札幌拉麵 Miso No.1 x 辛味屋

营业中

休息中

今晚去荷里活廣場睇戲，入場前都係醫下個肚先。行下行下見到札幌拉麵店外的餐牌都幾吸引，今晚ㄧ於食日本拉麵。我地取飛後20分鐘便可入座了，好彩不用等太耐，事關我們只有50分鐘食飯時間，都係快快㸃菜吧！我和朋友點了兩個晚餐自選套餐，套餐包括ㄧ款主食和ㄧ款小食，收$89都算公道。食物不用10分鐘便上檯，正!!朋友叫了豬肉拉麵和雞軟骨，拉麵湯底是豬骨湯加上味噌，甜甜地，配上爽口粗麵和比較瘦身豬肉片，都幾好食。雞軟骨燒得不會太乾身，灑上檸檬汁又可解油膩感，食多幾串都冇問題!我就加咗$8叫了海老拉麵和自家制餃子，拉麵湯底是特濃豚肉湯作基本，再加入大量櫻花蝦令湯底更濃郁。另配上豬肉和海老在幼麵上，甘甜味美。餃子餡料飽滿，不過味道偏淡。上菜速度快，趕時間再來食唔錯。

呢日放工要返父母家拎封信,拎完就喺附近商場食埋晚餐先走。然後我地去左食札幌拉麵 Miso No.1 x 辛味屋。                          佢呢度有set dinner,有好多唔同款式你揀~除左有一人餐, 仲有豐富嘅2人餐可以揀!而我地兩個人, 就叫左個$208自選二人套餐:吉列豬扒奄列咖哩飯(大),雜錦拉麵, 燒雞翼2串及燒雞軟骨2串,自家製餃子(大),炒魷魚鬚。 吉列豬扒奄列咖哩飯(大)都真係幾大碟!個咖哩係日式咖哩~偏甜的~ 但都幾香幾好食!個蛋望落有少少老左, 但食落都OK, 都滑。豬扒夠大塊, 外皮脆。雜錦拉麵本身煩緊食邊個拉麵好, 呢樣又想食, 嗰樣又想食。然後見到呢個雜錦拉麵!咩都有呀! 有蟹棒, 豬軟骨, 叉燒同溏心蛋。個湯底都幾香濃, 唔錯~炒魷魚鬚好彈牙, 好香~好味!自家製餃子(大)賣相就普通D,但食落好食啵!個皮好薄,個餡味道都幾好!燒雞翼2串及燒雞軟骨2串雞翼已界開左, 好易食~個皮燒到好脆!雞軟骨都係好脆,吱埋檸檬汁一齊食,可以解膩, 好FRESH!總結, 喺呢度食晚餐都幾好,價$唔貴, 但有多多野食, 滿足感好大呀!岩晒我呢D樣樣野

呢間餐廳，平時都真係常滿㗎！芊嶠次次去親荷里活廣場，都會跑去呢間餐廳，話要入去食！今次都唔例外，自己跑咗入去，識講3位。不過今次我地就唔叫定食，一於食拉麵，冇咁 heavy 丫嘛！【白豚拉麵】呢款拉麵係新推㗎，以前都冇㗎！因為呢款拉麵嘅麵係幼麵，我好鐘意，因為偏軟㗎！而且佢個湯底係豬骨湯，都係我至愛！【螃蟹拉麵】有芊嶠同劻霖至愛嘅蟹棒，所以佢地必叫。我就叫咗拉麵午餐，$69 有拉麵 + 小食一款，但某些拉麵，如螃蟹拉麵，都要加$5。呢款拉麵就偏粗，我就唔太識欣賞，但芊嶠同劻霖就一於冇理，食食食。【串燒雞軟骨】媽媽至愛，跟餐小食必食，另外仲有多款小食揀選。總結：兩大一小食兩碗拉麵，仲有個小食，其實都已經好飽㗎啦！如果大家想叫飲品，跟餐都可以加錢叫冷熱飲㗎！

今日同仔仔行完街，仔仔突然话想食拉面，所以我们又一次光顾札幌拉面，呢次已经是呢个月第二次了，入到去我地马上点了两碗招牌牛油拉面，块牛油配埋个汤底非常浓郁yummy yummy，仲有大大块叉烧，粟米、海带等好足料

呢間餐廳開左幾年，我都幫襯左好多次。之前中意食呢到個滑蛋雞肉飯，有味噌湯、薯仔沙律。不過依家就中意食呢到的拉麵套餐，款式選擇多，而且配一個小食。d湯底好濃的豬骨味

去買外賣，無坐低食，無用貴店service，收外賣盒錢我明，但我唔明點解要俾加一服務費落單嘅時候收銀女士無講明要收加一服務費，餐牌亦無標明，再詳細睇餐牌同店舖周圍，亦都無任何標示，佢解釋係公司policy，同埋同事都要包裝，所以要收加一服務費。收銀女態度極品另一位男同事再解釋，態度好，亦願意退返已收取嘅服務費如果咁都要收加一服務費，我真係俾得唔服氣！但公司係咪都要清楚例明無論堂食定外賣都需收取加一服務費，無謂要前線員工解釋又解釋，客人亦有權選擇買定唔買

今日帶媽媽去食拉麵！媽媽期待左好耐去呢間拉麵店度，因為每次食晏時間都見有好多人排隊，而且地點又方便，位於鑽石山，難怪咁多人黎食👅媽媽點左個海鮮拉麵，超足料！上面有d唔同既小海鮮🦞，而且湯底都好濃郁👅媽媽最中意入面有少少菜絲，口感會好豐富！我就點左個咖哩豬扒飯，味道都相當穩陣！食到甜咖哩既香味，怕辣既人食呢個一定handle到🤤🤤🤤店主好佛心，炸豬扒大大塊，好似唔洗錢咁🥺最後都食唔哂😅

睇完戲已經八點幾九點，喺呢個商場搵嘢食，見到門口餐牌都幾吸引，有拉麵套餐，也有二人餐。店內環境都算闊落，有卡位，也有靠牆梳化位。點咗個晚市套餐，招牌牛油拉麵配煎餃子，另外一個燒鯖魚定食。個拉麵上枱時，塊牛油仲未溶，湯底濃香，有一塊日式叉燒，加一些昆布、粟米同筍，麵質爽口唔會太淋。個餃子都煎得好香口，可以沾一些醋吃，如果熱些會更好。燒鯖魚是即時製作，等咗大概十多分鐘便上菜，熱辣辣好大條，沾一些醬汁吃會更美味，配一碗白飯，都幾大碗，還有一個麵豉湯及薯蓉沙律，正常發揮，不錯。整體來說性價比算不錯。

好耐冇去食拉麵今次去咗呢間位於鑽石山嘅拉麵餐廳，平時出去都見到出邊嘅拉麵賣得好貴成百幾蚊一碗，都唔明點解一個拉麵要買咁貴，我就覺得食平民化嘅會好啲！我地點左牛肉拉麵，湯底非常清甜而且非常香濃，但係又唔油膩。另外重點左個鰻魚飯，鰻魚都幾大條而且非常抵食！呢兩個都有套餐我哋都加咗啲小食例如天婦羅豆腐炸雞等等高級鍾意佢個牛肉拉麵、因為牛肉非常之嫩，而且大大塊入邊總會有粟米，海帶，湯底用咗豬骨湯所以，而且份量好多唔會食兩啖就唔夠。炸雞油而不腻，而且好大件，內裏有肉汁配買咗蕃茄仔同埋旁邊嘅一啲生菜。天婦羅配上沙律菜都係我好鍾意嘅，天婦羅炸得香脆，亦都非常新鮮。叫咗啲果汁配上上面香口煎炸嘅食物同埋非常濃郁嘅拉麵。

#小秘書 自從N年前喺 #北海道 食過一碗 #牛油拉麵 🍜 估唔到喺屋企附近再一次重逢。辛味屋 Karami Curry 喺呢個商場都開咗一段時間，但係就一直無機會幫襯🤪 琴日陪屋企人玩咗大半日，骨頭都散😅 可能太虛耗，#小秘書 就由星期六凌晨開始進入冬眠狀態... 直至星期日中午🤣每日可以 #自然醒 一向係 #小秘書 嘅畢生志願❤️ 梳洗過後再收拾好游水用品，出門口嘅時候已經接近下晝三點🤪 仲以為咁晏就只有 #下午茶餐 ☕️ 斷估唔到 #辛味屋 都幾識幾走位，要午餐嘅有 #午餐、 要 #小食 嘅亦都有供應👍🏻 等了大概五分鐘就有位喇👀 真係冇諗過星期日會咁多人出嚟陪我食個late lunch🤣 情有獨鐘... 我叫咗碗 #牛油拉麵 🍜 + #迷你燒肉飯（強迫性套餐嚟㗎）。我都開始懷疑日本人都係有兩個胃🧐 唔係又點會要個客食完碗拉麵、又要人哋食飯㗎🤣🤣 不過唔好講笑，碗 #燒肉飯 又真係幾好味😋 燒肉汁甜甜地，配埋少少半肥瘦肉鋪喺飯面，我實在太肚餓，好快就K.O咗佢😆 反而我就覺得碗 #牛油拉麵 麻麻👀 湯底對我嚟講亦左都偏咸，叉燒一落湯就散哂，無口感🥺最奇怪嘅係侍應無啦啦搵咗位大叔嚟搭

-事關同朋友打完波，就去咗鑽石山荷里活廣場搵嘢食， 行過見到呢間食日本嘢，有啲散叫一人餐又或者有二人餐。咁好啦，入去試下啦。其實食物方便呢，唔可以話太好，又唔可以話唔好..........一句不過不失啦。今次食$208自選2人套餐，可以揀兩個主餐三個小食。 主餐方面：鰻魚飯（+$10） + 什錦拉麵（$15）。小食方面：自家製餃子 + 燒魚餅 + 牛油炒草菇。本身呢...個環境呢係ok。坐位方面亦都相當多嘅座位。但係真係唔知點解我哋兩個人加埋拎住咁多嘢，侍應生都要畀細細張嘅兩人枱，又唔會主動畀張卡位我哋。 即係咁，如果真係好多人 or 多人係出面等位咁，我都唔介意坐迫啲。但唔知點解現場得嗰幾枱客，咁多吉位又唔會話主動畀啲鬆動嘅位置我哋。 搞到我哋食得迫迫夾夾。__________地址：鑽石山荷里活廣場3樓325號舖

今天來到鑽石山荷里活廣場，三個人各有各想吃的，所以就選了《札幌拉麵x辛味屋》貪佢有多款日式定食及拉麵烏冬可選，我今天就選了吉列豬扒奄列咖喱飯，其中一個朋友選了燒豬肉蓋飯，另一個就選了赤豚拉麵，我的吉列豬扒奄列咖喱飯就非常滿意，咖哩甜而且夠味，吉列豬扒還好脆，之於我朋友的燒豬肉蓋飯味道他就是不錯，但是另一個朋友的赤豚拉麵，他就說煮得耐了，但埋單才250多元不貴。

中午洗完牙順便經過鑽石山荷李活廣場帶埋仔仔咁遠水路過嚟梗係要搵啲嘢食撞啱下午茶時間，又見入面好多人食就即管入去試試。雖然入面多人，但係唔駛等位Very lucky🍀🍀🍀一坐低，店內裝修好家庭日式服務員好快就遞上餐牌一望底下，下午茶抵食到爆我最後點咗個招牌牛油拉麵同埋一杯凍咖啡拉麵超快就到，五分鐘左右見到佢嘅湯好濃郁，撲鼻嘅香味完全引起我嘅食慾好香嘅白麵豉味，再加一塊牛油但係牛油比我預期中細一啖夾落口，麵質爽口加少少彈牙有種小時候係百貨公司食拉麵嘅感覺唔知大家明唔明白呢種係咩感覺嗰啲拉麵嘅質地，並唔係依家拉麵店嗰種有返童年回憶返咗嚟嘅感覺白麵豉湯底並冇令我感到失望因為入口嘅味道同眼見嘅顏色一樣濃郁而且湯底夠濃味但係唔會太鹹不過牛油就真係細快咗少少如果牛油味再誇張啲會更好牛油味比白麵豉湯底蓋過咗最後凍咖啡，不過不失，好基本嘅味道。

要談日本拉麵，從南到北，極細麵到極太麵 ，豚骨湯底到味噌湯底， 款式種類在日本國土裏大放異彩，多不勝數，目不暇給。（札幌No.1x 辛味屋）提供味噌湯底，配合日本直送太麵（曲麵），讓人仿如身在冰冷的札幌街頭捧著一碗熱呼呼的湯拉麵，暖上心頭。海鮮雜錦拉麵，味噌湯底濃稠度頗高，使拉麵條掛滿味噌香氣。燒鯖魚跟餐加$58，魚皮表面燒得有點過火，幸好魚肉鮮嫩，配上新鮮檸檬汁中和油膩感。燒牛脷，薄切牛脷底面都燒得甘香惹味。鹽燒雞翼

呢間野真係長期都多人等, 可能價錢較經濟吧。叫左個雞扒CURRY飯+ 炸蠔CURRY都係正常果D 日式CURRY 汁, 入面仲有埋好多牛肉同洋蔥果D, 味道正常。塊雞扒都幾大塊, 可惜無調味LAW.... 麻麻。炸蠔+ 2X 蚊就有, 有3舊, 無食, 唔清楚得唔得。