李公館

营业中

休息中

今晚再到李公館家聚晚飯，一行十一人安排入房坐。先點了幾款前菜醒醒胃，芥香木耳伴海蜇、椒鹽豆腐、黃金泡菜、厚切茄子個人覺得黃金泡菜味道太酸，質地太濕。除過酸外，其實味道不錯，如果可以乾身一點、酸度減一點會更好每次必食最愛：招牌咕嚕肉【特別版】＊每日賣五至六份，要預訂最愛次點：九層塔胡椒蝦，夠鑊氣，連料頭都掃清切厚茄子爽脆，記得要沾上醬汁藕餅香口但入口比較油，包生菜一同食可減油膩感李公館的豆腐菜式豆味香濃，每次都會點一款豆腐菜式野菌金磚豆腐和椒鹽豆腐都一樣“讚“。本人唔鍾意太杰身既芡汁，如果芡汁再薄一點會更“讚“。冬瓜盅。。。屬清口味之選，雖說是清口味，但材料十足，絕不欺場

公司有Funding吃飯，同事建議來李公館，所以一行10人來試試。一星期前訂位，一天前預訂了炸墨魚丸，茶燻雞，螺頭湯及冰鎮咕嚕肉。環境不錯，因為被安排坐在房間，所以還算“鬆動”，如坐大廳，會比較迫。整體而言，每人HK$250左右，呢個價錢，在灣仔區食中菜，算是抵食了，味道雖然沒有驚喜，但想想去鴻星食飯，起碼都要HK$300per head ，呢個價錢，算是OK了。 所以如果大夥人，可以來試試。今次還有渣打信用卡優惠，有9折。整體而言，都覺得ok, 略嫌有D菜式不夠熱，這次來沒有預訂燻蛋，如果想試的朋友，記得預訂喇。

老公生日最喜歡食中菜,本身唔太鐘意食中菜既我,除非整得好味,如果唔係就唔會有下一次,去食晚飯我最唔鐘意限時,即想坐多一陣都唔得,所以揾到李公館,見食評唔差,book枱時又冇話限我時,所以決定要來試一次,2個人見中菜,叫既款式唔可以太多,於是點了3道菜1)冰鎮咕嚕肉(普通版)2)層層疊煎藕餅,3)冬蔭公焗蟹蓋1)冰鎮咕嚕肉(普通版)我選擇了普通版,如果選擇限定版分別係多咗少少生果,生果會有D糖包住,我同老公都不愛食太甜,所以點了普通版,食落感覺外冷內熱,香脆可口,肉既質地滑,感覺很特別2)層層疊煎藕餅食到蓮藕+豬肉+蝦既味道,油咗少少,都幾鬆化,老公話似炸燒賣,感覺都爽口,味道可以,但因為較油和太多肉,2個人食咗會感覺油膩咗少少3)冬蔭公焗蟹蓋味道不算突出,因冬蔭公味太重,反而食落蓋咗主角蟹蓋感覺

第一次係現場寫食評難得放假，可以同屋企人飲茶，呢間餐廳朋友強烈推介飲茶同晚飯。好，先試下飲茶。11點半去倒，現場已坐滿8成枱。雖然人多，但唔會好似茶樓咁嘈，隔音做得好，抵讚！！！裝修幾特別同坐得舒服。入正題有個著便服既人介紹左荔枝茶比我地，一試便愛上。之後佢仲介紹多款點心同粉麵，1.黑芝麻流沙包外型同茶樓d飽一樣，但係好食又特別2. 醬皇蒸鳳爪哩款係每次飲茶必食，味道比較重，ok3.雪影叉燒飽外型特別，味道超正，家中兩老超讚，即時將流沙包比下去一定要試！！！由於時間關係，要截稿了總結：值得一試，仲有個便服服務生，超好service，一定會再黎。

慶祝同事升職，因為主角早已聽聞此處的好評，所以揀咗去李公館慶祝! 一行四人準時抵達。 冰鎮咕嚕肉，效果如何，單看食友在open rice的like+++已略知一二。師傅巧妙地把菜色帶出冷和熱的層次感，味道和色彩也繽紛討好，相信此菜式比起陳豪的出鏡率還要高 ，亦都是師傅每晚的指定動作吧。花彫蛋白蒸蟹，個人而言，欣賞師傅處理蛋白的功夫，蛋白比雞蛋更難控制火候，蛋白流着蟹和花彫的香味，做得綿軟兼有蛋香，好味道！灌湯脆皮墨魚丸，被菜名所吸引。新鮮墨魚膠內灌有白肺湯，熱騰騰的感覺，墨丸炸得香而不膩口，讚!腰果牛柳粒，吃起來爽而腍有肉味，要讚師傅的手勢，牛柳並沒有被醬汁蓋過而變得糊口，很喜歡吃得到還是乾爽的風味。濃湯杞子浸娃娃菜，面層的杞子香味四溢，由於加入了濃湯，所以熱度方面也能兼顧，適合細味，值得支持。在此要多謝主人家這頓豐盛的晚餐和介紹了一個擁有舒適環境及佳餚的好去處給我們。

曾答應朋友有時間要去李公館試吓佢地嘅特色菜!終於等齊飯友，一行九人準備開懷大嚼一口氣柯打了八餸一湯，都幾震撼我們點了冰鎮咕嚕肉(特別版) ，海底椰燉豬湯，香椒蟹跟伊麵，黃金脆啤梨，疊疊煎藕餅，芥茉安格斯牛柳粒，黃金麥皮軟殼蟹，翡翠黑松露醬燒斑球，濃湯海藻浸鮮腐竹。燉湯夠熱，清甜美味，要柯打2盅才能滿足飯友中的’湯怪’ 冰鎮咕嚕肉(特別版) ，佢一上塲，閃燈不停。坦白說，淨係買相已經滿分，師傅真係用心機去做! 食落去感覺好特別，凍和熱的交替，但不失肉本身的鮮味，再加上冰鎮的士多啤梨和柑桔，果然品質保證，師傅應記一功。香椒蟹跟伊麵，朋友們讚不絕口，蟹是新鮮的，肉質甜美，配上香椒烹調，每條伊麵掛上濃濃的醬汁，好味!黃金脆啤梨，買相特別，絕對能夠滿足到口腹之慾。疊疊煎藕餅，擺設別緻，蓮藕和豬肉的比例恰到好處，吃得出是心機菜。芥茉安格斯牛柳粒，牛柳粒切得適中，一口一粒，我只可以說真的吃到停不了口! 推介。黃金麥皮軟殼蟹，特式菜，軟殼蟹炸得鬆脆，佐酒菜之選擇。翡翠黑松露醬燒斑球，黑松露醬汁能帶出斑球的鮮味，味道層次鮮明，下次一定再Encore!濃湯海藻浸鮮腐竹，配襯得宜，清甜可口。大家都滿足於

父親節的午餐~由於在酒店食左早餐 buffet，肚子飽飽的，想不到這裡的菜餚令我食髓知味！唔好講咁多，去相～籠仔龍躉頭腩蒸飯，頭先都話大家食了早餐 Buffet, 但仍食哂個飯，堅好食~!至於服務，我從來不喜歡用「服務」這個措辭，我覺得香港的餐飲業所賺都付到租金去，我俾的所謂錢，根本唔夠買埋人家的「服務」，我從不要求食市殷勤招呼但店員很親切，很友善，很讚～！

同朋友聚會，聽聞其冰鎭古老肉好得，又來試菜。沒有訂，喝不了燉湯，而古老肉也缺驚喜，但整體味道對路，無味精，甜品就可以不叫（中下水平），茶也不好（其實除了陸羽、信興，以前的蓮香樓也好，但太耐無去）。真的好茶難求。）但八菜（ok好味）七甜品，坐得舒服，位位250，what else do you want, sir?

公館，指古时公家所建造的館舍，也指大官或富戶的住所，未知老闆是否姓李，所以將店名為「李公館」? 該店位於銅鑼灣及灣仔中間，頂著三十度的高溫，走路過來有點熱。甫出𨋢，便見一面花崗岩石牆，很有古時宅邸四合院的味道。我們被安排坐在偏廳的二人桌，因為太過自成一角，所以點菜有點不方便。偏廳的門打造成㘣拱形，遠看有幾分古錢幣的模樣。綠色的LED燈效配上雲石紋，又型造了碧玉的效果。店內的傢俱很有懷舊氣色，其中已褪色的大紅漆櫃，上面的每道裂痕背後都彷彿有着自己的故事。店內提供的鐵観音有種類似桂花的香氣，喝後生津解渇，齒頰留香。這樣好喝的茶，茶錢不過$12/位，感覺很抵。店方所用的茶壼也很有特色，鋼製的壺咀特別長，令人想起中國老北京某些茶館以幾呎展的壺咀表演拉茶雜技。雪影叉燒包的賣相挺誘人，就像一顆巨大的旺仔小饅頭，渾身雪白，頂部卻有微微烤過的痕跡。叉燒包的皮超薄，根本拿不上手，那種軟軟的手感還真像糯米皮，目測可能只有2~3mm厚。頂部的雪皮同樣脆弱，好像雪花一樣，一碰即碎。最喜歡還是當中的叉燒餡，質地很濃稠，叉燒味也相當濃郁。碧綠活剥蝦餃皇的外皮，有別於一般的晶瑩剔透，而已綠色的，能清楚看見菜葉碎和露

其實於2013年10月我第一次去李公館飲茶時已經對佢既食物水準一試難忘，其食物精緻，腸粉皮薄餡靚。我在我的個人blog入面形容為「灣仔的高級巧手點心」。見復活節空檔便打算帶媽媽前來再試一次。上到去，不用等位，但已經比上年我來的時候人數多了~ (上次我星期六的下午2:00來到，只坐了3、4檯客人)。我們看了點心紙，點了4款點心+1款甜品。這次我們點了菊花茶試試，侍應附上了茶，看到了這個熟悉的茶壺....這個有點像拉茶的長咀茶壺沒變，但筷子座就變了~ 以前筷子座是一對木製鴛鴦，小巧精緻，現在的只是一對平平無奇的黑色膠座，變得冷冷的... 但菊花茶的菊花味甚濃，茶味清香，是不錯的。之後點心來了....這個招牌娥姐粉果以前個皮薄到睇到哂入面的餡，超好味!(上圖) 現在個皮好厚，又油膩左.... 很是失望....(下圖)再來個蠔皇叉燒包，味道太咸，可以不用這樣濃味。之後是黑松露金菇什菌春卷，黑松露好香，未食已經陣陣香味瓢埋黎。炸的關係，比較熱氣，而且好滯，食完成日仲ger返黑松露既味出黎.... 不過個侍應服務真係欠奉，佢就咁將2個籠疊住就算，唔係收走佢既~ 響呢個咁既價錢下，我唔期望個服務係咁

又到另一集灣仔美食之旅。如果想訂星期五，星期三打來已全滿，那天只好另找一間。今天，星期六，閒來無事在灣仔逛逛，決定上去碰碰運氣。當然約六時十分，接待處告之，七時半前要離座，因為有客人訂了枱。我們食飯後還有節目，時間配合得非常好。接待處職員隨後還附上卡片，表明可訂座慢慢品嚐。過了七時不久，她又前來告之，原本的客人剛致電說推遲，我們可食至七時四十五分。服務和禮貌極佳，值得一讚。室內環境別緻，茶壺可見選用具時的心思。熱情果汁脆斑塊剛剛炸出來，很香脆，熱情果汁又濃郁，更用上比較幼細的麵包糠，入口沒有很糊的感覺。好好味，朋友食到不停口。九層塔石鍋胡椒雞很香的九層塔，爆過的洋葱又很鮮點，雞又幾入味。鴨舌在四款食物中，這客算最平庸。我會建議加少少酒來提升惹味程度。提子骨其實提子味也很重，不過卻讓熱情果汁比下去，豬肉算鬆軟。

因我哋公司同vendor關係都幾好，所以成日都有呢d免費飯食。今日又唔例外燻蛋入口蛋黃流質好滑又好食蒜片牛柳粒牛肉味唔太濃，可能俾蒜片味cover 咗。但牛肉嘅肉質煮得啱啱好煱仔菜炒豬頸肉上枱時聽到個聲加埋個香味，好引人;而味道啱啱好唔太咸。乾炒牛河有少少大排檔嘅風味，夠鍋氣手拍黃瓜黃瓜好新鮮同爽甜入晒味，下次嚟一定要再叫椒鹽豆腐外脆內滑，加少少椒鹽已經好好味。可以再食

公司同事一起lunch,訂位，去到即有，不過要搵呢憧大廈就要留意街號1.啫啫肉片芥蘭石頭窩-芥蘭好嫩，肉片好入味，成個菜好野味，值得一試2.牛肉粒-好淋好入味，肉味濃3.薰蛋，賣相100分，冇味，不會再試4.豆腐粒-外皮脆，香味，豆腐味就冇，內夠滑埋單8人，每位$142，有點貴

自從開始寫作後，身邊既朋友明顯分為保守黨跟積極黨！保守派黨員唔敢向我推薦餐廳亦唔敢講野食好味，生怕乎合唔到我條脷既標準！相反今日試既呢間《李公館》就係一位積極派黨員既推介！淨係聽到招牌「冰鎮咕嚕肉」已經令人垂涎欲滴！「冰鎮咕嚕肉」有分限定版及普通版，限定版（多左d生果冰糖胡蘆同座糖山）一定要預訂，仲可以要求加生日牌！呢碟藝術品一出絕對成為全場焦點！個人認為可以學糖朝咁用乾冰，煙霧彌漫咁上枱就更有詩情畫意！味道同樣讚好！裹著生果既冰糖厚度剛好，⋯⋯脆而不硬，最愛個士多啤梨又甜又多汁（年宵檔口果d完全冇得比）冰糖柑桔同樣新奇好味！麥樂雞外形既咕嚕肉瘦但唔un，不過送唔到飯吃而座糖山最後成為我既飯後甜品！（其實我"極＂想食晒座山lor）除此之外仲要讚好「薑汁炸鮮奶」，喜歡有少少薑汁比平時食到既冇咁乏味！要趁熱食呀，放久了鮮奶會凝固！「鐵板黑松露燴雜菌」有wok氣夠野味不過一致認為過油，可以送飯吃。「茶燻雞」感覺像炸子雞面舖了一堆炸茶葉，皮是脆但味道比平時既炸子雞味多左一陣新奇既味道蓋過本身既雞味，但又唔係fresh 既茶香，不過友人們略嫌較咸，可以一試「茶燻蛋」唔得，成功既糖心蛋但冇咩茶味，

坐位舒適寧靜,食物份量充足,夠3-4人享用.食品選擇及其賣相精緻美觀.有別於一般洒樓嘅感覺,環境適合朋友聚會傾談,星期一的晚上用餐,沒有繁忙等位的感覺也沒有冷清冇人的現象,墨魚丸很香口,冬陰公蟹蓋味道剛好,斑頭腩新鮮冇骨,豬仔骨淡味一點,芋泥包仔好好味,若甜品份量加大少許就更滿足.