李家 (海壩街)

营业中

休息中

與朋友朝早食飽早餐相約到荃灣行山，天氣很好。行山後好肚餓，就到荃灣搵野食，最近追擊韓劇心思思好想食炸雞，朋友帶路去海壩街李家。二人坐廳餐廳外面 半 outdoor 部分，很清涼，落單後上菜 速度很快。男士食量大，我們點了三款味道的雞。青辣椒蛋黃醬炸雞跟洋蔥 有骨$208 一隻雞第一次食這味道，大力推介，好似辣辣地既沙律醬，配洋蔥一起夾炸雞食，中和油膩感。另外自選半半炸雞 ，好抵食 , 又可以滿足，一次食兩個味道。原味炸雞$93 會跟一個酸甜辣醬 ， 芝士味炸雞$113 芝士味很有驚喜，皮脆肉嫩 。 加七蚊有飲品好抵。 做完運動食炸雞就是滿足

李家 (荃灣)荃灣海壩街16號地下去唔到旅行又掛住韓國，一定要食炸雞🍗入到店內會聽到好多K pop歌，又可以睇MV，等食物嘅時候一啲都唔悶，大飽眼福耳福。員工好親切，會好細心咁樣推介食物，送上前菜都會介紹係韓國嘅小食。飲品好大杯👏🏻👏🏻👏🏻叫咗蘋果同埋檸檬都係為咗開胃，酸酸甜甜好適合夏天😋驚喜‼️有韓國人招待我地㗎，好開心😯😯😯👏🏻👏🏻👏🏻酸蘿蔔其實係甜甜酸醒㗎，好開胃，生菜絲都好新鮮好爽口，個醬汁具韓國特色。燒牛肉肉質鮮嫩，肉汁超香濃，係想一口接一口咁食，配上椰菜絲，唔會有膩嘅感覺，有菜有肉👏🏻👏🏻👏🏻營養均衡。黎到呢度冇可能食炸雞，由於我唔係好知道除咗原味之外有啲咩好食，店主問我鍾意咩口味，甜或鹹，咁我就揀咗甜，佢推介俾我兩款甜味，分別係蜂蜜蒜蓉同埋甜辣，我又問關於成隻雞食定係雞塊嘅問題，佢話可以選擇無骨，同埋一半一半咁食就可以試到兩隻味，一份雞約18-19塊，好多謝佢咁親切嘅招待🙏🏻😍上枱嘅時候超級大份，壯觀呀，好香呀，啲醬汁好豐盛，好juicy呀😝😝😝😝我好細食，平時食雞塊都係食到兩件都飽，但今日我食咗五件呀‼️‼️‼️因為佢好惹味，勁脆，索索聲，真係好有電影感，越食越滋味，先可以胃口

🎪 李家(荃灣)荃灣海壩街16號地下最近成日掛住炸雞🍗，今次又係食回憶，是炸雞界始祖，由韓國人主理的「李家」開到黎荃灣！食完仲可以行下附近既南豐紗廠🥰🍻🌟無骨青辣椒蛋黃醬炸雞跟洋蔥 $218俾到滿瀉既蛋黃醬，配香脆炸雞和爽脆洋蔥，非常合襯。雞肉嫩口，大細適中，有少許微辣，份量絕無吝嗇，吾好睇少竹籃的盛載量。🌟泡菜餅 $128泡菜餅煎得好香脆，有小小窿邊嘅焦香味🤤，薄薄的，入面有泡菜和魷魚作配料，食落去煙煙韌韌，配埋酸酸辣辣既醬汁，有多重口感。🌟韓式魚餅湯 $158韓劇成日播街邊小攤檔魚餅串，配埋熱騰騰嘅湯，諗起就掛住🥰。魚餅湯外貌平凡，但魚餅份量係飽滿！配埋爽口的芽菜和薄脆蘿蔔片，推介！🤤總體食物味道：4/5💰性價比：5/5💥推介指數：4/5

自從炸雞熱潮走入香港，就愛上了這種文化，隔一段時間心癢癢好想食炸雞飲啤酒，疫情下避開了人多的繁忙時間，同為食姊妹二度光臨荃灣這間分店上次試過蜂蜜蒜蓉炸雞很好吃，所以今次也叫回這款蜂蜜蒜蓉炸雞，再另點另一款口味 醬油炸雞，金黃色的炸雞掛著濃厚蜂蜜，賣相非常吸引，大大啖的咬一口，先感覺到香甜的蜜糖味道，接着是酥脆的外皮和嫩滑的雞肉，再伴著帶點辛辣的蒜泥一起吃，味道更豐富醬油炸雞雖然比起蜂蜜蒜蓉炸雞稍微遜色一點，但食落也很有風味，大大隻雞腿，啖啖肉，入口充滿咸香的醬油味道，最啱不太喜愛吃炸漿的人辣鳳爪在韓國很普遍，但香港比較少有，喜歡吃辣的為食姊妹，說要點來領教一下韓國的辣度，一排排列得整齊的鳳爪，放在鐵板上，可口又爽口的肉質，煙韌得令人感覺吸收大量骨膠原，芝麻的香味豐富了食物的層次感，每只鳳爪由內到外也充滿辣味，而囗腔感到辣的程度是由微小漸進地大，為食姊妹大呼過癮，但我已辣得要命，幸好點的是蜂蜜炸雞，蜂蜜的香甜可解咀裏的辣度不說不知原來李家已開了五間分店，而荃灣就只有這一家

偶爾都會懷念在韓國品嚐當地美食的日子，現在雖然不能飛，還好香港都有不少正宗韓國菜，可以懷念一下韓國美食的味道。和朋友來到荃灣的李家，它有幾家分店，而且很多好評。這裡的菜式和韓國當地一樣，每款份量都較大，因為韓國人有種大夥兒分享美食的文化，在社交距離措施放寬後，約多點朋友來就更好。牛肉炒粉絲$128份量嚇一跳，如果有叫其他食物share，應4人分吃也足夠，炒粉絲要預備好多材料，一直未有心在家自己整，太花時間，它有菠菜、紅蘿蔔絲、冬菇、洋蔥、牛肉，每樣食材都要處理過才能炒在一起，味道頗濃，鹹鹹甜甜，牛肉很多、薄切，口感嫩。年糕餃子湯$98如果不吃辣的朋友想喝湯，選這款就對了，奶白色的湯底，味道清新，有鮮味，帶點紫菜味。餃子和我們的不同，半月形，餡料質感細緻，菜肉均衡，皮薄，年糕切得較薄，較易入口，比較滑溜。店裡播著輕快的k pop歌，令人有輕鬆的感覺。

久違的韓國菜，好掛住韓國炸雞，呢間位置荃灣的［李家］，有數間分店，有多款口味的炸雞，而且小食、麵食同湯類都吸引，見好多外賣單，最吸引我都係炸雞同芝士雞蛋卷。點餐後，會送上前菜，係清爽千島醬生菜沙律，仲有消膩解辣的醃蘿蔔，酸中帶甜好爽脆。芝士雞蛋卷 $128賣相好似厚綿被一樣，份量大又重又吸引，切開即刻見到超多芝士，拉絲效果好勁，長拉長有。雞蛋卷入口鬆軟嫩滑，蛋味濃郁，芝士微咸有奶香，芝味唔算好重但有咬口嘅芝士口感。非常美味，個人極推介。半半炸雞揀左無骨，呢款芝士味 $113估唔到都係份量很足夠，仲超多芝士粉，有2款芝士粉，一款奶香味重，一款芝士咸香味濃。每件炸雞都沾滿芝士粉，相當香濃惹味。炸雞無骨啖啖肉，炸衣香脆可口，而且熱辣辣，雞肉都嫩滑有彈性。另一口味揀左，蜂蜜蒜蓉無骨炸雞 $113呢款香甜帶蒜香，大人細路都岩食，配蒜蓉勁香口，而且特別有原粒炸蒜，味道更重更濃香，炸過蒜粒不辣只有蒜香，所以非常正。雖然有好多蜂蜜，但唔會浸腍炸衣，咬落仍然脆口，當然芝士味個款更脆身。Rainbow soda我點左士多啤梨味 $38，紅色個杯，都好香 士多啤梨味，梳打氣泡好清爽，配炸雞好夾。朋友揀西柚

說到韓式炸雞，怎能不提由韓國人開設、分店開完一間又一間的李家，今次就來一訪荃灣分店。餐廳裝修風格樸實，設有室外座位，感覺較開揚。餐牌上也有很多炸雞以外的菜式，選擇繁多，不是單調地獨沽一味。下單後便會送上醃製的酸蘿蔔切粒和沙律菜，味道甜甜酸酸，口感清爽，也可減低肉食的滯膩感。李家可說是香港首代韓國炸雞專門店，口味正宗，於原味炸雞基礎上，透過不同的醬汁或者調味作出千變萬化。醬油炸雞 $168一籃炸雞份量十足，可以二至三人share，雖說是炸雞，但這款並沒有沾上厚厚的炸粉，吃起來反而像烤雞，所以吃完也沒有肥膩的感覺。表皮香脆之餘滲出焦香，雞皮不會過厚，韓式醬油口味鹹中帶微甜，鹹香味道深層滲透於炸雞之中，鎖緊肉汁。辣BBQ豬骨 $188豬肋骨色澤鮮亮，沾滿香辣韓式燒烤醬，辣勁在口腔中逐漸爆發，令人胃口大開。肉質燉煮入味而又保持軟腍嫩滑，脂肪不多卻又不會過韌，咬一口肉輕易便離骨，滿口肉汁。雞泡魚乾 $98雞泡魚乾燒得微焦，鮮甜可口，一點也不腥。質地煙煙韌韌甚具咬口，吃時蘸些甜辣醬和沙律醬，風味十足。

李家憑住出色嘅韓式炸雞，愈開愈多分店！荃灣店位於海壩街，有室內外座位，感覺更Chill！半半炸雞（無骨）$178李家嘅Signature Dish，一半原味一半辣味嘅無骨炸雞！炸雞皮脆肉嫩仲要啖啖肉，原味已經好好味喇！韓式經典甜辣味仲誇張，嗰種甜中帶微辣，真係惹味到不得了，兩個人搶住食，食到停唔到口！鐵板燒牛仔骨 $198巨型嘅鐵板舖滿燒好嘅牛仔骨，牛仔骨燒到入晒味，牛味香濃，醬香突出，肉質軟腍，加埋有鐵板保溫，正！蘋果梳打 $38西柚梳打 $38飲住色彩繽紛嘅梳打配炸雞，唔錯！

今次第 n 次買外買，主餐飲上個燒五花腩肉，午餐嘅韓式豬肉飯及韓式炒年糕。因為疫情，我自己選擇外買回家為主，之後肯定要去堂食試試。除咗D湯同煎餅，真係好多款食品都試過，暫時次次都覺得唔錯的。今次個五花腩都唔錯，唔覺得肥膩，如果有生菜包住仲好食，但係就咁用D辣蔥絲+泡菜夾埋一起食都幾好。韓式炒年糕入面有幾多片嘅魚糕，汁就偏向辣小小但係接受到的。韓式炒豬肉已經食過兩次，唔食辣嘅朋友可以試試的，仲有好多唔同嘅前菜。

這次同行朋友也覺得天較陰不想到太遠，就選了這間餐廳，日常路過只見6-8個午餐進店才發現也有十多款。一進店來便是一位阿朱媽招呼我們，說著韓語歡迎光臨어서오세요，頓時感到自己去了韓國。這次選了一個韓式辣炒雞塊的套餐，其實是辣醬雞柳及年糕，餐內每樣菜式都有少許，冷盤有泡菜、芽菜和菠菜等，十分醒胃，韓式辣醬辣度適中，不會過濃，加上有冷盤配搭十分滿意，而且有暖湯，令整個套餐很多元化，飲品加2元，當然要配搭忌廉奶才絕配

之前食過尖沙咀果間，炸雞的確不錯，韓式風味，而且仲有無骨免拆😂岩晒我懶懶的，炸雞🍗可以雙拼兩款口味，款式都幾多，我特別喜歡芝士和甜辣，記得去韓國食嗰陣時就係呢個味道，雞肉外脆內嫩，份量夠晒多，雙拼起碼四個人食，另外總會附上前菜醃蘿蔔和蔬菜沙律，中和油膩感。另外今次仲點左豬紅湯同埋海鮮炸醬麵，估唔到個炸醬麵份量咁鬼大😂味道濃郁，麵條煙靭，豬紅湯混合泡菜比較辣（其實係小辣只係我食唔到），但味道還是不錯的👍

我哋嗌咗自選無骨半半炸雞（蜂蜜蒜蓉炸雞$113同埋青辣椒蛋黃醬$118）同埋鐵板炒泡菜豬肉（$158）咁首先講咗我哋嗌嘅兩款炸雞先啦第一個要讚嘅地方就係佢哋炸雞嘅份量真係超多😱😱（其實根本食炸雞已經飽咗😂😂）而且佢哋嘅炸雞亦都係新鮮滾熱辣炸起🔥🔥食落去有啲辣口之餘亦都勁Juicy青辣椒蛋黃醬食落去好fresh（因為好少見到出面有呢個配搭）有少少辣得嚟又會甜甜地嘅口感好特別😉😉之後嘅蜂蜜蒜蓉食落去就比較甜甜哋（而且蒜蓉嘅份量都真係比我想像中多😲😲）兩個味道都幾正咁跟住就講埋嗰個鐵板炒泡菜豬肉啦呢個真係比我想像中辣好多🌶🌶（基本上我每食兩三啖就要飲一啖嘢飲）份量亦都比我想像中多好多‼️‼️不過佢嗰種辣係幾惹味嘅辣（而且aftertaste都仲係會好強勁😅😅）所以會令你覺得食完一啖會想再食另一啖最後嘢飲方面我就揀咗要蘋果梳打（$38）呢杯飲落去幾甜甜酸酸（好適合我覺得食泡菜太辣嘅時候飲一啖😅😅）而我朋友就揀咗要藍色多瑙河梳打（$38）佢話飲落去都幾特別

꙳✧˖°⌖꙳✧˖°⌖꙳✧˖°⌖꙳✧˖°⌖꙳✧˖°⌖꙳✧˖°⌖꙳好耐都冇出過去食嘢啦🥺今日一定要食正野甚少去食韓國餐🧡今日就食韓國餐啦💓見到裝修得好靚😆坐位亦都好闊落今日終於可以扮韓妹食炸雞😆꙳✧˖°⌖꙳✧˖°⌖꙳✧˖°⌖꙳✧˖°⌖꙳✧˖°⌖꙳✧˖°⌖꙳༺ 𖤐 醬油炸雞$168𖤐༻賣相十分吸引😋食落好Surprise😍香濃嘅醬油味，雞外脆內嫩(⁎⁍̴̛ᴗ⁍̴̛⁎)不得不說個醬油真係好好食😋༺ 𖤐 泡菜餅$128𖤐༻打開餐牌就覺得佢十分之吸引所以就馬上叫咗果然無叫錯，佢配上一種醬，但我兩完全冇用過就咁樣食已經好好味，夾住不小泡菜同其他料👍🏻༺ 𖤐 板燒牛仔骨$198𖤐༻牛仔骨係我至愛😋不過老實說佢煮得熟咗小小牛肉嫩滑，不過實在熟咗小小✐☡✐☡✐☡✐☡✐☡✐☡✐☡✐☡✐☡✐☡✐☡    📍 荃灣海壩街16號地下*̩̩̥*̩̩̥𝑇𝑒𝑙*̩̩̥*̩̩̥: 37092177✐☡✐☡✐☡✐☡✐☡✐☡✐☡✐☡✐☡✐☡✐☡  

李家泡菜炒飯蜂蜜蒜蓉炸雞(無骨半隻)價錢💲: $68/ $99好味程度😋: 4.3/5服務🍴: 3.8/5環境🗾: 3.4/5性價比🥢: 4/5 (lunch)回頭率😚: 4/5 (lunch)-上一篇介紹完荃灣cafe，今個post繼續係荃灣區搵食！等大家可以食完呢個正餐再去食cafe😌 (我自己出街都成日食2間起🤪) 李家的韓國嘢好出名，而荃灣終於都開啦！入面真係由幾個oppa，感覺好似會正宗D，lunch set都幾抵食添，大大份，連炸雞都有！-✅泡菜炒飯。雖然好簡單屋企煮到，但出街炒的好食D😂呢到應該有成1.5-2碗飯，好大碟！炒得好夠味，好多泡菜，調味都啱啱好，小辣帶酸甜😛入面有小小肉粒，感覺都唔會冇餸！上面有一片芝士，極速撈勻都隱約融化到佢，加埋流心的煎蛋係最正😗 最後一定要撈埋大量紫菜碎！-✅蜂蜜蒜蓉炸雞(無骨)。呢到的炸雞係炸得超脆‼️皮算薄，唔會食到只有粉漿的一舊🤤 肉質我就覺得正常，冇好juicy🤭但個汁我就好中意！包得好實的蜂蜜醬好甜，上面有生蒜，刺激惹味，蜜糖又中和到陣辣味😬 2個人食半隻已經好足夠啦～-滿足的晏奏！有好食的韓國炸雞真係會令人心情好D!😜

呢排成日煲緊韓劇😳諗住去食炸雞🍗坐低件餐牌📔好多嘢都好想食🙄最後我放棄炸雞🍗食豬骨😘芝士拼辣BB豬骨～見到流晒口水😆餐牌已經寫住（How to eat)🙄老闆即刻過嚟教我哋點樣整嚟食👍🏻超好玩😆老闆仲好好👍🏻人，再比D芝士我大顯身手拉絲😆豬骨、粗薯條拼芝士好嘢味😘再整多一碟炒粉絲、粉絲有少少甜甜地😚超爽口👍🏻味道好特別😋（份量好大碟足夠四個人）我又嘥咗😅食唔晒😋再叫多杯Rainbow Soda～Grapefruit~ Fresh 😘佢個下午茶都好多嘢食㗎、下次晏啲嚟試吓佢個下午茶先、好想食佢嘅石頭飯😄傻佬就好想試佢啲套餐😘都好多人、要等位😁但係又好快有位👍🏻👍🏻👍🏻環境座位都舒服😁（我就係俾佢吸引到入去）😘😘