東京大眾酒場 (已結業)

朋友生日想食下日本燒物，於是有左佢去尖沙咀新開既東京大眾酒場一試佢地出名既燒物和刺身。刺身盛三款：三文魚用上日本正宗三文魚，所以油份平均，加上唔會有太多根，食落三文魚味十足，入口爽嫩。油甘魚：油甘魚不但甘香撲鼻，食落刺身肉質厚滑，甘味十足，絕對一試。汁燒螺肉：用上正宗日本花螺，螺肉用上日本的水養活，所以保持鮮嫩，用上日本清酒去燒製，入口唔會太猩，螺肉肉身爽滑，實在係必試燒物。麵豉湯：用上大量木魚煲製，加上日本海帶，入口清甜，加上食完燒物後，可消除口腔的油脂，真係絕配。總括來說，這裡環境清靜，地方又大，食物又高質，絕對係朋友聚會之選。

《東京大眾酒場》 #食在尖沙咀 #居酒屋📍尖沙咀廣東道82-84號流尚坊4樓【尾瀨之雪柚子檸檬酒最有驚喜🤩】🔸 蟹肉蟹膏甲羅燒 $68蟹膏蟹肉攪拌一齊燒好左，燒至略為乾身，原隻蟹蓋上。並配有原味薯片，可以將口左軟綿綿既蟹膏蟹肉放係薯片上一齊食。味道適中，可以一試。🔸 雞皮串 $22🔸 胡椒柚子雞肉串 $28🔸 雞軟骨串 $22話明居酒居，串燒就少不了。今日揀左全部都係雞😂整體黎講都幾正，串燒即叫即燒。雞皮燒到卜卜脆，同雞軟骨一樣又脆又香口，加啲檸檬汁仲好食。胡椒柚子雞肉串肉量唔少，串燒上有特調醬汁。胡椒味較重，有啲辣，加上柚子卻變了特別既口味，夠惹味。🔸 日本玉子燒 $68好傳統既日玉子燒，每一面都煎到金黃色。無夾雜任何口味，蛋味重。配上少量蘿蔔泥，不過不失。這個價錢算略貴。🔸 明太子燒飯團 $35唔想叫飯/烏冬咁飽肚，於是揀左飯團。一樣係即叫即燒，飯團兩邊燒至有少少飯焦，微微帶脆。熱辣辣中間切開係明太子，好香～🔸 尾瀨之雪柚子檸檬酒 120ml $68 / 柚子梳打 $38酒類選擇多，價錢為居酒屋合理價錢。柚子檸檬酒清爽又易入口 ，岩哂鐘意飲果味重既朋友，再飲多幾杯都得。柚子梳打底部

之前已去過幾間居酒屋，今次試下這間，比較特別是有關東煮。關東煮沒有令我們失望，牛筋好軟熟，大根吸收湯味好清甜，蓮藕魚餅好好味。蔬菜串燒又香又Juicy ，牛舌好林好香。最後叫了的炸雞出奇地肥美又嫩滑，上湯烏冬好煙韌而份量又多。服務親切，下次會再幫襯。

週末過後終於挨到Blue Monday的下班時間，為了好好獎勵自己提早完成工作，決定與朋友一訪尖沙咀chill 一 chill！由海港城逛到中港城，來來去去總是重重覆覆地食幾家常去的餐廳，納悶之際意外發現這棟低調的大廈內竟然收納了不少餐廳，看到這家東京大眾酒場，覺得名字挺有趣充滿和風便一探究竟。拉開趟門便有侍應熱情招呼入座，我們正坐在開放式廚房的旁邊，位置寬敞有空間感，更有室外位置可以選擇~上面的酒櫃放了各種日本燒酒及梅酒，看到已令人好想小酌一番！坐低不久便送上了每人一碗餐前湯，非常鮮美，有魚的鮮味及蘿蔔的清甜，加上青蔥點綴，非常開胃。我們於煮物分別點了高湯烏冬及三文魚燒飯團，烏冬彈牙，配合簡單湯底便突出烏冬的味道，而燒飯團更是即時燒製，充滿燒過的香味。再來就是關東煮，$150能選5種食材，而且配上三款醬汁，中間的是白桃味醬汁，非常特別。我們選了竹輪、日本魚餅、日本魷魚鬚魚蛋、蓮藕野菜餅及日本蘿蔔。另外還點了黑毛豬腩串及雞肉串，肉質鮮嫩多汁，簡單的以椒鹽吊味便很香口。日本玉子燒加上調味蘿蔔泥，更使蛋的香甜更上一層樓。一週的第一天，不敢點酒精度高的酒，所以叫了一杯清爽的Asahi！作為今

之前聽朋友講尖沙咀有間唔錯嘅居酒屋，咁今日一於放工嚟試吓啦。一上到去，就見到門口有好多日本風嘅裝飾，仲有幾個人喺度影緊相添。入到餐廳見到出面都有位坐， 而且感覺環境氣氛唔錯，咁就一於坐出邊啦。呢間餐廳最出名嘅好似係關東煮，咁就一於叫幾個嚟試吓啦， $150就可以揀5個款，咁我哋就揀咗蘿蔔，魚餅，魚丸等等啦。關東煮食落個味都唔錯，湯底少少清甜，令到啲材料都好新鮮好入味。我哋仲叫咗呢個蟹肉蟹膏甲羅燒，佢俾咗幾塊薯片，可以將啲蟹肉蟹膏放喺薯片上面食。食落唔止新鮮，而且蟹味好香好濃， 十分推介大家試吓。食居酒屋就梗係要叫串燒啦，我哋叫咗兩串雞翼，雞皮，雞肝，柚子雞肉串。全部都燒得好香，而我最欣賞嘅就係雞皮串，因為笑得夠晒脆，而且食落感覺唔會好油。呢間居酒屋的確夠晒日本風味，下次同朋友嚟，仲可以一路飲啤酒一路食串燒添。

成個2月都好忙啊！來到今日先有時間慶祝閨蜜生日今次又係食日本嘢😆😆自選關東煮我地選了大根、肉丸、竹輪、薯仔、牛筋、笱篛味道淡了少少，大根入哂味，其他都還好，不過大失河豚魚乾味道不錯，蜜糖味夠，份量略少串燒牛舌燒得香脆，好好味！正 。再Encore x2甲羅燒配薯片甲羅燒味道偏淡了點，配薯片食幾新奇，如果味道濃多少少更好手羽先不得不讚，外皮香脆，肉質鮮嫩，堅正！明太子同梅子燒飯團其實飯團不錯，不過略嫌太過火，外面太硬，內面明太子太乾，梅子還好鰻魚炊飯味道不錯，飯已全熟，仲係濕潤的。梅酒因店內只有1種梅酒，就楝咗哩枝，$3xx。4個人，每人都有2大杯，味道不錯，甜味剛剛好。用咗openrice 訂枱，話指定食物有7折，不過我地麻麻地，另一個option 係食滿$2000有8折，都好！😝😝

Happy Friday 想同閨蜜搵間居酒屋傾計，就試下呢間地理位置很好的居酒屋。位於尖沙咀，十分放便。一出電梯，就見到餐廳的招牌。入座後，order 食物。 首先揀左個刺身五點，有五款刺身，都是主廚推介推的。刺生厚切同相當新鮮。點了蟹肉蟹高甲羅燒，甲羅燒會免費配薯片，這種配搭十分match。明太子雞肉串，雞肉燒得剛剛好，不會太乾，配上明太子，口感不錯。之後就order幾款送酒小菜，如雞軟骨，手羽，野菜盛合，燒玉子等。 正常小食，沒有特別。明太子燒飯團，由於燒過的關係，口感脆脆。

去到我哋就叫咗一支手工啤，同埋一支梅酒，跟住等啲朋友嚟。知梅酒好飲，又唔貴，三百幾蚊一支。之後朋友嚟到，就叫咗燒蟹蓋，佢有蟹膏加蟹肉撈埋一齊，食落口成個蟹膏嘅味道出晒嚟，好味～呢間野食關東煮都係重點，我哋就帶咗啲蘿蔔，獅子狗等等，雖然區重點係食關東煮，我都係覺得日本的便利店好食啲。又嗌左個鰻魚飯，我覺得味道唔夠濃郁，所以一般般。仲要左幾個燒飯糰，我食嗰個係明太子飯團，我覺得太乾，所以下次唔會叫！亦都叫咗燒雞翼，燒雞翼真係笑得好好味，但係有啲貴，要$30隻，不過如果我下次再去呢間都會叫。仲有叫咗壽司set，有13件，我覺得整體呢一個壽司set,同個價錢係成正比，都係好味嘅。燒雞泡魚干，都好味。呢一間食滿$2000會有八折，還可以～都不妨一試。

雖然好友W先生生日已過了大半年，但也不忘那餐生日飯。記得以前還在尖沙咀返工的時候，也喜歡過來流尚坊吃午餐，皆因這幢內有多間餐廳選擇，而且價錢亦算合理。這晚，重回流尚坊，並選擇了4樓的東京大眾酒場晚餐，重恰昔日時光。是次是首次到訪這間居酒屋，甫入餐廳，裝潢以黑砌木色為主調，感覺型格，坐位雖不算非常寬敞，但勝在人流不算太多，兩人都能有4人桌擺放隨身物品，而一坐下就奉上熱湯暖暖胃，十分細心。食物選擇以燒物為主，亦有關東煮等，其中前菜更多達十款選擇呢。首先，點了幾款不同的燒物，大讚的是整體燒物不會太油膩，調味也做得很出色。其中雞皮/$44燒過後，那質感就像薯片一樣，十分脆口。雞肉串有好幾種款色選擇，我們就各點一串，包括胡糊柚子雞肉、梅子紫蘇雞肉、山葵雞肉，每款$38，味道各有特色。自己就較愛胡糊柚子雞肉，入口胡糊味不會太濃而蓋過柚子汁，吃起來少量微辣，美味十足。而梅子紫蘇雞肉的梅子味較為凸出，酸酸的味道，好像與雞肉配起來好像不太匹配，但若喜歡梅子的朋友，也可能十分大愛那種酸酸開胃的味道。而山葵雞肉Wasabi味不算嗆口及凸出，不過不失。 手羽雞翼/$28隻，將雞翅炸好後塗上特調的醬料再灑上香料

同個朋友gathering, chill 下，飲反 🍷 柸，傾下偈，呢度靜靜地幾好。 地方闊落，勁密計都唔會比隔離枱聽到。頭盤沙律同一般日本料理好唔同，通常淨係得菜；呢碟沙律有埋豚肉做配菜，好特別！蔬菜🥬非常新鮮爽脆。另外叫左 三色刺身，三文魚🍣厚切，帶子鮮味，甜蝦又大隻又肥美，無得頂！值得一提嘅係關東煮，有好多選擇，例如粟米、蘿蔔、魚餅等等，任君選擇！ 籮蔔清甜無渣，魚餅煙煙銀銀， 粟米係超甜粟，而且價格相宜，佐酒一流。

與小魔怪嘆完Afternoon Tea，一個人，步行去天星碼頭，搭船去尖沙咀。時間尚早，在碼頭一帶徘徊，欣賞各式各樣的街頭表演。接著，去了1881，細味這一座繞富歷史價值與藝術美感的維多利亞式古建築物。最後，去了海港城，陪著小雞去Shopping。 六點多左右，小雞念念不忘岡山之旅，以及日本的梅酒和串燒。於是，兩人向著對面街的東京大眾酒場前進。 剛坐下，女侍應送上一小碗乳白色、清香且暖笠笠的湯。好奇何以送湯而不是送茶，八卦一問，始知此乃雞白湯，含有豐富骨膠原的超濃雞湯，讓客人不用空腹飲酒﹗ 居酒屋，一般主打串燒，這兒，則主打關東煮。據侍應介紹，這兒以柴魚、昆布、鯛魚骨和白醬油熬煮湯，湯汁澤呈白色的，口味較濃，偏向關東的口味。除此之外，師傅自家調製了三款味噌配關東煮蘸醬來吃。 關東煮配料甚多，佔了四分三頁的餐牌，另外還有揚物與煮物/鍋物可供客人選擇。我倆並不太餓，也對關東煮興趣不大。 另一張餐牌，有先付、刺身壽司和一品料理。 相對而言，浜燒、燒物與備長炭燒物，更能吸引我們的眼球。旋即，揀選了六款。 這兒供應的酒精類飲品款式樣樣俱全，有梅酒及果物酒、手工啤酒、啤酒、紅酒、清酒、燒酎、日本威

想去揾下第二間日本餐食，不過揾完其他都係想返黎呢麼食，又靜又舒服，野食品質能夠保持水準今晚Special menu: 烏頭刺身，串燒金目鯛黎左幾次，都係第一次試佢既關東煮，我非常推薦食蕃茄關東煮🍢，好少地方有得食，要時間煮到入果，入口即溶記住串燒唔好一下子叫幾串呀，兩三串咁叫岩，一凍左就無咁好食再推介佢地既雞串燒，每次必叫既雞皮，雞肝，紫蘇梅雞串，只用日本雞，完全新鮮。大部分地方既串燒雞肝都係攞貨返黎，質地會硬左同唔香肝既味，只有新鮮雞肝，先會烤完外面仲係軟既，入面粉糯，濃肝味

今晚同朋友黎到「東京大眾酒場」，試下一啲不一樣的味道，去唔到日本都試下東京既味道。餐廳分咗兩邊，一邊有幾張正正方方餐枱，另一邊就係壽司吧檯，地方唔算大，7點幾黎到已經基本上坐滿晒人。待應好好咁安排咗我地坐吧檯，可以睇住師傅點樣整野食，一邊去點你想點既野，比起就咁睇圖好好多！一坐低野食都未叫，就有侍應同我地遞雞湯同濕紙巾，咁凍既天氣飲一啖雞湯真係一流！雞湯味道偏淡，容易入口，貼心嘅招待，就好似感受到日本人熱情親切咁！招牌壽司系列好吸引！粒粒魚子非常飽滿，而且新鮮嘅三文魚壽司令到人更想一試再試！可惜我地太細食～仲有蛋卷，非常有厚度，蛋香係口中飄散，真係冇誇張，黎到必定要試！當然唔少得佢地出名既串燒，雞串燒得香層微焦香口，而肉質鮮甜、不韌又彈牙。最特別的，梅子紫蘇葉雞肉串，非常難得係日本餐廳搵到既新配搭，一併入口實在係好提味又有口感，好吃！最後最後，師傅即場為我地炮製三文魚飯團。飯團微微燻焦焦，配搭裏面的三文魚，比其他冷冰冰的飯團，更有咬口。

尖沙咀多嘢食就眾所皆知，但仲有好多樓上鋪未比人發掘，呢次我就同朋友去咗呢間位於尖沙咀嘅樓上鋪食日本嘢。餐廳環境唔錯，裝修幾靚，可以影下相。我地主打叫串燒，呢到啲鰻魚夠晒肥，好好吃食！食完一次就忍唔住叫多次。同時都好推介牛舌，每舊都好有口感，鍾意食牛舌嘅人就唔好錯過啦！和牛他他食落去有少少似韓式嘅和牛刺生，連埋啲蘋果一齊食落甜甜地，啲牛嘅油脂分布好平均，啱晒我呢啲牛魔王份量都幾大，只不過我個人認為有少少乾身，但係味道都好好食個飯係即點即製，所以要食都要俾啲耐性等吓， 但係個人認為值得等待，啲飯好香！仲會有店員幫你拌好啲飯，份量唔細，四個人食啱啱好雖然呢鋪嘅位置比較難搵，但係佢啲嘢食真係高質素，如果想食好食嘅嘢就需要花少少心機去搵呢間鋪

⭐️牛舌串 ($42) 牛舌都幾厚，燒得還可以💁🏻‍♂️Taste: 6/10⭐️蟹肉蟹膏甲羅燒 ($68)其實個蟹肉都幾多，但係個配搭真係有啲奇怪～配薯片bo，吾緊要有時好似新派菜咁可能有驚喜😚結果得驚嚇，薯片的咸味完全蓋過左啲蟹肉，而且蟹蓋冇火燒住會令佢好快凍曬🤦🏻‍♂️薯片最後係當零食咁食曬💁🏻‍♂️Taste: 5/10⭐️大蔥雞肉串 ($30)自己睇圖la，不多説🤫⭐️雞皮串 ($22)同平時啲雞皮完全不同，相對上比較肥身油身，不會燒到乾脆身～依個食法我都接受到，但相信女士一定吾會喜歡咁肥🤭Taste: 6/10⭐️鰻魚 ($38)鰻魚一串三小件，燒得還好，不過不失😌Taste: 6.5/10⭐️燒飯團三文魚 ($35)燒過既飯團外層有飯焦脆身癡牙，入面D飯可能燒過後水份流失導致入面太乾身😶Taste: 5/10⭐️蟹肉沙律 ($98)份量幾大，2-3人share都可以，而且蟹肉蟹籽份量都多，整餐飯反而最滿意個沙律😂Taste: 7.5/10P.S 其實餐廳有最低消費都理解，都知道部分餐廳必須每位叫一款食物&一款飲品～但拜託你不要人地落曬單，話要杯麥茶先話最少要叫一杯飲品，我情願你話淨飲茶要收茶