李圓圓 (庇利金街) (已結業)

終於飲到李圓圓-黑糖珍珠鮮奶！可能熱潮已經過，同埋間鋪位置唔算顯眼，所以基本上唔洗排隊，一去就可以買到～ 嘩！果然名不虛傳👍🏻 黑糖味香！🤤奶味濃！🥛我發現佢係用明治紅色盒奶架，所以奶味香係絕對有原因😋珍珠煙韌，好咬口👍🏻 又唔會好似乜乜堂嗰啲死甜嘅感覺！喺香港嘅黑糖珍珠鮮奶嚟講算係Top🏆不過唔知係咪飲得太快，剩左好多碎冰，飲到底一路飲到好多冰🙊 呢度扣左少少分後記：質素真係比其他珍奶店好，但唔係熱鬧鋪位位置，所以好似唔太熱鬧（？）

咁多款台式飲品當中，珍珠奶茶唔算係我No.1至愛，因為好多時我都覺得啲珍珠唔好食，但李圓圓嘅珍珠係令我一試愛上，想再飲再啜黎食嘅.李圓圓暫時係香港得兩間分店，我兩間都有去過，今次介紹嘅係佐敦分店，但其實兩間分店嘅裝修同飲品水準都無咩分別。今次飲左兩杯，兩杯都係珍珠系列，店員好貼心咁會問你係咪即飲，如果即飲，就會幫你插埋飲管同提示你只要攪5-6圈就夠，避免啲珍珠變凍會變硬！李圓圓嘅珍珠甜味啱啱好，每一粒都有一樣嘅甜味，軟硬程度都適中，好好食.第一杯係黑糖珍珠鮮奶紅茶，珍珠無得彈，但我唔係太滿意個奶茶，因為太淡，飲落似係英式奶茶個種「奶水」狀態，我個人麻麻地，下次都係飲黑糖珍珠鮮奶😆第二杯係黑糖珍珠奶昔，好少見有咁嘅組合，所以叫黎試下。我覺得應該改名就黑糖珍珠鮮奶沙冰，因為飲落係似沙冰多過奶昔個奶昔奶味都幾濃，唔錯！好適合夏天飲，飲完透心涼不過，要留意嘅係因為佢係沙冰質地，所以店員建議係買左之後10分鐘要飲哂，如果你打算慢慢飲，飲一個晏就，就唔好揀呢杯啦！題外話，我覺得佢地個logo好可愛，而且印左紅色中文字嘅杯真係好有台灣嘅感覺，大讚！

係附近做野，行過見咁岩口喝，買左杯黑糖珍珠鮮奶飲，呢杯野真係好岩啲唔鐘意飲太甜既飲品既人，啲珍珠又唔硬，岩岩好，可能係職員講既用明火煮既關係啦，幾喜歡呢杯野！呢職員都超有禮貌。希望做大左都keep呢個水準。

記得上次係一個好偶然嘅機會底下去左佐敦，發現左淡水過江龍李圓圓🤩🤩 一飲真係驚為天人，佢嘅黑糖珍珠即該成為左我心目中嘅Number ONE ☝️ 因為一直都念念不忘，所以又去左再會李圓圓❤️諗起有一次食飽飯先黎買，點知所有黑糖珍珠已經賣晒🥺今次早早食完飯就去買🤩黑糖珍珠係現場炒嘅，味道真係特別香！因為本來都怕甜，店員會好細心咁盡曬篩走d糖漿❤️原來每杯都會量重量，make sure 係最完美嘅比例🤩🤩黑糖珍珠鮮奶2.0飲落好似唔要2.0，淨黑糖珍珠鮮奶好味d！唔知呢個可愛嘅小妹妹係咪就係李圓圓呢😂😂

📍李圓圓 黑糖珍珠鮮奶@ $30-台式飲料開完一間又一間，今次小妹試左淡水名物-李圓圓。分店係佐敦，店面簡單，近地鐵站出口。強調用明火熬煮黑糖珍珠，食材由台灣入口。-李圓圓既黑糖珍珠鮮奶唔可以調整甜度同冰度。但佢個黑糖珍珠鮮奶2.0版就可以，2.0版即係鮮奶多左30%，個浸奶會厚左同重奶味-黑糖紋路係有既，唔會好快同奶融合，拎上手都幾熱。店員話用飲管攪拌5-6圈，令黑糖漿化開。佢啲冰係碎冰，融左之後飲落唔會好似飲緊奶水。啲珍珠係攪拌之後會好彈性，食落口感好好，黑糖味又唔會過甜，可以話係全港最強既黑糖珍珠鮮奶-地址：佐敦庇利金街38號地下-推介指數👍🏻👍🏻👍🏻👍🏻👍🏻抵食指數👍🏻👍🏻👍🏻👍🏻👍🏻（5個👍🏻為滿分）

好耐之前去淡水想試的李圓圓, 無意中發現原來開了在香港位置唔算好當眼, 所以暫時都未算好多人流店面唔算好大, 有個玻璃窗望住入面煮珍珠, 衛生等等都有保證買左杯黑糖珍珠鮮奶紅茶, 要暖的要半糖(即除珍珠的糖不外加糖), 咁先試到最原味落完單要等一等, 即時再煮一煮珍珠, 然後店員亦會細心地提醒飲用前唔好上下搖, 避免溫度影響珍珠口感, 這一份貼心同專業的執著係其他店未遇過的, 印象深刻結果飲落去更發覺冇信錯, 珍珠口感軟中帶煙韌, 又有豐富層次的黑糖香, 最佳珍珠不二之選鮮奶與茶味亦不錯, 雖然兩者未算頂級, 但單享受珍珠已經冇得輸了試過之後, 每次友人想飲珍珠奶茶必定推介李圓圓!

聽說李圓圓也是台灣過江龍，這日經過佐敦就試試。一進店就見到透明玻璃後就是店內的手炒黑糖珍珠，所以黑糖鮮奶珍珠是必點的，店員介紹如果喜歡奶味較重的可以點黑糖鮮奶珍珠2.0，這次就試試是否會更好味。店員說他們這間店的黑糖是用攪拌方式而不是搖晃的方法去蜜化開黑糖，因為佢們的珍珠會受溫度影響，他們還很貼心幫我先攪拌好再插上飲管才遞過來。黑糖鮮奶珍珠2.0個人覺得奶味其實沒有很濃，並不覺得有比其他店的鮮奶突出，不過黑糖味很香，珍珠第一口吃上去煙韌，但仍然不是我喜歡的口感，神奇的是過了一會當冰開始融化後，珍珠的確會開始變得更煙韌令口感較硬，然後，我找到了心目中最口感最完美的珍珠。

🔴李圓圓🔴相信去台灣/淡水既你們應該都會飲過李圓圓今次要飲既係🥛黑糖珍珠鮮奶2.0🥛$❸❸黑糖珍珠鮮奶2.0係相比黑糖珍珠鮮奶額外多左30%鮮奶🥛🥛🥛😋😋當然要一試拉🔴李圓圓🔴相信去台灣/淡水既你們應該都會飲過李圓圓今次要飲既係🥛黑糖珍珠鮮奶2.0🥛$❸❸黑糖珍珠鮮奶2.0係相比黑糖珍珠鮮奶額外多左30%鮮奶🥛🥛🥛😋😋當然要一試拉黑糖珍珠不會太過甜，但係食到又會有黑糖味🧡感覺到珍珠仲暖暖地非常煙韌♥️♥️香港雖然開左多間台灣過江龍茶飲店但👧🏻還是最愛李圓圓的黑糖珍珠鮮奶黑糖珍珠不會太過甜，但係食到又會有黑糖味🧡感覺到珍珠仲暖暖地非常煙韌♥️♥️香港雖然開左多間台灣過江龍茶飲店但👧🏻還是最愛李圓圓的黑糖珍珠鮮奶

咁啱係佐敦行街，行行下想買嘢飲沿途都有好多連鎖式嘅台式飲品店望望下就見到暗暗一角嘅「李圓圓」我記得之前上網見過有人話呢間係來自淡水嘅所以就決定試下呢間唔知係咪因爲閒日下午，間鋪無咩人睇完個餐牌，都係決定飲黑糖珍珠鮮奶雖然無咩客，但因為即叫即製，都係等咗幾分鐘到其實我之前都飲過老x堂同幸x堂李圓圓呢杯有啲驚喜，啲珍珠好chewy同埋飲落加埋鮮奶唔太甜拎嘢飲嘅時候，店員都有講如果想啲珍珠硬啲就攪拌多幾下。佢另外有個黑糖鮮奶2.0，係必飲嘅item，貴呢杯3蚊，下次路過都要試下。希望「李圓圓」繼續努力 💪🏻

人總係離開了先懂得珍惜，番工既關係「認識」到呢間佐敦珍奶小店，依家轉工又要離佢而去了，不過相信我以後每一次經過寶靈街都會翻兜再翻兜！佢既黑糖點解好飲？我都唔知，但係黑糖味夠濃唔係死甜，無得officially 小甜但如果要求到佢會好好人咁幫你隔走多d黑糖漿；珍珠超Q彈煙軔，而且唔係一剎那果種軟熟（有d鋪頭熱辣辣既時候咪軟，過一陣就硬到堅·珍珠咁），即使有時飲慢左凍晒佢都仲係好chewy好好味； 奶方面就係好純既牛奶，肥係肥架啦但飲得都預左，2.0version個人覺得分別不大，最basic既黑糖奶已經足夠幸福了！！有同事試奶茶版覺得茶味唔出，亦有同事話佢既冬瓜茶無冬瓜味； 但小店叫得「圓圓」，當然珍珠先係賣點。作為珍珠行先既我亦覺得呢間係目前係香港最好飲既黑糖珍奶店！！服務亦都非常好，收銀姐姐每位都好好態度 真心想人飲到佢最想要既野！全力支持！希望keep住水準啊～

黑糖珍珠鮮奶我都真係試過唔少 差唔多有7/8間但李圓圓呢間我覺得絕對係最好飲個1/2間首先 甜度適中 唔會飲好膩 第二 珍珠煮得好好 煙un q彈佢全部都做得到 唔會過硬過軟過甜配埋奶一齊飲 甜度係適中 唔會好似有d店咁好似飲緊糖水咁

#黑糖珍珠鮮奶 $30成日聽人講話李圓圓世界第一今次就試下佢龍定鳯🤣黑糖掛杯做得唔錯 幾靚黑糖珍珠甜度適中 而且十分煙韌比起另一間黑糖珍奶舖頭 小編認為依杯更好飲 冇咁甜建議大家可以買2.0嗰杯 奶會更厚更濃😆評分:8/10

今日行過佐敦，口渴所以就去買杯嘢飲。🤪行過見到呢一間李圓圓，初頭都唔知頭唔知路，以為係細細間獨立冇咩人識嘅普通珍珠奶茶店（小弟見識少，平時唔飲珍珠奶茶）。入到去就點左一杯珍珠奶茶，好似叫做黑糖珍珠奶2.0🍼🍼。個味完全係一飲上癮。甜度合適，奶味充足。因為我唔鍾意飲太甜，就叫個姐姐幫我篩走啲黑糖。篩完個味啱啱好。之前飲過一間老X堂覺得好甜，自此就卻步。今次依一間鋪頭令我重建飲珍珠奶茶嘅樂趣。值得再講嘅係,依間鋪頭嘅店員個個都好好態度。會好有禮貌咁問你需唔需要幫埋你插飲管，教埋你點樣搞起啲珍珠，$33有咁嘅服務質素，真係冇得頂。我極力推薦大家，行過佐敦記得去李圓圓度飲番一杯。真心唔錯！下次有機會試埋其他嘢飲先！😚

一早就聽聞李圓圓在台灣很出名，很好飲，我就特地去佐敦去拜會一下這間人人都讚的台式手搖飲品。去到門口就見到一個大的易拉架，寫了頭5位熱門飲品。進入店鋪就見到他們的餐牌都頗多選擇還有現炒的黑糖珍珠。店內有透明玻璃能看到廚房。收銀處有飲品說明方法，教您怎樣飲才最好飲的！十分仔細。我點了暖暖的，No.1黑糖鮮奶，加多了30%鮮奶，他們的珍珠一開始只有小許彈牙，但用飲管攪拌幾圈後珍珠變得很煙韌，很有咬口，奶味跟黑糖味都很濃，非常出色！

十粒真心地說，飲過曬其他排曬隊好出名嘅黑糖珍奶，無一間比得上李圓圓。佢餐牌上no.1嘅黑糖珍奶2.0，標誌住完美比例，好似好gag，然後店員每次遞俾我時，都不厭其煩咁解釋點飲係最好：唔好上下倒轉咁搖晃，先插飲管，然後攪動5-6下，就可以飲。會先試到底層暖暖的黑糖珍珠，加上中層嘅碎冰，再啜埋加厚嘅鮮奶，冷熱交融，三樣嘢絕妙地搭配一齊真係會忍唔住啊一聲！大嗌真係完美比例呀！！！！！！但係！我真係好擔心呢間嘢會隨時執笠，因為我次次去都無咩人排隊，明明杯嘢嘅魅力係足夠由佐敦排到旺角！係誇張咗但啱先形容嘅味道好真心呼籲大家天氣咁熱都去冰火一下爽YY飲完呢間已經再飲唔落其他劣牌所以諗諗下唔對路驚佢執笠再飲唔番 ，拿拿林趁自己無聊拎手機出黎打個正皮俾佢