李公館

营业中

休息中

父親節老公再次挑選李公館與他父親慶祝！首先有涼菜，芥末木耳伴海蜇 (唔太記得個名) 呢碟涼菜幾過隱！杏汁豬肺湯我本身唔鍾愛杏汁味同內臟，所以我無飲過，但我就聞到濃濃既杏汁味，如果喜歡杏汁既人應該好鍾意，我見其他人飲完又要添，再食埋湯渣！古法炆腩翅內有冬菇，火腩，菜，魚頭，魚鮫等，呢個餸較重口味，但魚炆完仲好滑！鮮茄濃湯浸時蔬故明思意記係用濃濃蕃茄湯浸時菜，當日廚師用左津白，超入味，正！冬陰公煮花甲呢個勁喇，個冬陰公仲好味過九龍城某泰菜館，仲有人當湯飲添，加上花甲都好鮮甜及足料唔會好似出面果d咁夾三次先得一粒肉。薯仔蒜片牛柳粒開正我至愛既薯仔，呢度薯仔外面甜甜脆脆，外面有少少似麥芽糖咁，牛粒唔un有牛味，無比甜味蓋過！冰鎮咕嚕肉 (特別版)呢味真係鎮店之寶，帶親朋友黎試都會指定食呢味，有得睇有得食。全部生果，咕嚕肉外面都有層糖然後放落d冰入面，當一口咬落去就感受到外脆內暖，原來仲加左個架隔住怕d冰融左會整淋d肉，真係好細心喔！脆皮牛腩配咖喱汁真係從未試過，牛腩外有一層用漿粉做既皮，咬落去外脆肉淋，牛腩完全黏牙，為左唔嘥咖喱汁，屋企人更要另叫白飯將佢掃清！花彫蛋白蒸蝦球 (雪影藏龍)蛋白蒸

呢間「李公館」，我已經光顧過很多次，但我每次都滿足而回。佢地其實都幾有 heart, 我同太太、家人、朋友，每次來到也有驚喜，因為佢地會 keep 住都會創新點心、新菜式！而且佢地嘅服務態度，亦都非常友善，唔使勞氣，環境也舒適！尋日，係星期日，我又專程同太太特登過海嚟呢道食點心。首先講吓呢度嘅茶，比起出面酒樓有更多選擇。我哋每次嚟都會飲「荔枝茶」，因為非常香，跟本係嘆緊花茶。而琴日就決定轉一轉，我地揀咗「桂花香片茶」，一樣好香，慢慢嘆！一流！

跟男友一家補吃父親節飯。早前有數次節日都想到李公館吃，可惜都full booking了。今次早了數星期訂枱，終於吃得到。杏汁豬肺湯，杏味香濃，豬肺煲得很林，入口即溶的感覺，湯也很足料，完全不是味精湯。紅酒洋蔥焗生蠔煲，這個比較遜色。雖然蠔有香濃紅酒味，但就是沒有什麼驚喜。荷葉蟲草花蒸斑球，清香。籠仔糯米蟹飯，推薦！糯米口感恰到好處，蟹香都滲到飯裡，多吃也不會飽濟。招牌冰鎮咕嚕肉，真的是外脆內軟，在外邊很難會吃到這口感。茶香燻雞，一般，茶香味不太濃。花調蒸花甲，花調味非常香濃，清香。但吃到最後發現也有頗多花甲死了沒有開殼。咖哩牛腩，驚喜之作！牛腩先炸了，沾上咖哩惹味非常！而且牛腩是入口即溶，必食推介。後記：不知是否天氣熱及人多的關係，餐廳的冷氣開得異常地大，結果上菜不消5分鐘，菜都涼了，令味道大打折扣。

再次光顧李公館，只因上一次的好評，延續了老友們的敘會。碰巧主理人又有新出品上場，一定要試吓 看見餐牌上的新餸菜，目不暇及，在難於選擇底下，將重任交了老友們決定。首選了兩款小食作為前菜 - 茶燻蛋和蕃茄仔。茶燻蛋烟燻味不太濃烈，味道啱啱好。   至於蕃茄仔，可能我未試過這種食法，而且每粒蕃茄仔都己經去了皮，單是這份細心巳經攞滿分了。味道特別，非常醒胃 冰鎮清酒鮑魚 - 再次encore 的菜式。鮑魚本身比較厚肉，欣賞師傅的功夫令清酒完全滲到鮑魚裡面，讚 籠仔荷葉花彫蒸花甲 - 花甲肥大肉厚(時令)，整個籠仔舖滿花甲，滿足了買相之餘，花彫味可望再濃一點，那就錦上添花了。窩巴柑桔脆豚肉 - 香脆窩巴配上爽脆的豚肉，柑桔汁的甜酸滲透入窩巴內，因為餸整體比較厚身，女士們若要兼顧儀態的話，分開吃也未常不可，因為單是柑桔汁配窩巴，已經 石鍋腐乳蝦 - 蝦先(走)了油，配以紅洋葱，用腐乳吊起蝦的鮮味，以石鍋熱騰騰的端上，朋友邊吃邊忙着舖上FB，還要再三記低名字，話下次一定"再來一個" 翡翠鮑汁百靈菇扒柚皮 - 全晚的戲肉。本人非常愛吃柚皮，由於處理方法頗繁複，老一輩的做法，柚皮清埋後還要浸水

已經是數次來李公館吃晚餐，第一次家人介紹必吃升級版冰鎮咕嚕肉，炸咖哩牛腩，青芥末墨魚，蟹粉蛋白金苗盞等等，都不是一般酒樓的菜式！很好吃又特別，味道都恰到好處，最好是吃完碟上不會見到嚇人的一片油！也沒有厚重的芡汁。跟著與家人朋友來過好幾次！冰鎮鮑魚、冬蔭公墨魚丸、紅燒野菌金磚豆腐、薰蛋、籠仔蒸蟹飯(這個真想天天吃)，這些菜式都輕易取悅人！最恐怖是吃極也不厭！但他們常推出新菜式，舊菜想吃，新菜又想試！真希望我有一個大大的胃！一行4人，今晚我們就抱著試新菜式的心情來，要點新菜式！前菜小番茄、蒜香拍青瓜、最驚人的是蝦之戀，一上枱，外表嚇我們一跳，會是怎樣的味道？脆筒載了滿滿的沙律，青芥的味剛剛好，大蝦的鮮與脆筒的味道竟然十分和稭協調！估唔到！胃口已大開！主菜㸃了鮑汁柚皮、青咖喱軟殻蟹農夫包、蜜味黑椒牛仔粒、籠仔蒸梅菜菜芯。本人平日不愛柚皮，食過多次，不是太濃味就是太油！所以首先要試就是這個，一口吃下，嘩！香味濃而不膩！質地是少許粉而軟，之前對柚皮的負面評價已一掃而空！配菜百靈菇也吸收了滿滿的汁香，吃一件實在不夠！令人感到滿足的味道在口腔內久久不散。跟著看見像拔絲了的小薯角及牛柳粒在旁，已經迫不

大半年無黎，又有新野試啦。今次因為人唔多，所以都係試新野為主。估唔到玩埋D功夫野，柚皮要整得夠味真係唔易。入口唔止夠淋，仲夠入味，聽聞用好多料“炆“左好耐。配埋個菰，一邊入口即溶，一邊夠彈耳，正！另一個花雕荷葉花甲，聞起好香荷葉味，入口則出花雕香，而且隻隻夠大隻夠厚肉，唔錯。另一個藕餅就差唔多次次都食，夾埋生菜唔會太膩。另外仲食左個黑松露肉餅，同蕃茄娃娃菜。前者無得彈，後者就平常D。不過掛住食，無影相。XD除左主菜，佢地甜品都好正。無論新派、傳統都值我一試。

喺同事嘅介紹之下搵到呢間位置方便，座位寛闊，又適合大班人聚會嘅清靜地方。坐落喺集成中心對面，一幢商廈嘅二樓，好易搵。步入餐廳即時感覺一種古雅秀氣，裝修以翠玉為主題，地板門框都透出微微綠光，賞心悅目。設有兩間貴賓房及兩張獨立圓枱，夠唒私隱；普通枱同樣闊落，用上絲絨梳化，夠哂舒服。打開餐牌琳琅滿目，心大心細，全部都係新派菜式。我地緊係聽同事講訂位時，訂定招牌菜冰鎮咕嚕肉，果然名不虛傳，外脆內軟，脆皮帶傳統拔絲效果，肉嫩無骨，冷暖交雜，令人回味。隔離枱叫左升級版咕嚕肉，分別在於多左脆糖裝飾同増量水果，影相效果一流。另一代表作與別不同灌湯脆皮墨魚丸，亦相當出色，香脆外皮配彈牙墨魚肉，丸中間灌以鮮味湯汁，juicy茶香燻雞值得一讚，茶香四逸，外皮燻得脆脆嘅，成隻雞都冇乜肥肉，雞肉出奇咁嫩，正正層層疊係食得架，疊疊煎藕餅甚具鄉村風味，鮮味豬肉碎加爽口蓮藕粒煎得脆卜卜，不錯。甜品係脆皮薑汁炸鮮奶，外皮薄薄又脆卜卜，軟滑牛奶薑味濃郁，為豐富盛宴作完美句號。十人慶生飯，十一道菜，每人都唔駛百七，實在物超所值。最緊要就係一班人齊齊整整談天說地，有美食又有舒適環境，一樂也

經友人介紹下，認識了這個樓上食店。舖面面積一般，不是很大的那種。但裝修都很有中國特色！而且因為面積不是很大，所以不會像大酒樓一樣咁嘈吵，可以同朋友傾到計，講到嘢！最欣賞就是他們的冰鎮咕嚕肉，這道菜不是很多地方有得吃。而且唔好以為要盡快食，那裏的職員告訴我們啲肉係越“鎮“越爽的！果然係真的！皮脆肉爽！！另外，其實還有燒茄子，也是必試之選！此外，他們也會不定時更換餐牌菜式，有些菜是季節限定和要預先訂的，所以最好先致電去查詢想吃的是否要預定。此外，他們還有一個很貼心嘅服務，就係如果你們打算要一圍枱宴客款待朋友，但又不想叫set,你可以預早給他們一個budget,然後他們就可幫你設計一個獨一無二嘅set,靈活性高之餘又唔洗被迫食一些不喜歡的菜式。這點相信不是很多食店都可以做到的呢。所以，我會繼續去李公館，繼續看看有沒有開心大發現！

兩星期前收到朋友的邀請, 他們一早預定了晚晚爆場的李公館作為開年飯的地方。為免招牌菜售罄，餐廳方面亦早一日聯絡客人是否需要訂菜，非常細心。先由頭盤講起，花彫凍螺–味道極佳，螺肉滲滿花彫酒香，花彫酒連螺肉一齊吃，香味泗溢，值得推介。燉湯用明火長時間來燉煤氣費雖不平宜，但「湯碼」愈滾色昧愈深也愈香，這裡的杏汁豬肺湯是推介之選，清理豬肺功夫多亦耗時，每天有一碗這樣足料夠火候的無味精湯水，比起飲中藥更能保命。冰鎮咕嚕肉–招牌菜，無需多講，必食！籠香花彫蒸花甲–花甲肥大肉厚，肉質鮮甜，好味道。冰鎮清酒鮑魚–鮑魚本身味淡，本以為冰鎮後加上清酒並沒有甚麼味道。豈料師傅功夫了得，吃起來清爽兼有口感，還有一股鮮味，讚！石鍋腐乳蝦–開年總不能沒有笑哈哈吧，叫來讓大家試試。 香辣的味道比例不錯，用腐乳醬配襯蝦的鮮味，但竟想不到配菜的洋葱也非常惹味，以石碢熱騰騰的賣相效果，不消十分鐘，全碢已一掃已清！翡翠黑松露醬燒斑球–黑松露醬帶出斑球的鮮味，朋友亦說不錯。蓮藕層層叠–買相有趣，粉無幾多而入面全是豬肉加上蓮藕，做成條狀，煎得甘香，配以生菜、入口爽脆。食法類似生菜包，味道清新。翠塘海明珠–買相靚，菠菜蓉舖在蛋白

個多月前很艱難才訂到年卅晩的枱，還是第二輪的，怎知晚飯水準跌watt，全無鑊氣，鹽焗鷄- 只有咸味，肉質鞋口；上湯豆苗-水汪汪一盤；冰鎮古老肉-尚可但份量大縮水；自家制豆腐-沒有味道，只有醬汁味; 全晩最最失望是籠仔蒸蚧sticky rice - 只是一只蚧放在飯上面，飯是什麼蚧汁蚧味都沒有，只有油淋淋，吃不下嚥！失望非常，怕怕喇，以後不會去了！

服務質素奇差一行9人到李公館食飯. 用膳時間book左6~8pm由於未齊人, 所以先落左5樣食物, 打算等其他人到左再加單叫左: 青芥茉青瓜墨魚柳, 冰鎮咕嚕肉 (book 枱時預訂的), 脆皮薑汁炸牛奶, 茶燻鷄, 海味粉絲雜菜煲6點半左右落order, 點知等到7點都未上菜. 問侍應幾時上菜, 佢話黎緊.點知跟住有另一個侍應走黎話我地只叫得5樣餸. 仲提我地8點要交枱.即時覺得好有問題: 是落得太少食物, 細單睇唔上眼嗎? 菜都未上就叫我地走?由於同行友人們都覺得侍應態度好有問題, 情願一陣轉場, 都不願再落order.經過多番追單後, 等到7點15分左右, 終於有餸上枱了. 茶燻鷄 - 味道不錯青芥茉青瓜墨魚柳- 青瓜跟墨魚柳的比例是 9:1. 完全不值海味粉絲雜菜煲 - 味道一般冰鎮咕嚕肉- 除左有冰覆蓋住d咕嚕肉有點特色外, 完全唔覺有咩特別最後一味餸- 炸牛奶, 終於都在7點45分上菜了.. 侍應亦不斷在附近望著我們. 感覺好有壓力, 好似想趕我地走咁快快手食完後, 便一肚氣咁離場. 轉場再食!5道餸, 一共HK$11xx. 超唔抵, 仲要咁既服務態度, 唔會再有下次!

對上一次光顧李公館已是很久前的事，還記得晚市小菜有一定水準。今趟舊地重遊，試試午市點心，結果大失所望。金蒜鮮蝦A菜餃：菜餃一夾易散，蝦肉同樣不夠結實完整。醬皇蒸鳳爪：鳳爪入味腍身，調味一般。雪影叉燒包：包身溫熱，外皮帶脆，叉燒量足食味不俗。梅菜皇叉燒腸：腸粉皮滑度OK，叉燒份量少，質差，整體味道偏鹹。山賊黑椒串燒雞軟骨：帶點日式風味，雞軟骨雖算脆口，但偏硬了一點點。薑汁炒芥蘭：賣相稀疏雜亂，薑汁香味弱，反之過鹹。芥蘭硬身不清甜。石鍋九層塔胡椒雞：石鍋熱辣，有助引出菜式香氣。菜式以九層塔定名，不知原因為何？！雞件沾上胡椒雜葱味道，都算是惹味小菜。肉絲炒麵：肉絲質量對辦，炒麵質感生硬，差點噃！如斯質素連一般酒家也比不上，究竟發生何事？希望只是一時失手吧！

因為家人生日，特登訂了這一間中餐館來慶祝，到達的時候人沒有很多，不過全部都以預訂為主，位於灣仔的一棟­商業大廈上面，能夠在不起眼的地方也全場爆滿的話，名氣當然是很高喔。我喜歡喝茶，但不懂喝，不過懂茶的家­人說茶葉很濃很淳，質素也很高喔。先點了藕餅，配著生菜吃，不會太油膩之餘又多了一份清新，很喜歡。另外茶­薰雞的味道很好，吃下去的那一口不知道為什麼真的想起了故鄉大澳耶，很有趣吧！再來的金磚豆腐，又入味又健­康。登登登登，重點當然就是這裡的冰鎮咕嚕肉喔，這是在訂位的時候就要訂製的限量版喔，如果來到才點的話沒有上­面的糖霜啦，吃起來是沒分別，不過拍照的話就差得比較遠！這個端上來的時候，我跟家人都有點嚇倒，造型很可­愛，而且可以在訂製的時候叫他把生日牌插上，老人家沒有很愛吃蛋糕，可是很愛吃這道菜，能夠在他們愛的這道­菜上插上生日牌，家人顯得超開心喔！不但很有心思，而且咕嚕肉咬下去有一點冰冰的又甜甜的，超級好吃，真的­是這裡的皇牌呀！

很"流"的LUNCH (流沙飽的流 )因為知道又出左新點心, 所以今日又再次黎食lunch 了, 今次點左以下幾樣:1) 蟹粉海皇金珠角 呢個我以為佢比錯左咸水角我, 點知咬開至發現原來係蟹粉, 呢個配塔又幾新穎 wor2)黑之麻金粒流沙飽個皮幾特別, d 黑之麻重要係自已磨出黎而唔係開粉, 又幾有 heart wor...而家都很有之後味, 如果再 "黑"多d 我林會更健康同補腎, haha. 入面d 流沙都ok 流, 流多d 會更正 3) 冠泰青咖喱仙竹卷個名幾特別, 比佢吸引左而點...."冠泰" 唔知係咩meaning 呢... 我幾中意呢個仙竹卷既質感, 吸曬D 青咖喱汁, 味道很開胃4) 金蒜鮮蝦 A 菜餃呢個 A 菜好似係油物菜黎, 都幾健康5)粒粒0之姑脆牛肉腸呢個之前食過了, 次次都會點, 因為係鎮店之寶, 主要係個口感夠 Cute, 外有腸粉皮, 裡面有層脆卜卜 

期待以久，可惜非常失望。點了以下餸菜：杏汁豬肺湯 - 淡而無味茶薰雞 - 半點茶薰味都無冰鎮咕嚕肉 (普通版) - 只得個脆，無嚟肉味，沒有咕嚕肉嗰種甜酸味疊疊煎藕餅 - ok la薑汁介蘭 - 有薑汁味 (因為我哋要求勁多薑)價錢唔平，四人成千銀，但食物水準就非常一般.....而最重要死因係，茶水唔熱囉