李家 (華發大廈)

营业中

休息中

今日和朋友來李家食美食。李家的炸雞最為出名，我們點的是一半有醬的，一般沒有醬的，炸雞炸的恰到好處，外面很酥脆，裡面細膩可口且味道足，裹著醬料更加有味道。海鮮芝士，裡面真的有很多海鮮，但是新鮮度一般，但因融合了芝士，味道很足很正，我和朋友吃得都很開心。

岩岩知道李家係灣仔開左新店舖,之前都冇食過,不過聽朋友講話好味~~於是同同事叫左個雙拼外賣~講真D甜辣炸雞真係好好味~~~食到留口水,不過D雞好多,有D食"濟"嘅感覺~

難得2400收工又未食野，又想同同事搵個地方坐下傾計，呢到不失為一個好選擇，之前都經常會買炸雞外賣，但其他野都無試過。一入去就有位，大約仲有三四枱人系到食野。我同一位女同事二人order左甜辣雞，海鮮湯，2000cc生啤同芝士蛋。首先送上既系菜沙律同酸既白蘿蔔，個人都幾中意食個蘿蔔，同事就中意食個沙律多啲。芝士蛋令人有啲失望 ，成舊水黎講真系麻麻，切開做到芝士拉住既效果，但芝士味吾濃，基本上只有微微既芝士味同食到上面醬汁既味，所以推薦大家吾好試。2000cc既生啤味道麻麻，下次可以試飲第二種。之前食過咁多種覺得甜辣系最好味，所以今次再食。海鮮湯入面會有少少飯，海鮮量十足 ，有蝦蟹青口築等，都算抵食同好味，整體黎講都幾辣。多人黎食會抵好多，同同事最後都食淨左半隻炸雞，職員有禮咁幫我地打包走 職員都系韓國人黎，可以用英文溝通，亦有一位系識中文既韓國人。總結黎講吾錯。

好OUT 的我地上星期先第一次食韓國炸雞聽聞李家要排個幾兩個鐘先食到我雖然為食, 但要我排咁耐去食一餐真係好唔願所以我寧願揀唔食前排攪裝修時路經灣仔見到呢間0係尖沙咀好出名的炸雞店於是下定決心要搵日0黎試拖下拖下, 終於上星期先同 MR SNAIL 來試 出到灣仔發現餐廳開兩點 (openrice 資料)不過 MR SNAIL 話一場0黎到, 過去望下點知, 原來人地有開, 而且仲有 lunch set 我地點0左個粉絲 set入面幾款前菜, 另跟飯同湯味道都 ok, 而且份量唔細雖然明知炸雞好大份 (15 pcs), 但來到又無理由唔食炸雞我地無做大哂鬼架, 食剩有帶走, 夜飯繼續食甜辣炸雞無想像中咁好味, 茄汁味好重不過都好味0既...如果有機會再0黎, 我反而想試原味唔知大家係咪都信0左 openrice 的開店資料定係炸雞熱潮已退我地呢日唔駛等位之餘仲包場直到我地食完都無一個人入過0黎嘩哈哈, 好彩自己從未因為炸雞而哂時間排過隊

公司團年，感謝大家投了李家一票，今年第二次來銅鑼灣店啦！這可是港女最愛，平時兩個人幫襯吃得不多，今次一行十人，可任意叫啦（其實menu選擇不多）一邊食超健康的白蘿蔔和沙律絲，一邊等開餐先有芝士粟米，這裡的芝士都比較煙韌，用上罐頭粟米，相信是比較無咁熱氣的一道菜了再來就是原味炸雞（第一幅圖），份量算多，但每件雞的size都頗細件，方便港女進食啦! 雞肉略帶微辣，我食的雞轉彎超正超滑超好吃（一口氣吃了三塊），今日無叫酒，不然呢，就炸雞加啤酒（好懷念追星星的日子呀）然後就是那大肉腸，像人家德國肉腸咁，一餅野，仲有幾條開花的脆皮腸，墊底的就是波浪紋薯條再來是比較健康的印第安雞沙律，終於有菜啦∼比較著重健康的同事們也太雀躍了吧！這沙律有些少提子乾和蘋果片，的確好fresh（其實去李家的，都必點炸雞，可以選擇淨沙律菜就perfect）另一個必點就是五花腩，味道依舊，但今次五花腩偏瘦，下次記得request 要半肥瘦的! 每一次都好有罪惡感，今次還吃了三大塊今次喪點芝士，平時都怕太滯，但今次人多，可以盡情叫啦！反正有一班男人包底！芝士玉子卷也不錯，但蛋卷不夠滑啦（有點太熟的感覺），蛋卷中間是一層厚厚

openrice 見到李家個爆滿芝士蛋卷，所以引到我黎。。。7:30 去到訂咗位。。所以唔駛等。但係。。。安排咗張枱係厨房門口正正隔離既枱。。每次一打開門見到個chef 拎住隻雞係度砍。。地下有一大盤血水。。真係令我食慾大減。。加上又焗冷氣又唔夠，又有陣"up "味！咁既情況唯有要求轉枱，最後我地寧願搭枱都唔想坐係果度。見到頭先個chef 係度砍隻雞，咁即係呢道d 炸雞係有骨。。男朋友唔鐘意食有骨既野。但既然黎到，我地叫咗個甜辣炸雞，老闆話呢個炸雞有一隻雞份量，一隻雞份量？點解d 骨會多過肉？d 雞有血味。。個炸雞唔會太厚脆粉 ok ，但又唔覺得好脆，d 汁味道ok 唔太辣但係唔夠多汁。我最想食既芝士蛋卷。好食！同普通既玉子蛋一樣，再加芝士，d 芝士好多ar.....流哂出黎。正ar

知道「李家」有抵食Set Lunch，即刻黎試試﹗訂左檯，唔洗等，但好快已經坐滿曬﹗叫左個「韓式辣炒豬肉」Set Lunch，只係HK$58，有齊炒豬肉、泡菜、腸仔、蛋卷、沙律同湯等等，好豐富﹗雖然味道唔算真係十分出色，但以呢個價錢有咁多野食真係好抵，都未講佢連加一都唔收﹗附近返工絕對值得黎試下﹗P.S. 雖然要搭檯，但座位一d都唔迫，服務亦唔錯﹗

韓風襲港後，我也被感染成為韓國食物愛好者。但我是多菜少肉半素食者，也不能吃超辣，吸引我的，總是愛吃湯品，或者辛辣面！李家最大名氣是炸雞，我知道，但我和朋友兩個人來吃，如果我只吃一塊，然後要他包底未免對他的喉嚨太殘忍了。 所以最後還了試試其他菜色吧。天氣凍最愛飲湯，韓國湯品總是熱騰騰的裝在鍋中，冒著煙湯還滾著地捧出來，這個也不例外！年糕餃子湯，加入了紫菜，味道鮮甜好喝！特別喜歡它的韓式餃子，皮薄薄的，中間還有粉絲呢！ 年糕也不過不失，份量不少，二人分享岩岩好！另外因為朋友想吃辣，點了雞肉芝士炒年糕。面頭有超厚的芝士，很香濃。中間有炒菜，最底有很多年糕。我最喜歡它的芝士，夠多！但二人吃份量有點太多，已經沒quota點其他。從前聽朋友說尖沙咀李家要等一至兩小時才能入座，灣仔李家卻整晚也不full，究竟是地理位置有分別，還是韓風已過？

李家，人氣炸雞小店，之前已在尖沙咀分店食過，但食物叫得唔多，因為一碟香蔥炸雞巳填飽了我們二個女孩。今次一行6人來到灣仔店lunch,終於可以一嘗心願試多d唔同的味道, 出乎意料地星期日12:30pm 店裡竟空無一人。我們6個人叫了首先點了2碟炸雞，甜辣炸雞和豉油味炸雞，芝士雞蛋卷和海鮮辣湯。吃炸雞當然還要配啤酒，所以還點了2支啤酒share（掛住食唔記得影相 ）甜辣炸雞，外表紅當當，每一件雞亦占滿了醬汁非常吸引，吃下去非常鬆脆，外脆內嫩，且有肉汁，甜辣醬亦很開胃，去除了油膩感，吃多了亦不會滯同行友人有些不嗜辣，所以還點了豉油炸雞，這個可能冇落炸粉的關係，睇落冇甘大堆頭，賣相有點欠奉，而且肉質亦較乾，味道尚可，有非常輕微的辣芝士雞蛋卷，呢個上次黎的時候已經好想試，終於比我試到，雞蛋煎得恰到好處，切下去有流心芝士，配上茄汁，味道很匹配海鮮辣湯，份量亦頗大，湯的份量比起其他餐廳多一倍，味道頗辣，有海鮮味，但感覺不夠濃郁，湯內有大量蔬菜，海鲜有蝦，蟹，蛤蚌，頗足料，但味道一般可能同行男的比較多，2碟炸雞唔夠6個人吃，再叫多碟原味原味都幾好食，依然內脆外軟，配甜味dipping，味道似甜辣炸雞

李家, 係尖沙咀排隊要成2小時, 傻的, 所以一直無食直到朋友話呢間可以訂WOR!!而且第1食果時連OPENRICE都未有RECORD (蠢左當時唔寫第一遍食評)第1,2,3次叫既野大同少異, 相係第1次食果時影既當時叫左:BBQ雞:以為少少辣, 點知辣到後期食唔到..太辣啦..五花腩: D人講到必食..食落原來係厚煙肉味..芝士雞辣炒年糕: 辣...芝士蛋卷:值得一讚!!要趁熱如果唔係芝士會硬哂 熱食果時流心, 加上埋蛋同茄汁, 一個字:讚!!!朋友唔舒服叫左個湯餃:不值一提唔洗試...第2次去叫左:雙併雞:原味+甜酸, 甜酸開頭食OK,,但隻味令我食唔得多..相反我鍾意原味!!哈哈都係芝士蛋卷, 每次MUST叫海鮮餅: 無影相, 但不錯, 我鍾意附上既汁,酸酸的!!讚!可以自己買啤酒, +埋啤酒飲果然1流享受!!第3次去叫左:甜酸雞:朋友迫住叫要食==但我無咩食蔥雞: 等於原味+好多好多蔥蛋卷海鮮餅會再來食的

夜晚好餓搵野食，唔洗等位，環境唔錯叫左燒豬腩肉$190，唔錯，幾好食，肉嫩不Dry滿心期待下一個甜辣炸雞$160 既來臨，個甜辣醬ok，但有現繩貨既感覺，普普通通，真係無咩特別😅最後有個泡菜蛋餅$180，依個先係最大反感原因第一, pizza咁大既蛋餅竟然係無蛋味，好想知究竟佢落左幾多隻蛋，第二泡菜變左鹹酸菜，最後，亦都係最嚴重! 佢放左啲急凍魷魚落個蛋度，啲魷魚腥味去晒個蛋度，總結個蛋既味係好怪，仲要賣180蚊，食之前好肚餓，但食食下就連胃口都無埋

Heard of this Korean fried chicken (ie KFC) place ages ago, and my impression is especially deep due to its peculiar name. T queue was LONG. There was no way we will waste time queuing for KFC (or anything for the matter). Discussing about how we can either drop by real early or real late to beat the peak hour crowds, we put this in our (very long) to-go list and left it aside.Zooming in to current times, we were around Spicy Under Bridge Crab a couple of weeks back and saw that 李家Chicken has op

Came here with six friends for a bit of late night fried chicken and beer as I told them that our favorite Korean fried chicken place has a place in Causeway Bay and not as busy as the one in Tsim Sha Tsui.Since my last visit, they are now only open at night. They still do not have their liquor license so a couple of the guys went to grab a few beers from else where.As we had seven people, we ordered two fried chicken as a this place serves the entire chicken. And we ordered our always favorite

最近已疊埋心水食少d肉，做個健康有營人。唯獨心內大志未成，就是試勻香港知名/好食的韓式炸雞店。今天有緣來到"李家"又不用排隊，似是天意支持我食炸雞。Menu上尋雞,有5-6款味道,還是喜歡試原味,應是最顯質素的味道,因沒額外醬料掩蓋。原來原味可以拼甜酸, 仲好, 讓我多試一種味!熱辣辣上枱, 先咬原味, 醃料大概用了黑椒吧, 外脆內亦juicy, 合格但不至回味。甜酸有像咕嚕肉, 還是喜歡率真的原味, 沒多餘味道但坦然做返自己!魚餅湯, 另一半叫的, 味道清帶辣......常言道"人要從錯誤中學習"除非你是魚蛋迷, 不然叫了這道菜就錯了.......因除了魚蛋和湯, 沒有別的.....Menu裏其他菜式不如一般韓國餐廳, 似乎是有意不走大路的路線貴精不貴多吧, 如我想食的冷麵就欠奉.....今次人不多未能多食, 下次可以試試其他信心菜式!

星星熱已經過去了吧! 身邊也鮮有朋友要去排隊吃炸雞了。不過得知早前大熱的李家炸雞終於在銅鑼灣開了分店，而且新張不久還設有訂位服務，也就樂滋滋地去試上一試。同行的除了T, 還有一位最近達成了夢想的朋友S。看到朋友S, 真的很為他快樂! 至少証明他以往所有的努力都有回報了。雖然說現在才是考驗的開始，但相信他可以帥氣地完成訓練畢業的!不訂位就吃不了! 不少walk in 客都失望而回啊好啦說回李家，我們訂了 7:00pm 的三人枱，原來有1.5小時的限時用餐時間。不巧朋友塞車遲到，所以整頓飯都有點趕頭趕命。以有限用餐時間的標準來說，上菜挺慢的，每道菜大概要15-20分鐘，不過既然係現做而且熱辣辣的，也不能不滿吧。芝士雞蛋卷 HK$120看到不少食友都有分享這雞蛋卷，雖然價格真的很貴還想一試。不過就大失所望! 是芝士不對勁吧，質地又厚又硬，即使加熱了也沒有軟叭叭似是要化掉的夢幻口感。芝士份量也太多了，很膩啊。煎一條如此大的蛋卷要用多少顆雞蛋? 今次真的膽固醇大超標了。蔥炸雞 HK$180主菜自然少不了炸雞，就揀了看上去濃烈的蔥香炸雞。另外還有原味、甜辣、豉油、燒烤雞可供選擇。賣相非常驚人，一大