日本師傅做，當然一級棒 Again 啦！唐揚日本雞軟骨 $85雞軟骨非常有咬口，但依然保留一點點柔軟。表面炸得夠乾身，而且已加一點點鹽調味。配日式Mayonnaise, 邪惡！但極好食！高湯烏冬 $40採用相對較幼身的稻庭烏冬。口感煙韌有彈性。湯底沒有太多調味，偏向清淡。未食完已諗定幾時 ENCORE