東京チカラめし (已結業)

星期六係旺角行左成日街，攞住一袋二袋戰利品，加上臨到夜晚，個肚餓到咕咕聲，個腦突然閃過一下係日本行左成日街shopping既畫面. 令到我突然好想食到一碗有日本風味既牛肉飯. 於是係openrice搵到依間元祖級燒牛肉丼飯.因為好肚餓既關係，除左叫個鹽燒牛肉丼同野菜燒牛肉定食之後，仲叫左幾款小食，包括泡菜、味噌湯、溫泉玉子同唐揚炸雞. 定食好食不在講，最有驚喜係個炸雞，推薦大家一定要試下. 埋單兩個人都係食左大約$200左右，價錢算係中等.

遠遠見到好日本嘅食肆，原來是日本元祖燒牛丼，太耐冇得外出旅行，好懷念，每次到日本總喜歡吃地道的拉麵、壽司和牛肉飯。日本咖喱有著它獨特的味道，我選了一個咖喱飯配燒牛肉，可以食咖哩又唔會錯過這兒的燒牛肉。咖哩口感香滑濃濃的，顏色偏深，味道較甜，配上日本米飯很可口，燒牛肉肥瘦均勻肉味濃，兩者配合一起，很美味。配了一個味噌湯和溫泉玉子，玉子蛋味香濃，可加入昆布醬油和七味粉一同進食。CP值高，很快會再回來吃

『燒牛丼元祖』東京チカラめし登陸香港旺角啦！！行過見唔係咁多人排隊，當然要一戰~大約等咁5-10分鐘就入得！天氣有啲寒就揀咗旨辛燒牛肉定食同野菜燒牛肉定食，雖然話多客但上菜都算快，旨辛燒牛肉雖然話有辛辣，但真係好BB 辣，個味都幾鐘意， 肉質嫩，份量一個人剛好而野菜牛肉定食就有啲似bbq汁，唔辣帶小小甜定食配 味噌湯、沙律同白飯，飯真係好大碗，一個人都食唔曬，沙律菜為主，自己加沙律汁！小食加咗2 款，餃子微煎香，入面都算juicy, 而炸雞非常日本式炸雞，外脆內軟嫩滑😋 東京チカラめし🌟旺角奶路臣街17號The Forest 地下G8號舖

東京チカラめし 是日本的燒牛肉丼飯的始祖，一直都很想來試，趁今日放假便過來排隊吃午餐。中午時段真的很多人，都等了半小時才有位。座位較多和舒適，職員服務都很有禮貌。可以嘟單上的QR code 來下單，方便快捷。燒牛肉丼即叫即煮，牛肉份量較多，肥瘦適中，牛肉味濃郁。煮得很軟稔而入味，清甜美味，飯粒煙韌可口，吃下很有咬口。燒豚肉丼豚肉薄而爽脆，燒得剛好熟，肉汁充沛，配有菠菜和芝麻等調味，味道層次豐富。餃子熱辣辣，皮薄餡靚，滑溜而香甜，豬肉豐富而多汁。沙律沙律菜新鮮爽脆，清甜可口。

呢間開左冇耐既過江龍牛丼飯店，每次翻工經過都會見到好長人龍。見今日早左lunch，唔算多人，終於可以一睹風采我同朋友各自叫左個燒牛同燒豕丼飯加唐揚炸雞2件（$58）。牛肉肥瘦適中，好香牛味，配搭秘製醬汁同日本珍珠米，的確完勝格離店至於豬肉都燒得好香，唔會太乾，整體都唔錯反而唐揚炸雞就冇想像中咁大驚喜，但雞皮都炸得幾香脆，但就嫌乾左少少但性價比整體都唔錯

✿╮❤╭✿✿雜感女生   好味日記✿˚*•✰。東京チカラめし．日本定食冇得輸。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤  ❤東京チカラめし是最近朋友推薦的店子主打日本套餐價格親民，食物份量與水準俱全於是行過路過唔好錯過入去一食為敬我點了吉列豬扒定食加配綠茶，也是百元之下 定食一上台，就覺得非常抵食吉列豬扒巨形而且炸得好香脆，睇到薄薄的一層炸面厚厚的肉質，已令人肚餓 口感多汁，配以日本人最愛的椰菜沙律又加了清爽的感覺 吉列豬扒點可以冇沙律汁我最愛點這酸酸的味道令吉列豬扒更有吸引力！ 白飯大大碗 + 最愛的日本麵豉湯因為吉列豬扒更有味力！  我另外點了一客餃子典型的日式口感內裡有大量肉汁非常好食 另朋友點了唐揚雞吃了一件，也非常香脆味道不錯 

去到旺角唔知食咩好見到一間日式裝修嘅牛肉飯專門店又唔係好多人排隊 就諗住入去試下——上網一查先知原來係日本過江龍🌟芝士牛肉飯（加大）$65-個飯賣相都幾好-芝士灸燒過-但芝士係好淡口-醬汁味道唔濃-牛肉質素普通 有筋 亦唔係特別淋-覺得都好麻麻🌟餃子3件（加配$15）-明明係煎餃 但好似比油浸過咁-煎得小小完全唔脆 唔香-餃皮偏厚-肉餡無肉汁 日式餃子味 但食唔到入D菜同肉係咩味道 感覺好味精 調味好單一-見到新野諗住試下 下次應該唔會再去-如果要去可能食多汁嘅項目會好D

去完旺角行街和夾公仔後要搵野食，經過一間之前排長龍的燒牛肉店。之前上網睇過的評價不俗，而且今日條龍不算長，所以決定試一下。我們來的時候是平日晚上7點，最後等了15分鐘就能入座。在餐廳門口等候時，令我想起以前去日本夜晚係酒店附近搵間牛肉丼食宵夜的的感覺，或許這是我們太掛住日本的幻覺餐廳座位不多，有吧台和普通座位，我們被安排坐在最角落的二人座，可安靜觀看隔離商場的聖誕裝飾。餐廳係需要用QR CODE下單，我和朋友每人各叫了兩份定食。先上來的是唐揚炸雞定食。總共有6件大炸雞，份量算多。炸雞入口不油，感覺雞件有被切除邊緣多餘的油脂，好合我們心意，誠意推介。之後送上來的是網上好多人叫的鐵板燒牛肉。上網看過報道鐵板是即燒，但送上來又唔覺特別熱哄哄。我們叫的是野菜燒牛肉定食，燒牛肉的醬汁太多，野菜底已經有汁，牛肉上面再另有燒汁，雖然賣相好睇啲，但係成碟餸好咸。牛肉本身偏厚，質地好腍，有肉味，唔會好似吉野家個d咁薄薄一塊，又無味。整體感覺一般。最後埋單人均60，這個價位比好多連鎖日式餐廳平，食物質素對得住個價錢，性價比高，期望可以開多幾間分店。

今日終於朝聖😆開左錦耐都未試食，因為好怕要排好耐隊，專登揀咗個平日黎試。好彩今次12點黎到，直接入去唔使排隊✌🏼入到去已經9成滿。 一坐底即刻用QR code落單，叫左一個燒牛肉飯配3隻餃，再加一個溫泉蛋😋好味！

在旺角逛街時, 經常會看到這間舖外面大排長龍, 上網查一下得知原來它是來自日本的超人氣過江龍「燒牛丼元祖」, 今日難得星期六放假經過, 見有點時間, 便去排隊等吃飯。餐廳光猛開揚, 全用落地大玻璃, 採光度十足, 令人吃得很舒服。沙律沙律菜清甜可口, 口感清爽, 可以自行加入醬汁拌一拌來吃。餃子3件餃子煎得外皮香脆可口, 鮮嫩的肉汁被緊緊地鎖在餃子裡面, 一咬爆汁, 令人極有滿足感。燒牛肉丼(配溫泉蛋)這碗燒牛肉丼無論色香味也俱全, 某某連鎖牛肉飯店的質素完全不能媲美。這碗燒牛肉丼, 牛肉嫩滑多汁, 不會燒得太乾, 重點是配了一隻日本的溫泉蛋, 香滑無比, 單獨吃也可, 倒入飯裡撈來吃也可, 隨你喜歡。燒豚肉丼(配唐揚炸雞2件)除了燒牛肉丼外, 當然還要試試燒豚肉丼, 豚肉的肉脂比例完美, 既有嫩滑口感, 亦有豚肉的香濃味道, 配上2件炸至金黃色的唐揚炸雞, 皮脆肉嫩多汁, 令人垂涎三尺。

日式牛丼一直喺香港人喜歡嘅美食之一，係日本既牛丼專門店開到成行成市。而日本燒牛丼元祖東京チカラめし都決定嚟香港分一杯羹，係旺角呢個美食集中地開佢地既首間分店。東京チカラめし旺角分店地點就腳就喺正旺角新潮流商場The Forest 下面。大大間配合落地玻璃好搶眼，經過一定唔會俾佢吸引住。.日本燒牛丼專門店嘅賣點一向都係平快靚正。呢一間東京元祖店選擇比想像中多，唔單止有最基本嘅牛肉飯，仲有豚肉、吉列豬扒、鐵板雜菜、甚至咖喱飯選擇。傳統牛肉都有兩款口味，有最常見嘅燒牛肉，同埋較清淡嘅鹽味。.重量燒牛肉飯 💲78 （溫泉蛋💲15）⭐️3.8/5燒牛肉飯都提供三個份量選擇，包括基本、大版同埋我叫呢一個重量級嘅燒牛肉版本，乜嘢胃口既食客嚟到都有選擇。貪心所以一嚟就嗌個重量級，用左平日鰻魚飯果一種尺寸嘅飯盒，除咗份量大咗之外好似仲多咗啲子薑送飯。呢度嘅牛肉飯標榜即叫即燒，熱辣辣牛肉配醬汁味幾濃。我加多左隻溫泉蛋，同牛肉飯嘅醬汁撈埋一齊食係絕配。.鹽燒牛肉丼配餃子三隻💲58⭐️3.6/5鹽味嘅牛肉飯無論係賣相同埋味道都比醬汁版清淡，鹹鹹地比較食得出牛肉嘅味道。雖然味道都唔錯但係我比較喜歡傳統嘅燒汁版本。跟

本身好鍾意食日本嘢，疫情下好耐無去過日本，星期六經過旺角，見到門口有好多人排隊，好耐冇食過牛肉飯就決定食呢間。點餐係用手機落單，餐廳選擇好多，有牛肉飯、豬肉飯、咖喱、定食……花多眼亂搞到我心大心細，見餐廳主打日本燒牛肉，最後揀咗個重量級嘅燒牛肉飯，再加三隻餃子。餐廳嘅食物都係即叫即製，所以都等咗一段時間，首先嚟嘅係餃子，煎得唔錯，食落唔會好油，呢個價錢算合理。跟住就係重頭戲燒牛肉飯，重量級果然係有好多牛肉，旁邊仲有少少紅色嘅日本酸薑，我首先根據枱面上指示先將牛肉汁以及珍珠米攪勻，燒牛肉個汁調得唔錯，唔會太咸或者濃，再加埋洋蔥以及芝麻碎配飯一流，牛肉煎得恰到好處，咬落去口感唔錯，難怪係餐廳嘅主打👍🏻餐廳性價比非常高，埋單$100都唔使就可以食到日本嘅風味，難怪門口人山人海。

本身諗住食下回憶一下東京感覺響門口位侍應面前”do” 左門口張安心出行然後佢叫我地show 話因為有啲apps 係假咁係咪懷疑我哋係作假？！定係你哋張QR code 係假？而我立即show 比佢睇個page係乜嘢原因你懷疑我哋係要響你問店鋪做假？非常之唔尊重客人既一間餐廳如果唔係因為等左10 分鐘（重要係因為安排不善，明明有位比左後面1組2 人枱 坐卡位，而我就等多左3 組2 人枱先比我地入坐卡位🙄）如果呢個係日本公司我哋真係百思不得其解點解有咁既service非常失望味道：正常，不是日本味道，旺角餐廳我都冇要求

離遠已經見到呢間舖頭, 因為個裝修好鮮色，外牆係紅色嘅，好有日本店嘅感覺。咁啱12點幾，都唔算多人排隊，等咗兩三個，就安排到有位坐。我一個人，安排咗個兩人枱俾我，非常之舒服。內個裝修真係好有日本嘅感覺，有BAR 枱亦有卡位, 而且非常之乾淨!用QR code落單，都好多選擇，主要為牛肉丼同豚肉丼，咁就試吓一個野菜燒豚肉定食，乜都有，而且又可以食到蔬菜，好開心, 因為平時食lunch好難食到菜！嘢食黎到時，都嘩左聲, 估唔到咁大份！有沙律、麵豉湯、一碗勁大嘅白飯、同埋主食豚肉，超級多嘢食！個沙律主要係生嘅椰菜同粟米，跟住佢枱面有一個醬汁，可以加係沙律度，食落酸酸甜甜, 我好喜歡, 好開胃！麵豉湯都好夠熱，味道亦都唔太鹹，味道岩岩好！跟住到主食就係豚肉蔬菜，豚肉非常之多，好多舊，而且佢唔係切到非常之薄嘅肉，有啲厚度 ！而且佢肥瘦適中，唔會太瘦，加咗啲肥肉，增加口感！個醬汁非常之惹味，而且帶點辣，送飯真係超級超級開胃！整體嘅份量太多了，食到最尾，我都放棄碗白飯，淨係食豚肉！但因為佢個汁真係非常之開胃，都食咗唔少飯！走嗰陣時，見到門口超多人排隊，好好彩，今日早咗黎呀。呢間野下次都會再幫襯，因為

而家想食牛丼又多個選擇，呢間過江龍係旺角開左幾個月，之前lunch去左食，都幾多人幫襯！┄┅┄┅┄┅┄┅┄𖣒 鹽燒牛肉丼 (配溫泉蛋) $55呢度嘅牛肉比較厚身同有牛味，鹽燒都唔洗煎話好鹹，反而係更加香口！加埋溫泉蛋食好正🤤🤤評分：🌕🌕🌕🌕🌑-𖣒 燒豚肉丼 (配餃子3件) $55豬肉片都幾肥美，但一啲都唔油唔膩，可以撈佢地d醬汁食，好惹味！餃子正常發揮，不過個皮可以煎脆d。評分：🌕🌕🌕🌕🌑-唔洗叫大碗都已經好夠食！