影片
更多
2021-07-01
285 浏览
今日途徑旺角，見到新開果間牛丼，條隊大概十零人，就決定排隊試新嘢。八點排到八點五十幾分先有得入，明明出面見到入面有好多空檯都唔俾人入，唔知內部有咩特別安排。一入去即刻用QR落單，點咗一份牛丼同照燒豚肉拼炸雞餐，再加一份泡菜。大約5分鐘，先上泡菜，份量唔多，每舊都好大片，入口比較唔方便。再過大概5分鐘，一個侍應上菜，成盒牛丼連托盤啪一下放落檯，一粒聲都無出過。同行友人都無太大反應，直接開蓋打卡留念。牛丼聞落好香，但食落有陣怪味，口感偏酸，飯好爛，加和風紫菜醬汁調味進食。另一個餐點遲遲未到，眼見遲好多入黎嘅食客都已經開始享用同一個餐，我地嘅都仲未上檯。懷疑漏單就問隔離吧檯附近一個年約六十幾歲嘅女人侍應，點知佢睄都唔睄我地一眼，勁唔耐煩咁話個個都係咁，等下啦。ex屎cu屎me，都要有個先來後到㗎？！好有耐性解釋埋我地入黎先，人地後入都有，請佢check，點知佢jip咗一聲話份量唔同，我地果份係餐，會一次過出，人地係追加，所以有先（明明都係兩件炸雞，完全睇唔出有咩份量唔同）。之後行過完全唔望我地呢邊，唔知係唔想定係唔敢。經理行過黎last order嘅時候，我地啲嘢食仲未齊，同佢講都只係話準備
八點排到八點五十幾分先有得入，明明出面見到入面有好多空檯都唔俾人入，唔知內部有咩特別安排。
一入去即刻用QR落單，點咗一份牛丼同照燒豚肉拼炸雞餐，再加一份泡菜。
大約5分鐘，先上泡菜，份量唔多，每舊都好大片，入口比較唔方便。
再過大概5分鐘，一個侍應上菜，成盒牛丼連托盤啪一下放落檯，一粒聲都無出過。
同行友人都無太大反應，直接開蓋打卡留念。
牛丼聞落好香，但食落有陣怪味，口感偏酸，飯好爛，加和風紫菜醬汁調味進食。
另一個餐點遲遲未到，眼見遲好多入黎嘅食客都已經開始享用同一個餐，我地嘅都仲未上檯。
懷疑漏單就問隔離吧檯附近一個年約六十幾歲嘅女人侍應，點知佢睄都唔睄我地一眼，勁唔耐煩咁話個個都係咁，等下啦。
ex屎cu屎me，都要有個先來後到㗎？！
好有耐性解釋埋我地入黎先，人地後入都有，請佢check，點知佢jip咗一聲話份量唔同，我地果份係餐，會一次過出，人地係追加，所以有先（明明都係兩件炸雞，完全睇唔出有咩份量唔同）。之後行過完全唔望我地呢邊，唔知係唔想定係唔敢。
經理行過黎last order嘅時候，我地啲嘢食仲未齊，同佢講都只係話準備緊請耐心等待，唔知係太忙定係點。
之後豚肉飯到嘅時候，炸雞依然不見蹤影，同某位侍應話一定需要一齊同時上完全唔同。
個炸雞上嘅時候，經理特登行埋黎講兩句，語氣勁差，類似嘅意思係話食物黎齊可以食啦。
同行友人忍唔住講埋第一個侍應啪拖盤嘅行為，點知個經理沈默咗幾秒，好似半帶恐嚇咁問：咁宜家啲嘢食上齊啦，咁你地食唔食埋呢餐先？
🙃
太好嘅服務態度，完美嘅服務水平。
张贴
