李家 (華發大廈)

营业中

休息中

星期四夜片:30去到⋯無人，完全無等位呢回事叫左呢個甜辣炸雞炸雞不錯，雞肉好滑，雞有好多件個醬都夠辣之後追加燒五花腩真係超肥，一舊肉有一半以上係肥肉跟住碟底都見到好多油三個人叫左兩樣野食都夠飽

家姐之前係尖沙咀食過 咁今次就去灣仔食 入到去印象已經唔係幾好 啲位係廁所同廚房隔離 好大陣味 已經無乜食慾 到啲野食黎到 我地想加蘿蔔 服務員已經有啲不洩 野食偏辣 食物偏貴 質素不符 我地叫左三樣菜式 第一係芝士豬排骨 第二係芝士蛋 第三係兩味炸雞 不推薦食芝士 芝士好似象筋咁硬 豬排骨太辣 加芝士要比多50蚊 但本身個爐既芝士就得好少 芝士蛋太乾又無幫客人切就咁原條上 唔記影相 上面擺兩塊檸檬兩粒蕃茄唔知想點 炸雞就最正常 但炸雞不論原味同辣味都好辣 炸雞唔熱 明顯擺左一段時間 最後我地未食夠90分鐘已經趕我地走 仲要態度唔好 比錢受人氣 以後唔會再黎

26號晚同一眾朋友繼續聖誕大餐, 由於之後要去中環夜遊, 所以佢地揀左銅鑼灣既李家。我一路行一路嗌肚餓, 一坐低佢地就隊個餐牌叫我發板。我就嘭嘭聲落左香蔥炸雞, 燒五花腩, 芝士拼豬手, 芝士雞蛋卷同魚餅湯。香蔥炸雞啲大蔥絲多到見唔到炸雞。炸雞脆卜卜熱辣辣👍👍芝士雞蛋卷好似流心咁, 啲蛋汁同芝士一切開就流晒出黎。有啲失望, 太乾太似煙肉, 唔係平時燒烤五花腩肉個種食落口油花會出黎, 一路食一路好內疚但係冇停過口。可以不試豬手比我想像中辣,要一路食一路飲水不過幾好味幾好咬口, 好似食緊骨膠源。但係好難痴住啲芝士......芝士唔知係咪太大火所以好快燶左。魚餅湯掛住食唔記得影相, 好足料, 湯有啲啲辣, 好暖胃。今餐有老細埋單, 唔知食左幾錢, 應該250-300一個人。下次我會帶男朋友試下其他炸雞。不過銅鑼灣呢間個酒牌過左期, 冇得試飲朋友話好好飲既 blueberry shoju。

2点半鐘到了韓式料理店「李家」食過午餐。店內佈置簡單, 沒有任何韓國特色。只有電視播放的KTV才感受到少許的韓國氣氛。午餐有多款選擇, 但以便當為主。午餐價錢大約六、七元, 不太貴。可是不包括飲品。<石鍋雜錦飯 $68>這個雜錦飯有紫菜、紅蘿蔔絲、菠菜、冬菇絲、牛肉絲、白飯魚、芽菜及生蛋, 非常雜錦。石鍋熱但是飯等材料不是十分熱, 只是把已煮熟的材料放入燒熱的石鍋中, 因此效果只屬一般。這個雜錦飯配料比飯多很多, 每啖都好多菜, 比例一半半會比較好。沒有飲品, 只有泡菜及辣味菜湯, 沒有什麼賣點。這個石鍋雜錦飯味道只屬一般。現在韓式店越開越多, 沒有吸引的理由再到這裡。

宵夜時間又到喇，突然諗起炸雞啤酒，灣仔路過見到李家，尖沙咀店就食得多，灣仔係第一次，唔知係咪星星熱潮過咗，店裡小貓三四隻，即刻落order先，首先點個辛辣麵，再黎魚餅湯，主角唔少得係蜂蜜蒜容炸雞，個麵唔多講都係一般野填飽個肚，魚餅湯清清地中和下唔錯，炸雞當然係一流，蜂蜜既甜配辣辣地既雞件，加上惹味蒜容，簡直天作之合，不比甜辣雞差，坊間都愈來愈多炸雞店，好多都只係用雞翼同雞鎚，咁樣太掛，李家有唔同部位，咁先食到炸雞既精髓，配上泡菜，酸蘿蔔，當然唔少得一杯啤酒啦不過用膠袋裝湯品就唔係咁好喇。。

試過尖沙咀李家，今次黎到灣仔既李家鋪，氣氛差唔多, 起碼唔駛好似尖沙咀咁成日要等位！Set lunch梗有一款o岩你的！今次就選烤特級牛肉同佢講既軟滑豆腐鍋吧都係秉承韓國+炸雞+酒吧既主題，韓Beer是多數客人晚餐配炸雞之選！環境好亂，配上韓歌MV, 靚耙韓星陪你吃飯試過烤牛肉好香，夠薄，配上芝麻無得頂，唔怪得佢叫特級個海鮮軟滑豆腐鍋…哈成個鍋都見唔到有什麼海鮮，只有一隻小硯同兩條唔夠2cm長既魷魚鬚，OMG!!至於佢講既軟滑豆腐係無錯既，是一兩磚百福豆腐，哈！佢個湯底就好好味，feel唔到好重味精，其他韓式配菜都好味，特是薄片的炸魚片(即上面在蓮藕下面那些)，整體都是好味的Set Lunch, 下次晚餐再來試

尖沙咀店大排長龍，難得灣仔店一book就有，所以即試！店鋪環境ok，雖然偏細，不過我地3個人坐卡位都唔錯。叫左普通炸雞+酸辣炸雞拼盤（份量幾大），芝士蛋卷，拉麵同啤酒。炸雞好好味，對比喺香港其他韓國餐廳食倒嘅真係幾地道，雞好juicy，炸粉唔多,味道唔錯同埋好熱辣辣！芝士蛋卷都唔錯，幾足料。拉麵黎講，雖然都係普通辛辣麵，不過唔個係咪因為肚餓，所以都覺得好好味，個生啤都好正。值得再試！下次想試下佢個蜜糖蒜味炸雞！唯一唔好嘅係佢地開到個冷氣勁大！叫左佢開細d幾次，不過次次都係冇幾耐又開番勁大。我地懷疑佢係想趕我地走，但係佢地都冇人等位，不過我地最後都頂唔住嚴寒走左。所以下次記住帶件褸去！

朋友介紹下第一次來, 本身對炸雞沒有特別興趣, 就陪朋友來試試。悶熱的天氣下在室外排隊等了個多小時, 又熱又累, 少啲耐性都唔得。入內的環境, 不知怎的就覺得好像機鋪, 黑黑的, 卡位的間隔高高的。前菜很開胃。橙汁正常, 沒有特別。我們點了蜜糖蒜炸雞, 份量之大, 其實夠3-4吃吧! 炸雞配上蜜糖汁, 感覺就沒有那麼熱氣, 哈哈! 而且甜甜的, 還有蒜香, 雞肉很滑而有肉汁, 很好。海鮮餅是十分之棒, 因為本身喜歡大蔥而他們的海鮮餅有很多蔥, 出來的味道就十分之香, 用料還有魷魚、蝦等。份量大得吃不完呢!一定會再回來哦! (不過如果有得book位就好了)

早前到韓國旅行時，咳到半死的我只能淺嚐一件原味炸雞並帶著遺憾回港。病好後當然要去放縱一下! 朋友們不能吃太辣，原味又怕太乾，所以點來「蜜糖蒜蓉炸雞」。外層香脆，配上清甜的蜜糖醬，味道又甜又辣，吃多也不覺膩! 唯肉質有點乾。吃炸雞就是要配啤酒! 以燒酒混合四支Hite啤酒，最初是容易入喉的，後來燒酒的味更濃帶勁。

終於有機會一嘗李家，是晚點的原味炸雞，份量很大，雞胸雞脾雞翼等每部份一到兩件，雞皮炸得很香脆，可惜雞肉不太多汁，比起去韓國旅行時吃的有點差距。泡菜薄餅做得很好，煙煙韌韌，微辣，點上微微辣微微酸的醬料，非常可口。

本來夜晚晚一心撚住去食一蘭，經過李家，見無人排隊，於是就膽粗粗入去問佢宜家仲有冇得食。入去我地三個人，叫左兩個拉麵，一個original炸雞, 一個honey炸雞 再加一個拼盤sausage.兩個拉麵你其實同自己屋企嘅差唔多,宜家炸雞離有兩種味道,我特別鍾意果個蜜糖炸雞😁😁😁. 雖然同韓國果d唔同，但系真系好好味。但系請各位 ,如果諗住同小朋友去，佢嘅炸雞無論original, 或是蜜糖味, 都系辣嘅。

The welcome know KFC (Korean Fried Chicken) in town! Situated in Wanchai / CWB, the restaurant itself is nothing fancy! Service was great! Both local and Korean staff are very friendly!To begin, ordered the 3L beer to share! This Korean Beer is on the light side, but definitely a must with KFC. KFC with onions! Great flavor! The onions is a great combo with the chicken! Their KFC are very tender and crispy! Perfect with beer and for midnight snack!Pan fried Pork! Very filling and meaty! Good tex

男友今晚可以同我係香港區食, 本身係Cali-mex, Espuma同天扶良之爭, 但係唔知點解行下行下去左CWB食韓式炸雞...我未試過係香港食韓式炸雞, 而我上一次係係韓國食既...李家其實都聽過好多次, 但係一直都覺得好多人就無去食...本身6點半既時候一個人排隊都無, 但我地7點半既時候就好多人...而且會有人係門口食煙, 想走都走唔到...最後就到我地就同人搭枱食...因為係繁忙時間, 所以有個半鐘時間食...我地點左 泡菜煎餅同 甜辣醬炸雞... 泡菜煎餅: 好大塊, 直徑有大約23-25cm...好好食!好鬆軟, 有足夠泡菜同有唔少海鮮...不過有d油, 碟底食完充滿油... 甜辣醬炸雞: 份量幾多, 有13舊, 最少應該要3個人先食得哂...第一件食左雞槌...雞槌d肉幾滑, 都幾好食! 見到有肉汁, 而d醬甜甜辣辣, 雖然無韓國咁好食但可以接受...第二件係男友俾埋我食既雞槌, 但係神奇既事發生啦!呢舊肉唔滑既而且點解好似咁鬼甜既...我食到好多好多糖漿!!十個甜有一萬個甜!!!!!!我一舊又一舊咁俾機會佢...但d水好快一杯又一杯咁俾我飲哂...好後悔叫

李家。是次光顧銅鑼灣分店，分店地方較大，不用等位直接入座。店內有오빠服務員。果然韓店要有地道오빠才有特色相比起旺角分店，服務及食物質素也更好前菜一碟椰菜沙律加酸蘿蔔最愛的蝦條卻不見了最開心的是原來蘿蔔可以免費添加實在太好了~~~~ 蔥雞為每次必點之選，炸雞配上拌酸酸甜甜的洋蔥絲，一口雞，一口蔥，絕配!或可配搭清爽的醃蘿蔔，中和炸雞的辣另一單點為朋友至愛芝士辣雞炒年糕一層厚厚的芝士覆蓋著年糕煙韌唔會太冧雞件都頗滑👍👍👍👍👍👍👍👍👍👍 李家的食物份量頗大還是要大伙兒一同光顧才能試到更多😋

今天心情不太好, 男友放工買了炸雞返黎, 悶氣也隨之消失啦~ 炸雞啤酒在"來自星星的你"時風魔一時~ 當然炸雞和啤酒真的是絕配~ 本來男友說外賣炸雞, 有諗過, 吓, 外賣咪唔脆囉, 咪唔好味囉~ 仲咁貴~ 食炸雞食KFC都得啦~ 但買到返黎, 仲脆Wor, 又好食過KFC wor...我叫了原味, 但都有少少辣, 雞既體積比較少, 但炸粉適中. 好好味, 但好邪惡呀~~~~~~~~~~ 加埋啤酒~ 正呀喂~