札幌拉麵 Miso No.1 x 辛味屋

营业中

休息中

今日突然想吃拉麵，就想起「札幌拉麵 Miso No.1 」在鑽石山荷里活有分店，於是跟同事一齊來一個quick lunch 👻大概 2:30到達但仍然很多人，不過幸好不用等位✌️豬軟骨拉麵，湯底濃郁又夠熱，有大量的昆布，洋蔥，粟米粒等。豬軟骨煮得夠淋又惹味，粗拉麵底煮得剛剛好，不會太淋。雞軟骨燒得夠香口又惹味吉列流心蛋豬肉餅，原來是漢堡加煎蛋再沾上吉列炸，口感外脆內軟又食到荷包蛋👍🏻赤豚肉拉麵，香濃豬骨味帶少許辣，幼麵底口感爽滑，日式叉燒夠入味！跟餐加$8可以有一杯凍飲

荷里活廣場搵間經濟又實惠餐廳少之有少，每次過嚟食飯都係食「札幌拉麵」🍜次次都係貪呢度有2人餐唔洗煩，主菜*2+小食*3白豚拉麵泡菜拉麵燒雞翼+燒雞軟骨串煎餃子炸蝦拉麵有粗麵&幼麵2款，啱啱好白豚係幼麵、泡菜係粗麵，湯底雖然都係豬骨湯底，粗麵會多味噌，分外香濃。拉麵配有豚肉外，仲有好多配菜，好味！小食款款款香口，雞串系列燒到剛剛好，有咬口又唔乾身，煎餃子好少可煎一面香脆，涵料多汁！炸蝦粉皮厚左fd，但炸到金香可口！

好耐冇同媽咪兩個人出街食飯喇, 今日同媽咪喺何里活食咗呢間日本嘢, 佢哋有飯有拉麵,都幾抵食咖~ 我哋食咗個二人套餐, $228加一, 可以揀兩個主食(飯/拉麵)同三個小食😛🍱 炸雞塊奄列咖喱飯呢個咖喱飯份量超級大, 白飯係用咗煙煙un un嘅珍珠米煮嘅, 連媽咪都讚不絕口! 咖喱味道香濃, 裏面仲有少少薯仔粒咁; 雞塊本來以為係細細粒嘅炸雞, 點知都幾大塊, 仲有三塊添!🍜 泡菜拉麵跟住揀咗個開胃嘅泡菜拉麵, 日韓混合~ 除咗有唔少泡菜之餘, 湯底都有泡菜嘅味道咖! 拉麵仲有唔少海帶同日式叉燒添~🍢 燒雞翼及燒雞軟骨各兩串🥟 自家製餃子六隻🥓 燒牛舌估唔到小食嘅份量都幾多! 餃子係豬肉蔬菜餃, 點醋食感覺幾健康; 串燒夠惹味, 雞軟骨仲好爽脆添!

今日出左去鑽石山上堂，開openrice 諗住睇下附近有咩好野食，睇到呢間好似都幾多likes下，所以就去試下。試左個招牌牛油拉麵，普普通通，但份量十分少，只有兩塊仔腩汁。食評要寫夠200字先可比好評/一般/差，只能係度寫一般。

見商場做緊優惠 睇完戲去食有9折就去左食😛我叫左2個一人餐（$89）一個拉麵配一個小食😋價錢來講叫套餐比較抵 雖然有啲煮食要加錢～招牌牛油拉麵真係有大大嚿牛油 超級邪惡😖 不過如果鍾意牛油湯底嘅就啱晒啦 真係好香濃 而且仲有好多海帶😋 不過塊豚肉就麻麻哋 好「鞋身」🤨芝士年糕年糕比較粉 而芝士都唔多 食到好飽好濟 炸得麻麻😟泡菜拉麵湯底都幾香濃 多泡菜😋😋而家幾鍾意佢嘅拉麵 係粗身啲嘅 咬落少少彈牙又吸湯😚炸雞（小）炸粉唔算厚 入面嘅雞肉都仲嫩滑 唔會乾晒 配埋檸檬汁同埋沙律醬就好夾😙

這店曾經過多次，店外形討好，十分有東洋味，今天再次經過，看見人客也不少，心想不可能中伏，就進去試試。叫了一個滑蛋吉列豬排定食及一客炸豆腐。豬排飯定食上檯，盛器還算可以，但豬排飯的賣相已不討好，打開麵豉湯，仍希望能喝一口美味的熱湯，可惜熱湯卻咸到不能入口，只可放棄(這也是我首次放棄心愛的麵豉湯）。開始吃吉列豬排飯，滑蛋汁咸已不為怪，而吉列豬排外皮濕軟，豬排肉質乾嚡，令人失望！幸好，炸豆腐是剛炸，還可以接受！下午茶埋單$69

甘岩經過荷里活廣場，選擇左一間睇落又平又不錯的日式餐廳🥲 看下去很不錯呀～於是兩個人分別叫左拉麵同埋烏冬坐落打算拎餐具嘅時候，一打開，發現內的筷子🥢是濕的🥲無論拎起邊一條筷子總有一部份係濕嘅🤪Surprise～🤪🤪濕的筷子放係封閉的盒內🥲感覺....不太良好，第一次見到餐廳是甘😅😅甘食物的外表還可以，最好食的是多春魚（普通多春魚），其他就.......豬扒肉肉質好鞋😢，拉麵同普通即食拉麵差唔多....因為店面還不錯，真不能相信食物質素是甘😢好明白其他差評是點得返來

話說嗰日我地睇完「多啦Ａ夢」就去搵嘢食啦，當時約莫夜晚八點左右，又唔算十分之肚餓。於是行咗一圈睇吓有咩選擇。荷里活廣場嘅食肆選擇都頗多嘅，結果我地都係揀咗食拉麵啦！估唔到呢個時間都有咁多人等位喎！等咗十分鐘，終於入得！入到去裡面坐低，就俾我發現到嗰部外型好醒目又靚仔嘅淨水機，因為我屋企都有用啊！店家真係識貨喇！之後就開始叫嘢食啦，我地點咗一個二人套餐，有主食同埋三款小食嘅。主食嘅拉麵不過不失，唔算太油同太鹹，但係又係冇半隻溏心蛋做裝飾，呢度扣咗少少分！另外小食方面，推介自家製嘅餃子，燒魷魚就一般般，但係就夠熱。至於燒牛舌，係完全唔掂，又乾又鞋又薄，下次想食燒牛舌要去幫襯正宗日本串燒店喇。

啲食物醜都唔想影 晚市叫左二人餐set 叫咗兩個咖喱🍛飯一個吉列豬扒咖喱飯一個係雞咖喱飯 個set包三個小食叫咗魚餅 餃子 唐掦炸雞先講個魚餅先 咸到無朋友餃子完全係 未熟咁 完全似冇煎過咁 個炸雞完全 個汁醬同個雞唔成比例 啲醬鼻屎咁細粒 真係omg !!! 再講個咖喱飯個雞咖喱飯🍛啲雞 竟然係同唐掦炸雞係同一款嘢嚟 。。。。。。 個咖喱汁同超市廿幾蚊一磚無分別個+1服務費真係唔想俾 其實一啲服務都冇譚仔阿姐都好過佢哋 見到客人個杯冇水都唔加水係咩玩法 無料就唔好學人開餐廳啦 講真 俾啲咁嘅嘢人食 set啲價錢又高

4個人黎食午餐，叫左四種不同的中午set。有吉列豬扒咖喱飯，牛肉飯，豚肉拉麵，炸雞飯。仲有小食，叫咗餃子同埋雞軟骨。首先拉麵叫咗佢走筍，拉麵嚟到之後上面有三粒蔥，叫個侍應加少少蔥，佢話要加$5蚊！成碗野油淋淋，無味。入到喉嚨係有苦澀味！嗰啲餃子煎又知唔香，同白靸冇分別。啲肉質又老。到啲牛肉飯完全冇汁，牛肉又係無味😡叫個侍應嚟加茶，加到成碗食物，枱面都係水🤬🤬🤬不知所謂⋯⋯肯肯定定唔會再黎依間食野

呢一間肥妹仔喺荷里活商場見到已經有好耐歷史，不過好少食，今晚諗到食咩就一於試吓去。咖喱肥牛烏冬咖喱味幾香，烏冬煙煙韌韌，肥牛就大路貨色，冇咩特別，味道不錯。燒雞翼雞翼燒得幾香脆，落咗少少鹽吊味。好簡單，食佢本身味道。燒牛舌牛舌切得好薄，燒到微焦，落咗少少鹽簡單調味，幾好食。燒鯖魚定食有小菜，有湯，鯖魚燒得唔錯，份量好足夠。見到有其他食客試佢嘅拉麵,可能下次肥妹仔都會試吓!!呢一間拉麵店價錢唔貴，食物質素唔算好高，但唔差，經過如果想簡簡單單食晚飯都可以入去一試下。

******************************吉列豬排奄列咖喱飯🍛（$66）🍴 札幌拉麵 Miso No. 1 & 辛味屋🍴黃or藍就唔知道因為係未有社會運動之前食嗰陣同媽咪一齊去食感覺好幸福雖然食得唔算多，但起碼樣樣都有試係開心嘅～好懷念與媽咪一齊外食的時光已經又好耐不敢外食搵日要挑戰下先！咖喱飯係我好鍾意食嘅嘢尤其係有奄列/蛋包咖喱飯🍛呢嗰吉列豬排出面層漿都算薄肉質略嫌唔夠滑嫩蛋嘅半熟程度滿意ps.非專業評價XD🤣影得不完美但可以接受🤪#佛系隨心食評 ps.學習活在當下🧘‍♀️享受食物質素＞注重相片質素———————————————————地址：鑽石山龍蟠街3號荷李活廣場3樓325號店

Sapporo Ramen🍜 Miso No.1 × Karami Curry💛..今日搵朋友吃Lunch🍴去左平日好少到既鑽石山，每日煩惱食咩好❓見到一間親民拉麵店🍜，除左Ramen 之外，仲有飯類、小食都可以揀，選擇都幾多。.ll $77✨(拉麵) 豬軟骨拉麵 Pork Caetilage Ramen秘製味噌湯底：加入大量豬骨、昆布 & 洋蔥等熬製，配以彈牙粗麵🍜，爽口不油膩，而且大大碗。.✨(小食) 北海道南瓜炸薯餅Fried Pumpkin Croquette炸得香脆不油膩，🎃南瓜蓉口感綿滑，一款香口小食。.ll✨吉列豬扒奄列咖哩飯 $60Pork Cutlet Omelet Curry日式咖哩帶甘甜🍛，很好下飯。豬扒🐽份量多，又有滑蛋蓋米飯上，更滋味呢。.✨自家製餃子 (4隻) $32Fried Dumpling (Small)一款不過不失小食，但吃日本拉麵就是要必點的，哈哈哈 你懂的。..跟朋友快快吃過飯後，又要去下一個目的地了，生活真的充實得很🤣🤣🤣，忙碌人生。..×××××ש鑽石山龍蟠街3號荷里活廣場3樓325號舖..

今晚同朋友去左荷里活間uniqlo睇冬季衫🧥🧣, 順便係果邊食埋晚飯, 經過E間拉麵店見到個晚市2人餐好似幾抵食咁, 於是就入去試下! 餐廳未夠7點已經好多人食緊, 地方唔算十分大, 但環境整齊企理😊! 我地點左一個2人餐, 入面包左兩個主食🍛🍜同三個小食🥟!煎餃子🥟餃子皮煎到金黃色, 肉汁依然鎖住, 味道唔錯!炒魷魚鬚🐙炒魷魚鬚惹味得嚟, 口感彈牙燒雞軟骨/雞翼🐔（各2串）鹽燒雞軟骨好香口, 口感爽脆，雞翼外脆肉嫩，味道剛剛好, 唔會太鹹蓋過雞翼原有味道!雜錦拉麵🍜入面有蟹柳, 豬軟骨, 叉燒同雞蛋, 仲有好多粟米海帶等配料, 麵條爽口彈牙, 而且份量幾多!諗唔到叫邊款拉麵嘅朋友仔都可以試下!滑蛋豬扒飯🐖🍚滑蛋炒得剛剛好仲有少少蛋汁, 食落幾滑!豬扒外脆內軟, 炸粉唔厚, 加埋少少蛋汁黏係外皮上面, 令表皮香口得嚟又帶一點甜味!

尋日放假買左你地個特價外賣餐,一開始收銀姐姐話要等15分鐘左右我都可以接受,我最後係等左7-8個字度,我見男仔頭女侍應一直幫我追個餐但係我吾明點解燒塊雞扒要咁耐,我係屋企燒都吾洗咁耐呀？一直話廚房覆等多2分鐘最後我等左幾多個2分鐘又吾係真係兩分鐘比到我,吾知你地廚房點搞 不會再幫襯