李公館 (裝修中)

因為同屋企人食飯，所以專登揀中菜食，呢間有少少似私房菜，普遍黎講味道都唔錯，黑松露帶子炒西蘭花，帶子好好味蠔花雕蛋白蒸蟹，個蛋好鮮甜好滑燒雞 雞肉都好食招牌菜，冰鎮咕嚕肉，都好好味，呢個咕嚕肉係普通版，佢仲有個特別版，不過要提前預約，樣會比呢個靚好多開邊蝦蒸飯

哥哥推介此餐廳作為家庭日食飯的地方，便卜了檯，扶老攜幼搭車出灣仔。冰鎮咕嚕肉。咕嚕肉在低溫下令蜜糖表皮變得脆口，但咬落去還能保持溫熱的，肉質很軟熟，不鞋口，很出色的咕嚕肉。茶薰香雞。雞有茶葉香味，但不是太濃郁。雞肉唔鞋口，幾嫩滑，但肉質唔夠實淨，不算是靚雞。籠仔糯米蒸蟹飯。點了後，媽媽說，唔好食甘多，好濕熱😨。飯粒包裹著荷葉香，每粒飯都閃閃亮亮，挺油的，吃幾啖過下口癮算了。蒸石斑，石斑塊冇想像中咁脆口，但都幾新鮮，亦夠薄，有小小骨，進食時要小心。豆腐雜菜煲竹笙羅漢齋

他家味道很不錯，餐點做得也比較精緻，就是週末和平時中午都要等位，有點麻煩。在灣仔上班才兩個禮拜，就來他家吃了四趟⋯⋯相比較其他吃點心的小飯館，李公館的服務和環境都要略勝一籌喔。推薦！

今個月有兩位朋友生日，地點一早決定再嚟呢間食，皆因朋友難忘這𥚃出名必食的冰鎮咕嚕肉。致電訂位時已經預訂了三餸一湯，包括冰鎮咕嚕肉(加生日牌)丶茶燻雞、黃金脆啤梨、杏汁豬肺湯。我哋有七人，所以去到現場再加左三餸一飯：咖喱脆皮牛腩、上湯松草菇浸芥蘭丶梅菜蒸菜心及瑤柱蛋白炒飯。另外，仲叫左支紅酒一齊嘆下。最後為兩位朋友切埋生日雪糕蛋糕。特別一提，我當天中午致電詢問能否先把雪糕蛋糕暫存至晚飯時段，食肆員工好好，她當然回覆冇問題，但因食肆沒有冰箱，只能把雪糕蛋糕存放雪櫃，故特別提我雪糕蛋糕盒內必需放乾冰。 當晚飯食到咁上下，又有另一位員工詢問我，需否把蛋糕拿出來解凍以便稍后切蛋糕。相信時間控制得很好，我見他們代切嘅雪榚蛋糕切得好工整，食時也很容易用义切小件入口。相信員工們嘅細心周到乃他們配合食客到此興生經驗累積所致，值得一讚

一家人吃一頓生日飯，最好莫過於有一張圓枱圍在一起吃。6大2小選了李公館貪其夠闊落較好坐，亦比較多小朋友喜歡吃的東西首先來客茶燻蛋，很香茶味 蛋味十足，一人半隻，小朋友想一吃再吃再來是杏汁豬肺湯，湯煲得很清 沒有血水， 不太濃杏汁味，我很怕喝杏汁的也覺得不錯蟹粉蛋白金苗盞八份米通舖上蛋白一整碗蟹粉放在中央讓你吃。蟹粉很香濃，放在蛋白上跟米通一口吃著，米通依然鬆脆，好滿足。薯仔安格斯牛柳粒🐮牛柳粒惹味不韌然後就是茶燻雞🐔很香茶味，皮脆肉嫩且沒有雪味，愛茶之人一定要試試由於我沒有訂特別版咕嚕肉，只有普通版的冰鎮咕嚕肉，也不錯啦用冰鎮令糖漿包裹著的咕嚕肉外層很脆身，而咕嚕肉粉漿不厚，肥瘦適中，好好吃👑不過此餸要盡快吃完，否則冰會溶成水把肉浸著。杞子上湯豆苗豆苗夠嫩配杞子上湯，不錯另外還要了桃膠糖水，很好喝的，滋補養顔又不太甜，加分

舊同事聚會，前呀姐介紹李公館，咁就去試下啦打電話預約時問咗有d特色嘢要留定店員細心有禮，改咗幾次仍舊有禮👍🏻👍🏻值得稱讚預留咗呢個冰鎮咕嚕肉，友人一嚟到即食一舊，因為咕嚕肉仲係咁熱，所以冇咩特別但等多陣，咕嚕肉開始凍凍哋，咬落去就好脆口，爽口，推薦籠仔蝦蒸糯米飯，糯米飯蒸得夠透，吸曬蝦嘅鮮味同蒜香，正海味什菜煲，份量勁多，我哋7個人都夠食，必叫呢個啤梨都要提早預約，人頭啤梨平時蝦膠都會扮蟹鉗，今次佢墨魚膠扮啤梨👍🏻👍🏻加上wasabi沙律醬，味道好夾原來佢裡面釀咗翠肉瓜蟹子沙律醬，非常清新要早一日預約的茶燻雞，可能要保持雞嫩滑，所以size偏細，味道都唔錯，一試毋妨

一圍十二人團年飯叫左好多餸～大滿足！❤️溏心蛋微微的煙薰香味，質地煙韌囗感特別。❤️杏汁豬肺湯杏汁味唔算濃清清地，飲左冇口渴應該冇乜味精。❤️特別版冰鎮咕嚕肉賣相特別有氣勢，用冰糖整嘅冰柱都幾好味。士多啤梨同桔仔好似冰糖胡蘆咁，酸酸甜甜深受我媽媽喜愛。主角咕嚕肉保持到脆嘅外層，味道好，不過食遲左搞到整塊肉凍晒。之後我地再叫個普通版，真正做到外脆內熱，更好味！❤️茶香燻雞驚為天人！雞肉超嫩滑！必叫！❤️琵琶豆腐豆腐餡料比傳統創新，但味道未見特出，炸得太乾，口感一般。❤️疊疊煎藕餅肉質好結實嘅肉餅條，食唔到有蓮藕，夾生菜食冇咁膩，一般。❤️籠仔糯米蒸蝦飯糯米飯軟糯煙韌，吸收左蒜蓉同鮮蝦鮮甜嘅精華！唯一美中不足係蝦仔太小。❤️籠仔花雕花甲花雕味香份量剛好，唔會搶左花甲鮮甜味！花甲冇沙！❤️咖哩脆皮牛腩嘩出聲咁好食，夾住少少脂肪嘅脆皮牛腩牛味濃郁肉嫩！咖哩汁一流！❤️蓮蓉西米焗布甸懷舊甜品西米布甸！甜味適中！吉士味好香！大家都讚不絕口！簡直係完美團年飯！

生日要食開心D 於事約了大家去李公館擦餐飽😋😋黎得呢度 呢個招牌菜點可以唔食呀😍今之預約時講左生日，佢地有埋蠟燭同生日牌🤩影相影到停唔到手！講返食物，咕嚕肉外脆內暖，士多啤梨同埋吉仔超受歡迎🍓🍊兩款小食好好吃，原本唔食茄子嘅朋友食咗都覺得好好味，個汁一流。炸魚皮食得多，食下呢個鹹蛋黃炸魚皮，唔係超市果隻係新鮮炸起！由於本人超喜愛大蜆花甲果d,呢個冬陰公湯底，帶出海鮮嘅鮮味😋呢個藥膳蝦好底食，$2xx勁多又大隻，仲好保身添👍🏻炸豬手非常香口，配上熱情果汁啱啱好中和返d油膩今次反而呢個豬肺湯有點失望，太淡了🙈生日食壽包是常識，但係估唔到佢入邊係紫薯嚟嘅！真係好正👍🏻👍🏻👍🏻💜💜💜

又到年尾，又係除夕和本人生日時候，我的朋友已訂了“李公館“和訂了特別版冰鎮咕嚕肉， 因為諗住近灣仔食完飯之後就可以搭電車去金鐘看煙花，那樣就方便好多。 李公館走精緻高雅路線，古典裝潢，氣派高雅，而茶壺的咀口都頗特別 。我們點了大廚擅長嘅“特別版冰鎮咕嚕肉“，“脆皮茶燻雞半隻“， “蒜蓉炒豆苗“，“ 翡翠鮑汁百靈菇扒柚皮“，“ 蟹肉粟米羹“，“ 籠仔荷葉蟲草花蒸頭腩“， “紫薯壽包“ ，“蓮蓉西米焗布甸“…………♡第一道菜就上了特別版冰鎮咕嚕肉， 這道菜真小不了拍照這環節， 新派fusion創意在這冰鎮咕嚕肉顯露無遺， 打破對咕嚕肉的固有概念， 咕嚕肉及生果放在冰盤上， 外觀更像冰糖葫蘆帶點晶瑩， 以糖製造的冰雕，精緻非常。 咕嚕肉置於冰上更添獨特外冷內熱口感， 脆口不黏， 又帶點拔絲的甜脆感， 非常新奇，令人驚豔。第二道茶燻雞， 沒想到有茶的味道，四字形容“味道濃郁“籠仔荷葉蟲草花蒸頭腩， 這道菜有香濃的荷葉味， 荷葉味滲入了頭腩內， 值得一試這道翡翠鮑汁百靈菇扒柚皮， 這道菜是一道考功夫的菜式， 不是太多地方有得吃， 柚皮沒有苦味， 都算不差。朋友為我準備了壽包， 最驚喜的是個壽包餡

爸爸大壽，叫晒成家人食飯，搵間好少少嘅餐廳幾兄弟姊妹都搵左好幾間先最終決定揀李公館第一次來食，真係好驚喜，感覺好典雅，好有氣派被安排左呢間玻璃房仔，其實唔算咩房仔，只係玻璃隔一隔，但都幾靚幾特別訂枱前，留左個杏汁豬肺湯，普通版咕嚕肉同埋茶薰雞，然後再點多幾個餸先來茶煙薰溏心蛋，無灑淮鹽都同樣好味食落陣陣煙薰味，但唔會話有苦味，係蛋嘅原味加多一種煙薰味，溏心蛋黃感覺好好味，一人半隻唔多夠喉跟住來個冰震鮑魚好爽甜，啖啖肉杏汁豬肺湯湯料好足，好香濃杏汁味冰震咕嚕肉無叫咩特別版其實出邊都有啲餐廳可以叫到呢個呢個做法令咕嚕肉好脆身炸蠔得幾隻唔夠分不過好好味，第一次試呢個煮法保持到蠔嘅鮮味，又大大隻，好有口感想有碟菜，不過呢碟唔太特別，家常小菜，自己都煮到嘅菜式呢個雞無乜特別食完都大唔太飽，叫左呢個，麥皮蝦整得幾好食，蝦有個芡咸咸地，配埋麥皮，好惹味叫左又好快有得食壽包老人家生日必叫

難得同男友一家食團年加生日飯，佢地就揀左呢間李公館，一去到餐廳樓下有啲疑惑，因為唔知有嘢食，似公司啲lobby咁。上到去環境好中式，仲見有廂房增加私隱度，私人聚會岩哂我地一早book位前落左訂冰鎮咕嚕肉同茶薰雞，之後黎到再點左支紅酒先，再黎柚皮，鮑魚鵝掌，竹笙蟹粉，蒸蜆，荷花蒸蟹飯，魚，紫蕃壽包。（過左半個月我都唔記得真正啲菜名係乜）首先黎個柚皮，因為唔係度度有得食，所以叫黎試下，個口感入似蛋糕咁，入口即化。學do姐話齋係幾得意呢味我都唔記得咩魚，只知都成5百幾蚊之後黎個鮑魚鵝掌，我男友一開始叫左6份，佢expect係一份份咁上，但最後一煲咁出就無左意思，因為呢味都唔平，一份都$148。我比較喜歡清淡嘅竹笙蟹粉，適合嘅唔食咁濃味嘅人食我出奇地喜歡嘅係冰鎮咕嚕肉，因為係出面啲餐廳試過覺得平平無奇，但呢度食簡直係'叮'一聲咁一試愛上，個皮係脆甜，好好味食完想再食之後黎到呢味荷葉蒸蟹飯，個個食都話正，因為啲蟹味入哂啲飯，好香蒸蜆其實就咁蒸都好好食，no special可能我對啲脆皮雞有陰影，上到黎嘅茶薰雞我就無乜興趣，食左一舊，係有茶香肉嫩，但我唔好呢味有驚喜嘅係糖水，薑汁湯圓好夠薑椰汁桃膠

be fair, service 普通，味道唔算特別好食但又唔算貴，只能話一分$一分貨。豬肺湯淡招牌冰鎮咕嚕肉花時間做，有心思，但味道就一般。豆苗OK。飯過得去，都OK。四個items 約$1000，都OK。

聖誕假期開始，約埋3個好友一齊去試下呢間位於商業中心2樓既李公館嘆茶食點心。星期六，客人不算多，裝修幾特別。點左壺桂花鐵觀音，飲落啖啖桂花味，好清新!點心紙選擇頗多，傳統的，新派創意的都有。揀左D名字比較特別的點心先試最後點左個甜品~~銀耳椰皇燉桃膠，桃膠有益健康，加埋雪耳，海底椰，最適合呢個天氣滋潤一下。4個人食到捧住個肚走，好耐冇食過一間咁特別既點心了，十分滿足!朋友仲即時約埋下次要試晚飯呢度地方，服務都ok,樓面會自動自覺主動收碟加水

菜式一般，茶香雞過火了，蟹粉春卷太油埋葬了蟹粉沒。這位經理令我沒興趣再來晚飯了。我上到去講我姓氐訂左位,佢查左訂位表話無我訂位,問我有無第二個姓😬,我話我得一個老爸,佢查多次又話有了請我入坐。点菜我点蟹粉雲吞,佢沖口而出話我地無蟹粉雲吞,我指餐牌佢睇,呀有呀落單,回頭過來又話無雲吞,我只好改蟹粉春卷。到埋單時張單來了,又有蟹粉雲吞出現,唔睇單又俾多$200。叫我点有興趣再光顧😱

冰鎮咕嚕肉，好得意，第一次食，外冰涼脆口內暖同軟，果然係招牌菜。砂鍋蠔，蠔好都大隻，熱烘烘放入口最好食。薰蛋好得意，一匙放隻蛋，方便放入口，煙薰香好濃，蛋滑，唔錯。杏汁豬肺湯好味，湯白而杏味不算好搶，不油好飲，我地好快飲完。醉雞翼好香濃酒味，好入味，怕醉既朋友注意唔好食太多隻雞好有茶香，食得太多白切雞，轉轉食法好清新。砂糖芋頭好好味，甜度剛好，趁熱食香脆可口，食完肚已脹脹了。最後個蟹飯，精華全落喺飯中，好飽但點都要食啖飯，好正。蟹都可以。