東京チカラめし (已結業)

經過幾次都係封住板，今日經過終於見佢開咗，可能個舖面對內街，星期六都唔太長龍，不過時間仲早，未到6點，咁唔係唔即刻試下吓嘛！排咗一陣，一路望到入面情況，唔明點解明明有枱都唔安排入座，唔通想多啲人排下隊！？如果日曬雨淋時真係會鬧人！第一次食但其實又未肚餓，咁就試個細嘅燒牛肉丼啦。 啲牛肉食得出係有水準，牛肉味好香，ok唔太肥，個汁好味唔太咸，但我呢個平時鍾意多汁嘅人都覺得好似濕咗少少，細size如果肚餓應該女孩子都唔夠。隻蛋係另加的，但因為個丼本身已經好濕，加埋隻溫泉蛋成碗飯就太濕了！以性價比計，都算抵食啦！

平日放工時間喺旺角出現，心血來潮想試吓新嘢，喺門口等咗 15分鐘左右，因為前面 d客唔坐吧枱，所以我哋排第 3枱嘅可以入先，6:32pm俾 QR Code我哋落單，5分鐘都無就落好單，Order咗 2份溫泉蛋牛丼。一直都望住廚房出餐位，眼見廚房出餐連出起碼 5~6張外賣單，亦都見到門口有客不停問 "有未？" ﹑"仲要等幾耐？"﹐門口排隊人龍亦越嚟越長，但廚房出餐速度極慢，亦聽到有漏單問題，最後..... 我都等咗半粒鐘以上先有得食。其實都係飯 + 牛肉 + 蛋，都係一早 Ready好嘅嘢，唔知點解都可以慢成咁，呢個速度唔掂，同同區另一間人氣牛丼店比下去。食物方面，不外如是，味道無驚喜無特別，價錢亦唔吸引，我哋揀咗細Size﹐原來都真係幾細，非常肚餓嘅話，食完其實都唔會覺得飽。重點係...... 等位+等食用咗 45分鐘，但食飯時間就 10分鐘唔駛，Um..... 呢間唔會再試了。食完呢餐，再行過隔離街，見到烏冬店，竟然入去再食嘢，但人哋...... 速度亦極快。

睇到有好多Media係社交平台彈出嚟介紹, 本身好鍾意食溫泉蛋, 見到啲報導拍嘅片隻溫泉蛋個黃係橙紅色就咁樣俾佢吸引咗~果日星期六下午3:00...就去試吓佢咩料😤企起出面等咗10分鐘左右~見到其實裡面仲有位, Bar枱都係坐得1個人, 唔係好明點解唔放人入去🤯可能係出餐位,衛生問題? 算喇,我都係食一次!唔考究喇~一入到去當然要飲返啖水先, 一拎起.......吉嘅?😕 眼見起碼有成4個侍應企咗係到....果一吓, 我就覺得唔好影衰日本人做嘅品牌喇, 又話自己係過江龍, 但係服務質素真係好唔掂!!!咁就叫咗幾聲先有人應我, 斟返滿, 一倒出嚟........常溫水嚟嘅???算喇,我講多次: 我都係食一次!唔再考究喇~用自己電話scan QR code落單, 版面簡單, 容易方便, 不過不失喇!咁就點左 燒牛肉丼(配餃子3件) $65, 芝士燒牛肉丼 $55 同埋 溫泉蛋 $15燒牛肉丼(配餃子3件)唔知係份量問題定係擺得唔好嘅問題,  但係就係覺得好唔專業囉, 點都希望見到啲牛係可以遮到飯掛😲以我所知, 日本品牌如果去其他國家開鋪, 係會有full set training, 所以我

原本一直期待佢開期待左好耐。人生第一次失望到要寫劣評😮‍💨雖然係黃店但真係太太太失望👎🏽👎🏽👎🏽👎🏽👎🏽👎🏽去到叫外賣 想食豚肉又話淨係得牛肉。閒日下晝3點左右，門口外面等位嘅大約10個人，外賣單就前面1個但都等左半個鐘有多🤦🏽‍♀️眼見排隊嘅人入完一批又一批但外賣都一個都未出😵‍💫但舖入面員工又唔係少人。終於等到拎完番屋企一開，嘩個份量少到⋯⋯⋯⋯⋯🤯Sukiya嘅細飯都可以大過佢個「大份量」，仲要間野話係食牛 但d牛肉真係普通到不得了，又冇牛香，自己喺屋企煮都好味過佢。一個咁嘅飯價值成$60真係永無下次🙄🙄🙄🙄

平日晚上8:30去食等入座大概10分鐘但order之後等左就嚟30分鐘先上菜，如果好食㗎話都話係值得嘅但牛肉仲要唔係好好食，有筋又有少少乾總知冇得比，難食就未到，但係下次不了

元祖燒肉丼:鹹!鹹!鹹! 新開店吉野家又一競爭者，週末來旺角試試看。下午5點也要排隊，大概排了40分鐘入到。應該是店鋪飢餓營銷，雖然裡面有空位，但是沒有叫人入，吧台位都不坐人。服務員帶進來之後放下兩個杯子就走了，沒有水，也沒有説是自助還是怎樣，最後還是叫了服務生幫忙拿了水壺過來。QR電子點單，叫了一个燒牛肉和一個燒豬肉的飯，配溫泉蛋(生蛋賣光了)。應該是有的肉燒焦了，端上來的時候有見到黑黑的一小塊一小塊的東西。燒汁很香濃，豬肉的還好，牛肉的真的好鹹!肉和汁都很鹹!喝水都唔點! 應該不會再來，還是吉野家更好吃😅

叫左個芝士燒牛肉飯（$55）係旺角黎講算係咁咁既價錢咁既質素不過不失貪新開張可以try try中午12點前去等一陣就有位不過出食物速度比較慢2個人去食朋友食完自己都未有得食叫左幾次先有得食未試過食碗牛肉飯要等差不多1個鐘

同朋友啱啱做完泰式按摩，肚餓搵嘢食，跟住即興搵到呢間來試，原來開左唔夠一個禮拜。臨近夜晚9點，門口依然咁多人等位排隊同外賣，裡面炭燒牛肉的油脂味係咁飄曬出來，好邪惡，好香，同時越聞越餓🤤入到去後，我地分別選左‘鹽燒牛肉丼(加大)’，’野菜燒牛肉定食‘同埋一客炸雞小食，我比較推薦個燒肉定食，除左汁夠入味之外，甜甜地，定食個牛肉都香口好多，雖然燒到有少少燶，同埋最緊要係香港少食到燒牛肉飯，反而牛丼就大把。呢間嘢係用碳火即叫即燒，所以坐低之後都要比啲耐性，食完之後有令我想起日本松屋的味道。😋

首先想講吓 openrice個名真係好難搵😂以為間店叫 燒牛丼元祖唔識日文都幾難搜尋到 冇記錯應該開張第三 四日左右去食六點到排到七點入得 門口唔算排得好誇張既但入面處理嘅方法真係有待改善眼見3-4張枱都係已經食完得返啲碗碟 但執枱嘅店員好少跟住下一張到我哋嘅時候入面係收拾好 乾淨嘅枱 都有幾張但帶位嘅 好似只有一位男士佢喺度講電話 等咗都15分鐘以上 忍唔住入去指一指 有幾張吉枱佢終於收線 一次過安排咗好幾張入去其實服務態度係好嘅只係出面真係好熱好焗 分別叫咗個牛肉飯同埋豚肉 一個跟餃子一個跟炸雞牛肉飯朋友叫嘅 唔記得影相個人覺得牛肉飯好食 合格 份量都幾多冇話特別驚為天人 推薦豚肉飯 睇張相都見到豚肉份量好多基本上每啖飯都可以配一塊肉咁食醬汁比例啱唔啱 洋蔥都好入味上面嗰啲菜冇乜特別 餃子正常 入面略嫌有少少乾炸雞好得跟餐嗰啲夠唔夠喉再散叫多三件 冇記錯$15.3件每件都好大下 入面好多汁之後個皮又唔會好厚 同埋好香 門口睇到好似遲下會有外賣經過唔入去食飯嘅都可以考慮外賣 炸雞食下😂絕對會再嚟食食物 環境 服務 都好好嘅可能係初初開張係人手方面需要啲改善

今日途徑旺角，見到新開果間牛丼，條隊大概十零人，就決定排隊試新嘢。八點排到八點五十幾分先有得入，明明出面見到入面有好多空檯都唔俾人入，唔知內部有咩特別安排。一入去即刻用QR落單，點咗一份牛丼同照燒豚肉拼炸雞餐，再加一份泡菜。大約5分鐘，先上泡菜，份量唔多，每舊都好大片，入口比較唔方便。再過大概5分鐘，一個侍應上菜，成盒牛丼連托盤啪一下放落檯，一粒聲都無出過。同行友人都無太大反應，直接開蓋打卡留念。牛丼聞落好香，但食落有陣怪味，口感偏酸，飯好爛，加和風紫菜醬汁調味進食。另一個餐點遲遲未到，眼見遲好多入黎嘅食客都已經開始享用同一個餐，我地嘅都仲未上檯。懷疑漏單就問隔離吧檯附近一個年約六十幾歲嘅女人侍應，點知佢睄都唔睄我地一眼，勁唔耐煩咁話個個都係咁，等下啦。ex屎cu屎me，都要有個先來後到㗎？！好有耐性解釋埋我地入黎先，人地後入都有，請佢check，點知佢jip咗一聲話份量唔同，我地果份係餐，會一次過出，人地係追加，所以有先（明明都係兩件炸雞，完全睇唔出有咩份量唔同）。之後行過完全唔望我地呢邊，唔知係唔想定係唔敢。經理行過黎last order嘅時候，我地啲嘢食仲未齊，同佢講都只係話準備

平日13:20 分到，諗住外賣，我排第9個等左40分鐘先輪到我落單，落完單重要等20分鐘先有得拎。好明顯係勁老土個D手法，要整條人龍係門口叫左個細牛肉飯溫泉蛋$55蛋係連殼要自己剝嘅。牛肉比較鞋，同平時打邊爐最平個d 肥牛質素味道普普。試下可以再試要改善下d 速度先得

喱間係新開牛肉飯 開左幾日 次次經過都聞到超香燒肉味終於今日放假 早起可以一試 （唔洗排隊😏）唔係要排隊排好耐🤭我叫左燒牛肉丼配餃子 朋友叫鹽燒牛肉丼配炸雞🍱🍱🍱🍱牛肉飯即叫即燒 好快上菜 唔係等左好耐我另外加左生玉子 完全另一番風味 同平時牛肉飯完全唔同 牛肉好香口又嫩滑醬汁可以自己控制 枱上面有支汁比你唔夠再加 飯量岩岩好 岩哂女仔食 男仔可以加大 價錢亦唔貴 好抵食值得一讚炸雞唔錯 上菜仲熱辣辣 岩岩炸起 脆卜卜🤩

呢間餐廳係日本有超過45年歷史，主打多達35款親民價日式燒肉丼同定食🍱所有燒肉用上鐵板即叫即烤，更使用特製蒸烤器，務求鎖住肉汁🥩💗招牌燒牛肉丼配温泉蛋 ($65/ 大)選用美國牛腹脅肉，肉質軟滑，牛味較濃🐃加埋洋蔥🧅、菠菜🥬同芝麻粒，淋上日本直送嘅獨家配方特製醬汁，既有麻油香，亦有濃郁香甜嘅醬油味。撈埋日本温泉蛋落飯一齊食更香滑🥚💗鹽燒豚肉丼配温泉蛋 ($65/ 大)選用荷蘭五花豚肉，肉質肥瘦均勻，嫩滑爽口🐖加埋洋蔥🧅同大蔥，淋上日本直送嘅鹽燒醬汁，食落帶鹹味嘅醬香🧂💗餃子($15/ 3件)餃子煎至外表焦脆，內𥚃肉餡飽滿不過味道較普通，點埋微酸嘅和風汁更提鮮🥟

好多香港人都未必會去到日本時食呢間牛肉飯，一來日本比較多選擇，二來好似分店比較少，但今日旺角有啦 一於來排下隊先，一排就排左二十分鐘，先見到有機會入座（後來知道四點人流較少，可能唔需要排隊便有機會入座）坐低時，會每枱一張qr code去點野食甘一來可減少接觸，二來可以方便顧客，呢個舉動非常值得推薦。甘樣睇真係好似好吸引呀，起碼打卡無難道啦點知一食就知原來唔係甘值得去排隊入來。煎鮫子係凍既，無好油，但只係凍既，皮是凍的，肉也是凍的，連微溫都無牛肉飯平平無奇只可以一試，但不會主動來下次

呢間東京牛肉丼飯，喺旺角開第一間店，位置就係洗衣街中旅社對面。始終係新嘢，開店幾日已經有人龍，今日經過唔係太多人，等咗20分鐘，不過佢個抽氣嘅排氣口，就係排隊位出邊，所以排隊時候會吸晒啲油煙味😓好彩舖頭裏邊冇油煙味門口嘅餐牌，主要以牛肉、豚肉為主店內大約有50個座位，用手機數QR code落單燒牛肉丼連三隻餃子🥟$55（細size）有啲失望😞個飯濕得滯，牛肉汁麻麻地，唔夠濃，燒牛肉可以冇嘢飲跟要另外散叫不過食到最後，見到碗底都幾多油😓