札幌拉麵 Miso No.1 x 辛味屋

营业中

休息中

尋日放假買左你地個特價外賣餐,一開始收銀姐姐話要等15分鐘左右我都可以接受,我最後係等左7-8個字度,我見男仔頭女侍應一直幫我追個餐但係我吾明點解燒塊雞扒要咁耐,我係屋企燒都吾洗咁耐呀？一直話廚房覆等多2分鐘最後我等左幾多個2分鐘又吾係真係兩分鐘比到我,吾知你地廚房點搞 不會再幫襯

已經唔知食過第幾次😆日本餐廳黎講...依間都可以話係抵食👍質素都唔差！叫咗個二人套餐🍴有拉麵又有飯可以選擇～款式多樣，仲跟配三款小食🥰啲小食都好吸引㗎！炸蝦香脆夠熱辣☺️餃子好抵食🥟（必叫小食之選）有肉汁又足料✨明太子雞翼好濃郁。白豚拉麵🍜好濃豬骨湯味，麵質幼身😉（推薦）吉列豬扒奄列咖喱飯超大碟！份量真係好足夠，性價比高👍甜甜嘅咖喱汁配上蛋包飯，唔錯👍豬扒唔會好韌～夠厚身✨餐廳環境都舒服👍值得一試😀

夜晚收工諗唔到食咩，一於係附近搵間餐廳醫肚～小食叫左汁煮魷魚、煎牛舌同芝士年糕。魷魚好夠鑊氣，味道亦好夠。牛舌薄切所以唔會好韌。芝士年糕煙煙韌韌，濃濃既芝士係中間，都有少少漏，不過間唔中一次半次都okay😂黑蒜豚肉拉麵，湯底好香，配料如木耳同荀份量都好多，如豚肉可以厚啲就更好。😃豬軟骨拉麵，牛油湯底相對清啲。豬軟骨好大舊，煮到啲筋好林～溫泉蛋岩岩好！😆兩個拉麵份量都好夠，加埋小食真係好飽😂😂

呢間坐立係荷里活廣場嘅日式餐廳集拉麵、定食、咖哩蛋包飯於一身，可以一次過滿足你3個願望😝 我地揀咗 $208 二人套餐，可以揀2款主食加3款小食～豬軟骨拉麵 (套餐 +$15）一碗拉麵有4大塊豬軟骨，肉量驚人，炆得幾淋幾入味😝 就算浸咗一陣啲拉麵都唔會話好淋，比起同價位嘅拉麵店嚟講算唔錯～吉列豬扒奄列咖哩飯 (套餐 +$10）佢嘅咖哩偏甜，吉列豬扒嘅炸粉唔會話好厚，新鮮炸起仲有少少脆口添，係豬扒口感硬實咗啲～ 滑蛋底下嘅係白珍珠米，配埋甜咖哩食唔覺唔覺就食哂～芝士年糕新鮮炸起嘅芝士年糕口感軟糯煙韌，一咬到中間位仲有流心芝士湧出嚟，幾好味😋燒牛舌佢嘅牛舌唔會 overcooked，仲有少少粉紅色咁幾好～ 我幾中意唧啲檸檬汁落去，食落清爽解膩好多～炒魷魚鬚魷魚鬚柔軟彈牙，味道偏咸，再加啲七味粉就更香口～整體嚟講呢間餐廳選擇都幾好，價位比較平民，晚餐嚟講係幾抵食嘅☺️

好耐都冇食過日本嘢 今日難得放工之後可以出嚟九龍食飯 依家仲要有屯馬線勁方便就可以出到鑽石山 所以就決定黎鑽石山呢間札幌拉麵食飯😋 今次就叫咗兩個晚市套餐 我就叫咗赤豚拉麵配芝士年糕 拉麵方面如果要辣味嘅話要另外加$5 但係都好值得加 佢嗰種辣味同我想像中嘅好唔同 一啲都唔求其 食落去仲會有啲after taste 而芝士年糕就同出邊嗰啲冇乜分別 好煙韌同埋充滿芝士🧀🧀🧀 已同行朋友就叫咗 蓋飯套餐-滑蛋雞肉飯🥚🐓 見到同行朋友食津津有味 就知道佢好好食 啲飯係用到日本米 令到成碗飯都好有咬口 同一般屋企會用嘅泰國米好唔同 😍😍 另外仲叫咗一個自家製餃子 外皮煎到金黃色而且香脆 工架十足！咬入黎之後令到d肉汁爆哂出黎 噴到件衫都有😂 點哂個餃子汁再令成件事昇華幾級😆 最後就叫左2串2串，其實即係雞翼同埋雞軟骨各2串 食依d最緊要就係個檸檬汁既點綴！依到唔洗另外叫已經有跟埋，雞翼外脆內充滿肉汁 而雞軟骨就唔會太多肥膏 令到成件事比較容易入口 好怕食到d好多肥膏🤣🤣 值得一試！

實在太難食...一睇就知Openrice全部食評都係「真心」打出黎...叫左個雜錦拉麵同青魚燒肉便當，本來冇諗住打食評，所以冇影到拉麵相。個拉麵完全搵唔到位去讚賞佢，湯底味怪、叉燒「鞋」、蟹柳鬆散... 唔係話非常難食，而係唔應該喺呢種打日式拉麵旗號既鋪頭食到呢種質素，去食小豆島都冇咁嬲，小豆島仲平過呢度$89既拉麵。$89 係拉麵配一個小咖哩飯，冇左呢個小咖哩飯，我今晚都唔知點算。等左20分鐘（20分鐘ok的，店員落單時已講左），個便當到。一睇就唔多開胃...明明青魚都唔會好腥，但呢度都可以煎到好腥，同煎得過熟。豬肉.........勁「鞋」.....真係唔明openrice既正評食評係點樣黎......

準時放工同老公係屋企附近搵食，難得呢間區內出名平靚正既日式料理唔算多人，當然要去黎個early dinner，我們order左2人set , 有2款主菜+3款小食！芝士年糕芝士年糕一定要熱騰騰吃吧！面層炸得夠香脆入面則是質感柔軟溶芝士，岩灑鍾意芝士的我👍🏻餃子煎得幾有水準唔會太油，入面有小小菲菜和豬肉，建議加小小小醬油黎食更好食😋2串2串有d驚喜係這份串燒其中一款是雞翼來的，雞翼燒得幾香脆幾好食加小小檸檬吊味更美味呢😋鰻魚份量適中有滿滿既鰻魚汁，鰻魚腍腍地幾鮮味感覺幾綿滑，好食😋醬汁燒肉飯豚肉份量都幾多大大塊沾滿既醬油，肉質腍身夠野味，不錯呢！餐廳覩有好多選擇，整體食物有質數價錢相宜下次會再幫襯！

今日嚟咗鑽石山食晚飯，見到呢度有個拉麵套餐，想試試，就入咗去。我揀咗赤豚拉麵加餃子，女朋友揀咗白豚拉麵加蟹子沙律。一上枱，見到個赤豚拉麵，睇個樣以為唔多辣，原來都啱啱好。叉燒大概有四五舊度，分量OK，中食量嘅人應該會夠飽。蟹子沙律分量足夠，要讚嘅係師傅冇落到太多嘅沙律醬，最怕食蟹子沙律唔知食緊菜定沙律醬。餃子有四舊，外皮少許煎燶，正常既燶度，內涵有韭菜同豬肉。總結：拉麵套餐其實幾抵食，有拉麵仲可以揀一樣小食。不妨一試。

今日喺鑽石山荷里活廣場睇戲, 買咗戲飛後就睇下有乜嘢食。原來呢度好多日本料理餐廳, 見到 札幌拉麵 都幾多人幫襯, 就去試下！點咗個$208二人套餐, 選擇多份量足, 真係幾經濟實惠！吉列豬扒奄列咖哩飯吉列外層脆皮香口, 豬扒厚切, 軟嫩唔鞋口, 無骨啖啖肉。蛋包飯配日式咖哩, 色澤濃烈, 香甜帶辣味, 令人愈食愈想食！海老拉麵豬骨濃湯杰身黏口, 充滿骨膠原, 加入大量櫻花蝦, 散發陣陣海味鹹香, 突出湯底惹味！海蝦爽口彈牙, 日式叉燒薄切, 軟熟入口即化, 麵條爽滑彈牙！炸雞肉外皮薄炸粉, 鬆脆香口, 內裏雞肉嫩滑, 仍然保持肉汁, 值得一讚！份量很多, 很有飽足感！自家製餃子自製日式煎餃子, 皮薄餡靚, 底層煎成焦皮, 質感軟硬層次分明, 醮醋汁嚟食分外鮮味！串燒雞翼、雞軟骨串燒散發陣陣焦香, 雞翼外皮香脆, 燒得乾身唔油膩。雞軟骨卜卜爽脆, 非常有嚼口！

很久沒有來到鑽石山荷里活商場這個兒時時來的地方今天和男朋友來到這邊逛逛晚餐時間 經過這一間 — 札幌拉麵辛味屋感覺不錯 便決定在這裡吃晚餐飯食麵食也有 選擇也不少還有提供晚市套餐 套餐包沙律和例湯炸豆腐新鮮炸起 熱辣辣外脆內軟綿綿 口感一流配上醬油吃 好味道自家製餃子（小）餃子味道特別有鹹酸菜做餡料 點上醬汁 開胃好好味炒魷魚鬚新鮮爽口 味道鮮甜 份量也不少 正燒鯖魚定食就算要等約20分鐘都覺得值得鯖魚新鮮 肉質鮮甜魚骨不多 點上燒魚醬油吃再配一口白飯 好滿足晚市套餐 滑蛋豬扒蓋飯雖然豬扒有點乾身但滑蛋香甜 加上洋蔥豉油挺好味 整體是滿意的

一行四人來吃下午茶叫餐後，等待出餐既時間又長當套餐來時吃第一淡湯又咸、麵又林又有鹼水味餃子唔香脆札幌no.1如果是這樣的話，真的有待探討是否真的no.1期待下一次的到來會有所不同

和朋友約到這裡吃個quick dinner，他點黑豚拉麵🍜，因為我一直對拉麵興趣不大就叫一份看起來很吸引的咖哩豬排蛋包飯🍛很快上台，果然味道很棒，咖哩味十分濃郁而且不會越來越淡而是一直可以keep住。白飯上蓋薄薄一層蛋餅搭配滿分。隨餐送的味增湯略咸，玉米🌽爽口朋友的黑豚拉麵套餐看著也很不錯，附贈餃子🥟四隻，味道都幾好。份量足夠，對於一頓晚餐來講性價比也很不錯👍🏻看menu時感覺炸雞鰻魚定食很attractive下次要來試下

一直儲緊辛味屋印花，已經食到儲到半張印花卡，諗住食個quick lunch…諗住叫嘢食，點知見到男同事用手移番好樓面嘅幾張地毯，留心睇下佢會唔會洗手先。不出我所料，呢位同事之後竟然手都未洗就直接出嘢食畀客人。樓面幾張地毯N咁多個人踩過，又有油又有街邊污漕嘢，而家啲細菌直入客人口入面…好彩未叫嘢食，即刻走人…

相隔兩年多，我再次來到鑽石山「荷里活廣場」，光顧「荷里活廣場」裡面的日本菜餐廳「札幌Miso No.1 & 辛味屋」，發現食客人數已經沒有以前那麼多。就算食客還是需要取籌輪候座位，但是很快就有「札幌Miso No.1 & 辛味屋」侍應店員招呼和帶領入座，不需像以前那麼慢慢苦等輪候號碼。雖然在「札幌Miso No.1 & 辛味屋」輪候入座所需的時間，比以前縮減了不少，但是卻換來食店實際環境，比以前我光顧的時候寧靜不少，氣氛沒有以前那麼熱鬧。至於「札幌Miso No.1 & 辛味屋」裡面的拉麵跟咖喱飯食品，還是像以前的「札幌Miso No.1 & 辛味屋」一樣，沒有例如牛腩、牛肋的牛肉可以選擇，我的「燒牛肉咖喱飯」還是跟以往一樣，都是薄切的肥牛肉。傳統日式咖喱飯裡面的咖喱汁味道都是偏甜，所以「札幌Miso No.1 & 辛味屋」裡面的「燒牛肉咖喱飯」，咖喱飯跟咖喱汁的實際味道還是偏向比較甜，再加入味道酸酸的酸蘿蔔之後，咖喱飯的實際辣味就變得更淡。另一方面，「札幌Miso No.1 & 辛味屋」廚房在「燒牛肉咖喱飯」咖喱汁裡面，加入一些看似是紅蘿蔔的蔬菜，紅蘿蔔令到咖喱汁的實際味道效果變得更

之前嚟呢間食拉麵，見人地既咖喱飯幾靚仔，望落吸引今次終於走嚟試下，午市跟餐58蚊衛生意識都做得好好，入門口先探熱再有酒精消毒雙手，店內枱與枱間距都寬闊，坐得舒服既。咖喱吉列雞扒飯，送湯同沙律個湯就偏鹹，而且好濃郁肉味好似飲緊豚肉拉麵湯咁粟米沙律正常，底下有d芝麻醬個飯真心好食，薄薄既滑蛋而咖喱汁既底部依然都見到層滑蛋可見塊蛋都幾大塊，大塊到有部份鋪底。咖喱味好香濃，而且唔會愈食愈稀至於塊雞扒炸得幾脆，就算攤凍左少少都仲脆口，亦唔會咬完一啖之後，脆粉同舊肉自己分離，唔錯其實真係算大碟，一個人食實夠