東京チカラめし (已結業)

小編今次同老婆嚟到呢一間位於旺角嘅專門食日式牛肉飯嘅餐廳，呢一間餐廳嘅牛肉飯與別不同，每一塊牛都充滿醬汁，再配合日本珍珠米，簡直配合得天衣無縫，每一碗牛肉飯同埋每一個定食牛嘅份量都相當充足，不過如果大家覺得食一份牛唔夠嘅話可以再追加多一份牛，當然呢間日式餐廳嘅豚肉亦都相當唔錯，還有其他小食亦都相當推薦。總括嚟講，呢一間日式餐廳嘅食物烹調得相當唔錯，有日本嘅風味，份量亦都相當充足，絕對推薦呢一間餐廳俾大家。

之前有間牛丼店喺旺角開咗一段時間，記得開咗冇耐戈陣系勁多人幫襯，戈陣排隊都排咗成個幾中，風靡一時，去到呢家禁左夜晚堂食都仲有吾少人買外賣。隨住潮流，相信牛丼店都會愈開愈多，就喺奶路臣街一帶原來就開咗間牛丼店，都一段時間，最近先發現，繁忙時段超多人😱呢家好多餐廳都系用手機落單，尤其系客流多嘅餐廳更有需要用到，可以令餐廳員工喺呢方面省卻工作量。餐廳食物主要分成牛丼、豚丼、定食、各款配菜，而裡面當然再有細分各項配搭。主菜價錢都系$100以內，十分相宜。就咁加咗份燒汁豚肉試試，醬汁都好足夠，最難得嘅系吾會因為咁而比人感覺太鹹。被燒過嘅味道充滿香氣。朋友叫咗個燒牛肉丼配溫泉蛋♨️裡面大多數燒牛肉脂肪都吾會好多，所以肉味相對香濃，肉汁就吾系話好多，少少哋撈埋溫泉蛋都好夠滋味😋自己就叫咗燒牛肉野菜定食，配以麵豉湯，麵豉湯比想像中更好飲。喺出面飲親都驚會好鹹，呢度冇呢個感覺。呢份肉汁相對多過牛肉丼，但都未至於話好鹹，同埋仲有野菜索埋啲醬汁，健康美味👍🏼牛肉口感軟稔，容易入口。有位男侍應嘅服務態度好好，臨走戈陣擺咗個裝口罩嘅紙袋氣喺枱面，佢應該吾知我戈個袋裝過口罩🙊仲問我系咪漏咗個袋仔喺戈度。

今日同朋友落旺角買完嘢之後，走咗嚟呢間同Sukiya （牛丼）差唔多嘅餐廳食。以食飯時間嚟講，人流唔算多，店內都幾乾淨。餐牌都係掃QR Code落單，但款式相對比較Sukiya少。咁我個friend就嗌咗燒牛肉丼加溫泉蛋同一罐可樂，我就叫加大豚肉丼同三隻餃子。味道上，豚肉都幾肥，幾好食，醬汁啱啱好，唔會影響珍珠米嘅質素，珍珠米食落去仲係一粒粒，有口感，餃子就反而普通，冇咩特別。至於個燒牛肉丼，我就喺個friend度夾咗一嚿嚟食，如果同Sukiya嘅牛燒肉相比，個人偏向喜歡食Sukiya，因為Sukiya嘅牛燒肉係甜甜哋，呢間就冇，顯得冇咁好食。不過我朋友話撈埋溫泉蛋落去食，簡直係一流。整體上份量適中，味道幾好，值得一讚係珍珠米食落去仲係一粒粒有口感。價錢合適，但以同份量價錢相比，Sukiya係平啲啲。。。所以兩間比各有各好，呢間係可以同Sukiya fight嘅🤣🤣

個人好鍾意食牛肉飯，所有見到有肉飯的食肆必定會幫襯。今晚去旺角行波鞋街發現一間煮得好好味既牛肉飯，開頭係被門口排隊既人龍吸引，跟住隊尾排左15分鐘左右，終可入內用餐，入到去已急不及待掃QR code order餐。梗係嗌左全店最貴個個重量燒牛肉飯，再嗌多支汽水送飯，等上餐時望下出面人龍，仲係維持住10-15度，又望下店入面環境，座位吾多但坐得舒服既，好快我個餐已送上枱。即刻試第一啖，味道比我食左十幾年既吉野家仲有濃烈，好香既牛肉汁，已好想食下一啖，好快就食晒 ，味道真係好，比吉野家還要香口，可能食得太多，試另一種味道有新鮮感吧！😀😀個人覺得一定要推介，分店吾多，所以食預左要排隊呢😅😅

叫左一份餃子，兩份鹽燒牛丼其中一份配溫泉蛋，另一份配炸雞。一坐低冇耐就上左餃子，原本諗住個餃子係脆嘅，點知原來係淋嘅，不過餃子嘅味道唔錯。兩個牛丼真係好難食，份量適中唔算太大，但由於太難食，兩個牛丼都係食唔晒。牛丼嘅汁冇乜味，啲牛肉好韌好難咬得開。大家真係唔好俾佢嘅味道欺騙而入去。總結：伏到爆

在非常掛念日本的情況下，唯有吃點日本地道食物解解心癮，bff早前說旺角開了一間元祖日式燒牛丼飯專門店 - 東京チカラめし，在openrice見價錢貼地吸引，就抽空來這裏開餐吧~ 據說旺角The FOREST分店是日本首間海外分店來的，店內提供多達35款丼飯定食，與日本分店的種類相近倡。 野菜燒牛肉定食定食配有味噌湯、沙律及白飯。野菜燒牛肉份量足夠佐飯，牛肉內放了大量洋蔥及清甜椰菜，全都吸收了滿滿的香甜醬汁，而牛肉口感結實嫩滑，肉汁多，入口啖啖肉，讚～ 唐揚炸雞炸雞算是必點小食吧！入口外脆內嫩，而且非常多汁，超級 juicy，聽說是即叫即炸，難怪味道這麽好。 泡菜泡菜的味道沒有什麼特別，不過，我習慣炸雞配泡菜，所以特別點了一客來吃。

好掛住日本！番工前係旺角經過呢間，記得係日本食過即排隊入去試下！.呢到係電話掃code落單，嚟到呢度梗係食牛肉飯，仲叫左個大牛肉飯和配溫泉蛋，不過因為唔係即叫即有，都要等10分鐘呢，jo就睇下牛肉飯教學(枱面有教點食).等左10分鐘終於到！食第一啖超級滿足好好好食！🤩懷念的味道，難怪大排長龍！牛肉醬汁香濃甜甜地，有少少菠菜，牛肉燒得剛好好有咬口，牛味濃，份量仲好多，加左溫泉蛋更加香滑😋 加少少七味粉食或辣椒醬好惹味更好食，大滿足！🥰.枱面好似日本咁有幾款醬汁，滿喜歡日式豆瓣醬，唔會太辣又甜甜地，仲有胡椒粉和七味粉可以因應個人口味加.價錢相宜裝修好光猛舒服又有好多卡位，jo一個人坐左bar枱，貪心的jo仲叫左餃子和zero食飽飽$100都唔駛，咁抵又食到日本的味道一定會再encore!

日本元祖😱😱喺香港有分店啦👏🏻👏🏻而且仲係第一間分店☝🏻☝🏻唔使去日本都可以食到啦🇯🇵🇯🇵嗱嗱臨入去食返餐先😎😎🥓燒豚肉丼(配餃子三件)($68)🥓因為朋友就揀咗食牛🥩🥩而家梗係揀食豚肉🥓🥓呢度嘅豚肉🥓係採用荷蘭嘅豚肉，而且再配埋自家秘製醬汁，真係好好味，而且豚肉肥瘦分布啱啱好，簡直一流🤤🤤🥟因為呢個係套餐，仲配合埋三件餃子🥟餃子🥟個皮好薄，而且餡肉好多，咬開件餃子，入邊有好多肉汁，食到停唔到口🤤🤤🥚溫泉玉子($15)🥚佢個玉子係分開上㗎，唔係連埋啲飯一齊，不過可以自己撈埋落去啲飯&豚肉一齊食，正到冇得頂🤤🤤🥤芬達($12)🥤食飯時點都要配翻罐飲品🤤🤤

係日本過江龍過嚟香港開分店，緊係要過嚟試下味道如何先啦！我今日早咗到，所以暫人唔會太多，入到去餐廳環境已經有日本快餐店嘅風格，座位都好闊好舒服，座枱上面有齊晒一啲配料，有油醋汁啦，醬油啦，七味辣粉啦等等，亦都會有基本嘅茶水，另外值得稱讚嘅係，你左手一拉，有齊晒基本嘅餐具，最重要係有紙巾，唔知點解香港好多餐廳都冇，好鬼鐸叔，非常之方便！至於餐牌方面，係用手機落單嘅，有牛肉飯啦，有雞肉飯啦，有豬肉飯啦，有正式，有配菜，同埋飲品！於是我就叫咗定食，鐵板椰菜牛肉，配香辣泡菜仲有沙律同埋味增湯。另外再加香煎餃子。餃子上到枱都仲好香脆，皮唔會太厚，加啲醬油吊一吊未，唔錯。到主菜啦，好豐富，有隻溫泉蛋，份量都好多，菜爽脆多汁，牛肉份量都可以，香濃。沙律都菜好新鮮，非常之爽脆，再加啲油醋汁吊味，好正。湯就岩岩好，唔咸唔淡！

開旺角嘅分店平時好多人排隊，晏晝嘅時候特別多人。有時候需要等10分鐘到先可以入座每個餐桌上有各款醬汁可以加入去調味，重口味嘅人不妨自助調味入到餐廳可以掃QR code用手機落單，快捷方便，唔需要叫職員行過嚟餐廳選用日本珍珠白米飯，配合各款醬料以及燒肉每碟有三個餃子餐廳其中有個小食係餃子，餃子都係燒到燶邊，有微微烤焦嘅感覺，所以會香脆可口，沾上餃子醬汁仲有一個小食係大家都會叫嘅就係日式炸雞，有兩件會喺碟上邊。炸雞香脆可口美味另外加多個椰菜沙律🥗埋單幾十蚊

都係用手機掃描QR code之後，自己去落單旺角有間日式快餐店，唔想食吉野家仲有個選擇俾大家。呢邊有唔少日式快餐面當，大部份都係用燒牛肉為主，亦都有豚肉、雞肉飯。另外都可以選擇咖喱飯等等醬汁叫咗個燒肉定食套餐有麵豉湯有日本白米飯有香燒牛肉有沙律加錢可以叫一個流蛋汁嘅溫泉蛋，半熟嘅溫泉蛋用一個小點裝住，一般來講會到入去碗度攪拌適用沾滿左日色醬汁嘅肥牛肉仲有香蔥餐廳用日本🇯🇵白米飯，不過有少少硬唔想淨係食燒肉，想健康啲嘅話，小食仲可以選擇椰菜沙律🥗

呢間人氣嘅牛丼飯每次經過都大排長龍，今日我哋終於有時間可以一試！豚肉丼以豚肉片製作，肥瘦分布平均，熱辣辣嘅豚肉再加上熔化左嘅芝士，實在邪惡無比！另外仲有咖喱飯配吉列豬扒豬扒大大塊，而且炸至金黃，口感脆卜卜，再配上日式咖哩，味道濃郁而香甜。真係大人細路都難以抗拒。最後出場當然仲有佢嘅招牌牛丼食呢個牛丼嘅精髓就係要將醬汁撈勻，另外一定要配上一隻雞蛋，令到蛋汁同埋醬汁都包住每一粒米飯！再加埋即叫即燒嘅牛肉，真係最佳嘅享受。

呢間日本牛丼連鎖店 - 東京チカラめし（Tokyo Chikara Meshi）真係人氣十足，無論任何時間基本上都大排長龍！餐廳主打厚切燒牛肉丼及豚肉丼。入座後只需要憑QR code落單，之後就有店員將食物送到檯上。第一次嚟到當然要食佢主打嘅燒牛丼！丼飯有不同份量可以選擇，滿足男女老友嘅需要！燒牛丼加上特製醬汁，食用之前將醬汁撈勻，每一粒米飯都可以感受到醬汁嘅香味，加上米飯係用咗日本國產米，米粒飽滿，米味濃郁，令人一試難忘。唔夠飽嘅話仲可以加配小食同埋飲品炸雞加綠茶都係一個唔錯嘅選擇

【#SUPERMAMA開心SHARE】東京チカラめし@鐵板野菜燒豚肉呢間店犀飛利呀係來自日本的勁店出名食東京牛肉飯同老友去食一人一個餐，都係100蚊左右咋極之好食我點左個 鐵板野菜燒豚肉好食到名不虛傳定食有一碗麵豉湯，好有日本味椰菜絲沙律鮮甜好食鐵板的豚肉香濃多汁配日本米飯，好味到震我覺得好值得食小食我同朋友各自點左一款我要左炸雞佢要左餃子炸雞皮脆肉汁多D醬汁可以問店員拎要幾多自己倒配餃子和炸雞食得好好味我覺得幾十蚊食個鐵板野菜燒豚肉定食堅抵食！

之前窮遊日本成日都會揀返餐牛丼專門店，平得黎又飽肚，所以見到依間喺香港開咗都好期待去搵返日本嘅感覺環境都幾有日本特色，有吧台位溫馨提示食法本身想試原味燒牛肉丼，不過已經賣晒，揀左旨辛燒牛肉丼。寫明即叫即烤，所以都等咗一陣先有得食。面頭鋪滿椰菜同洋蔥，啱晒平時好少食菜嘅我！個味有啲似韓式辣醬，加埋啲泡菜，幾惹味！仲要勁多汁，撈晒成碗飯朋友揀咗鹽燒豚肉丼，黑椒味幾重，加埋啲蔥可以中和返豚肉嘅油脂。另外嗌咗泡菜，加埋一齊食邊韓式泡菜豚肉飯唐楊炸雞 炸雞不過不失，唔鞋唔厚粉追加燒牛肉牛肉博切分量唔算好多，不過個味道都唔錯食完出到去已經開始排隊