東京チカラめし (已結業)

餐廳位置好就腳，成日都見到門口有人龍。星期日下午兩個人排隊，都好快入得，始終都係快餐店，流轉得都幾快。未入去之前已經幻想好似喺日本，有時要去食個牛肉丼早餐咁🤣朝早做完運動特別肚餓，嗰陣都成三點，最後嗌咗大燒牛肉丼同炸雞！燒牛肉唔算太特別，冇乜燒過嘅香氣，反而同平時煮熟嘅牛質感差唔多。好彩味道唔算太鹹。本身個飯配咗少少菠菜，都平衡到淨係食肉嘅油膩感。炸雞就不過不失，唔算話好大件或者厚肉。不過餐廳環境都舒服，有一排大窗，感覺唔會侷促。如果離開附近諗唔到食咩，都可以一試嘅🤣

因為啱啱開門嘅關係，所以晏晝一兩點鐘已經有一條長長嘅人龍去排隊等食呢一間牛肉丼飯。去到就嗌左佢嘅招牌燒牛肉丼飯，個飯一嚟到仲係好熱辣辣嘅，而牛肉都非常之足料嘅。 一食落去就感覺佢嘅汁醬都非常之濃味，相對比較鹹一啲，都會搶一搶左本身既牛肉味。至於個配料炸雞，佢都炸得相對比較香脆同乾身嘅，雖然個炸衣都係有啲厚，不過食落都唔錯嘅～我認為個飯嘅性價比都還可以，因為50幾蚊個飯加炸雞加埋都幾夠飽，同埋可能本身比較油膩，所以唔需要食太多已經有啲濟建議大家可以等冇咁多人排隊嘅時候去試吓食～

以前喺日本留學，每個星期都會食一次，因為佢同普通嘅牛肉飯（松屋，sukiya)係有分別嘅，佢係燒牛，所以食落去個感覺會比較有鑊氣，多油，較香口。今次夜晚八點幾嚟到，前面大約有五六個人，所以等咗10分鐘左右就已經可以入去。朋友叫咗個特盛燒牛，牛肉量比想像中少好多，而且醬汁完全唔夠，食落去勁乾，要自己再加醬油落去。唯一要讚嘅係啲牛都算重牛味，而自己就叫咗普通嘅鹽燒牛肉，加咗溫泉蛋。好在加咗溫泉蛋，因為醬汁唔夠，加埋個溫泉蛋，令到個飯冇咁乾。店員講嘢冇尾音，聽落去好似服務態度唔係幾好。整體而言，失望。

近日不同媒體平台都在不停宣傳的日本過江龍牛肉飯餐廳，終於趁著不用上班的日子，一早12點就去到門市排隊，大約12點半就入坐了。看了看餐牌價錢，最貴都只是$65。經過一番考慮之後，就決定今次要吃平時不常吃到的野菜燒牛肉定食。牛肉配鐵板，可以保持溫度，不會太快變冷，對吃得慢的我來說，非常棒。另外，牛肉肉質像貴價手切肥牛，醬汁不會太重味，個人感覺剛剛好，以平價牛肉飯來說，這間牛肉在我心中排首位。值得一提的是不愛吃珍珠米的我，也要贊好此店的米飯，個人感覺入口質感和味道良好，水份剛剛好，配上香好牛肉，真的可以吃2碗飯。下次有時間會再去吃其它套餐

經過旺角見到新開呢間牛丼就排隊試下，店面夠大坐得舒服。size可選擇大中細，基本上都係叫中size先夠食，性價比都算高，牛肉燒得好香口，夠juicy。燒豚肉食完都唔會覺得膩，整體黎講係高質。

旺角近排D餐廳大變天，多左好多唔同既野食。日本就好耐都冇去過了，而家就有間日本過江龍黎左香港做生意，咁跟係支持下順便解下思鄉病。以前細細個好鐘意食牛肉飯，呢幾年都冇食吉野家之後，都冇再食牛肉飯了。本以為牛肉飯間間都差唔多，食完先發現牛肉飯係可以有咁大分別。▧ 燒牛肉丼 (唐揚炸雞2件)呢間燒牛肉飯既醬汁好濃郁，有Ｄ似壽喜燒醬汁。牛肉表面每一寸都沾有醬汁，唔係求求其其煮完先係表面淋上汁，值得讚。個炸雞一樣有驚喜，雖然我係買外賣自取，但拎到返屋企食個陣炸雞都都保持到好脆，唔錯。不過整體覺得等得有點耐，同埋價錢有點貴，性價比有點低。

未開之前，經過已經見到佢裝修，非常好奇係咩餐廳，等咗個幾兩個月，終於開喇☺️ 原來係日本過江龍，人氣連鎖牛丼店。一開始冇外賣自取，非常多人排隊，之後終於有外賣自取，就試試佢！大概等咗15分鐘就可以拎得！我哋叫咗兩碗都係細嘅，對於女生來講，份量啱啱好呀！(≧▽≦) 男生應該叫大先夠食。米飯方面，就感覺煮得太軟同水，無咗日本米飯嘅口感。▧ 燒牛肉丼本來以為係吉野家牛丼味，但原來係好唔同！係燒汁煮嘅牛肉，醬汁非常香口惹味( ´▽｀) ▧ 鹽燒牛肉丼又係另一種口味，見到無醬汁以為會無咩味，但又唔錯，連同生洋蔥絲一齊食，不知不覺一口接一口。

首先，店員服務態度極差，對顧客完全沒有日式餐廳的待遇。第二，所謂「日式餐廳」並沒有提供冰水或熱茶。第三，食物質素差，所有餐點都是冷冰冰的。我點了燒牛肉丼配餃子，兩款食物都非常油膩，沒辦法吃完。餃子非常冰冷，似是用微波爐預先加熱，並不是日式煎餃子的質感及温度。 另外，燒牛肉丼中的洋蔥還沒有軟身，牛肉有很重的膻味，加上中式調味，整體未有日式牛肉丼的質素及味道。環境：🌕🌕🌗🌑🌑味道：🌑🌑🌑🌑🌑價錢：🌕🌕🌑🌑🌑整體：🌕🌗🌑🌑🌑簡單一句：伏，勿試。

幾次經過呢間舖頭都被佢D香味吸引本身唸住黎食之前睇定openrice食評以為店名叫「元祖東京燒牛丼」 點知搵極都搵唔到閒日未夠六點去到，排了10分鐘左右入得入座後唸住去廁所洗手，原來要出鋪頭再繞入商場上一樓先有廁所呢度用QR Code點單的我地點了燒豚肉丼(細)+餃子，燒牛肉丼(細)+餃子，另外加了1個麵豉湯燒豚肉丼(細)+餃子先來，餃子是凍冰冰的，以為是偶然點知相距10分鐘後太太點的餐上菜，佢果份餃子仍然是凍的，非常失望 細飯都幾多，肉都唔少，正常都夠飽的可惜飯十分淋身，唔知係店舖特色或者落得太多水😕檯上有兩款醬汁，和風醬及辛味醬，可以自由添加落去拌飯牛肉豚肉都係普通貨仔個人認為價錢不算平，服務一般，味道普通，試過便可

A 20 minute wait, but considering the amount of people, it was quite fast. There was also very fragrant grilled beef smell throughout the wait 😅🤣I ordered the Grilled beef bowl + Onsen tamago $55. There was not enough beef sauce on the rice at all, the onsen egg was also very hard and did not leak all over the rice as I expected but the taste was good. The beef itself is very flavorful and tender but the tendon and fat can be very chewy and hard to bite. The size of the beef is also quite big an

叫外賣前問左職員，份量上並同大嘅意思係咩？ 佢話大係指多飯多肉。叫左一個大嘅鹽燒牛飯，一個並嘅燒豚肉飯。大嘅鹽燒牛飯，肉只有簿簿一層，食一塊就已經見到淨翻係飯 。飯的確多，肉就竟然仲少過並飯。並嘅燒豬飯，肉都唔算多，但相對之下竟然比牛多！飯就明顯少，原來加錢係加飯？另外，拎外賣時，外賣盒連蓋都未蓋實，完全唔衛生。同時堂食嘅話，見到餐廳入面有好多空位，但係職員唔安排入座，只係要人排隊，製造一個好多人食要排好耐嘅假像。食完一次唔會再食嘅餐廳

最新日本過江龍店舖會唔會就係呢間 「東京チカラめし」？無論個答案是對或是錯都好，可以肯定嘅係自從喺旺角開業後，以親民價錢吸引咗好多人排隊食。我哋特登喺晚上6點前到，都已經有大約10個人喺我哋面前。好彩嘅係只係排咗10分鐘就有得入座。排隊時已經決定咗食咩，一坐低就立刻掃QR落單。所有丼都係即叫即做，我哋等咗大約10分鐘後就有得食喇。▫️燒牛肉丼 (配唐揚炸雞2件) 每日新鮮醃製嘅牛肉比其他牛丼店厚身。店內最大賣點就係即叫即用鐵板燒啲肉類，再配日本秘製醬汁，真係同日本食嘅味道一樣呀。普通size牛丼配兩件炸雞(HKD55)。▫️鹽燒豚肉丼 (配溫泉蛋) - 來自荷蘭嘅豚肉片帶有少少肥膏，用鐵板燒嘅時候啲油好自然就吱晒出嚟，跟牛肉丼比較，呢碗豚肉飯油膩感就重好多喇。不過我將隻溫泉蛋撈咗入啲米飯後再就覺得好好多。豚肉片嗰種鹽燒味道好突出，呢碗丼都值得一試。我哋口痕想每個丼都跟個小食😆😆如果唔係嘅話就咁叫一碗牛/豚丼最低價錢係$45 (普通size）。以咁嘅質素絕對抵食。大胃王擔心唔夠食嘅話可以叫大size，都係貴$10啫。▫️餃子 (HKD15) - 另加咗一份餃子作為小食。餃子上枱時仲熱辣辣，皮薄

先來的餃子是凍的，餃子皮是硬的，燒牛肉定食偏鹹，說是即烤，但又沒有烤的味道，工作人員動作慢，有枱都唔放人入，難怪要排隊，問拎多隻碗仔都沒反應，只有那罐可樂嘅味道保持一貫水準，不值得排隊....失望而回。

算好彩，週末下午茶時間買外賣，淨係等咗20分鐘。燒牛肉飯$45味道相當正常，但份量有啲細。唐揚雞肉咖哩飯，啲雞高過層飯，算不錯。鹽燒牛肉飯（大）$55味道等亦係相當正常。整體嚟講就係外賣正常水準，不過嚟咗香港就物離鄉貴啫。

同朋友大約4點幾黎到排隊 等左大約30分鐘終於入到去食-燒牛肉丼 $45牛肉汁非常多 牛肉亦都好多 份量十足 -唐揚炸雞3件 $15炸到外脆內軟 又唔乾身 好食可惜等太耐 下次有時間會在食