李公館

营业中

休息中

這次是家中年夜飯，再次光顧李公館，由於年近歲晚，餐廳說若是20號後訂位，用膳時間會受限制，只好安排早幾天。每次來光顧，大哥必定要預訂他們的冰鎮咕嚕肉，而我們亦預早點炖湯，其他小菜則是大家商議後選擇。這次點了茶香燻雞、籠仔糯米蝦飯、上湯蟲草花浸時蔬、石鍋燒汁野菌頭腩、冰鎮咕嚕肉(特別版)、淮杞螺頭炖湯。首先上場的淮杞螺頭炖湯($268)，湯味濃郁，而亦不油膩，入口時杞子的味道不濃，反而螺肉的味道令整個湯更醒胃，即使連喝兩碗亦不覺飽滯。之後再來是石鍋燒汁野菌頭腩($188)，上檯時燒汁香氣四溢，而頭腩肉多汁無骨，鍋內野菌為大大塊的雞脾菇，兩者都非常索汁，所以食落分外惹味。茶香燻雞($178)，入口有濃濃的燻香味道，雞肉嫩滑，而鋪面的乾葉的物體，帶點焦香，食落脆脆的又為雞肉再增添多一種味道。籠仔糯米蝦飯($298)，以蒸籠盛著糯米蒸熟，飯面鋪滿鮮蝦，再配以蒜蓉及蔥花，每口飯都索滿了蒸蝦時流出蝦汁，已經不需要再加添加其他調味，將飯和蝦一同吃下，蒸蝦的鮮味再加上飯的煙韌，實在是絕配。上湯蟲草花浸娃娃菜($88)，簡單的菜色，但上湯不咸，而蟲草花的分量不少，食落很滿足，而娃娃菜很索湯，食落份外入味

这个地方真心适合公司聚餐，刚好在港岛湾仔和铜锣湾之间。菜品种类多，而且店家准备没人黑白两双筷子，一双自用，一双公筷！感觉很贴心，据说是香港这里的习惯。有些菜感觉多少有些油腻，比如下面这个但是我喜欢炸豆腐！北京没吃过！很好吃！咸味的，金黄外皮，包裹嫩豆腐！推荐！另外，大家一致好评的还有一个浇汁鱼，我随便取的名字，lol，因为公司聚餐，不是我点的，如果想吃就问问店员吧。总之，包间很适合公司来聚餐，私密感很好

第二次到李公館吃飯，今次預訂了杏汁豬肺湯同茶薰雞，一行八人叫埋籠仔蟹蒸飯、茶薰蛋、薑蔥桶蠔、醉雞翼、蓮藕餅等。先上醉雞翼同薰蛋，兩款小食有點失望，醉雞翼酒味非常淡，沒有酒香，薰蛋都沒有特別，好像普通蛋一樣，無乜味！杏汁豬肺湯既杏汁味都很淡，沒有什麼特別，專登訂有點失望。反而籠仔蒸蟹飯跟桶蠔煲能保持水準，桶蠔非常大隻而且都夠鮮味入味，而蟹飯算大隻，蟹肉鮮甜，可以一試。茶薰雞很香口，雞肉嫩滑，不會太老，皮脆可口。

看到食評，本來好期待，叫了好多人推介的冰鎮甜酸骨，夠脆，奇怪在一路食，又熱又凍，點解要冰鎮，因為冰鎮個碟大啲，本來一碟不到百幾元的餸，可以收多百幾，大大碟，只有14件。再來藕餅，原來係炸蓮藕肉條，幾好味，但好油。接著冬菇鵝掌，全煲5隻掌5件冬菇，沒什麼味。吃到這裡，已沒有心機再拍照。還叫要咖哩炸牛腩 (油到食唔到), 鼎湖上素(油到冇命),茶燻雞(又乾又細隻收$348),炸豆腐盒(失望).食物唔理想服務亦沒有，食咗2小時，冇人換碟，冇人加水，冇笑容，但冇黑面，只係個個都冇表情！

情人節又唔想成日鋸扒，於是簡左呢間有名既李公館食飯慶祝，睇相見到好多特色招牌菜，真係好想食晒 ，不過2個人食唔到咁多啊！唯有試住一部份先啦！【黃金脆啤梨】4個好大既金色啤梨形狀，配上一碟芥辣沙律醬點黎食，非常夾！啤梨叮係用金針去整，好似呀！😁 成個啤梨都係用蝦膠去做架，所以好彈牙，好好食！中間釀左蟹籽、啤梨肉粒和芥辣沙律醬，食一個實在太滿足了！不過我地2個人就每人食左2個，所以好飽喔！建議每人食一個夠了，否則食唔落其他餸。😥😥【翡翠鮑汁百靈菇伴柚皮鵝掌】呢碟餸有4樣食物，等我逐一介紹先，首先講(1)鵝掌，入口溶化，好入味，好好食，配埋個獻汁一流呀！👍👍 (2) 百靈菇，嘩……我好似從來未食過咁好食既菇，原來佢叫百靈菇，唔知自己買黎整有冇咁好食呢？點好食呢？大大塊，爽口到不得了，唔講……我仲以為自己食緊鮑魚呀！我覺得佢仲好食過鮑魚呀！我都想搵地方買呢隻百靈菇食呀！不過唔知去邊度買？🤔🤔 (3) 小唐菜，話說我係一個最憎食小唐菜既人，因為唔好食，一般酒家都係炒或白灼，只會係食到淋pat pat既口感，所以我從來都唔鍾意食，但今晚都比面食一條菜啦！嘩……食落去，不得了！😲😲 點解可以整到咁好

屋企長輩生日, 我哋揀了中餐. 唔想去一般酒樓, 屋企人提議李公館. 搭地鐵的話, 地點比較唔方便. 在灣仔和銅鑼灣中間. 餐廳裝潢很古典, 好有味道. 6個人叫了9樣野. 每道菜也佷精緻. 味道比較清淡. 份量正常. 尤其喜愛個蟹粉蛋白盞. 個脆米餅好鬆化, 配上蛋白蟹粉係一絕. 可惜個蟹粉入面D薑味太重, 蓋過蟹粉味. 咕嚕肉一上抬超吸晴. 大盤上有sugar crystal 做裝飾, 下面有一大堆冰同一堆冰糖士多啤梨and 吉仔, 冰下有12粒大件冰糖咕嚕肉. 真係好脆好甜好好味. 呢個$248 係值嘅. 最後叫了壽🍑, 入面係紫薯. 特別又唔會太甜, 值得推介. 其他菜式就比較一般, 不過就外型搭夠.埋單$250一位. 唔算好抵食. 不過如果係要有睇頭, 坐得舒服嘅中餐, 佢係一個good choice. 我屋企個壽星公係十分満意的.

公司同事聚餐，一行六人到李公館晚膳。茶薰蛋，只食出一陣（火羅）味唔知本身係咁既味定整壞左？每圍必點的冰鎮咕嚕肉，咕嚕肉皮脆但肉心仲熱/暖，口感特別！要襯熱食！黃金豆腐，好滑不過略嫌不夠椒鹽味芋頭磚，一件就夠！因為撈埋肥豬肉整會食到好滯！記住包埋生菜食厚燒茄子蒜蓉蒸蝦糯米飯，好大碟！蝦亦如圖見到好多隻！不過偏咸炸子雞，不過不失啦！總括而言，所有食物份量都偏大份，所以如果得兩三個人去就食唔到好多款食物啦！

冬至到此一聚，吃了個冬至晚飯。點了幾乎每圍都有點的冰鎮咕嚕肉，的確又睇得又食得。咕嚕肉外層有一層薄薄嘅糖漿裹住，加強口感，又有好多水果，令味道清新濃郁混合，唔會食到一半就膩。

找一個可以慢慢傾吓飲吓茶嘅地方，呢度確然不錯最深刻係個荔枝茶茶香中帶著香濃荔枝味，冇茶澀味，飲落去好舒服好清新醒神令人回味！先嚟個小排骨，酸味合適，唔太肥膩，醒胃，整體ok!櫻花蝦叉燒腸較少有櫻花蝦作配料，腸粉正常滑身，韌度口感不錯，叉燒比例同肥瘦度也不錯椒鹽魚片頭不過不失，囗感彈、有魚皮味，椒鹽味唔太重，可以多些椒鹽，整體還可以。沙嗲醬煎雞窩包，賣相別緻，包外皮軟、餡料比例ok味道也不錯，唔肥膩！咬一啖包再倒少少沙嗲醬入雞肉餡更惹味，沙嗲醬香、味唔算好濃郁，整個配搭可以薑汁炒芥蘭，時令菜，新鮮嫰口薑味夠，味好出菜炒得剛好，口感爽，好味！蜆芥鯪魚球，炸得香口，外脆內彈牙，有魚肉味蜆芥唔錯，夠味！今日整個午餐環境同服務ok, 食物貨素整體唔錯，難忘茘枝茶香！

點心不錯👍，尤其是春卷及脆脆野菌腸粉，看得出點心師傅花了心思👍，可惜前綫服務極差👎👎👎👎👎👎，較資深的那位經理也像愛理不理的態度，不接受意見，更不回應客人投訴。另一較年輕的男侍應態度極惡劣，嘴藐藐一副樣，像處身茶餐廳的服務😡😡😡😡😡😡，替這兒老闆及點心師傅不值，茶客越來越小總有原因，希望他們有所改善！

我曾經在此飲茶覺得好吃，但1月2號去時，冇幾張台，人流不多，再點點心，真的唔好吃，粉果是帶某種味的，炒牛河唔夠🔥候。我仲請人吃飯添，有點失禮。係唔係半年内換了老闆？環境可以，但味道實在有待改進，同美心皇宮差好遠。連我個朋友都說怎麼招牌菜都唔好味。建議老闆反省下。不過服務還算可以，BB櫈有齊Happy New Year🎉🎊Cheers to 2017🍷Wishing you a blessed new year！

難得朋友一起聚，早早訂了桌！12人來品嚐，怕來到沒有菜吃，特意訂桌時留了幾道菜。真是超級好吃！尤其是冰鎮咕嚕肉 讓我想一吃再吃 多多都吃得下這次我們叫了2倍的份量 好有「霸氣」-- 這道糯米飯也是很特別！好香好好吃--這個就還可以 不是太驚喜 「茶燻雞 」偏鹹了點 不過雞本身很滑 適合重口味的朋友這道菜真特別 人生第一次嘗試這樣口感又有蛋白 又有脆脆還有蟹黃總結來說 還是「咕嚕肉」最好吃！！再回頭也是因為想念冰鎮咕嚕肉有機會再來

有個朋友生日，作為搞手的我一籌莫展，頭痛之際找到這間李公館。沒．想．到！它的生日package竟為壽星仔惹來不少艷羨目光。李公館地方不算大，不過甚為雅致，中間更有一幅「壽」字雕刻。夾住壽星仔响「壽」字前影相。正！後來才知道，原來李公館是東海創辦人鍾錦遺孀李欣桐所創辦，走精品粵菜路線，後怪水準如此之高！(以下全部為10人份，價為菜單價，因我唔識計番)講明慶祝生日，首先講講生日package…1.     紫薯壽包(可預訂, 製作需時)作為搞手，豈可不早作準備？於是兩日前便訂檯，順道訂埋壽包。不再是蓮蓉和豆沙這種老土餡，而是最近大熱的紫薯餡，在座女士撕包一刻，喜形於色，面露歡顏。不過蒸製時間相當久，建議最後一道菜未食之前就要叫起。紫薯餡不算甜，相當香濃，很少有壽包吃得這般享受。2.     冰鎮咕嚕肉(限定版)($248)作為搞手，豈可不早作準備？於是順道訂埋李公館有名的冰鎮咕嚕肉。它有分普通版和限定版，限定版貴$60，卻是霸氣得多。店員知道我們要慶生，主動提議我們「升級」。上檯一刻，全場嘩然，壽星仔頓覺面上有光! 有一個巨型浮雕在上面，嚐了一下，原來是糖漿所製。咕嚕肉彈性不錯，口感相當好

同事team lunch通常會揀呢間，環境舒適又唔貴，lunch每人都係130左右燻蛋係限量發售，所以lunch time好快會sold out,幾好食做開胃菜唔錯另外點左椒鹽豆腐好好食，豆腐好滑又唔會太咸黑芝麻包味道一般但勝左夠特別，牛柏葉係冬蔭公湯底好特別而且幾好食另外有黑松露蛋白炒飯好香但味道略淡，個人會加少少辣醬惹味d

一行七人食晚飯，叫左好多野食：話梅凍豬手(老人家勁喜歡，叫左兩客)﹑茶香燻蛋(有啲似溫泉蛋咁，好味)﹑一口豆腐(正常)﹑冰鎮咕嚕肉(雖然冰鎮好似好勁，但味道唔算特別出色)﹑炸蠔(有幾隻超級大隻，唔太好蠔嘅我都覺得味道不錯)﹑籠仔蒸蝦飯(蒸到啲飯香噴噴，正)﹑蟹粉蛋白金苗盞(將蟹粉同蛋白放喺炒米餅上面，味道唔錯)﹑脆皮炸子雞(味道正常)總括來說啲野食真係幾好味，是日晚餐每人大概HKD220，食到好飽好飽~ 李公館，值得一試！