李公館

营业中

休息中

如果想食一間比較有特色的中菜舘，李公館係一個唔錯的選擇，聴名以為只供應晚飯，價錢不菲，其實中午有茶市供應和有特價。晚上食飯想三五知己静靜傾計，免被打擾，無問題，有二間不同大小房間供應，開秘密會議絕對無難度，😉⋯⋯價錢由$4500-8000不等。太多特色不是如何選擇，又或者是一個選擇困難症的人。無問題。比個價錢佢發版，可能有意外驚喜！☺️鍾意食甜品的你，這裡一定満足到你，有十款甜品任食，並不是普通紅豆沙，西米露。非一般甜品，有焦糖燉蛋，西米布丁，奶凍，鮮奶桃膠，真材實料呀⋯⋯。想食多一碗，待應永無托手 踭👍⋯⋯

嚟食新派中菜，發現喱到擅長將傳統菜式fusion化signature冰鎮咕嚕肉～冰盤放上咕嚕肉同生果，兩樣都脆口不黏牙又帶有拔絲嘅甜脆感，中間裝飾係糖嚟，好有特色黃金脆啤梨～係墨魚膠釀新鮮啤梨沙律，上枱脆口熱辣辣，配wasabi沙律醬，微辣酸甜，中和油膩感蟹粉蛋白脆金苗～蟹粉唔夠，鍋巴熱辣辣，但唔係好脆口膽皮茶燻雞～有茶燻香，但皮唔脆、雞肉過火籠仔糯米蒸蝦飯～糯米吸收咗蝦鮮同蒜香，好好食；蝦再大隻啲，一流茶燻蛋～有茶燻香，但唔夠流心喱到嘅菜式、環境、服務確實比一般中菜館優勝，但要去到fine dining，還有一大段距離

婆婆生日，就近訂咗李公館，方便老人家。圍埋坐有老有嫩，都坐得幾舒服下～我哋訂檯嘅時候，個姐姐提我哋有啲菜式想食要預訂，所以先來講下呢到要訂嘅菜式～見到個樣好霎色，大家都嘩咗出聲～不過上面果篤金碧輝煌係裝飾，唔係食物，擺上檯影咗幾張相就拎走咗囉～估計都係循環再用嘅裝飾，anyway ，都幾搶鏡。周邊擺咗些少生果，面層有糖漿，食落去有冰糖葫蘆嘅feel，可以留待做飯後甜點。冰下面先係主角——咕嚕肉，都係凍食，酸酸甜甜，呢道菜式好有諗頭。印象中最特別嘅應該係呢個啤梨形，但食落係蝦蟹肉嘅菜式，很有心思嘅做法，外表同口味同樣出色。皮脆肉香，茶味不太濃。咖喱汁分開上，我冇點到咖喱，啲調味都已經幾好，口感軟韌有致。唔多覺有咩茶味，味道偏淡。糯米飯吸收晒啲鮮蝦味，一粒粒好軟熟。因為係大夥人食飯，不適宜相機食先，好多菜式未能盡錄。可以算係好有創新嘅中式菜館，迎合咗現代人嘅美感同對口感的追求，值得推薦。

如果唔係有人生日有朋友介紹真係唔知道有間咁古老舊式嘅老牌中菜館味道係唔錯嘅 亦都唔算貴當日全場枱枱都係生日飯主要食小炒個冰鎮咕嚕肉都夠外脆內熱一上碟唔夠幾分鐘大家就食晒我地一台10幾個人叫左好多餸令我最深刻印象嘅其中有蓮藕餅同一般出面食到既蓮藕餅好唔同佢砌出嚟喺好似燒烤爐嘅磚頭咁非常酥脆 值得推介杏汁豬肺湯真係唔錯同埋黃金炸啤梨其實好似係去飲嗰啲炸蟹鉗不過最搞笑嘅就係知道佢地出名準時收工果然 準時叫我地埋單仲預埋我地切蛋糕時間收碟收酒杯準時收工真搞笑

想試李公館好耐，終於都有機會！因為book左位，所以唔使等，但我相信如果唔book位就大鑊，因為好快就坐無虛席，好多都一家大細黎，好適合家庭聚會！黎到當然要試佢最出名既冰鎮咕嚕肉啦！因為我地人少，所以只可以叫個簡單版，不過已經好大份，冰下面既咕嚕肉經特別處理，口感零舍不同！又有Ｄ雜果食下，呢個真係必食推介！然後我地又叫左個椒鹽豆腐粒，外脆內軟，不過食得多有Ｄ熱氣！然後再黎多個金沙南瓜蝦球，好邪惡呀！！！最後叫個西蘭花炒聖子，Ｄ聖子好新鮮，又無沙，正！

中午時份， 食點心的時間，這間是以健康為主題， 所為健康的食品，味道便是不偏油不偏咸不偏濃，而不太有添加的調味吧。 叫來了的有幾款;碧綠活剝蝦餃皇，蝦肉彈牙鮮味的， 餃內含有些少湯汁，不大粒可一口吃的。馬拉肉骨茶湯鮮竹卷，骨茶夠香濃， 以浮現出的豬肉鮮竹卷，這個還是夠入味的。軟綿綿鮑螺片棉花雞，雞件滑滑魚肚軟軟， 並襯托著清清的鮑螺片; 一片。黑糖蜂巢蜜糖糕，口感很煙韌， 味道像如拖肥糖的。芥苿串燒乾蒸牛肉，不太好看的一串， 微燒帶乾，沒帶來特別的味道， 芥醬份量如倒瀉般的那麼多。椒鹽墨魚嘴，襯著炸蒜粒一齊食還是一種有味的嘴。健康秋葵，就是這麼直接的一味菜， 無油淡鹽水泡熟了的秋葵們， 食後口淡淡，另說得感覺上是; 健康的。

離開舊公司成6年，但同之前拍擋同事仍有聯繫，每半年也會出來聚一聚。 之前通常也是在觀塘區食，因為近D佢地公司，方便就算突然要加班也可趕得切來到食。 今次舊同事推介李公館，佢哋好想試它的冰鎮咕嚕肉。杏汁豬肺湯杏汁夠香濃，㷛湯渣也十分好味。豆腐用熱煲上仍十分嫩滑糯米飯粒粒分明，蝦夠新鮮，糯米吸收了蝦汁精華，浄食糯米飯也鮮味。一大盤冰丶菠蘿及蜜桃放上枱，嚇了一跳，原來冰蓋著仍香脆及熱咕嚕肉。 質感及賣相也幾特別，不過建議要盡快食，因為吃到最後咕嚕肉凍了，豬脂會凍結成膏。這個蓮藕條真的十分好味，半煎炸不油夠乾身，好好味。

今日約左舊同事食lunch,一行3人，揀左呢間位於商厦2樓的李公館。好彩早2日訂左位，中午時間全場爆滿。先睇點心紙，選擇也少。碧綠蝦餃皇:外皮綠色，蝦多彈牙，仲有汁。娥姐粉菓:皮夠薄，饀料有蝦，豬肉，冬菇，芫茜，瑤柱。山葵什菜蝦春卷:炸得好靚，唔會好油，芥苿山律加什菜，再加埋蝦膠同蝦，味道好出色。海苔白飯魚:呢個麻麻地，冇乜味!要自己再加准鹽，味道才啱啱好。椒鹽豆腐:呢個堅好食，大力推介。個皮炸到脆一脆，裡面豆腐又好滑，味道一流。其他仲點左蝦腸，雪菜肉絲湯鴛鴦米，最後飽到連甜品都食唔落。而家出面D點心質素每況愈下，呢間水準已經屬於中上了，而且環境，裝修也不錯，一定會再嚟!

今晚兩公婆再黎撐檯腳，原來老公之前已訂左位，原來仲静静雞話想試新菜式......所以去到我只點頭盤：話梅凍豬手 - 食過幾次但係都要叫，啖啖都有話梅味，皮爽肉諗，食完充滿骨膠原！花彫涼伴火雞腎 - 第一次試，真係每件火雞腎都充滿花彫味，每件大少適中，仲份量十足！主菜：蘿蔔浸花甲 - 鮮甜花甲湯再配上白蘿蔔條吸收鮮甜味，花甲既鮮甜令老公不停飲呢個湯蟹粥 - 我真係無諗過呢啖粥好似去左澳門食緊水蟹粥咁，真係過之而無不及，"鮮味濃" 真係唔誇張！再食埋甜品，椰汁雪耳燉桃膠，紅豆沙湯圓，就係完美句號，放假前席黎撐檯腳放鬆吓，唔錯！P.S. 呢兩個主菜餐牌無架，訂位時可向店員查詢。

第一次來李公館，是次之行主要拜訪點心。首先，中午時段全場滿滿。 雖然點心紙上望落去點心選擇不多，但普遍酒樓有得食的點心在這裡也有，但這裡吃的是另一種風味，每個點心精細，看起來感覺到製作的用心和驚喜，就如蝦蛟，平常吃的是白色，這裡吃的卻是碧綠色，味道又豪不遜色。優點實太多，唯可進步的地方是增加更多點心款式數量，這個地方吃點心一流，甜品食左焦糖燉蛋，腦海中只浮現好味，喜歡食點心的怎能未試過呀？Ps: 連茶也色香味俱全

久仰了李公館既大名今次終於等到大伙人一齊去 可以叫多d菜式好玩花款既一間菜館，連茶壺都有型過人！頭盤叫左薰蛋，但食落唔覺特別，日式拉麵店既半熟蛋應該好食d話梅豬手，呢個菜式有驚喜，每一啖都食到話梅味，一咬落去話梅汁慢慢從豬手中流出，好食！脆皮豆腐，冇乜特別，但食落唔夠熱。蓮藕餅，個賣相好出眾，仲有菜俾你包住食！但食落好少蓮藕，一堆粉居多，銷情好唔理想，食剩好多（我地已有15人）黑松露斑塊，冇乜黑松露味，好普通⋯⋯呢個雪梨外表既墨魚滑，食落好爽口，外表有特式，值得一試！籠仔蒸蟹飯，好好好鹹⋯飯又冇蟹香，好差！！仲要唔熱！！蘋果牛柳粒，好重玉桂味，如果你喜歡食玉桂，應該會喜歡，但奈何我唔喜歡食玉桂！🤨🤨所以覺得好難食⋯冰鎮咕嚕肉，好有睇頭！食落真係外面脆冷，入面暖腍！不過最大問題係一路食會一路隨住冰塊融化而出水，質感都唔會再似第一舊咁脆，而且好快會凍晒！必須好好好快地食完！茶薰雞，冇茶味！總結：可以唔洗黎！

友人壽宴. 一早book左檯，留左個特別牌冰鎮咕嚕肉，萬千期待！等齊人期間叫左幾個小食食住先：1）茄子，好味！2）芥茉雲耳海蜇，個汁好香，海蜇又好爽口；3）麻醬雞絲粉皮，少失望，個粉條都仲係條狀，好似未煮熟咁，但雞絲好足料；4）椒鹽豆腐粒。小食部份都唔細，好抵食，都係大約$40-$60 到。主菜叫左籠仔蒸蝦糯米飯（飽），花雕蒸蜆（鮮，無沙放心食！）炒薯仔牛柳粒（推薦！）黑松露班塊（樣貌不吸引但魚好食！），魚湯豆苗（總要食下菜）帶子肉餅（特別唷！），茶香雞（半隻）茶香，但雞唔入茶香味。到最後登場特別版冰鎮咕嚕肉.... 可能太高期望，唔係唔好食，gimmick野囉。因為要做到冰鎮脆口，所以個炸粉同厚粉女一樣，食一舊就濟啦。最後叫左幾個甜品試下，不錯，又抵食。成餐飯整體性above average, 值得推薦。

我喜食辣，平常很少会喜欢食广东菜。尤其是咕噜肉这道菜，我会一直担心太甜，通常不会点。但是先生上次和同事来吃后一直心心念念要再回来，于是12月31日我们选了这里和家人一起吃饭。冰镇咕噜肉真是好特别，我第一次见这么做的。先生说这个是传统做法，现在的大多数餐厅都因为太费时而不做了。强烈推荐！这就是95年电影张国荣袁咏仪的”满汉全席”里面的“水晶咕噜肉”！我也是第一次见到本尊，原来以前吃的都是假的咕噜肉！茶香鸡也是茶叶味十足，脆皮入口，也十分惹味。

近排聽過好多x公館，或者xx館嘅餐廳名，今日終於藉著屋企人生日飯局一試，李公館。餐廳格局比想像中細，需要提前預約，當然亦滿座。今次食飯共有7人，點咗8樣餸，不一一介紹，只挑選其三重點評價最滿意 啫啫班腩煲(不太肯定名字，但味道似)，上菜時煲依然滾緊，香味四溢，魚嘅份量亦不少，有3種不同的菇類夾雜其中，送飯一流。蓮藕餅亦係餐廳高推，個人認為只屬普通，食不出蓮藕的味道，反而油味挺重，伴碟有包菜供食客包住食，但沒有醬料夾住，口感較乾另一重點必食當然係冰鎮咕嚕肉見openrice個個都點，即刻要試！咕嚕肉略為大件，但咬落去外凍內暖，表皮保持脆口。因為埋係冰底，只有表皮有咕嚕醬汁，但味道調校得恰到好處唯一不足係肉質偏肥，脂肪比重較多。總括而言，餐廳適合一家老少，味道方面未必稱上十分出色，似高檔的大排擋。

同大人物食飯，係吳可以相機食先😂好難先影到呢張相，仲要偷偷影，因為呢個冰鎮咕嚕肉實在不能不影😂😂😂一拎出黎果下，煙霧彌漫，燈光閃耀，就係在迷霧之中比我拎個電話出黎啦✌️✌️✌️✌️外形隨左靚，仲要係非常之好食，點好食，咕嚕肉我食過好多地方，但點都未食過一間好食過佢👍👍👍👍👍冰鎮咕嚕肉————-咬落口好似食拔絲既感覺，面頭脆卜卜，外凍脆口裡面熱，食完包你停吳到口，仲配合埋D水果，水果都係好似食拔絲甘，好味到呢，其他食物都吳使講，仲有個🐷肺湯，又係好好飲👍👍👍👍不過吳好唸住就甘叫就立即有得食，係要預訂的，所以食之前一定要訂枱，仲要話定比佢知食呢個冰鎮咕嚕肉😉