札幌拉麵 Miso No.1 x 辛味屋

营业中

休息中

荷里活廣場搵到呢間餐廳，起碼唔駛等好耐位就入到去。食辛味屋嘅飯，咖喱漢堡扒蛋包飯。好食程度不似預期，漢堡扒冇乜咬口，好冧，同出面啲手打牛肉漢堡扒有啲差距，不過哩個價錢尚算可以接受。麵豉湯好鹹。

前幾日約左一位住鑽石山嘅朋友食飯，佢呢排要溫習考試，比較忙碌，所以我地就喺佢屋企附近食個quick lunch。佢帶左我黎呢間日本餐廳，啲lunch set價錢都真係幾抵。豬肉丼$55係定食黎嘅，所以會有埋一啲前菜同埋湯。豬肉片嘅份量都幾多，配埋鹹鹹地甜甜地嘅汁，同埋洋蔥，撈埋啲珍珠米一齊食都唔錯，幾惹味。親子丼(滑蛋雞肉飯) $55呢個係朋友食嘅，滑蛋滿佈喺白飯上面，雞肉就鋪喺滑蛋上面，仲有一啲紫菜絲同埋洋蔥咁，都幾吸引。朋友就話佢呢款相對我嗰碗會比較清淡少少。炒魷魚鬚$45魷魚幾爽口彈牙，味道唔會太鹹，有種住家菜嘅感覺。份量幾多，$45黎講都幾抵食。可口可樂zero $8熱柚子蜜$5

「荷里活廣場」三樓裡面的日本菜餐廳「札幌Miso No.1 & 辛味屋」屬於我由五年前，就已經開始光顧享用晚餐的食店。不過我當時的我口味還未偏好「牛腩飯」，所以我即使對食店的薄切牛肉「咖喱牛肉飯」一樣受落。我對「札幌Niso No.1 & 辛味屋」裡面，味道有點鹹的「北海道」「札幌」風格「味噌牛油拉麵」不算非常喜歡，所以享用了一次「味噌牛油拉麵」之後，就沒有再選擇享用了。今次我再次光顧「札幌Miso No.1 & 辛味屋」，抱着享用晚餐裡面的「雞肉飯」食品，但是我之前曾經在「札幌Miso No.1 & 辛味屋」享用過「親子蓋飯」和「咖喱雞扒飯」，所以我改為享用其他「雞肉飯」食品。今次我選擇享用「照燒雞扒丼套餐」，包括一碗日式丼飯食品「照燒雞扒丼」，一碗「味噌湯」、餐前小食「滷水蛋」、「牛油粟米」，還有罐裝汽水。始料不及現在餐廳餐前小食，由「馬鈴薯蓉」變成了「滷水蛋」。「滷水蛋」的口感稍嫌有點硬有點乾，味道也偏淡，所以我對「滷水蛋」的整體觀感只是一般而已。至於「牛油粟米」味道算是很甜，還有甜味「牛油」汁留在碟底浸着「粟米」粒，令「粟米」變得兼備爽脆口感跟甜味。至於「照燒雞扒丼」本身的甜味

鑽石山荷里活廣場呢間餐廳，午餐時段，座無虛席，一睇就知道受歡迎👏🏻睇嚟個個都係識途老馬，一於就揀呢間😎餐牌印製美輪美奐，選擇頗多，而且價錢經濟實惠，唔怪得咁多人幫襯😊我都馬上Order返個午市拉麵🍜套餐！呢個白豚拉麵🍜，湯底好正，新鮮淆製，豚肉夠味又夠淋，正👍🏻而且麵底都唔錯，掛湯效果完美，好味又健康，食完都唔會口渴😋蟹肉棒拉麵，賣相又靚又好味😋，我最鍾意食佢個蟹棒，流心蛋又夠香🥰配埋其他小食，仲有飲品，買單都唔使二百元，招呼又好，上菜速度又快，咁嘅價錢，真係超值👍🏻

天氣開始轉涼要暖胃，想起食暖笠笠的拉麵。經過荷里活廣場的一間拉麵店，外觀討好，乾淨整齊，還有日本燈籠裝飾，是你吧！一看餐牌，價錢經濟實惠，款式又多；我選了一個拉麵一人套餐$89，抵食之選，可以選取1款拉麵或丼 + 1款小食或飯; 相比其他拉麵店$89都未必能夠吃到一碗拉麵。朋友就選了牛肉咖喱烏冬，我們再加兩款小食:赤豚拉麵先飲一啖湯，濃味湯底加小辣增加食慾，我個人喜歡這個湯底不是太鹹及油膩，適合我的口味;加配拉麵必備木耳絲 /筍/ 蔥粒，麵質爽滑，豚肉肥瘦適中，絕不肥膩泡菜不算太辣，酸甜適中牛油炒草菇牛油味濃夾薑絲可以驅寒燒雞翼及燒雞軟骨這個非常美味，燒得火喉適中，金黃色，僅僅熟透，沒有燶，清清的鹽味已經很足夠，加上檸檬汁可以刺激味蕾。而且有清酒相伴真是一絕牛肉咖喱烏冬在對面已經聞到陣陣的咖哩香味，牛肉份量足夠⋯⋯

友人家住屯馬沿綫，決定在大家的中間點鑽石山會合晚饍經常惠顧此集團旗下的日式輕食，品質有保證餐廳以日式木系為裝修主題，簡潔而光猛自選一人套餐只須$89！任選一款拉麵或飯加一款小食加$5可選辣味的赤豚拉麵！濃稠豬骨湯底，骨膠原豐富，配以易入口的幼麵Q彈有嚼勁小食泡菜不算太辣，配上拉麵感覺開胃每次前來必點的牛肉咖喱烏冬用的是日本直送讚岐烏冬，麵質香滑煙韌，咖喱味香濃牛油炒草菇吸足了牛油的香甜，完全沒有苦澀味，十分容易入口燒雞翼2串及燒雞軟骨2串是我喜歡的鹽燒，很好下酒忍不住點了一瓶菊正宗一合，熱飲暖心，米味口中彌散惠顧滿$50 ， 可獲印花一個，集齊印花可以換取優惠券下次使用

《札幌拉麵》已經有好多年無食過😲今日被困鑽石山荷里活廣場，間間都咁多人，而且中立既舖又唔多😶見札幌有位就入去幌下午巿都幾多選擇，價錢還算親民😌舖頭剛剛從新裝修，座位算係舒適😉＜赤豚拉麵＞$74 湯底少辣都幾好味，拉麵唔會太淋身👍豚肉偏瘦，其餘就正正常常啦！唔可以話好好食，中規中矩而已🥲＜北海道南瓜薯餅＞（跟餐）相對有驚喜，唔會油膩膩炸得剛好☺入面有粒粒南瓜，口感不錯😊鑽石山真係無咩好食，時間關係又無得換地點😅

講到食日本野 一定唔少得日式便當 我琴晚去左呢間日本餐廳 叫左個日式炸雞便當 真係好好食😋 炸雞外脆內軟 啖啖雞胸肉 配上沙律醬 簡單係完美既搭配 中意炸雞既朋友都可以試下呢個便當 而且仲有牛肉配洋蔥 夠哂豐富 剩係睇個賣相已經好吸引 價錢只係70蚊 好值得食。

好耐無去荷里活廣場，難得經過鑽石山，梗係要食返個😋之前成日幫襯既拉麵店🍲 哩間拉麵店俾我感覺好親民，一種熟悉感即時湧現😊·自選二人套餐 HKD$228老實講哩條set真係幾抵食👍可選2款拉麵/飯 & 3款小食，每人百零蚊已經食飽飽，難怪咁多人排隊！******************************🍲白豚拉麵豬骨🐖湯底濃厚，麵底掛湯能不俗，不錯的。·🍲海老拉麵 (+$10)蝦味🦐湯頭突出，味道濃郁鮮甜，值得加$10揀哩款👍·🥟自家製餃子6隻煎得香脆，唔會好油膩，結實飽滿。·👅燒牛舌薄薄一片略欠口感，較為乾身，略嫌失色。·🐓炸雞肉炸得非常香脆可口🤩 大大件好滿足😋·📍札幌拉麵 Miso No.1 x 辛味屋鑽石山龍蟠街3號荷里活廣場3樓325號舖

自從屯馬線通車，多了在沿線搵野食，晚上去了鑽石山的札幌拉麵，點了二人套餐$228，可以任揀兩款主食，加三款小食，價錢上都幾經濟。海老拉麵，用了豬骨和蝦去熬製，湯底好鮮甜，有兩隻鮮蝦，拉麵彈牙。 吉列豬扒奄列咖哩飯，金黃的炸豬扒看起來十分吸引，奄列的蛋味濃郁，拌日本咖哩，香甜又不會似印度咖哩那麼辣。小食就揀了自家製餃子，餃子皮好有口感，包著椰菜和豬肉，不太乾。炸雞肉，外脆內軟，不會炸得太過火，配沙律醬食會好滋味。北海道南瓜炸薯餅，用了北海道南瓜，外層鬆化，內裡軟滑，好香南瓜味。

今日約咗朋友去鑽石山荷里活廣場食晚飯揀咗呢間日本餐廳，有拉麵、丼飯、小食選擇我哋各款都想試吓就揀咗二人套餐二人套餐每人揀一款主食同埋3款小食我叫咗黑豚拉麵🍜豬骨湯底配黑麻油 拉麵麵條幼身 口感爽口 拉麵都幾掛湯配咗左兩塊半肥瘦叉燒 口感嫩滑 唔錯😋朋友叫咗雜錦拉麵呢款拉麵用味增湯底，配上濃郁豬骨湯面底係粗拉麵，口感彈牙配料有豬軟骨、叉燒、蟹柳感覺都幾豐富👍🏻小食叫咗 煎餃子🥟即叫即燒 皮薄脆口 但唔算太Juicy炸魷魚鬚有驚喜😋 加入燒汁炒勻 味道酸酸甜甜 好好味呀南瓜薯餅 炸粉都幾薄身口感食落之餘脆脆地 仲好香濃嘅南瓜蓉味

話時話 #小秘書 都有一段時間無喺呢度講飲講食😉 一來早排 #膝頭哥受傷 不良於行，加上呢段時間都無咩心情寫嘢… 所以就乘機偷吓懶，比個break自己（… 要留啲時間睇 #牧田 呀）😅 好彩個天對我都不薄，休息咗大概一個星期嘅 #小秘書，已經好得七七八八🙏🏻 不過呢個突發嘅傷患，就令我個 #荷包 👛 又瘦多幾圈👉🏻👈🏻 #中西醫 嘅療程，加上出入都要 call #的士 🚕… 總之啲錢就好似倒水咁啦😅不過慳還慳，做人就點都要食嘢嘅🤪 間中放肆吓，都唔係太過份啫😉 其實我都有段時間唔敢食炸嘢㗎喇，怕佢太肥膩、又搞到自己咳唔停😮‍💨 但係食得 #日式咖喱 🍛 又點忍得住口喎😝 呢日我就叫咗個 #吉列豬扒咖喱飯 🍛，另外加多個 #廣島炸蠔 做 #小食 😋 已經唔係第一次幫襯嘅「札幌拉麵 Miso No.1 x 辛味屋 」嘅我，一向都覺得佢哋做嘅日式咖喱有啲水準，就算唔使加其他配料，#小秘書 撈咖喱汁都可以食一碗白飯🤩 佢哋嘅咖喱汁甜甜地有輕微嘅辣味，好香口😋 不過啲 #炸物 就真係麻麻地，#吉烈豬扒 太乾身， #廣島蠔 個炸皮有啲硬、口感唔多得😝 … 唔知下次可唔可以單叫碟「咖喱汁撈飯」呢？😆

嚟到荷里活廣場，男朋友話想食咖哩🥸於是左搵右搵終於比我搵到札幌拉麵Miso No.1x辛味屋啦👹男朋友嗌左個照燒雞扒奄列蛋包飯定食（$70）而我就嗌左個滑蛋豬扒飯定食（$65）🍛照燒雞扒奄列蛋包飯定食：味道可圈可點，不過不失🌟日式咖喱飯配上燒得微微焦脆嘅雞扒😋只不過略嫌個蛋太薄，得一層皮包裹飯，而唔係厚厚一層蛋液，口感會再豐富啲滑蛋豬扒飯定食：有驚喜！豬扒表皮仲係脆口熱辣辣，配上甜甜嘅蛋液，一口落去十分滿足🤩🤩🤩令人食指大動！配菜：配菜有芝麻醬粟米小蕃茄、半顆蛋及味增湯，都唔錯😋地址－札幌拉麵 Miso No.1 x 辛味屋 (鑽石山)鑽石山龍蟠街3號荷里活廣場3樓325號舖人均價格－$50-100

好耐冇食過拉麵😗今日嚟到荷里活廣場行街🛍見到超抵價平民拉麵套餐🗯即刻心郁郁想過下口癮🤤🔸白豚拉麵（$89）豬骨湯底呈奶白色👀味道濃郁🥰拉麵屬幼麵🍜軟硬度適中👏🏻爽口有嚼勁😬豚肉香而不膩🐷如果配搭埋溏心蛋就perfect啦🥚🔸自家製餃子（4隻）套餐跟一款小食😃個人推薦餃子🥟外皮煎到金黃色💛餡料有豬肉🐖同韭菜🌱，肉汁豐富😍醮啲醋汁更加提升到味道嘅層次👍🏻雖然同五星級餐廳係有段距離🙈但勝在價錢夠親民💰而且選擇多✅如想簡單食個晚飯都係一個唔錯嘅選擇☺️

同朋友去咗荷里活行街，諗起好耐冇食拉麵，就嚟咗呢間食！見到佢有個二人餐都幾吸引，每人揀一款拉麵之餘仲可以試三個小食，啱晒貪心嘅我哋！而且選擇仲有好多添！朋友要咗招牌牛油拉麵，我就揀咗海老拉麵，招牌牛油拉麵賣相都幾吸引，我試咗一啖，湯底都好濃郁，感覺都唔錯！我嘅海老拉麵，有大大隻蝦同大量蝦乾，所以湯底非常濃郁，而且麵身都係彈牙，唔會太硬太淋，味道真係唔錯，配料好足，仲有大大塊豚肉添！第一個小食我哋揀咗串燒，有兩串雞翼同兩串雞軟骨，兩樣都係新鮮燒好，熱辣辣，雞翼大大隻，外皮燒到卜卜脆，好好食！炒魷魚鬚份量夠多，而且肉質都彈牙有彈性，配埋醬汁食口感唔錯！燒牛舌，細心咁切開細份，味道正常！食完埋單每人百零蚊，價錢都幾合理，真心可以再戰！