札幌拉麵 Miso No.1 x 辛味屋

营业中

休息中

突然諗起鑽石山荷里活停車場有得免費3個鐘泊車，吸引左我地去開餐朋友話唔想食中菜，行經3樓見到呢間日本野d set都幾抵就入去試一試卡位舒服朋友叫左漢堡奄列咖喱飯奄列做到半熟一戒開有蛋汁流出我冇試食 朋友就咖哩好香我就食燒牛肉蓋飯配沙律汁粟米同麵豉湯個牛肉燒得幾香，配埋牛肉汁好好味跟餐叫左個自家製餃子🥟比平時日本野食到嘅餃子大隻多鹹好多，我係餃子控，點醋食好好味仲試左好多小食燒魷魚筒，唔會燒到乾憎憎，加啲檸檬汁好夾燒牛舌味道唔錯，好貪心如果厚切就好了炸豆腐熱辣辣外脆內軟食咁多野 質素唔錯埋單都唔洗$400，我一定會再encore！

今日同同事去鑽石山搵食，見到餐廳午餐都多選擇又有位就入咗去。餐廳座位有少少迫，檯面位置唔算大，同隔離枱距離比較近。蒲燒鰻魚定食($78)。飯量好夠，不過沙律就係粟米加半粒車厘茄就有啲hea。味噌湯不過不失。鰻魚肉都算多，面頭仲有啲青胡椒粉調味，不過愈食愈咸， 有啲椰菜絲送下都救唔到。網燒雪花牛扒定食($108)。同事一咬落去啲牛就話好韌，一啲都唔「雪花」，唔值108蚊。然後我地異口同聲都話同一商場嘅抹茶館好坐好多又好食好多。

間中黎到鑽石山行街，早排開左好多新餐廳，咁多間黎講，都幾鍾意札幌拉麵 Miso No.1 x 辛味屋，選擇夠多。 滑蛋豬扒飯 豬扒普通，幾厚粉，滑蛋唔算多，唔夠撈飯。薯蓉幾軟滑，呢個算係最突出。 咖哩雞扒蛋包飯 典型日式咖哩，偏甜帶微辣，仲有薯仔紅蘿蔔粒。雞扒炸得幾香口，送飯唔錯。滑蛋整得不錯，夠滑夠腍，中間包住白飯，賣相算唔錯。 價錢唔貴，中午時段仲有午餐，味道都可以嘅。所以假期黎到越來越人要排隊了。

日式煎餃子賣相一般，味道一般，餃子好熱，但皮完全唔脆。普通拉麵同個名一樣，夠哂普通，可能最近豬肉好貴，叉燒得一塊，仲要好薄，最慘係難食，湯底唔係用豬骨湯，而係用麵豉湯，本人認為有d唔match 同有d cheap。叉燒炒飯三樣野黎講呢個叫做最好食，但唔係好食，佢用既叉燒係同拉麵用既係同一隻，其實食落係似瘦肉炒飯。同屋企是但炒個飯係同一個味。ps: 食食下既時候有兩隻小曱甴係個sofa度走出黎陪我地食飯，我舉手搵店員，佢2話不說拎張紙巾執走左佢，但完全冇同我地say sorry或者任何補償措施都冇。真係好嬲！😤😡🔥

今次同上次一樣都係因為去開荷里活廣場睇戲所以喺度食埋晚餐，咁就啱啱好夠消費金額免停車場泊車費。.繼上次食完呢間，埋單嗰陣見到個二人套餐好抵，所以今次特登食返呢一間。.👉🏻二人套餐包括兩個飯或者麵，三個小食。我哋分別叫咗鰻魚飯、燒肉飯、芝士年糕、餃子、炸雞...突然間好想食牛肉飯，就叫咗呢個黎試，一黎到望佢個樣覺得好似都OK，應該都唔會太差冇味，食落去就覺得啲燒汁係好味既，但係啲牛肉係我食過咁多牛肉以黎最「鞋」既一個飯，失望！..呢個鰻魚飯係需要套餐另外加$10，雖然呢個水準都係一般般，鰻魚好淋，但係總好過燒肉飯。..套餐小食唔包呢個糖心蛋，係我另外加12蚊叫既，一邊又係一啲都冇糖心已經熟晒咁滯！..餃子係最令人失望，佢完全係好似用蒸既而不是煎，就算佢個底有輕微金黃色都好佢都係一啲都唔脆，十分失望！..反而最好最出色嘅就係呢個芝士年糕，佢入邊嗰啲芝士係好足，炸又炸得啱啱好，同元氣嘅有得揮！今次之後應該都唔會再黎依到食

荷里活有唔少食肆，喺水牌睇到呢間crossover咗兩個名咁得意，決定嚟食午餐午市套餐有好多選擇，總會揀到啱食。今次我哋其中一人唔係太肚餓，三個人叫咗兩個套餐已經好夠$69午市自選套餐+$5揀豬軟骨拉麵，因為係三個人分，想要多啲澱粉質，所以小食要埋豬軟骨飯。飯粒係珍珠米，煙韌得嚟有飯香，話就話小食，飯量一啲都唔少。豬軟骨嘅肉煮到稔曬而軟骨仲保持爽脆，兩者比例分佈平均。拉麵就煮得洽到好處，彈牙得嚟唔會太硬，配菜又落足料。可惜札榥味噌湯底略咸，只有輕微嘅味噌味，可取之處係唔油，令成碗麵食落清爽炸雞咖哩烏冬$62，跟餐有沙律同麵豉湯。炸雞用咗粗粒炸粉，薄薄一層包住雞肉，感覺唔會油膩，但咬落去只有微熱，應該唔係即炸，外層亦唔夠鬆脆。雞肉肉質嫩滑，可惜無咩肉汁，好彩配上蛋黃沙律醬令整體更加惹味。咖哩湯底調得幾好，裡面嘅紅蘿蔔、薯仔、洋蔥同肉粒都煮到好稔好入味，讚歧烏冬煙韌有𡁻口，唔錯沙律中規中矩冇咩特別麵豉湯裡面嘅海帶厚身，食落爽滑，比坊間飲到嘅重豆味，仲冇咁重味精添呢度嘅食物質素不過不失，勝在價錢大眾化，而且選擇都唔少，已經會再嚟試咖哩奄列飯

放工食lunch 又唔想旭 就去附近嘅辛味屋食午餐我哋两人三點鐘左右入座 唔洗等座 但店內都好多人用餐呢度嘅午餐真係好平 有咖喱飯，拉麵，烏冬，蓋飯，定食等選擇 基本$30-$50左右一個餐 非常抵食廣島炸蠔咖喱飯友人好中意食吉烈炸蠔 所以點左個廣島炸蠔咖喱飯 連麵豉湯都只係$48 飯嘅份量好大 配上三隻size幾大嘅吉烈蠔 熱辣辣得嚟又爆汁 味道不錯滑蛋豬扒蓋飯 ($48)用飯盒裝住 一撳起蓋 就見到好多滑蛋同吉烈豬扒 又脆 蛋撈埋飯 好滑好juicy 一個人食唔晒唔洗$50就有個套餐 而且份量同味道都唔錯 服務態度良好 得閒會再嚟lunch

之前午餐排人龍，今次特意早來，果然早來好好，一到即入去啦午餐有辛味屋以及扎幌拉麵既menu 可以選擇，都好多選擇，有拉面、定食、小食、咖哩類，結果我選了咖哩牛肉烏冬，看看menu 價錢，午餐既價格好抵呀咖哩湯好好味，味道豐富，烏冬好入味，入口軟硬程度適中，煙煙刃刃，口感十足，牛肉份量算多呀，肥牛類，有牛味，滲入咖哩汁，正仲有味噌湯，好濃郁既味噌，好飲作為午餐，真係好飽好滿足，選擇不錯，而且價錢不錯，下次黎開都可以encore

1️⃣吉列豬扒奄列咖哩飯價錢：$68本身係套餐所以包前菜同麵豉湯呢個蛋包飯勁香蛋味🤤🤤🤤配埋香濃既咖哩汁一齊食，勁滋味😍😍😍加上又香又脆吉列豬扒，必食呀👍🏻👍🏻👍🏻鐘意食咖哩既朋友仔記得去試😋2️⃣鰻魚蓋飯價錢：$72本身鰻魚飯係出面食都係好貴但呢度價錢比較實惠，所以就試下🤤鰻魚都幾大條！而且配上好香既燒汁係上面，又甜又咸好岩送飯！鰻魚食落都好香好滑，正呀😍😍😍

我一生人從來未食過一碗咁難食既拉麵應該都唔可以叫佢做拉麵先試一啖湯 好似清水加左兩粒鹽再食啖麵 岩岩碌完麵既味 同個所謂湯既味完全分開好似食緊個白洽拉麵咁 想嘔隻蛋又切到又爛蓉蓉 仲要熟到蛋黃都差啲跌出泥依間野唔執立 我仲以為係洗黑錢🤬

工作日人唔多，我揀嘅係午市C餐，份量足，仲有餃子，飽肚係冇問題㗎😄味道唔咸好啱我，但食完成碗就覺得冇乜特別，普通味道囉🤷🏻‍♀️不過服務態度幾好，俾個like👍🏼

服務態度極差，牛肉咬唔開。食到一半叫人轉位，我仲有個大背包，我地兩人都係坐佢兩個位，佢為左要我地兩人枱做4人枱叫我地轉，問都無問過我地，侍應好無禮貌。跟住拎張椅放袋，又話我阻住條路，當初又係佢垛迫我轉枱話有位放野。野食：牛肉極韌，吉列豬無味，滑蛋好油，唔知食緊咩。除左平平地諗唔到有咩好。呢度係荷里活廣場，我好似去左大排檔，個個侍應無服務可言，用餐體驗好差。一個星期日既午餐浪費了。Black list

放工搵朋友食飯 一行4人 一去到即有位女孩子諗食咩總係要耐D既 所以我地討論叫咩都花咗5-10分鐘😅最後我同另一位朋友叫咗個$208二人套餐2個主食+3個小食主食1 - 吉列豬扒奄列咖哩飯（大）+$15個人本身唔中意食辣既咖哩飯所以叫之前諗咗好耐 但又想食吉列豬扒好彩咖哩唔辣 配飯幾好 幾岩我口味吉列豬扒黎到都仲係脆 呢點加分主食2 - 雜錦拉麵 +$10朋友每樣都想試下 所以我建議佢叫個雜錦咩都有😂 評語 : 個豬軟骨都幾脆 湯底普通 麵質地ok 小食1 - 自家製餃子（大）本來以為日式餃子係細細粒個種 點知原來都有份量 食落餃子皮唔會好厚 啖啖肉😋小食2 - 北海道南瓜炸薯餅炸得好夠脆 外脆內軟 炸粉唔會厚 👍🏻小食3 - 炒魷魚鬚味道適中 我好欣賞個醬料 唔會炒到魷魚鬚太鹹同行另外兩個友人 一個叫左$89 晚市自選套餐1主食+1小食 主食 - 白豚拉麵 +$5朋友覺得普通 湯底味道一般小食 - 芝士年糕最後 再單叫一個$62蓋飯晚市套餐 套餐配沙律同例湯主食 - 鰻魚蓋飯 +$10總括黎講 餐廳環境舒適好坐食物味道不過不失 價錢同份量都成正比 好抵食👍🏻特別$208自選二

又想食拉麵又想食定食又想食咖哩,,尼度一定係一個好地方因為尼度係荷里活商場既札幌拉麵x辛味屋,,想食咩一定都食到,,佢仲有好多一同二人套餐選擇,,想食咩就combo叫哂係絕對冇問題,,當然佢地唔會係非常好食,不過都算係有standard唔會太差的~~晚市combo大概80-100蚊間就會有一主食同一小食幾好架~試左佢地既札幌拉麵,,係幼身既麵條,,湯底都濃郁既不過就有dddd油啦炸雞定食既炸雞都算係幾大份架而且幾款小食都幾好味,,不錯不錯,,個豆腐比想像中大份同加上個sauce都幾好味,之後個燒魷魚筒亦都幾惹味derrrr👅💦

為左睇Avengers，而去荷里活廣場，一來有得泊車，二來又可以食埋午餐依個係個午餐優惠，一個麵加一個小食$69.黑個個係黑豚拉麵（+5），叫左小食鰻魚飯👇🏻，=$74另一個麵係白豚拉麵（+5），偏咸，仲有我最愛既糖心，係為左糖心蛋先叫依個，蛋竟然一上到就已經係爛，蛋仲要熟左啲，一啲都唔流心😭另外，小食我加左餃子，冇乜特別，不是特別香口。到我比錢個陣，見到侍應比麵其他人個陣，我都見到係熟😂但係見到餐牌晚市$268都有啲心郁去試下