李圓圓 (庇利金街) (已結業)

自從飲過用鮮奶沖嘅黑糖珍珠後，味道真係好有分別！。。呢間敢做鮮奶入面唔再加任何糖漿，完全由黑糖珍珠本身嘅甜味嚟令杯嘢夠甜，所以就俾一般飲開嘅冇咁甜，正呀！自我感覺健康d...珍珠亦好好咬，夠煙韌。。今日(星期六)新開張有買一送一優惠，想試就快手喇。。#四個轆Look #轆出去飲 #轆在九龍吃吃喝喝 #佐敦 #台式飲料 #黑糖珍珠鮮奶 #bubbletea #相機飲先 #吃喝玩樂 #輪椅♿️ #無障礙 #hkfoodblogger 。。李圓圓 (佐敦)佐敦庇利金街38號地下

老虎堂呀幸福堂日聽夜聽真係開始嫌^_^厭，開到成行成立既時候反而就想反樸歸真，飲番到平民野做番啲普通野。突然香港既佐敦開左一間係台北幾出名但淨係開左係淡水既黑糖珍珠奶茶，係李圓圓呀！係台灣基本上飲過哂最出名嗰幾間，但李圓圓印象反而幾深刻，皆因佢開係淡水依個靚人靚景既地方，宜家飲番真係乜回憶都番哂黎。佢炒香哂啲黑糖珍珠放係底暖粒粒，上面加入新鮮牛奶，唔建議少冰少糖，因為佢相信佢調較既黃金比例已經最適合，大家不妨試一試！

淡水老街好出名既李圓圓竟然黎香港開店！朋友話次次去淡水必飲。雖然已經入冬，各大品牌既黑糖珍珠鮮奶無再大混戰，但既然新開張，點都要試下佢先黑糖珍珠鮮奶2.0 $33去到招牌張紅紙都仲未撕走，舖頭裝潢幾靚，有塊大玻璃可以望到佢煮黑糖珍珠。一拎上手珍珠仲好熱，會偏腍，所以佢就有教轉圈攪五六下咁，但唔好上下搖️同老虎堂唱反調。凍返之後D珍珠好煙韌，煮到入面都有黑糖味。呢度要一讚，可能點咗2.0多奶版，成杯嘢奶味重但黑糖味淡D。不過下次嚟應該會叫黑糖珍珠奶昔，好似幾有趣。

最近又有台式奶茶店襲港💁🏽‍♀️係上次去台灣飲唔到嘅 李圓圓😆 可能因為新開張冇耐 所以完全冇人排隊🤧.店員好熱心介紹飲品特色 珍珠每日用明火熬煮兩小時🐾 而且沒有添加額外色素 仲可以清楚睇到煮珍珠嘅過程-👧🏽第一次去 熱飲用上透明膠杯 初頭有啲辣手🤔 回訪再叫熱飲 就換上紙杯～🔻黑糖珍珠鮮奶 ($30)甜度冰度不能調整 用上碎冰 奶味唔淡 但都唔夠濃🤣 珍珠好濃黑糖味❤️🤤 粒粒都超煙韌 全糖都唔會過甜 因為甜味主要嚟自黑糖珍珠 冇額外添加糖👍🏼 -🔻黑糖珍珠鮮奶紅茶 ($30) 熱 半糖怕太熱可以叫䁔杯🐾 茶味好濃 係👧🏽杯茶 鍾意奶味重的人 可以試下2.0版本 (即係鮮奶🥛+30%)珍珠軟綿綿 帶點煙韌！🤤 尤其係第一啖 好正啊～半糖啱啱好 冇花巧包裝 係實在嘅美味 絕對會再回訪！

上年黑糖熱潮岩岩開始個時 黑洞第一杯黑糖鮮奶就係台北淡水飲李圓圓🙊上個月尾驚覺佢開黎香港😯興奮到呢👻尋日終於去朝聖🖖🏻飲左top1黑糖圓圓鮮奶2.0黑洞要講清楚呢間黑糖點解係必飲因為所有黑糖珍珠係現製‼️無加焦糖色素‼️鋪頭有個透明大玻璃 可以睇住台灣靚仔整珍珠🥰而且室內有遮掩 開放得黎又夠衛生💯呢杯2.0奶味會比一般更重雖然甜度無得調 但放心絕對吾死甜😗黑洞覺得最貼心係温度除咗有凍同熱竟然仲有得揀暖⚠️岩晒女人怕飲凍野傷身又吾想飲太熱既矛盾心情🤣現製珍珠果然特別好食 超級軟冧💕飲落奶香味十足 同黑糖配搭得岩岩好Between提提大家正確飲法❌唔好上下搖勻用飲管順時針打幾個圈就夠✅出開佐敦既話記得去飲番杯 真心正咖🥰

新屎坑三日香，過左一輪飲料熱潮，感覺上大家嘅反應都冇之前咁熱烈，淡水嘅人氣珍奶李圓圓靜靜雞喺佐敦開左分店，去年到台灣旅遊，雖然有到淡水，卻冇試到珍奶，今日喺佐敦打完邊爐，明明飽到肚炸，都過黎望下咩環境。一連三日做買一送一優惠，適合喜歡嚐鮮但又覺得俾幾十蚊飲杯野要考慮嘅朋友。李圓圓店面唔算好大，勝在近地鐵出口，店面採用透明玻璃設計，客人可見製作過程。強調用明火熬煮黑糖珍珠，食材由台灣入口，做番原汁原味。我地冇試過台灣店，比較唔到，但味道都相當唔錯餐牌分黑糖珍珠系列，搭配鮮奶/紅茶/綠茶，亦有拿鐵、冬瓜、原茶及冬季限定嘅薑汁產品，比較特別係佢地有2.0版本嘅鮮奶，比一般產品加多30%。購買黑糖珍奶時，店員都有問及是否需要做暖嘅版本。黑糖珍珠鮮奶 (原價$30；當日買一送一)以15蚊黎講就梗係性價比高啦，原價飲用都可以一試嘅。黑糖紋路係有嘅，亦都唔會好快同奶融合，珍珠現煮，拎上手頗熱。按照指示，唔好上下搖勻，而係用飲管攪拌5-6圈，令黑糖蜜化開。由於好多黑糖鮮奶喺撈勻後都會變成奶水，呢方面李圓圓做得唔錯，黑糖味濃郁，相對較甜，我係螞蟻人，飲得過癮。採用碎冰形式，間唔中會啜到顆粒，影響口感；雖

我係附近做野，發現開左尼間新野，第1下睇落去門面似內地茶飲，拎左menu睇落5錯，所以叫埋d同事一齊試。我試過熱薑奶同黑糖珍珠鮮奶紅茶2. 0睇名就覺得幾好笑，menu有備註原來2. 0係原配方再加鮮奶，飲落去茶底真心5錯，易入口，珍珠都好味，其實我本人就5係好中2食珍珠，因為我懶同5係好食d太煙韌既粉圓，但佢尼隻好似話係用天然黑糖煮，而且鋪頭有大玻璃，真係可以睇到佢地煮珍珠同沖茶過程，透明度好高。薑奶雖然5可以加珍珠，但就咁飲都幾好，5太甜，薑味5算好辣，易入口。全鋪都有好多信息話比客人聽佢地係原配方，完美比例，所以menu上無寫有珍珠既飲品係真係5可以加珍珠，糖度冰度基本上都5準改，尼方面就有d 5係咁開心，不過都如果太多可以改，佢地就會無左自己特色，如果可以有list寫清楚邊幾種5改得可能清晰d會好d, 如果5係落單就要逐杯問，好似我公司咁多同事計埋落親都4，5杯，仲要尼樣5改得又要逐個問o 5 ok就好麻煩，而且都要影響落單時間但我地都係會再飲既，因為佢真係除左黑糖就無額外糖，我地成班女仔最怕就係太甜，而佢就無尼個問題，所以我地都好鐘意

食完lunch，路過佐敦地鐵站附近，見到有個女仔派傳單，大大隻字買一送一食到飽飽地，本身都無咩意慾想買，但係見到買一送一，所以就買黎試下入到去見到明火煮緊黑糖珍珠，口感真係唔同d,而且奶味好重，飲完都唔覺滯

約咗一班朋友喺佐敦食大排擋，沿住地鐵站行出去，呢間店個可愛Logo吸引咗我走埋去...原來係新店，應該係試業中... 同朋友仔揀咗一輪，先至決定到叫乜嘢... 由於就食飯，決定唔點珍珠，點咗杯推介（兼喺台灣會飲）嘅「冬瓜鮮檸檬」，刻意叫正常甜正常冰，咁就知道，會唔會係甜到離晒大譜😏結果 - 得喎！個人認為唔會太甜，好飲👍🏻 朋友就試「苿香黑糖珍珠」，都係點正常，評論係都係好飲，啲珍珠口感又真係唔同啲👍🏻下次等我都試吓先（唔知冬日限定嘅薑薑可否加珍珠呢？🤔）

之前去台灣淡水旅行試過好好飲 估唔到喺佐敦竟然開左分店 今日特登去試左加厚黑糖珍珠鮮奶 可以飲得反台灣果邊既味道 佢標榜系用明火煮珍珠 啲珍珠軟硬度岩岩好 好香黑糖味 配合好好飲既鮮奶 好正👍🏻 而且佢呢杯唔會好似其他果啲飲幾啖就好濟好飽 我都可以飲到大半杯 抵讚😍 飲得出黑糖珍珠鮮奶調配方面有心機 而且用料一流 值得推介俾大家😋

自從年頭係淡水飲過之後，就覺得明火煮既黑糖珍珠好食好多，點知尋日係柯士甸西鐵站諗住行過去恒豐酒店既時候竟然有位女士派傳單比我，一睇竟然係李圓圓😍一問之下原來25號先岩岩試業，即刻試番杯黑糖珍珠鮮奶2.0，等野飲其間可以係大玻璃窗見到有位師傅係到煲緊珍珠，一路係香港飲過咁多間都只係見到用電池爐煮所以珍珠唔萛太入味，硬係覺得爭啲咁，呢杯黑糖珍珠夠晒入味，奶就見到用明冶4.2，真係正！！以後落開油尖旺做野點都要過黎嘆番杯😋😋😋