李家 (華發大廈)

营业中

休息中

26號晚同一眾朋友繼續聖誕大餐, 由於之後要去中環夜遊, 所以佢地揀左銅鑼灣既李家。我一路行一路嗌肚餓, 一坐低佢地就隊個餐牌叫我發板。我就嘭嘭聲落左香蔥炸雞, 燒五花腩, 芝士拼豬手, 芝士雞蛋卷同魚餅湯。香蔥炸雞啲大蔥絲多到見唔到炸雞。炸雞脆卜卜熱辣辣👍👍芝士雞蛋卷好似流心咁, 啲蛋汁同芝士一切開就流晒出黎。有啲失望, 太乾太似煙肉, 唔係平時燒烤五花腩肉個種食落口油花會出黎, 一路食一路好內疚但係冇停過口。可以不試豬手比我想像中辣,要一路食一路飲水不過幾好味幾好咬口, 好似食緊骨膠源。但係好難痴住啲芝士......芝士唔知係咪太大火所以好快燶左。魚餅湯掛住食唔記得影相, 好足料, 湯有啲啲辣, 好暖胃。今餐有老細埋單, 唔知食左幾錢, 應該250-300一個人。下次我會帶男朋友試下其他炸雞。不過銅鑼灣呢間個酒牌過左期, 冇得試飲朋友話好好飲既 blueberry shoju。