李家 (華發大廈)

营业中

休息中

今日lunch同事們決定要食韓國野開心下~所以佢地帶左我黎呢間餐廳。係呢度食過晚餐，但lunch又真係第一次喎~睇佢個menu 都有幾多吳同款既選擇。今次我就嗌左個辣炒豬肉嚟試吓~成個set上檯見到都覺得幾吸引架~首先試下個湯，清清淡淡既蛋花湯，清清地冇味精，good呀！跟住試埋d配菜~真係上面無一樣配菜係唔好食既.!!全部都極速比我掃哂落肚。最後梗係要試埋個炒豬肉~個豬肉好爽口好食，就噤食會覺得辣左少少~~不過配埋個白飯又唔會太辣，幾過癮！總結~黎呢度lunch又抵又好食，會再黎~~~~~

平時食Lunch食慣茶餐廳頹飯咁今日就換換口味咁我去左食韓式野其真以Lunch黎講咁李家都算係又抵又好食啦咁我就叫左粉絲炒雜菜菇好鬼死豐富佢58蚊就可以有湯 飯 沙律 腸仔 魚餅 炒雞蛋份量多到食吾曬而且好好味不過配菜就有d凍凍地但整體上其實都ok 的至少個主菜 飯 同湯係熱的Lunch 黎講認真吾差而且上菜速度都幾快下環境方面個地方真係有d細有少少逼咁啦但如果食Lunch黎講都可以接受的仲有韓文歌聽下都幾開心😃

今次點蜂蜜蒜香炸雞，外賣去朋友家邊飲啤酒慢慢嘆！一打開超級多蒜好香呀！炸雞脆連埋甜甜地既汁，好惹味👍🏻送啤酒真係一流！會食唔停口！！但係飽得滯淨返3份1當宵夜食，隔左幾粒鐘再食冇番熱，但炸雞表面都唔會淋左呀，很不錯👍🏻👍🏻送酒之選😜

李家韓式炸雞位於銅鑼灣灣仔交界，場內低光昏暗，配合埋韓式音樂同oppa侍應好似真係去左韓國咁，台台飲左酒都好hyper講野都要大聲d芝士蛋同炸雞份量都好足，絕對對得住個價$蛋切開會流出芝士，加埋沙律醬同茄汁，一啖啖美好既感覺炸雞🍗夾埋大蔥絲，調味醬一齊食，入口油膩感即刻減半，配埋燒酒，無得輸！

抵食lunch set $58-$88每set都有幾款配菜仲有個湯韓國野唔少得泡菜仲有魚糕、腸仔、芽菜最好食就係個蛋🥚🐮BBQ牛排骨 $88牛仔骨烤得好香肉汁可以多d🐷辣炒豬肉 $58唔會太辣甜甜地豬肉唔會鞋🐷🐽泡菜豬肉雜錦煲 $58呢個就有d辣🔥唔食得辣既要小心啦感覺健康d🤣有金菇同豆腐可能漏左單，追佢單先來🤷🏻‍♀️D待應好亂，好多野都唔清楚🤔幾抵食，去開灣仔可以來食既中意我既分享就follow我啦😗

朋友推介左好多次, 但一直未去, 見今日可以early lunch, 即刻去~!要早啲到, 如果遲過1230就要等位.... 入面比較暗, 裝潢有啲舊~我點左泡菜豬肉定食, $58. 個set好多配菜, 最鍾意佢啲蛋同腸仔.其他有啲凍, 唔系太想食 xd但佢個豬肉炒得好香, 落足泡菜, 味道幾好~佢重有個海帶湯, 反而個湯又幾ok wo, 用胡椒吊一吊個味, CP level 高~咁既價, 我覺得呢個lunch set, 算可以la~

好朋友來搵我食午餐是最窩心嘩，竟然俾我們搵到間好美味食物價錢合理飯盒每格都放多款餸菜，有湯有飯，配合營養豐富，非常吸引皇帝豬排飯，非常誘惑巨大豬排，大大块，脆口香嫩

如題，一間可以享受韓國美食既地方。入面既裝潢幽暗，係入面食野除左美食既享受之餘仲有視覺同聽覺既享受添。有多款唔同味道既炸雞，老少咸宜。而我最鐘意既就係原味炸雞啦，入面微微辣既感覺同，而且食落又唔會好dry，都推介d唸唔到要咩口味既直接黎一份原味既炸雞。而聽覺就係場內有播d韓國既歌，實有一款岩你地既。除左炸雞之外，都有好多其他既食物同埋野飲添。想體驗一下韓國食物但又因公務繁忙而去唔到韓國旅行既人，可以黎li間試下架。

呢間李家，應該大家都唔陌生，無食過都有聽過，記得曾經食過尖沙咀，味道卻不太記得，所以今日約左朋友再試下食，寫返個食評，今次晚餐我地黎到灣仔分店！點左3款食物，第一時間黎的係芝士蛋捲，佢蛋捲係厚厚一層捲起，不是平常薄的，口感較差，唯一優點係芝士味夠濃，沒有仼何特別(如果蛋都差都幾高難度)5花腩，如圖，燒得唔乾，油到爆，應該係煮的時候再加油，本身5花腩的油脂絕對已經足夠去料理，加油咪多左囉 旁邊的配菜直頭不值一提，不用多介紹，這份有半份實在吃不了。(不喜歡浪費，連仼食都係食幾多拿幾多，都唔會有野食留下的我，今次真係無辦法，對不起隻豬)炸雞，原味不是真係原味，佢的原味夾雜大量胡椒粉的味，甜辣過甜，同辣味鬥搶味，食落口不是甜辣而係甜/辣其中一個味，我寧願食麥記雞翼加泰式辣醬雞味當然係無，完全唔知自己食乜雞，粉厚，肉質乾過老婆婆一個字:伏。總結: 呢期忙住打switch好少打食評，好多食評仲未打，而今次要盡早打，因為真係好難食，犧牲打機的時間都唔想再有人中伏(如果有幸見到呢個食評)呢次係第一次食到一半要轉場食其他炸雞，未試過咁差的炸雞，如果話kfc好食d也不為過，都係咁上下。叫左3款食物只有蛋

夜媽媽係銅鑼灣好難搵野食男朋友突然想食韓國野，甘啱醒起鵝頸橋附近有李間韓國餐廳，成日經過但又冇機會試，今晚就可以食下藍色招牌好易認，一入到去燈光幾暗，幾有feel，座位唔算多，但幸好唔使等位侍應多數係韓國人，所以點餐都係手指指餐牌唔算多野食，最後嗌左一份半半炸雞同埋芝士炒年糕，等左一陣時間先有野食到，証明佢啲野食，就算係炸雞都係即叫即整既原味炸雞外脆內嫩，夠哂味甜辣炸雞好惹味，肉質亦好好，不過有少少過辣。芝士年糕勁勁勁多芝士係面，好邪惡，有啲漏，最後食唔哂總括黎講係間啱錯既韓國餐廳，夜晚收工可以再去食。

放左幾日假日日都大魚大肉😂朋友話呢家李家啲炸雞都幾好食，作為專業韓L既我，點可以唔試下！🤨👉🏿✨芝士雞蛋卷 Hkd 120 💸📌其實120個價係貴架啦，不過佢又整得幾好食喎😈啲蛋超級滑，唔會過老，中間有層芝士，配埋啲茄汁食一啲都唔流，反而仲想食多將啖tim呀！✨👉🏿✨半半炸雞 Hkd 160 💸📌同朋友眼殘叫左辣味，完全辣到飛天，係咁sisi聲😂唔講個辣，佢既甜辣雞醬汁唔會乾，好似食緊泰式辣醬咁，啲雞肉好多又結實，唔鞋個下先勁👍🏿那外個炸雞雖然冇醬汁係到，不過又係唔會乾真真，食落好酥脆😍癲架！超超超好食呀！👉🏿✨hite 啤酒 Hkd 32 💸📌超容易入口，一啲都唔落，覺得果味幾重😈有埋冰仲正！

食過幾間炸雞 覺得李家好似最好味 已經第三次黎食了 兩個人食唔叫得好多野 最後揀左三樣野食第一樣一定唔小得炸雞，揀左雙拼 有辣有唔辣 個人就麻麻地辣雞係用辣汁 所以中意食辣既我成晚靜係食唔辣既雞 雞皮炸得好香好脆 一向唔食雞皮既我都忍唔住食左小小 當然 兩個人食食唔哂 因為仲要食其他野第二係我最推介既辣海鮮湯 超 級 好 味，當然都超 級 辣！大愛呀 海鮮湯有青口 蝦 蟹 蜆 最緊要係佢啲面豉真係好正 搞到我食完都想再去買一樣既面豉醬第三樣係芝士蛋卷 好大份 3-4人份量 兩個人緊係又食唔哂 蛋上面有茄醬 切開蛋啲芝士好香 拉到勁高都扯唔斷 最後食唔哂打包 拎返第日lunch食 叮返熱都好香如果多啲人食就可以試更多 不過今次揀呢三樣都好好味

早排日經過銅鑼灣就試下呢間韓國餐廳🇰🇷，我地叫左一個芝士辣雞炒年糕，一個menu寫住best choice既芝士蛋卷。首先，個芝士辣雞炒年糕係好大塊唔熔既芝士係年糕同埋雞上面，我地嘗試將三樣撈埋，但芝士都係唔熔，黐埋一舊而且好厚，食起上黎年糕完全冇芝士味。另外，雞肉非常鞋口同埋乾身，食落去又冇雞味，令人好失望。😞而另一個芝士蛋卷就其實係玉子燒加芝士係入面，面頭加左啲茄汁🥫，味道十分普通，唔明白點解會係餐廳best choice，仲要賣成百幾蚊，覺得有點物非所值。🤷🏻‍♂️🤦🏻‍♀️總括而言，當日點左既韓國食物質素屬於中下，服務亦麻麻，成間鋪頭既店員都冇笑容🌚。如果下次再經過呢區我絕對唔會再幫襯。🙅🏻‍♂️🙅🏻‍♂️🙅🏻‍♂️

韓式辣炒雞塊set $58 @ 李家原來李家既lunch set份量係咁多😱，揀左辣炒雞塊便當，除左主菜辣炒雞扒外，唔少得既當然有泡菜啦，估唔估到仲有d咩？🤔仲有泡菜煎餅、煎蛋卷、八爪魚腸仔、魚糕、沙律同埋韓式配菜😂，簡直係將所有韓式小食都放落呢個便當度😍，唔使再選擇困難啦😂。辣炒雞扒都辣得幾過癮，撈飯食唔錯，不過呢份便當有個致命傷😣，就係d餸唔夠熱，所以要扣好多分呀👻👻。

今日去期待已久嘅李家食晚餐，客人唔多，只有一臺4個人嘅客，我地叫咗個芝士辣雞炒年糕，點知中伏，以為d芝士係會同d醬汁融合，醬汁入邊會有好正嘅芝士味，點知係我一廂情願，芝士硬到好似塊腐皮咁，想分都分唔開，勁硬，而且d雞得好少，只有幾塊，要好用心去搵先搵到2，3件雞，但d雞仲要好鞋，完全唔滑，點解d人會話李家d雞好食!! 雞好少，但菜同埋蘿蔔塊就超級多，可以食飽嘅年糕都唔太多，成個菜可以講係完全係唔合格，唔好叫芝士辣雞炒年糕了，叫腐皮雜菜炒年糕吧!! 完全唔好食，所以都唔想食了，冇食晒就走了，所以都食唔飽，食完仲要去搵其他野食醫肚。而且侍應服務態度好差，又冇禮貌，問佢問題但用好差嘅語氣答返我地，所以都想快d食完走人，到走嘅時候叫埋單，冇人理我地，個侍應淨係坐埋一玩手機都唔理我地，要我地出去講埋單先肯理我地。由入座到走，好似殺咗個侍應全家咁樣，全程黑面，仲要收加一服務費，唔怪得間舖只有幾個客人了