李圓圓 (庇利金街) (已結業)

上次去台灣 無去淡水個邊 所以就無飲到好出名既李圓圓😢 今次經過佐敦 難得見到當然要試番一杯啦😆李圓圓既廚房係用全透明玻璃 珍珠係每日新鮮現煮 製作過程一覽無遺👍🏻 黑糖珍珠鮮奶都分左1.0同2.0😂 分別在於2.0係多30%奶 我地覺得1.0就夠所以就淨係試左普通既黑糖珍珠鮮奶☺️拎上手黑糖珍珠熱辣辣 掛杯幾靚 飲落黑糖味好香濃 珍珠非常煙韌好好咬👅👍🏻 同鮮奶既味都好balance 係一杯質素唔錯既黑糖珍珠鮮奶😋不過題外話 我地覺得收銀服務真係有需要提升下🤦🏻‍♀️ 第一次係香港用支付寶比錢係比唔到 嘟完又話hand機 要比現金又話電腦都壞埋 又要拎鎖匙開收銀機 都幾混亂🙈

之前一直看到這家，今天陪朋友去伊莉莎白醫院打瘋狗病疫苗，看到奶茶就在附近怎能不去，立刻趕過去了，但是第一口很驚艷，確守珍珠軟彈，可是喝了幾口，酒完全只有奶的味道了，沒有黑糖的口感，不太好喝了

放工經過佐敦地鐵站 居然有間簡樸裝修嘅奶茶店，口渴順便就試試佢哋嘅奶茶 。店員推介杯黑糖珍珠鮮奶2.0 稱2.0會比較重香滑奶味，一試之後大愛 馬上再買四杯回家齊齊share 。

李圓圓既黑糖珍珠鮮奶有正常版同黑糖珍珠鮮奶2.0版！2.0版即係鮮奶會多咗30%，即係嗰浸奶會厚左，奶味會重咗！呢度嘅珍珠係好甜，好好食！如果搞一個比賽蒙眼去比較唔同舖頭既珍珠奶茶(e.g. 蒙眼試老虎堂，鹿角巷，春水堂，喜茶，李圓圓，良辰吉時)，我諗我一啖就食得出邊間係李圓圓嘅珍珠，因為真係好特別，特別好食！—李圓圓 (佐敦)佐敦庇利金街38號地下—#allisonfootforfood #foodie #foodblogger #李圓圓 #黑糖珍珠鮮奶 #黑糖 #黑糖2.0 #hkfood #佐敦 #jordanfood #hkgoodfood #fatfatmilk #sugar #milktea #taiwanmilktea #blacksugar #likeforlikes #followforfollowback #followers

去過飲幾次，職員都好細心有耐性，仲叫我飲一啖，太甜可以幫我再調過，實在貼心！香港少見的好服務，當然都因為好飲先會飲幾次啦～珍珠有煮透，好Q~唔死甜，會繼續支持^^

李圓圓-佐敦庇利金街的淡水名店李圓圓淡水老街最熱門既珍珠奶茶店，竟然係佐敦低調地開咗店，由於全港暫時只有一間，所以我突登出黎佐敦試下佢。全店一大特色就係店內有塊大玻璃，可以睇到煮珍珠既過程，細問店員原來李圓圓既珍珠係用明火慢煮，有別於其他店舖用電磁爐，另外李圓圓既品質監控都好嚴格，主打新鮮珍珠，珍珠最多放2個鐘，就算賣唔晒都會倒。🐻黑糖珍珠鮮奶2.0 $33所謂既2.0就係鮮奶比例增加30%，奶味會更加濃郁。由於係現煮珍珠，拎上手杯底都幾熱，店員再三提醒飲之前要用飲管攪拌。珍珠唔單只煙韌，仲充滿焦香既黑糖味，香醇既鮮奶再配上黑糖珍珠，簡直係完美既結合。

好飲嘅黑糖珍奶到處都有 但好食嘅黑糖珍珠就唔係間間做到呢間珍珠係一直熱住的 黑糖味好濃 熱熱嘅珍珠口感比較綿同埋Q彈 飲前會細心提點客人 (輕輕飲筒攪拌 不要上下搖匀 否則影響珍珠口感) 加分👍🏼

在李圓圓飲黑糖珍珠我有個人喜好： 就是會加正常份量的冰！ 在其他品牌飲類似的我會走冰或小冰但李圓圓的珍珠是好和暖的，未搖渾可先嚐一口杯底暖暖的珍珠。珍珠煙煙韌韌的，軟度適中。至於奶，正常版本已經好夠，因之前飲過2.0版本，奶味會蓋過茶味。

很愛飲黑糖珍珠奶 難得到佐敦，就行去李圓圓試一試，位置不難找，地鐵站出口附近 傳說是淡水名物，但我去台灣也沒有試過，到香港就試吧不用排隊，等了一陣就拿到手 味道不錯，黑糖也ok 只是珍珠不是太淋 飲完再行去隔離食燒賣 正

又一台灣過江龍！李圓圓珍珠奶茶～這次點了招牌黑糖珍珠奶茶2.0。2.0指什麼呢？即是厚奶，是比一般黑糖珍奶多1.3倍的鮮奶份量。分別點了1.0及2.0的版本嚐嚐，1.0的飲下去茶味較重的，而且可以選甜、冰量；而2.0版本，鮮奶味會濃點，但又未至於掩蓋茶味，味道是很平衡的～因此比較喜歡多鮮奶的版本～(❛◡❛✿) 要注意的是2.0版是不可選甜度，因為它並沒有再加糖的，而是靠鮮奶的甜和珍珠的甜來帶味，所以不會過甜的。

今日同fd行下佐敦...... 食下飯......突然搵到寶wor😆😆😆行下行下 吹下水就見到李圓圓wor即刻衝過去呀 haha 就算岩岩食到好飽都要try try呀😂咁岩係平日 所以就無咩人排隊我地去到見到d佢有d特別推介咁店員都好nice好細心咁解釋邊樣打邊樣我地就當然係樣飲黑糖珍珠鮮奶啦點知no.1推介係 黑糖珍珠鮮明2.0 wor原來係升級版呀 又唔係貴好多都係幾蚊咋嘛 咁就try try 2.0啦其實就好似真係無咩特別wor不過d奶味幾香幾重仲有呀 d珍珠好好食呀真係幾好飲架 haha😋😋😋

朋友去台灣嘅時候，話好好飲。好飲過老虎唐。見到香港呢間居然冇咩人排隊，當然要試下🤤感觀幾好，有個玻璃窗睇到入面嘅情況。職員有係出面筆啲黑糖珍珠。我揀咗黑糖珍珠鮮奶紅茶，揀錯咗啦。茶味會搶咗啲黑糖味，所以飲到後面會冇味咁。但岩岩飲個陣係好重黑糖味，啲珍珠仲熱嘅。

✨黑糖珍奶新玩法 出奶昔版！✨呢兩年真係俾黑糖珍奶洗哂版！自己都飲到變大肥西🤰🏻幾乎每個月都有台灣過江龍殺入香港呢間李圓圓終於有d新意喇出左款幾特別既奶昔🤤特別鳴謝兩個fd做手模😂😂好配合.🥛黑糖珍珠鮮奶2.0 ($33)🥛黑糖珍珠奶昔（$33）.兩款既分別在於口感奶昔會比較creamy滑溜😍面頭仲有沙冰建議要十分鐘內ko！如果冰溶左就冇咁好飲最吸引係係珍珠即場現炒😳隔住玻璃可以睇到製作過程黑糖味道香甜 珍珠好煙靭有咬口🥰鮮奶味濃郁 整體甜度適中 好快就飲哂成杯😌😌

今日又試咗另一間台灣過江龍李圓圓🥤🥤試咗佢哋銷售no.1️⃣嘅黑糖珍珠鮮奶2.0，佢哋嘅飲品有得揀熱🔥，溫或者凍❄️，我就揀咗溫，飲落暖暖地，暖嘅珍珠口感飲落會淋少少，不過都仲係彈牙嘅🤤呢款黑糖珍珠唔會太甜，不過又好飲得出黑糖味😋，鮮奶嘅口感都唔錯，算係黑糖珍奶做得比較好嘅一兩間👍🏻👍🏻另外仲試左銷售no.3️⃣嘅冬瓜鮮檸檬🍋，呢款嘅檸檬味就被冬瓜味重一啲，飲落酸酸甜甜，都幾開胃架😌

黑糖珍珠鮮奶($30)淡水人氣黑糖珍珠鮮奶終於登陸香港了 標榜珍珠用兩個鐘慢火熬煮而成 口感夠彈牙 濃郁黑糖味 黑糖珍珠鮮奶2.0會比一般的多30%鮮奶 適合喜歡更重奶味的朋友(⁎⁍̴̛ᴗ⁍̴̛⁎)