權八居酒屋 (利園二期)

营业中

休息中

從來冇諗過一間咁既價錢既餐廳， 連最普通既炸豬扒都做得咁差， 係由塊豬扒心咸出黎， 我本身已經好食得咸， 結果一入口， 咬左2啖， 咸到我唔想再食無奈本人海鮮敏感， 換唔到其他野食最後硬住頭皮一口白飯一口豬扒咁食， 最後都係淨番幾舊豬扒真係頂唔到落去， 唯有浪費食物一次服務方面就更唔好提， 一個著西裝肥肥地既女職員， 答非所問， 又企得遠(好似我同朋友有菌咁），聽唔清楚佢講咩總之， 二百幾蚊一個頭既收費， 食個咁既午餐我真係xxxxxx。

～權八居酒屋～ .一間高質嘅日本居酒屋餐廳！入面嘅裝修都幾靚！好有日本風味👍座位有榻榻米，Bar位和普通位選擇！食材方面主要都係由日本進口，保證新鮮👍😁.枝豆 $58炭燒雞泡魚乾 $88手作豆腐 $88前菜order 咗三款，鹽味枝豆好適合飲酒嘅朋友👍炭燒雞泡魚乾係我食過最好味嘅雞泡魚乾😍好軟身一啲都唔乾，熱辣辣配合蛋黃醬超級好味👍手作豆腐香滑，濃濃豆味配埋鰹魚汁，喜歡👍😁左口魚壽司 $48香蔥吞拿魚腩卷 $138Order咗左口魚壽司發覺自己點錯了，平時係鍾意食左口魚邊壽司😅完全係兩回事，佢有火炙左口魚邊壽司，下次一定要試🙈香蔥吞拿魚腩卷有6小舊，每舊都包住清滿的吞拿魚腩蓉，很香很好味😋.權八汁燒免治雞肉軟骨棒 $68特選牛舌 $78串燒方面，控制火候都啱啱好，特別係牛舌，趁熱食，唔會硬超級淋，落唔落檸檬汁一樣咁好味👍.權八特上天婦羅 $248包括海膽大葉x2，海老x2，蟹腳棒x2，冬菇，茄子，辣椒，番薯等等!最特別係有海膽同蟹腳棒，海膽如果冇左塊葉我會覺得好味好多😢真係唔鐘意塊葉嘅味道，仲要搶走左海膽嘅味，浪費晒🙈而其他天婦羅都唔錯，最緊要係佢個皮一啲都唔厚，炸得完全唔油👍.權八手

特上刺身7點定食 $388刺身7款，由右邊開始（有些魚不認得）：炙燒金目鯛、炙熱白身魚、鰹魚、大拖羅、鯛魚、白身魚、象拔蚌。炙燒的兩種魚都非常出色：金目鯛爽口鮮甜，刺身保留了魚皮，燒得香噴噴的；另一種白身魚油脂豐富，灸燒過後魚油香更突出，入口即溶，非常好吃，是今天的MVP。鰹魚是其中最不喜歡的，腥味較重，肉質偏實而「鞋口」。大拖羅肥美甘香，魚油香重；鯛魚爽彈結實，毫不油膩，喜歡那淡淡而獨特的鮮甜味。另一種白身魚的味道較淡，沒什麼印象點。象拔蚌爽脆鮮甜，好吃。整體刺身都非常新鮮，肉質充滿彈性（除了鰹魚個人不太喜歡之外），大多只有少量咬不開的筋位（多是近魚皮的部分），完全是可接受的範圍內。定食包括麵豉湯、沙拉、前菜（煎蛋）、餐飲和甜點，服務也好，很適合和朋友聚會。

感恩☺️今日Walk-in 都能夠有位的居酒屋一入去環境好舒服，食物都好高質👍🏼首先叫左10件壽司再叫左我最鐘意食既免治雞肉棒，配上雞蛋味道真係一流(而家已經心掛掛喇😋😋)另外叫左牛舌燒得岩岩好

第二次食權八，好多選擇、味道保持水準！ 晚市最好先訂位， 行會員積分制比較划算。 雖然價錢不便宜， 但物有所值， 環境也很舒適。 小朋友最喜歡的竟然是這裏的Pizza，一定會再去。

這家馳名的日本料理店近年搬進利園2期再開業，這是我第一次光顧。它保留了舊鋪的日式裝修風格，但新鋪的燈光更昏暗，顯得有情調。點了兩客午餐，先有前菜、沙律及面豉湯。前菜的冷凍豆角酸甜醒胃；沙律🥗有蟹肉絲，一點不馬虎；面豉湯有豚肉及白蘿蔔，鹹香動人。主菜選了以下兩款：香蔥吞拿魚腩丼（$298）飯粒表面鋪滿大量吞拿魚腩蓉，充滿油脂的香氣，魚腩蓉微甜，飯粒軟熟可口。滑蛋鰻魚丼（$238）鰻魚切成一口一件，擺放得整齊，入口鰻魚燒汁香濃惹味。底下炒蛋溫暖滑溜。甜品是迷你石板街蛋糕，甜度適中，再享用餐飲，十分滿足。食物保持舊鋪的水準。服務方面，店舖人手充足，服務態度良好。

呢間位於銅鑼灣嘅居酒屋環境雅緻舒服，而且食物質素好好，特別係串燒👍炭火串燒定食 $288用炭火燒嘅串燒果然零舍不同，因為炭火嘅關係，食起嚟有炭香味，好香，好好味！我最鍾意蘆筍豚肉卷，啲蘆筍燒到啱啱好，加埋好香嘅豚肉，成件事好夾，令人好想食多串🙈炭火北海道十勝豚肉丼 $238佢嘅豚肉燒得非常香，加埋佢特製嘅醬汁，可以食到豚肉嘅鮮味，又可以送飯，佢上面舖左好多紫菜，夾埋d飯一齊食，超好味！呢間居酒屋無論環境定食物質素都好好，，值得去食👍

👍🏻Recommend dishes:✨ oysters and sashimi They are incredibly fresh, like biting into the ocean✨ grilled skewers The charcoal is expertly controlled, allowing the natural flavors to retain without over-seasoning✨The grilled premium A5 Wagyu steak The outside has a pleasant burnt flavor, while the inside is melt-in-your-mouth tender✨Japan style decor with comfortable atmosphere

係銅鑼灣做完gym🏋️搵家姐lunch，所以就求其黎左呢間唔使book，有得walk-in️ 。侍應安排我地坐係bar檯位置。環境比較暗不過都座得幾舒服。靜靜地唔會好嘈。我地order左個銀鱈魚西京燒🐟同埋泡菜豆腐豚肉鍋兩份share。我地都覺得食物同和民質素差唔多，但定價就好似偏高左d。可能食環境吧。份量黎講兩個女仔都ok，個set有湯，有salad，最後仲有個tiramisu 甜品。整體而言，一般般啦，冇咩特別。

權八週末也有提供午市定食，朋友和我分別點了炭火串燒定食和特上刺身定食（5點），定食包括沙拉、前菜、味噌湯、咖啡/茶和甜點。特上刺身定食（5點）$3185點刺身每次都有不同，這次有赤身、中拖羅、帶子、金目鯛和一種白身魚。中拖羅最佳，非常肥美，油脂入口即溶，只有丁點筋位；金目鯛的魚皮炙燒過，主要是享受魚肉的爽彈和魚皮燒過的香味；連皮的白身魚也是吃它爽脆的口感，唯有部分魚皮咬不開；帶子正常發揮；赤身一般。刺身都新鮮厚切，口感爽滑，質素不錯。炭火串燒定食 $288串燒一上枱就傳來陣陣燒烤的香味，6條串燒分別有牛肉、免治雞肉棒、豬五花腩、雞脾菇、豬五花薄片包蘆筍和青椒。每串烤得油亮帶焦邊，非常誘人，其中牛肉和雞脾菇最香口好吃。串燒是這裡的招牌之一，餐廳中間設有炭火燒的烹調區，如果坐吧枱，可以看著師傅不停燒烤、掃醬料。餐廳環境闊落，座位有普通的桌椅座、吧台和靠窗的和式塌塌米座位（有凹槽放腳，不用跪坐，如想坐和式座位可在訂位時說明）整體日式氣氛濃厚，侍應對答禮貌，而且可能沒有等位的客人，我們一直聊天坐了3個多小時。比起很多有用餐時限的餐廳，這裡的環境很適合和朋友聚餐。另外值得一讚的是餐廳的抽風做得不

这家餐厅算是比较高档的，从商场到餐厅，都是装修很好，很安静，很高级的感觉。座位很宽阔，很舒服，和朋友聊天有充足的隐私。服务员整体服务都是非常好，食物非常新鲜，选择特别多，从刺身，寿司，串烧到拉面都有，味道也很不错！ 人均 900 左右，吃的非常开心满意!

有水準，星期日晚都有八成入座算幾好。叫了10件壽司同7款刺身。壽司啲魚生新鮮，連啲飯都feel到係由專業師傅整。有一舊海膽係靚嘢。魚生都係厚切，比較爽，可能解凍時間未夠，但質素係好的。雞翼同牛舌串燒好正，有雞咪，牛舌唔煙韌，個薑醬夾。A4和牛壽喜燒，衣個幾好，有3塊牛，每塊都大過塊面，但不是入口即溶，好多菇。。。個蒟蒻麵吸晒汁，好甜，又幾好味。冷蕎麥麵就一般。環境都大，但音樂比較嘈，坐長枱，怪怪的。

服務態度認真，對食材堅係的好餐廳。如果你坐在串燒counter, 你更能體會到他們對食材處理嘅認真。及一絲不苟。是我跟老公一再到訪的日式餐廳。記得要試香蔥牛脷串燒，香，滑，淋！Highly recommend to try their charcoal grill! Especially if you like to have a glass of beer. If you have kids, please reserve in advance, the Japanese style table might be a good choice for gathering.

餐廳裝修好似傳統居酒屋一樣，裝修環境舒適寧靜，有半榻榻米嘅座位，食物款式選擇不少，有魚生壽司卷物，串燒同揚物等等。原條池魚切到一片片上枱，仲會有返個魚頭作擺盤，睇落去非常吸睛👀 食落也非常新鮮！三色卷簡直係冇得輸！入口滿滿的吞拿魚腩溶、海膽同三文魚籽，鮮甜的海膽與帶點鹹香的三文魚籽完美融合，令人陶醉於精緻的配搭組合。串燒方面比較中規中矩，唔算有特別嘅驚喜，反而銀鱈魚幾有驚喜，燒得剛剛好，一上碟就聞到好香嘅味道，魚肉肥美，入口鮮嫩🐟最後當然唔少得食返個冷麵作結尾，蕎麥麵帶點淡淡的小麥香味，食落彈牙，值得一試🍜▪️原條池魚 $218▪️極上三色卷 $438▪️雞腎串 $48▪️雞翼串 $48▪️鹽燒雞軟骨串 $38▪️銀雪魚西京燒 $288▪️冷麵 $118

閑逸嘅夜晚約咗朋友嚟食個便飯，星期二晚上。唔使book位Walk in有枱。真蠔白酒伴芒果啫喱先唔好講呢隻生蠔要$168佢嘅配搭真係好奇怪，芒果同生蠔嘅味道完全唔夾，佢仲要整咗啲啫喱係甜甜地嘅唔覺得有白酒味。呢個菜式唔推介。跟住叫咗炭燒和牛他他伴牛油果呢個又係另一個好奇怪嘅菜式。由於佢$288你會expect佢有真嘅和牛俾你。但係你會覺得係frozen生牛肉，而為咗蓋過雪藏牛嘅味道，佢落咗好多調味料，包括Tabasco，好重味嘅紅椒，同埋睇落為咗更加矜貴嘅魚子醬同金箔。不過成件事擺落口係完全唔夾。見到佢嘅餐牌有大量嘅串燒，心諗應該OK啦。點知連牛舌同埋雞翼嘅質素都好一般。真係希望佢可以燒得香口啲。跟住仲叫咗一個特上壽司拼盤，$568。嗯。。。。佢嘅質素大概係千x 咁樣。呢間餐廳絕對唔會有第二次，因為比到咁貴啲嘢真係算係難食。